Mu ntumbero yo gutesha no kugwanya ubugizi bwa nabi, turakurako amakuru afasha canke atunganya gucura bufuni na buhoro, harimwo n'urudandazwa rw'abantu. Urudandazwa rw'abantu turusigura nk'urudandazwa rwaka umuntu umwidegemvyo wiwe ku mvo z'inyungu. Ni uguhindura abantu abacakara mu ntumbero yo kubasunikira gukora ubumaraya, ibikorwa bugumye, canke ibindi bikorwa batavyipfuza. Guhagaze mu kubesha, guhata hamwe no gukoresha abantu ku nguvu, kandi bibambura agateka mu kubaka umwidegemvyo mu gihe hari abandi bantu bariko barabaronkerako inyungu.
Urudandazwa rw'abantu ruboneka mu buryo bwinshi kandi ruri kw'isi yose. Rushobora kugira ingaruka ku muntu uwo ari we wese hatisunzwe imyaka yiwe, uko yifashe mu mibereho yiwe no mu butunzi, ubwoko bwiwe, igitsina ciwe canke aho aherereye. Ruboneka mu buryo butandukanye, kandi urudandazwa rwose rw'abantu ruba rufise intambwe rucako mu gutera imbere. Kubera ugukoresha inguvu kw'iryo kubagura, ababigirirwa nta karyo ko guhitamwo bahabwa.
Naho tudakwiye kwitiranya urudandazwa rw'abantu no kwinjiza mu gihugu abantu mu buryo butemewe, birafitaniye ubucuti kandi birafise aho bihurira. Ishirahamwe mpuzamakungu ONU risigura kwinjiza mu gihugu abantu mu buryo butemewe nko gufasha abantu kwinjira mu gihugu mu buryo butewe n'amategeko bajabutse imbibe zizwi. Naho bidasaba gukoresha agahato canke inguvu, birashobora gutuma abantu basanzwe bakarirwa bacurwa bufuni na buhoro, mu gihe bariko baragerageza kuva mu gihugu cabo barondera ubuzima bwiza, bacurwa bufuni na buhoro. Kwinjiza mu gihugu abantu mu buryo butemewe ni icaha gikorerwa igihugu, gishingiye ku ruja n'uruza, hanyuma kwinjiza mu gihugu abantu mu buryo butemewe ni icaha gikorerwa umuntu, gishingiye ku gucurwa bufuni na buhoro.
Hambavu y'amakuru atera ivyatsi, akangurira abantu, canke amakuru adoma urutoki ku rudandazwa rw'abantu canke kubinjiza mu gihugu mu buryo butemewe n'amategeko, turemera ubutumwa busaba canke busangiza abandi amakuru ajanye n'umutekano no kujabuka imbibe, canke kurondera ubuhungiro canke uburyo bwo kuva mu gihugu.
Ntushire ku rubuga:
Amakuru, ibikorwa canke ibiganiro birondera abantu mu bijanye no, vyorosha canke bikoresha abantu biciye mu buryo bumwe muri ubu bukurikira bw'urudandazwa rw'abantu:
Kudandaza abantu mu ntumbero y'ubusambanyi (igikorwa cose c'urudandazwa rushingiye ku busambanyi bw'abana canke igikorwa cose c'urudandazwa rushingiye ku busambanyi n'abantu bakuze hakoreshejwe inguvu ububeshi, canke agahato)
Kugurisha abana canke kubarondere ababarera mu buryo bunyuranye n'amategeko
Gutwara abana mu marerero y'impfuvyi hamwe n'ingenzi zigendera ayo marerero mu ntumbero yo kubironkamwo inyungu.
Gushingira ku gahato (harimwo no gushingira abana)
Gukoresha abantu mu buryo bw'ubucakara (harimwo no gukoresha abantu ngo barihe ideni)
Gukoreshwa bucakara mu rugo rw'umuntu
Kudandaza ibihimba vy'umubiri bitisubiriza, hatarimwo gukura igihimba mu muntu, gutanga, canke gushira igihimba gishasha mu muntu, iyo itangwa ry'ico gihimba ryabaye atawugiriwe nabi
Gukoresha ivyaha abantu ku nguvu (uturorero: gusegereza ku nguvu, kudandaza ibiyayuramutwe ku nguvu)
Kwinjiza abana mu gisoda
Amakuru arimwo ingene umuntu canke ishirahamwe kanaka batanga akazi, borohereza canke baronka inyungu zivuye (ari izerekeye amafaranga canke ibindi) mu bikorwa vy'urudandazwa rw'ubusambanyi
Amakuru ajanye n'ukwemera gukora canke gufasha mu gikorwa co kwinjiza abantu mu kindi gihugu.
Amakuru asaba abantu ubufasha bwo kwinjiza abandi mu gihugu mu buryo butemewe n'amategeko.
Turemera amakuru asanzwe avugwa muri aya mategeko igihe ashizwe ku rubuga mu ntumbero yo gutera ivyatsi, kwigisha abantu, gukangurira abantu kuyamenya canke mu ntumbero yo kumenyesha amakuru.
Nk'uko biri mu mategeko yacu yerekeye Gucura Bufuni na Buhoro, abajejwe gukora isuzuma mw'ishirahamwe ryacu hamwe n'ubuhinga bwacu bwikoresha birashobora kandi kwihweza ibimenyetso bitandukanye vy'inyifato kugira bifashe mu kumenya hamwe no mu gufatira ingingo amakonte arenga ku mategeko.
- Turashobora gukurako amakonte twisunze ivyo akorana n'ayandi makonte ahonyanga amategeko, ivyo arondera ku rubuga canke ukungene agira ico akoze ku makuru ahonyanga amategeko, canke kuba yegukira imiryango yo ku rubuga (akarorero: Imigwi) twakuyeko kubera yahonyanga amategeko yacu.
Ku bijanye n'Amategeko Ngenderwako akurikira, turasaba ayandi makuru n'/canke uko ibintu vyifashe kugira ishirwa mu ngiro ribe: