Guhonyanga Amategeko Agenga Ubuzigamabanga

Ido n'ido ry'Itegeko
Uko abakoresha urubuga biyumva baruriko

Insiguro ya poritike

HINDURA URUTONDE RW'IVYAKOZWE
Igituma Amategeko Kanaka Ameze uko Ameze
Amaseruvisi yacu agamije gukingira ubuzigamabanga n'amakuru bwite aranga abanywanyi bacu. Dukora tutiziganya kugira ngo dukingire umwidondoro wawe n'amakuru yawe bwite kandi ntitwemerera abantu gushira ku rubuga ubwoko bumwebumwe bw'amakuru bwite canke amakuru yo mw'ibanga aberekeye canke yerekeye abandi. Turigisha kandi abantu uburyo bwo kudoma urutoke ku masanamu abantu bibaza ko ahonyanga uburenganzira bafise ku buzigamabanga bwabo.
Turakurako amakuru asangiza, atanga canke asaba amakuru bwite y'umuntu canke ayandi makuru yo mw'ibanga ashobora gutuma haba ubugizi bwa nabi bubangamira umubiri canke ubutunzi, harimwo amakuru ajanye n'ivy'ubutunzi, aho umuntu aba canke ivyo kwa muganga, hamwe n'amakuru y'ibanga yakuwe ahantu hatemewe n'amategeko. Turazi ko amakuru y'ibanga ashobora kuja ahabona akamenywa na bose biciye mu makuru yavuzwe n'abamenyeshamakuru, ivyanditswe mu butungane, amatangazo yacishijwe mu binyamakuru, canke vyavuye ahandi. Iyo ivyo bishitse, turashobora kwemera ko ayo makuru ashirwa ku rubuga.
Turafise ubundi burimbi dushiraho ku makuru arihirwa amafaranga. Naho twemerera ibimenyekanisha bituma umunywanyi amererwa neza kubera vyashimikiye kw'ido n'ido ry'ikidandazwa canke rya seruvise, turakurako ibimenyekanisha bivyaza umusaruro kumererwa nabi kw'abanywanyi, bikerekana ibibaranga atari vyiza canke atari vyo, canke bisa n'ivyerekana ko bizi amakuru bwite aberekeye kandi adasanzwe. Wipfuza kuronka ayandi makuru ku vyerekeye amategeko ajanye n'ubuzigamabanga ku makuru arihirwa amafaranga, raba Itegeko ryacu Rigenga Ukumenyekanisha kw'Ihonyangwa ry'Ubuzigamabanga n'Ibiranga Abantu Bwite.
Ntitwemerera:
Amakuru asangiza canke asaba amakuru y'ibanga, biciye ku maseruvisi yacu canke mu zindi nzira ngurukanabumenyi, nk'uko bikurikira:
Amakuru agaragara ko yerekeye umuntu kanaka (PII)
  • Amakuru asangiza abandi Amakuru Agaragara ko Yerekeye Umuntu Kanaka (amakuru yerekana neza umuntu uwo ari we) yashize ikintu ku rubuga canke uwundi. Muri ayo harimwo:
    • Inomero zimuranga nk'inomero ziwe za asiranse (SSN), inomero z'urupapuro rw'inzira canke inomero ndangamutangakori (ITIN).
    • Inomero ya reta iranga abajejwe umutekano, abasirikare.
    • Ivyanditse canke amakuru yerekeye umuntu kanaka nk'ukwo aboneka mu bitabo vya komine nk'ivyandiko vyerekeye kwubaka, amavuko, urupfu, guhindura izina canke kwemeza igitsina
    • Impapuro zerekana akazi ukora n'ivyerekeye ubwimukira nk'ikarata y'uburenganzira bwo kuba muri Amerika, uruhusha rwo gukora akazi canke viza
  • Amakuru asaba Amakuru Agaragara ko Yerekeye Abandi Bantu
Amakuru Afasha Gutora Umuntu
  • Amakuru asangiza abandi ibituma umuntu kanaka amenyekana, kiretse igihe bishizwe ahabona n'uwo muntu nyene canke igihe bisangijwe abandi mu ntumbero yo guteza imbere ibikorwa vyo gufasha abandi, gufasha kurondera abantu babuzwe irengero, ibikoko vyazimiye canke bene ibintu vyazimiye, canke kurondera abajejwe gutanga seruvisi kanaka (kiretse bigaragaye neza ko ayo makuru afasha gutora uwo muntu asangijwe abandi batabanje kumusaba uruhusha).
Amakuru y'aho umuntu aba
  • Gusangiza abandi amakuru y'aho abandi bantu baba, harimwo izina ry'inyubakwa abamwo canke akamenyetso ku kw'ikarata ndangakarere kerekana neza aho umuntu aba (no mu gihe ako kamenyetso gatanzwe umuntu atari ku muhora ngurukanabumenyi), kiretse mu bihe bikurikira:
    • igihe bisangijwe abandi mu ntumbero y'ibikorwa vy'ubugiraneza, gufasha kurondera abantu, ibikoko canke ibintu vyazimiye, canke kuvugana n'abadandaza canke abatanga izindi seruvisi
    • igihe aho umuntu aba ari naho asanzwe akorera akazi canke inzu y'ubuserukizi bw'igihugu kanaka vyahawe umutegetsi akomeye
  • Gusangiza abandi amakuru y'ibanga y'aho abandi bantu baba (kiretse igihe aho uwo muntu aba hasanzwe ari ahantu akorera azi canke ibiro vy'ubuserukizi bw'igihugu kanaka bihawe umutegetsi akomeye):
    • Igihe ayo makuru asangijwe abandi mu ntumbero yo gutegura imyiyerekano canke gukurikiranira hafi umuntu aba ahantu hanyuma ico kibanza abamwo kikagaragazwa na kimwe muri ibi bikurikira:
      • Ibarabara
      • Igisagara canke karitiye (ibi vyerekeye ibisagara bibamwo abantu badashika 50.000)
      • Agasandugu ka posita
      • Amajambobanga ya GPS canke amajambobanga yo kw'ikarata yerekana kimwe muri ibi (no mu gihe ayo majambobanga yoba ari mu nzira ngurukanabumenyi atari iyo ku rubuga)
    • Amasanamu agaragaza ingene igice co hanze c'aho abantu baba gisa igihe ibi bintu vyose bikurikira bihari:
    • Aho hantu aba hagizwe n'inzu ibamwo umuryango umwe, canke inomero y'inzu abamwo/izina ry'inyubakwa rigaragara neza kuri iyo sanamu/nsiguro.
    • Ikibanza umuntu abamwo kikaba kigaragazwa n'ibi bikurikira:
      • Ibarabara
      • Igisagara canke karitiye (ibi vyerekeye ibisagara bibamwo abantu badashika 50.000)
      • Agasandugu ka posita
      • Amajambobanga ya GPS canke amajambobanga yo kw'ikarata yerekana kimwe muri ibi (no mu gihe ayo majambobanga yoba ari mu nzira ngurukanabumenyi atari iyo ku rubuga)
    • Amakuru arerekana uwo muntu ahaba canke abantu bahaba.
    • Uwo muntu ahaba ntashaka ko aho aba hamenyekana, canke hari imyiyerekano iriko irategurwa yo kumwiyamiriza.
    • Amasanamu y'ikibanza umuntu abamwo ntiyasangijwe abandi kubera ibimenyeshamakuru biriko biravuga aho hantu aba (kiretse asangijwe abandi mu ntumbero yo gutegura imyiyerekano yo kwiyamiriza uwo ahaba)
  • Amakuru asaba amakuru y'ibanga y'aho abandi bantu baba (kiretse igihe aho uwo muntu aba hasanzwe ari ahantu akorera azi canke ibiro vy'ubuserukizi bw'igihugu kanaka yahawe umutegetsi akomeye)
  • Amakuru asaba kumenya aho ikibanza c'inzu zo guhungiramwo kiri canke yerekana ivyerekeye amakuru yo guhungiramwo mu gusangiza abandi kimwe muri ibi bikurikira (kiretse mu gihe iyo nzu yo guhungiramwo iriko irakwiragiza amakuru yerekeye inyubakwa yayo)
    • Aho umuntu aba vy'ukuri (Menya neza: "Agasandugu k'amakete konyene" karemewe)
    • Amasanamu y'ayo mazu yo guhungiramwo
    • Igisagara/karitiye vy'ayo mazu yo guhungiramwo vyoroshe kumenya
    • Amakuru ashira ahabona umwidondoro w'ababa muri ayo mazu yo guhungiramwo
Amakuru yo kwa muganga
  • Gusangiza amakuru canke gusaba amakuru y'abandi ajanye n'ubuvuzi, n'inyifato, amakuru karemano, canke amakuru y'ivyo umuntu akura ku bavyeyi (harimwo no mu gihe atanzwe mu buryo bw'amasanamu canke asangijwe abandi mu buryo bw'ijwi canke bw'ireresi), igihe bigaragara y'uko ayo makuru avuye mu makuru ajanye n'ukwivuza yo kwa muganga canke mu zindi nzandiko zemewe.
Amakuru y'ibijanye n'ubutunzi
  • Gusangiza abandi amakuru canke gusaba abantu amakuru yerekeye ubutunzi bw'uwashize ibintu ku rubuga canke abandi, asigurwa nk'amakuru yerekeye ubutunzi bw'umuntu harimwo:
    • Igitabu kirimwo amakuru yo mw'ibanga yerekeye amafaranga canke yerekana ukwo ikigega cifashe.
    • Inomero za konte ya banki zirikumwe n'amajambobanga.
    • Amakuru ajanye n'uburyo bwo kuriha ibidandazwa uguze ku buhinga bwa none harimwo ayajanye n'uko winjira ku rubuga hamwe n'amajambobanga.
    • Amakuru y'ikarata yo gusabirako ideni canke gusohorerako amahera iriko amatariki y'igihe izotera igihe, ibiharuro bifasha gucungera umutekano wayo hamwe n'amajambobanga.
  • Gusangiza abandi canke kubasaba amakuru y'ubutunzi yerekeye ibikorwa vy'urudandazwa canke amashirahamwe bitemewe gushirwa ahabona vyaba ivy'umuntu canke ishirahamwe, kiretse ari iryo shirahamwe nyene riyasangije abandi (harimwo no gusangiza gukurikira hatibagiwe icari cabitumye ubwambere) canke kuyasangiza abantu bose kugira wubahirize itegeko ryo kubaha amakuru (akarorero nk'ukwo bisabwa n'amasoko y'imitahe canke ibisata bijejwe kuraba ko amategeko y'urudandazwa yubahirizwa), harimwo:
    • Igitabu kirimwo amakuru yo mw'ibanga yerekeye amafaranga canke yerekana ukwo ikigega cifashe
    • Inomero za konte ya banki zirikumwe n'amajambobanga.
    • Amakuru ajanye n'uburyo bwo kuriha ibidandazwa uguze ku buhinga bwa none harimwo n'ayajanye n'uko winjira ku rubuga hamwe n'amajambobanga.
Amakuru aronswe akuwe mu masoko yinjiwemwo n'abatabifitiye uburenganzira
  • Amakuru yemezwa n'uwayashize ku rubuga canke yemejwe ko yavuye mu bayivye aho badafitiye uburenganzira, tutitayeho ko uwabikorewe ari umuntu azwi cane canke umuntu atazwi cane.
N'aya makuru akurikira arashobora gukurwako:
  • Amakuru aburira yatanzwe yerekana ifoto canke ireresi y'abantu aho uwo muntu agaragara kuri yo ari:
    • Umwana afise imyaka iri munsi ya 13, kandi amakuru akaba yadomweko urutoke ko ari mabi n'umwana canke umuvyeyi canke umurezi.
    • Umwana afise imyaka iri hagati ya 13 na 18 kandi ayo makuru akaba yadomweko urutoke ko ari mabi n'uwo mwana muto.
    • Umuntu akuze, aho inkuru ivuga ko ayo makuru ari mabi iba yatanzwe n'umuntu akuze ava mu kindi gihugu atari Reta Zunze Ubumwe za Amerika kandi amategeko yo muri ico gihugu akaba atanga uruhusha rwo kuyakurako.
    • Umuntu uwo ari wese akitswe n'amagara ku buryo adashobora kumenyesha ubwiwe ko ayo makuru atabereye.
Ku bijanye n'Amategeko Ngenderwako akurikira, turasaba ayandi makuru hamwe n'/canke uko ibintu vyifashe kugira ishirwa mu ngiro ribe:
  • Kwerekana abantu hamwe n'inyubakwa zo kwa muganga, bisobanurwa nk'amakuru agaragaza umuntu ari mu nyubakwa zo kwa muganga canke umuntu ku giti ciwe canke umwana ariko arasohoka canke yinjira mu nyubakwa ikoreramwo ibitaro, kandi bigatangazwa n':
    • Umuntu ari kuri iyo sanamu
    • Uwuserukira uwo muntu ari kuri iyo sanamu
    • Inyubakwa ikorerwamwo n'ibitaro bijejwe kuvura uwo muntu ari mw'iyo sanamu, canke
    • Inyubakwa ikorerwamwo n'ibitaro bijejwe gukoresha uwo muntu ari mw'isanamu
  • Isoko y'amakuru ifise intumbero yo gushira ahabona amakuru atagenewe abantu bose yerekeye amatora asangijwe abandi bikozwe na reta yo hanze ku mvo za poritike.
    • Turakurako inkuru ivuga kw'ishirwa ahabona ry'amabanga itangajwe n'ibinyamakuru bigenzurwa na Reta y'igihugu catumye ayo makuru aja ahabona.
Uko abakoresha urubuga biyumva baruriko
Raba uburorero bumwebumwe bw'ingene iyububahirizwa ry'amategeko rimeze ku bantu bari kuri Facebook, nk'ibi bikurikira: ingene kuvuga ko hari ikintu kidakwiye kuba kuri Facebook bimeze, kubwirwa yuko wahonyanze Amategeko Ngenderwako yacu hamwe no kubona ikiyo kikugabisha ku makuru kanaka ari ku rubuga.
Menya neza: Tuguma na ntaryo dutunganya neza ibikorwa vyacu, ni co gituma ivyo uriko urabona ngaha bishobora kuba vyarataye igihe ugereranije n'ivyo dukoresha muri iki gihe.
UKO ABAKORESHA URUBUGA BIYUMVA BARURIKO
Kudoma urutoke ku bitagenda neza
UKO UWUKORESHA URUBUGA YIYUMVA ARURIKO
Guhanahana amakuru inyuma yo kuvuga ko hari ikitagenda neza
UKO UWUKORESHA URUBUGA YIYUMVA ARURIKO
Uko gukura amakuru ku rubuga bimeze
UKO UWUKORESHA URUBUGA YIYUMVA ARURIKO
Ubutumwa bugabisha bwo ku kiyo
Gutuma abantu bubahiriza amategeko
Dufise amategeko ameze kumwe ahantu hose kw'isi, ku bantu bose bakoresha Facebook.
Imigwi y'abagenzuzi
Umugwi wo kw'isi yose wacu w'abagenzuzi ugizwe n'abantu barenga 15000 bakora imisi yose kugira ngo bakingire abantu bari kuri Facebook.
Ukwiyemeza kw'abafatanyabikorwa
Abahinga, abarimu mu ma kaminuza, amashirahamwe yigenga n'abashiraho amategeko badakorera ishirahamwe ryacu, barafasha mu gutanga amakuru yisungwa mu Mategeko Ngenderwako ya Facebook.
Ronka ubufasha ku vyerekeye kurenga amategeko ajanye n'ubuzigamabanga
Menya ico wokora mu gihe ubonye kuri Facebook ikintu gihonyanga Amategeko Ngenderwako yacu.
Je mu Gisata cacu Gitanga Ubufasha