Gusaba Umuntu Akuze ngo Musambane hamwe n'Imvugo y'Ibishegu

Ido n'ido ry'Itegeko
Uko abakoresha urubuga biyumva baruriko

Insiguro ya poritike

HINDURA URUTONDE RW'IVYAKOZWE
Igituma Amategeko kanaka ameze uko ameze
Nk'uko vyavuzwe mw'itegeko ryerekeye Gukoresha Abakuze Ivy'Ubusambanyi Ku Nyungu Zawe, abantu bakoresha amaseruvisi yacu kugira ngo bavugane bongere batume abantu bamenya ibijanye n'ububisha bufatiye ku gitsina hamwe no gukoresha abantu ubusambanyi ku nyungu zawe. Turazi akamaro k'iki kiganiro n'ako kucemera. Turemera kandi ko haba uguhanahana ivyiyumviro k'ukuvugira uburenganzira bw'abadandaza imibiri n'amategeko agenga umwuga wo kudandaza umubiri. Nubwo biri uko, turashiraho akarimbi igihe amakuru afasha ivyo guhuza abantu bifatiye ku gitsina canke amaseruvise yo kugurisha igitsina hagati y'abakuze canke igihe amakuru asaba canke atanga ibintu birimwo ibiterasoni canke ubusambanyi. Ibi tubikora mu ntumbero yo gukinga ko haba ibikorwa vy'urudandazwa rw'abantu, agahato n'ibikorwa vyo guhuza ibitsiba bitahurijweko.
Turagabanya kandi imvugo ijanye n'ivyo guhuza ibitsina ishobora gutuma haba gukwegera abantu mu gushurashura guko hariho bamwe mu bari mw'ihwaniro ryacu ryagutse bashobora kuba bahungabanywa n'amakuru nk'ayo, kandi bishobora kubuza abantu kugirana ubugenzi n'abandi hamwe n'abari mw'ihwaniro ryagutse.
Ntitwemerera:
Amakuru atanga, asaba canke arimwo uburyo bwo guhana amakuru ku bijanye n'ubumaraya, bisigurwa nko gusaba canke kubwira wewe ubwawe umuntu ngo mukore imibonano mpuzabitsina ku mafaranga canke ikindi kintu c'agaciro mu:
  • Kubwira canke gusaba umuntu ngo mukore imibonano mpuzabitsina (nk'akarorero amaseruvisi zo guherekeza umuntu ngo musambane, masaje ikozwe mu buryo bw'ubusambanyi/bukabura inambu y’umubiri, ibiyago/ibiganiro birimwo ubuhumbu, amaseruvisi y'ubusambanyi budashingiye ku bihimba vy'irondoka/kurengera umuntu muriko murasambana)
  • Gukoresha imvugo itisoneye irimwo amajambo y'ubumaraya ivanze no kubwira canke gusaba umuntu ngo musambane, igiciro, canke ikindi kimenyetso ico ari co cose cerekana ko harimwo guhana amafaranga canke ikindi gifise agaciro, ikibanza, canke amakuru afasha gutora umuntu
  • Gusaba canke kubwira umuntu ngo musambane biherekejwe n’ukwerekana igiciro canke ikimenyetso ico ari co cose cerekana ko harimwo guhana amafaranga canke ikindi gifise agaciro
  • Kwerekana canke kuvuga ibikorwa vy’imibonano mpuzabitsina canke abafasha mu mibonano mpuzabitsina hamwe no kuvuga amafaranga canke ikimenyetso cose cerekana guhanahana amafaranga canke ubundi buryo.
  • Gutanga akazi canke gutanga abandi bantu ngo bakore akazi ko kudandaza umubiri ku nyungu z'abandi birerekanwa mw'itegeko rigenga Gucura Bufuni na Buhoro.
Amakuru yerekeye gusaba abantu ngo musambane mu gusaba canke gutanga uburyo bwo guhana amakuru ku bijanye n'imibonnano mpuzabitsina nk'ibi bikurikira:
  • Guhuza ibitsina canke gukabura igitsina
  • Gusambanira mu kanwa
  • Ibintu Bishingiye ku Busambanyi
  • Ibiyago canke ibiganiro vyerekeye imibonano mpuzabitsina.
  • Masaje igamije gukangurira ubusambanyi canke inambu y'umubiri
  • Gutamba bikwegera inambu y'umubiri canke kwiyambura impuzu
  • Gusangiza amasanamu y'ubwambure (nk'ubwambure, amareresi yerekana ibijanye n'igitsina)
Amakuru asaba, arimwo canke atanga uburyo bwo guhana amakuru kugira umuntu aronke amasanamu y'ubusambanyi, canke arimwo amazina akoreshwa mu kwinjira canke inzira ngurukanabumenyi zishikana ku mbuga ziriko amareresi y'ubusambanyi
Imvugo irimwo amajambo y'ubusambanyi bweruye ikoresha ido n'ido riboneka canke rigaragara yerekeye:
  • Ibihimba vy'irondoka,
  • Umubiri wakaburiwe gusambana (nk'akarorero: umugore yatose ku bwinjiriro bw'igitsina canke gushukwa)
  • Imibonano Mpuzabitsina
  • Muri ivyo ntiharimwo amakuru asangijwe abandi mu ntumbero yo gutwenza, gutera ivyatsi mu ntwengo canke kurahira indahiro zerekeye ubusambanyi.
Turemera amakuru asanzwe avugwa muri aya mategeko igihe ashizwe ku rubuga mu ntumbero yo gutera ivyatsi, kwigisha abantu, gukangurira abantu kubimenya canke mu ntumbero yo gutanga amakuru. N'ikindi kandi, ntitubuza abantu kuganira ku buryo bwo guhuza igitsina bisunze iryo tegeko. Ariko rero, ivyo bishobora kwemerwa ku bantu bakuze barenza imyaka 18 bonyene nk'uko biri mw'itegeko rigenga Amagara y'Abantu & Ukumererwa Neza kugira ngo abana b'imiyabaga bahure n'ibintu bibereye bihuye n'imyaka yabo.
Kuri aya makuru akurikira, turagabanya abashobora kuyabona, tukemerera gusa abakuze, bafise imyaka 18 canke irenga:
  • Amakuru avuga k'uburyo bwo guhuza ibitsina canke ingene umuntu yabibayemwo
  • Amakuru arimwo amazina akoreshwa mu kwinjira, inzira ngurukanabumenyi canke ibimenyetso vy'Imbuga zo Kwiyandikishako zigenewe Abakuze
  • Imvugo y'ibishegu yeruye mu ntumbero yo gutwenza abantu canke guhemana, harimwo amajambo y'ubusambanyi
  • Imvugo ikaburira gukora ubusambanyi yerekeza ku mibonano mpuzabitsina
Ku bijanye n'amategeko ngenderwako akurikira, turasaba ayandi makuru n'/canke uko ibintu vyifashe kugira ishirwa mu ngiro ribe:
  • Rimwe na rimwe, tuzokwemera ko amakuru asanzwe aboneka nk'ayahonyanga Amategeko Ngenderwako yacu aja ku rubuga rwacu, mu gihe bizoba vyagaragaye yuko ayo makuru ariko atera ivyatsi ikintu abicishije mu gutwenza abantu. Ayo makuru azokwemererwa mu gihe ibiyarimwo bihonyanga amategeko bizoba biriko bikoreshwa mu gutera ivyatsi ikintu biciye mu gutwenza abantu gusa canke bigenewe umuntu canke ikintu kanaka mu ntumbero yo kumuteteka canke kumutera ivyatsi.
Uko abakoresha urubuga biyumva baruriko
Raba uburorero bumwebumwe bw'ingene iyububahirizwa ry'amategeko rimeze ku bantu bari kuri Facebook, nk'ibi bikurikira: ingene kuvuga ko hari ikintu kidakwiye kuba kuri Facebook bimeze, kubwirwa yuko wahonyanze Amategeko Ngenderwako yacu hamwe no kubona ikiyo kikugabisha ku makuru kanaka ari ku rubuga.
Menya neza: Tuguma na ntaryo dutunganya neza ibikorwa vyacu, ni co gituma ivyo uriko urabona ngaha bishobora kuba vyarataye igihe ugereranije n'ivyo dukoresha muri iki gihe.
UKO ABAKORESHA URUBUGA BIYUMVA BARURIKO
Kudoma urutoke ku bitagenda neza
UKO UWUKORESHA URUBUGA YIYUMVA ARURIKO
Guhanahana amakuru inyuma yo kuvuga ko hari ikitagenda neza
UKO UWUKORESHA URUBUGA YIYUMVA ARURIKO
Uko gukura amakuru ku rubuga bimeze
UKO UWUKORESHA URUBUGA YIYUMVA ARURIKO
Ubutumwa bugabisha bwo ku kiyo
Gutuma abantu bubahiriza amategeko
Dufise amategeko ameze kumwe ahantu hose kw'isi, ku bantu bose bakoresha Facebook.
Imigwi y'abagenzuzi
Umugwi wo kw'isi yose wacu w'abagenzuzi ugizwe n'abantu barenga 15000 bakora imisi yose kugira ngo bakingire abantu bari kuri Facebook.
Ukwiyemeza kw'abafatanyabikorwa
Abahinga, abarimu mu ma kaminuza, amashirahamwe yigenga n'abashiraho amategeko badakorera ishirahamwe ryacu, barafasha mu gutanga amakuru yisungwa mu Mategeko Ngenderwako ya Facebook.
Kuronka ubufasha ku guhembera ubusambanyi ku bakuze n'imvugo y'ibiterasoni
Menya ico wokora mu gihe ubonye kuri Facebook ikintu gihonyanga Amategeko Ngenderwako yacu.
Je mu Gisata cacu Gitanga Ubufasha