ද්වේෂ සහගත හැසිරීම

ප්‍රතිපත්ති විස්තර
පරිශීලක අත්දැකීම්
දත්ත

ප්‍රතිපත්ති තොරතුරු

වෙනස් කරන ලොගය
ප්‍රතිපත්ති තාර්කිකත්වය
තමා කවුරුන් ද යන පදනම මත පහර ගැසීමක් සිදු වන බව නොදැනෙන විට ජනතාව තම හඬ භාවිත කරන බවත්, වඩාත් නිදහසේ සම්බන්ධ වන බවත් අපි විශ්වාස කරමු. Facebook, Instagram හෝ Threads තුළ ද්වේෂ සහගත හැසිරීම්වලට අපි ඉඩ නොදෙන්නේ එබැවිනි.
ජාතිය, ජනවාර්ගිකත්වය, ජාතික සම්භවය, දුබලතා, ආගමික සම්බන්ධය, කුලය, ලිංගික නැඹුරුව, ස්ත්‍රී පුරුෂ භාවය, ලිංගික අනන්‍යතාවය සහ බරපතළ රෝග යන නීතියෙන් ආරක්‍ෂිත ලක්‍ෂණ ((protected characteristics (PCs)) ලෙස හඳුන්වන කරුණු මත පදනම්ව, සංකල්ප හෝ ආයතනවලට වඩා පුද්ගලයන්ට කරන ඍජු පහර ගැසීම් ලෙස අපි ද්වේෂ සහගත හැසිරීම අර්ථ දක්වමු. ඊට අමතරව, තවත් නීතියෙන් ආරක්ෂිත ලක්ෂණයක් සමග එක්ව දක්වා ඇති විට අපි වයස ආරක්ෂිත ලක්‍ෂණයක් ලෙස සලකමු. සංක්‍රමණික ප්‍රතිපත්ති පිළිබඳ විවරණය සහ විවේචනය සඳහා අප ඉඩ දුන්න ද, සරණාගතයන්, සංක්‍රමණිකයන්, ආගාමිකයන් සහ වඩාත් දරුණු ප්‍රහාරවලින් (පහත ස්ථර 1) ආරක්ෂාව සොයා යන්නන් ද අපි ආරක්ෂා කරමු. එසේ ම, නීතියෙන් ආරක්ෂිත ලක්ෂණයක් සමග එක්ව දක්වා ඇති විට රැකියාව වැනි ආරක්ෂිත නොවන ලක්‍ෂණ සඳහා අපි යම් ආරක්ෂාවක් සපයමු. ඇතැම් අවස්ථාවල දී, දේශීය වහරේ වෙනස්කම් මත පදනම්ව, ඇතැම් වදන් හෝ වැකිකඩ ආරක්ෂිත ලක්ෂණ සඳහා නිතර භාවිත වන ප්‍රතියුක්තීන් ලෙස අපි සලකන්නෙමු.
අපි අමානුෂික කතා, බරපතළ දුරාචාර හෝ අපරාධ පිළිබඳ චෝදනා සහ අපහාසය ඉවත් කරන්නෙමු. එමෙන්ම, නිශ්චිත සමූහ වෙත පහර ගැසීමට, ඔවුන් තර්ජනයෙන් බිය ගැන්වීමට හෝ බැහැර කිරීමට ඓතිහාසිකව භාවිත කර ඇති, මනුෂ්‍ය නොවන දෑ හා සංසන්දනය කිරීමක් ලෙස අප හඳුන්වන සහ බොහෝ විට විජාලස්ථ ප්‍රචණ්ඩත්වය සමග සම්බන්ධ වන හානිකර ඒකීකෘතීන් ද අපි ඉවත් කරමු. අවසාන වශයෙන්, පුද්ගලයන්ට බරපතළ ලෙස අපහාස කිරීමේ, අවමානය කිරීමේ හෝ හෙළා දැකීමේ, පිළිකුල් කිරීමේ ප්‍රකාශනයන් සහ බැහැර කිරීම හෝ වෙන් කිරීම සඳහා වන ඉල්ලීම් පුද්ගලයන්ගේ ආරක්ෂිත ලක්ෂණ මත පදනම්ව ඔවුන් ඉලක්ක කරන විට අපි ඒවා ඉවත් කරන්නෙමු. අපි මෙම කථාව පහත විස්තර කර ඇති බරපතළකමේ මට්ටම් දෙකකට වෙන් කරන්නෙමු.
ඇතැම් අවස්ථාවල දී පුද්ගලයන් වෙනත් යම් කෙනෙකුගේ කථාවක් හෝ අපවාද ඇතුළත් අන්තර්ගතයන් බෙදා ගන්නේ අදාළ කථාව හෙළා දැකීමට හෝ ඒ පිළිබඳව පැමිණිලි කිරීමට බව අපි හඳුනා ගනිමු. වෙනත් අවස්ථාවල දී අපගේ ප්‍රමිතීන් උල්ලංඝනය කළ හැකි පරිභවාත්මක වදන් ඇතුළු කථනය ස්වයං සඳහනක් ලෙස හෝ සවිබල ගැන්වීමේ ආකාරයකින් භාවිත කරනු ලැබේ. කථිකයාගේ අභිප්‍රාය පැහැදිළි වන අවස්ථාවක මෙම ආකාරයේ කථාවන්ට අපි ඉඩ දෙමු. අභිප්‍රාය අපැහැදිලි නම්, අප විසින් අන්තර්ගතය ඉවත් කරනු ලැබීමට ඉඩ ඇත.
නානකාමර, නිශ්චිත පාසල්, නිශ්චිත හමුදා, නීතිය බලාත්මක කිරීම හෝ ඉගැන්වීමේ භූමිකාවන් සහ සෞඛ්‍ය හෝ සහායක කණ්ඩායම් වෙත ප්‍රවේශය වැනි ස්ත්‍රී පුරුෂ භාවය හෝ ලිංගික අනන්‍යතාවයට අනන්‍ය වූ අවකාශයන් වෙත ප්‍රවේශය පිළිබඳව සාකච්ඡා කරන විට මිනිසුන් ඇතැම් විට ස්ත්‍රී පුරුෂභාවයට හෝ ලිංගික අනන්‍යතාවයට අනන්‍ය වූ භාෂාවක් භාවිත කරයි. වෙනත් අවස්ථාවල දී, සංක්‍රාන්ති ලිංගික අයිතිවාසිකම්, සංක්‍රමණ හෝ සමලිංගිකත්වය වැනි දේශපාලන හෝ ආගමික මාතෘකා සාකච්ඡා කිරීමේ දී ඔවුන් බැහැර කිරීමක් ඉල්ලා සිටිනු හෝ පරිභවාත්මක භාෂාවක් භාවිත කරනු දැකිය හැකි ය. අවසාන වශයෙන්, සමහර විට මිනිසුන් ප්‍රේම සම්බන්ධයක් බිඳී යාමේ සන්දර්භය තුළ යම් ලිංගික අනන්‍යතාවයකට ශාප කරයි. අපගේ ප්‍රතිපත්ති සැලසුම් කර ඇත්තේ මෙවැනි කතා සඳහා ඉඩ ලබා දීම සඳහා ය.
පහත සඳහන් දේවල් පළ කිරීමෙන් වළකින්න:
1 වැනි ස්තරය
පහත ඒවා සහිතව, ඉහත සඳහන් කළ නීතියෙන් ආරක්ෂිත ලක‍්ෂණ(ලක‍්ෂණය) හෝ සංක්‍රමණික තත්ත්වය මත පදනම්ව, ලිඛිත හෝ දෘශ්‍ය මාධ්‍යයකින් පුද්ගලයකු හෝ පුද්ගලයන් කණ්ඩායමක් (ප්‍රචණ්ඩකාරී හෝ ලිංගික අපරාධ සිදු කර ඇති බව විස්තර කර ඇති හෝ සමූහයෙන් අර්ධයකට වඩා අඩු නියෝජනයක් කරන ආරක්ෂිත නොවන කණ්ඩායම් හැර) ඉලක්ක කරන අන්තර්ගතය:
  • පහත ආකාරයේ ඇතුළුව සතුන්, රෝගකාරක බීජ හෝ මිනිසාට වඩා පහත් වෙනත් ජීව වර්ග සමග සැසඳීමේ හෝ සාමාන්‍යකරණය කිරීමේ ස්වරූපයෙන් අමානුෂික ලෙස කතා කිරීම:
    • කෘමීන් (කැරපොත්තන්, පළඟැටියන් ඇතුළු නමුත් ඔවුන්ට සීමා නොවූ:)
    • පොදුවේ සතුන් හෝ සංස්කෘතිකව පහත් යැයි සලකනු ලබන විශේෂිත සතුන් වර්ග (පහත ඒවා ඇතුළු නමුත් ඒවාට සීමා නොවූ: කළු ජාතිකයන් සහ වානරයන් හෝ වානරයන් වැනි ජීවීන්; යුදෙව් ජාතිකයන් සහ මීයන්; මුස්ලිම් ජාතිකයන් සහ ඌරන්; මෙක්සිකානු ජාතිකයන් සහ පණුවන්)
    • බැක්ටීරියා, වෛරස් හෝ ක්ෂුද්‍ර ජීවීන්
    • මිනිසාට වඩා පහත් ජීවීන් (ම්ලේච්ඡයන්, යක්ෂයන්, රාක්ෂයන් ඇතුළුව නමුත් ඒවාට පමණක් සීමා නොවූ)
  • බරපතළ දුරාචාරය හා අපරාධ පිළිබඳ චෝදනා:
    • ලිංගික විලෝපිකයන් සහ ළමා ලිංගික අපචාරකයින් (ඇතුළු නමුත් ඒවාට සීමා නොවූ: මුස්ලිම් ජාතිකයන් එළුවන් හෝ ඌරන් සමග ලිංගිකව හැසිරීම)
    • ප්‍රචණ්ඩ අපරාධකරුවන් (ත්‍රස්තවාදීන්, මිනීමරුවන් ඇතුළුව නමුත් ඒවාට සීමා නොවූ)
  • පහත සඳහන් හානි සඳහා වන ඉල්ලීම් සහ බලාපොරොත්තු (බරපතළ හෝ විශේෂිත තර්ජන සහ ප්‍රචණ්ඩත්වය සඳහා වන ඉල්ලීම් සම්බන්ධයෙන් අපගේ ප්‍රචණ්ඩත්වය සහ උසිගැන්වීම් ප්‍රතිපත්තිය යටතේ කටයුතු කරනු ලැබේ):
    • රෝගයක් වැළඳීම
    • ස්වාභාවික විපතක් අත්විඳීම
    • තමාට ම අනතුරු කර ගැනීම හෝ සියදිවි නසා ගැනීම
    • ඝාතකයකු හෝ ක්‍රමයක් නොමැතිව මරණය
    • ඝාතකයකු නොමැතිව හෝ දේව ආත්මයක් විසින් සිදු කරන අනතුරු හෝ වෙනත් ශාරීරික පීඩාවන්
  • Blackface වැනි බිය ගැන්වීම් හෝ ප්‍රචණ්ඩත්වය වෙත ඓතිහාසිකව සම්බන්ධ වූ හානිකර ඒකාකෘති; සමූලඝාතන ප්‍රතික්ෂේප කිරීම; යුදෙව් ජාතිකයන් මූල්‍ය, දේශපාලන හෝ මාධ්‍ය ආයතන පාලනය කරන බවට වූ ප්‍රකාශ; දලිත්වරුන් පහත් කම්කරුවන් ලෙස දැක්වීම සහ කළු ජාතිකයන් ගොවි උපකරණ සමග සංසන්දනය කිරීම.
  • රූපයක සැබෑ පුද්ගලයකු නිරූපණය කර නොතිබුණ ද, ද්වේෂ සහගත අපරාධවලට අදාළ සංකල්පය, ඊට අදාළ සිදුවීම් හෝ එයට ගොදුරු වූවන් සමච්චලයට ලක් කිරීම.
  • රෝගයක් තිබීම හෝ අත්විඳීම ගැන මිනිසුන්ට සමච්චල් කිරීම.
  • අපහාසය සහිත පුද්ගලයන් විස්තර කරන හෝ සෘණාත්මකව ඉලක්ක කරන අන්තර්ගතය. බොහෝ විට මෙම අපහාස වචන ඓතිහාසිකව වෙනස් කොට සැලකීම, පීඩනය සහ ප්‍රචණ්ඩත්වය සමඟ බැඳී ඇති නිසා, බොහෝ විට, ආරක්ෂිත ගුණාංගයක් මත පුද්ගලයන්ට එරෙහිව බැහැර කිරීමේ සහ බිය ගැන්වීමේ වාතාවරණයක් නෛසර්ගිකව නිර්මාණය කරන වචන ලෙස අර්ථ දැක්වේ.
2 වැනි ස්තරය
නීතියෙන් ආරක්ෂිත ලක‍්ෂණ (ලක‍්ෂණයක්) මත පදනම්ව පුද්ගලයකු හෝ පුද්ගලයන් කණ්ඩායමක් ඉලක්ක කරන පහත ආකාරයේ අන්තර්ගතයන් (ලිඛිත හෝ දෘශ්‍ය ආකාරයෙන්):
  • බැහැර කිරීම හෝ වෙන් කිරීම සඳහා වන ඉල්ලීම් හෝ සහාය හෝ බැහැර කිරීමට හෝ වෙන් කිරීමට අදහස් කරන ප්‍රකාශ, මෙසේ අර්ථ දක්වා ඇත:
    • සාමාන්‍ය බැහැර කිරීම, එනම් “X හට අවසර නැත!” වැනි සාමාන්‍ය බැහැර කිරීම හෝ වෙන් කිරීම සඳහා වන ඉල්ලීම්
    • දේශපාලන බැහැර කිරීම, එනම් දේශපාලන සහභාගීත්වය සඳහා ඇති අයිතිය ප්‍රතික්ෂේප කිරීම හෝ සිරගත කිරීම හෝ දේශපාලන අයිතිවාසිකම් ප්‍රතික්ෂේප කිරීම සඳහා කරුණු ගෙනහැර දැක්වීම.
    • ආර්ථිකමය බැහැර කිරීම, එනම් ආර්ථික හිමිකම් වෙත ප්‍රවේශය ලබා දීම ප්‍රතික්‍ෂේප කිරීම සහ ශ්‍රම වෙළඳපොළ තුළ සහභාගීත්වය සීමා කිරීම. අපි හමුදාව, නීතිය බලාත්මක කිරීම සහ ඉගැන්වීමේ රැකියාවල ලිංගික අනන්‍යතාවය මත පදනම් වූ සීමාවන් සඳහා කරුණු ගෙනහැර දක්වන අන්තර්ගතයට ඉඩ දෙන්නෙමු. අන්තර්ගතය ආගමික විශ්වාසයන් මත පදනම් වූ විට, අපි ලිංගික නැඹුරුව මත පදනම්ව එම ආකාරයේ අන්තර්ගතයට ද ඉඩ දෙමු.
    • සමාජමය බැහැර කිරීම, එනම් වැසිකිළි, ක්‍රීඩා සහ ක්‍රීඩා ලීග, සෞඛ්‍ය සහ සහායක කණ්ඩායම් සහ නිශ්චිත පාසල් වැනි ස්ත්‍රී පුරුෂ භාවය හෝ ලිංගික අනන්‍යතාවය අනුව සාමාන්‍යයෙන් අනන්‍ය වූ අවකාශයන්ගෙන් (භෞතික සහ අන්තර්ජාලමය) ස්ත්‍රී පුරුෂ භාවය හෝ ලිංගික අනන්‍යතාවය මත පදනම් වූ බැහැර කිරීම් හැර, අවකාශයන් සහ සමාජ සේවා වෙත ප්‍රවේශය ප්‍රතික්ෂේප කිරීම වැනි දේවල්.
  • පහත සඳහන් දේ ඇතුළුව අපහාස කිරීම්:
    • බියගුලුකම, වංකකම, මූලික සාපරාධීත්වය සහ ලිංගික අනාචාරය හෝ වෙනත් ලිංගික දුරාචාරය යන චෝදනා ඇතුළුව නමුත් ඒවාට පමණක් සීමා නොවන චරිතය.
    • මෝඩකම, බුද්ධිමය ධාරිතාව සහ මානසික රෝග පිළිබඳ චෝදනා ඇතුළු නමුත් ඒවාට පමණක් සීමා නොවන මානසික ලක්ෂණ සහ ආවේණික බුද්ධිමය ධාරිතාව මත PC කණ්ඩායම් අතර සහාය නොදක්වන සැසඳීම්. සංක්‍රාන්ති ලිංගිකත්වය සහ සමලිංගිකත්වය සහ "අමුතු" වැනි සාමාන්‍ය බැරෑරුම් නොවන වචන භාවිතය පිළිබඳ දේශපාලන හා ආගමික කතිකාවන් ලබා දෙන විට, ලිංගික අනන්‍යතාවය හෝ ලිංගික නැඹුරුව මත පදනම් වූ විට අපි මානසික රෝග හෝ අසාමාන්‍යතා චෝදනාවලට ඉඩ දෙන්නෙමු.
    • වැදගැම්මකට නැති, වැඩකට නැති, අප්‍රසන්නතාව, අපිරිසිදුකම වැනි චෝදනා ඇතුළු නමුත් ඒවාට පමණක් සීමා නොවන අනෙකුත් ක්ෂේත්‍ර.
  • “මට වමනේ යන්න එනවා” යන්න ඇතුළුව ඊට පමණක් සීමා නොවූ අදාළ පුද්ගලයා අති මහත් පිළිකුළක් ඇති කරන බව දක්වන ප්‍රකාශන.
  • පහත දැක්වෙන පරිදි නිර්වචනය කෙරෙන, ආදර සම්බන්ධතාවක් බිඳී යාමක දී කෙරෙන ලිංගික අනන්‍යතාව මත පදනම් වූ සාප කිරීම් හැර, පහත දැක්වෙන ලෙස නිර්වචනය කෙරෙන ඉලක්කගත අවලාද:
    • "[ආරක්ෂිත ලක්ෂණය] මක බෑවිලා පලයන්!" වැනි අපහාස කිරීමේ චේතනාවෙන් " මක බෑවිලා පලයන් " හෝ "මක බෑවිලා පලයන්" යන්නට සමාන වෙනස් වදන් ඉලක්ක කරගත් භාවිතය
    • ලිංගික ක්‍රියාකාරකම්වල යෙදීම හෝ ලිංගේන්ද්‍රිය හෝ ගුදය සමඟ සම්බන්ධ හෝ මළ මුත්‍රා සමඟ සම්බන්ධ පද හෝ වාක්‍ය ඛණ්ඩ: මගේ පයිය උරපන්, මගේ පුක ඉඹපන්, ගූ කාපන් ඇතුළු එහෙත් ඒවාට සීමා නොවූ.
පහත සඳහන් ප්‍රජා ප්‍රමිති සඳහා, ඒවා බලාත්මක කිරීමට අතිරේක තොරතුරු සහ/හෝ සන්දර්භය අපට අවශ්‍ය වේ:
පහත සඳහන් දේවල් පළ කිරීමෙන් වළකින්න:
  • පුද්ගලයන්ගේ ලිංගික නැඹුරුව හෝ ලිංගික අනන්‍යතාවය වෙනස් කිරීම අරමුණු කරගත් නිෂ්පාදන හෝ සේවාවන් පැහැදිලිවම සපයන හෝ සැපයීමට පොරොන්දු වන අන්තර්ගතය.
  • නීතියෙන් ආරක්ෂිත ලක්ෂණ(PCs) හා සම්බන්ධ පුද්ගලයන්ට සමීපස්ථ ශාරීරික හානියක්, තර්ජනයෙන් බිය ගැන්වීමක් හෝ වෙනස් කොට සැලකීමක් ඇති කිරීමට ඉඩ සලසමින්, එම නීතියෙන් ආරක්ෂිත ලක්ෂණය (PC) සම්බන්ධ සංකල්ප, ආයතන, අදහස්, භාවිතයන් හෝ විශ්වාසයන්ට පහරදෙන අන්තර්ගතය. අන්තර්ගතයේ හානියක තර්ජනයක් තිබිය හැකි ද යන්න තීරණය කිරීම සඳහා Meta සංඥා පරාසයක් වෙත අවධානය යොමු කරයි. මේවාට, මැතිවරණයක් හෝ පවතින ගැටුමක් වැනි උග්‍ර කලබලකාරී බවක් පවතින කාල පරිච්ඡේදයක; සහ ඉලක්කගත ආරක්‍ෂිත සමූහයට එරෙහිව ප්‍රචණ්ඩත්වය ක්‍රියාත්මක වූ මෑත ඉතිහාසයක් පවතින විටෙක, වහා සිදුවන්නට යන ප්‍රචණ්ඩත්වයක් හෝ තර්ජනයෙන් බිය ගැන්වීමක් ඇති කළ හැකි අන්තර්ගතය ඇතුළත් වන නමුත් එයට සීමා නොවේ. ඇතැම් අවස්ථාවල දී, කථිකයා ප්‍රසිද්ධ පුද්ගලයෙකු ද යන්න හෝ බලයක් සහිත තත්ත්වයක් උසුළන්නේ ද යන්නත් අප විසින් සලකා බලනු ලැබිය හැකි ය.
ඇතැම් අවස්ථාවල දී, අන්තර්ගතය උපහාසාත්මක බව තීරණය කළ කල්හි ප්‍රජා ප්‍රමිති අන් හෙයකින් උල්ලංඝනය කරන අන්තර්ගතයට අපි ඉඩ දෙන්නෙමු. අන්තර්ගතයට ඉඩ දෙනු ලබන්නේ, අන්තර්ගතයේ ඇති උල්ලංඝනය කරනු ලබන කරුණු උපාහාසාත්මක හෝ, යමක් හෝ යමෙකු උපහාසයට හෝ විවේචනයට ලක් කිරීමේ අරමුණින් ඒවා වෙනත් යමකුට හෝ දෙයකට ආරෝපණය කරන්නේ නම් හෝ පමණි.
සටහන: ඔබ යුරෝපා සංගමයේ පරිශීලකයෙක් නම්, සහ ඔබේ රට තුළ ද්වේෂ සහගත ප්‍රකාශ පිළිබඳ නීති උල්ලංඝනය කරන බවට ඔබ විශ්වාස කරන අන්තර්ගතයන් දකින්නේ නම්, ඔබට නීතිමය ඉවත් කිරීමේ ඉල්ලීමක් Facebook හෝ Instagram වෙත යෙ‍ාමු කළ හැකි ය.
පරිශීලක අත්දැකීම්
Facebook මත සිටින පුද්ගලයන් සඳහා නීතිය බලාත්මක කිරීම බලපැවැත්වෙන ආකාරය පිළිබඳ නිදසුන් කිහිපයක් බලන්න, එනම්: Facebook තුළ තිබිය යුතු යැයි ඔබ නොසිතන දෙයක් පැමිණිලි කිරීම, ඔබ අපේ ප්‍රජා ප්‍රමිති උල්ලංඝනය කර ඇති බව පවසනු ලැබීම හා ඇතැම් අන්තර්ගතයන් පිළිබඳ අනතුරු ඇඟවීමේ තිරයක් දැකීම පෙනෙන ආකාරය.
සටහන: අපි සැම විටම දියුණු වෙමින් සිටිමු, එබැවින් ඔබ දැනට දකින දේ අප දැනට භාවිත කරන දේ හා සසඳන විට තරමක් යල් පැන ගිය ඒවා විය හැකි ය.
පරිශීලක අත්දැකීම
පැමිණිලි කිරීම
පරිශීලක අත්දැකීම
පශ්චාත් පැමිණිලි සන්නිවේදනය
පරිශීලක අත්දැකීම
ඉවත් කිරීමේ අත්දැකීම
පරිශීලක අත්දැකීම
අනතුරු ඇඟවීමේ තිර
දත්ත
නවතම ප්‍රජා ප්‍රමිතීන් බලාත්මක කිරීමේ වාර්තාව බලන්න
බලාත්මක කිරීම
Facebook තුළ සිටින සෑම කෙනෙකුටම අදාළව ලොව පුරා එකම ප්‍රතිපත්ති අපට තිබේ.
සමාලෝචන කණ්ඩායම්
සමාලෝචකයන් 15,000කට අධික සංඛ්‍යාවක් සිටින අපගේ ගෝලීය කණ්ඩායම Facebook තුළ සිටින පුද්ගලයන් ආරක්‍ෂිතව තබා ගැනීම සඳහා දිනපතා කටයුතු කරති.
පාර්ශවකරුවන්ගේ නියැළීම
බාහිර විශේෂඥයන්, විද්වතුන්, රාජ්‍ය නොවන සංවිධාන සහ ප්‍රතිපත්ති සම්පාදකයන් Facebook ප්‍රජා ප්‍රමිති දැනුම් දීමට උදව් කරති.
වෛරී හැසිරීම සම්බන්ධයෙන් උදවු ලබා ගන්න
අපගේ ප්‍රජා ප්‍රමිතිවලට පටහැනි වන යම් දෙයක් ඔබ Facebook තුළ දුටුවහොත් ඔබට කළ හැකි දේ දැන ගන්න.
අපගේ සහාය මධ්‍යස්ථානයට පැමිණෙන්න