Kwiyahura, Kwikomeretsa, n'Ingorane Zijanye n'Ugufungura

Ido n'ido ry'Itegeko

Uko abakoresha urubuga biyumwa baruriko

Amakuru

Insiguro ya poritike

HINDURA URUTONDE RW'IVYAKOZWE

Uyu musi

26 Ruhuhuma 2026

14 Rusama 2025

2 Gitugutu 2024

25 Mukakaro 2024

2 Mukakaro 2024

1 Rusama 2024

29 Kigarama 2023

28 Ndamukiza 2022

30 Nyakanga 2021

4 Rusama 2020

17 Kigarama 2020

18 Munyonyo 2020

30 Mukakaro 2020

1 Mukakaro 2019

26 Ndamukiza 2019

20 Ntwarante 2019

31 Myandagaro 2018

Igituma Amategeko Kanaka Ameze uko Ameze

Turitaho cane rwose umutekano w'abantu bakoresha apurikasiyo zacu. Buri gihe turakorana n'abahinga banonosoye ivyerekeye kwiyahura, kwikomeretsa, n'ingorane z'ugufungura, gutyo bikadufasha mu gushiraho amategeko abereye no mu kuyubahiriza, kandi turakorana n'amashirahamwe akorera kw'isi yose kugira ngo dufashe abantu bari mu ngorane.

Naho tutemera ko abantu bahimbaza canke bashigikira kwiyahura, kwikomeretsa, canke gufungura nabi babizi canke batabizi, turareka abantu bakabiganirako kubera yuko twipfuza ko amaseruvisi yacu aba ikibanza abantu bashobora guhuriramwo ndetse bagasangizanya ivyo bagenda baracamwo, bagakanguriranira kumenya ibi bibazo, bakongera bagafashanya. Turashobora kandi kugabanya abashobora kubona aya makuru, tukemerera gusa abakuze, bafise imyaka 18 canke irenga:

Turakurako amakuru ahimiriza abantu kwiyahura, kwikomeretsa, canke aha ikibanza ingorane zo gufungura harimwo n'amakuru atari ay'ukuri nk'ivyo bita meme canke ibigaragaza ikintu kanaka canke amakuru ayo ari yo yose yerekana abantu bikomerekeje bikozwe mu buryo bw'amasanamu mabi, tutiriwe turaraba icatumye bikorwa. Turakurako amakuru arimwo inyigisho z'inyifato irenze urugero yo kugabanya ibiro. Turongera kandi tugakurako amakuru ashinyagurira abakozweko canke abahatswe kwiyahura, kwikomeretsa, canke kugira ingorane z'ugufungura, ndetse no mu gihe hatanzwe amasanamu y'ikibiriraho yerekana ukwiyahura canke ukwikomeretsa. Amakuru yemewe yerekana umuntu ariko arakira mu gihe yigeze guhakwa kwiyahura, kwikomeretsa canke yagize ingorane z'ugufungura, ariko agashobora kuba arimwo amasanamu ashobora kubabaza (nk'inkovu yakize), arafukwa n'ikimenyetso kiburira abantu ko ashobora kubahungabanya kandi tuzogabanya abashobora kubona ayo makuru, tukemerera gusa abakuze, bafise imyaka 18 canke irenga.

Igihe abantu bashize ku rubuga canke bakarondera ku rubuga ngurukanabumenyi amakuru yerekeye kwiyahura, kwikomeretsa canke ingorane zo gufungura, tuzoca tubarungika ku mashirahamwe akorera aho baherereye kugira ngo babafashe kandi mu gihe umugwi wacu wo mu Gisata Gitanga Ubufasha ugize impungene ko umuntu ashobora kuba agire ahure n'icago tuzoca dusaba amashirahamwe ajejwe gutabara y'aho aherereye yihutire kumufasha. Nimba wipfuza kuronka ayandi makuru, raba Igisata c'Ituze ca Meta.

Ku bijanye n'amakuru aca ku rubuga ikibiriraho, abahinga batumenyesheje ko iyo umuntu ariko aravugira kw'ireresi iriko ica ku rubuga ikibiriraho yemeza ko afise intumbero yo kwiyahura, ni vyiza kumureka akabandanya avuga ikibiriraho, kuko uko ateba ariko avugira imbere ya kamera, niko umugenzi canke incuti yiwe baronka akaryo ko guhamagara abatanga ubutabazi bwihuta. Mugabo, mu ntumbero yo gukinga ko hagira abantu babangamirwa n'ayo makuru, tuzohagarika ireresi iriko iraca ku rubuga umwanya ikibi kizotangurirako gushirwa mu ngiro. Nk'uko twabishikirije aho haruguru, uko vyogenda kwose, tuzokwitura amashirahamwe ajejwe gutabara iyo tubonye ko umuntu ashobora kwigirira nabi umwanya uwo ariwo wose.

Ntitwemera:

Amakuru ahayagiza, atera intege, ahuza ibikorwa, canke atanga inyigisho ku kwiyahura, kwikomeretsa, canke gufungura nabi.

Amakuru agaragaza amasanamu yo kwiyahura, kwikomeretsa, canke gufungura mu buryo butabereye

Amakuru agaragaza umuntu ariko aragerageza kwiyahura canke yamaze gupfa yiyahuye

Amasanamu y'abantu igihe asangijwe hamwe n'amajambo ajanye no gufungura mu buryo butabereye

Amakuru ashira inguvu ku kugaragaza imbavu, amagufa yo kw'izosi, ikibanza co hagati y'amatako, amafyinga, inda yiteye, uruti rw'umugongo ruhagaze, canke igufa ryo mu mugongo riri hejuru, amagufa aboneka mu maboko canke mu maguru canke amatama ahomberanye igihe bisangijwe biherekejwe n'amajambo avuga ivyerekeye gufungura nabi

Amakuru arimwo inyigisho z'inyifato irenze urugero yo kugabanya ibiro

Amakuru yemera inyifato irenze urugero yo kugabanya ibiro iyo asangijwe abandi aherekejwe n'amajambo avuga ivyerekeye gufungura nabi

Amakuru arimwo inyigisho zerekeye inyifato ikomeye yo kwifata mu gufungura iyo asangijwe abandi aherekejwe n'amajambo avuga ivyerekeye gufungura nabi

Amakuru yitamba ku muvyimba abiyahuye canke abarokotse bagira biyahure, bikomeretsa canke bafungura nabi bazwi n'abandi bantu bose canke batahurwa nk'abariko baragerageza canke bigeze kugomba kwiyahura, kwikomeretsa canke gufungura nabi

Amasanamu agaragaza guhindura umubiri ( akarorero: tatiwaje, kwitobora uruhu, kwikebagura, kwikubita, n'ibindi) igihe bisangijwe mu bihe vy'ukwiyahura canke kwikomeretsa

Kuri aya makuru akurikira, turashirako ikimenyetso c'ubutumwa bugabisha kugira ngo abantu bamenye ko harimwo ubutumwa bushobora guhungabanya umuntu. Turongera kandi tukagabanya abashobora kubona ayo makuru, tukemerera gusa abakuze, bafise imyaka 18 canke irenga:

Amafoto canke amareresi agaragaza umuntu yiyemeza ko bomufasha bakamuhohosha/bomufasha kwiyahura igihe arwariye kwa muganga.

Amakuru agaragaza ibihe vyarenganye vyerekana aho umuntu yariko arigirira nabi nk'inkovu z'aho yikase canke ayandi mashusho ateye ubwoba yerekana neza ingene umuntu ariko arikomeretsa, ariyahura canke ariko arakira inyuma yo kwigirira nabi.

Amakuru agaragaza imbavu, amagufa yo kw'izosi, ikibanza co hagati y'amatako, amafyinga, inda yiteye, uruti rw'umugongo ruhagaze, igufa ryo mu mugongo riri hejuru, amagufa aboneka mu maboko canke mu maguru canke amatama ahomberanye vyerekanywe mu gihe umuntu ariko arakira

Kuri aya makuru akurikira, turatanga amasoko yayo kandi tukagabanya abashobora kuyabona, tukemerera gusa abakuze, bafise imyaka 18 canke irenga:

Urwandiko canke amajambo vyo kwiyahura, kwikomeretsa, canke gufungura mu buryo butabereye.

Amajambo canke ibisa nayo bidatomoye kandi bishobora gusigura ko umuntu agomba kwiyahura (harimwo utumenyetso tugaragaza ukwo umuntu amerewe canke amasanamu asanzwe ari ku rubuga yerekana umuntu ababaye, akabonge, yerekana urupfu nk'uburyo bwo kuzibukira ibibazo, canke amakuru ava mu mico izwi cane ashimikira ku vyiyumviro vy'umwiza, vy'agahinda) igihe bivuzwe mu gushaka kwiyahura canke kwikomeretsa.

Kuri aya makuru akurikira, turagabanya abashobora kuyabona, tukemerera gusa abakuze, bafise imyaka 18 canke irenga:

Guteteka canke guhakana iciyumviro c'ukwiyahura, kwikomeretsa canke gufungura mu buryo butabereye

Inkuru zirimwo insiguro yo kwiyahura mu buryo bwiramvuye burengeye kubivuga gusa mw'izina canke kuvuga ingaruka zavyo

Kwemera inyifato irenze urugero yo kugabanya ibiro

Ku bijanye n'amategeko ngenderwako akurikira, turasaba ayandi makuru n'/canke uko ibintu vyifashe kugira ishirwa mu ngiro ribe:

Turashobora gukurako ubutumwa bumenyesha abantu ivyerekeye kwiyahura iyo dufise ivyemezo ko kanaka yiyahuye canke yagerageje kwiyahura. Turagerageza gutora ubutumwa bwo gusezera imbere yo kwiyahura twisunze ibintu bitandukanye, harimwo na:

Ibisabwa n'umuryango canke n'abaserukira umuntu imbere y'amategeko,

Amakuru yatanzwe n'ibimenyeshamakuru, abajejwe gukurikirana iyubahirizwa ry'amategeko, abandi bantu dukorana bo hanze (akarorero: ibisata vya reta, Amashirahamwe y'Abikorera Ivyabo) canke Ifishe yo Gutanga Amakuru ku bijanye no Kwiyahura canke Ifishe y'Amazina y'Abagenzi yo kuri Instagram.

Turashobora kwisunga ibimenyetso biva hanze y’imbuga zacu vyerekana ko umunywanyi yemeye canke ashira imbere kwiyahura, kwikomeretsa, gufungura nabi canke inyifato zirenze urugero zo kugabanya ibiro, kugira ngo dusuzume nimba amakuru kanaka yashize ku mbuga za Meta yoshobora guteza ingorane abandi.