Gukoresha Ubusambanyi Abana, Kubakubagura Bishingiye ku Gitsina, no Kugaragaza Ubwambure Bwabo

Ido n'ido ry'Itegeko
Uko abakoresha urubuga biyumwa baruriko
Amakuru

Insiguro ya poritike

HINDURA URUTONDE RW'IVYAKOZWE
Igituma Amategeko Kanaka Ameze uko Ameze
Ntitwemera ibija ku rubuga canke ibikorwa bishurashuza canke bishira abana mu kaga. Tumenye ko hari ibikorwa bigaragara vyo gushurashuza abana, duca dutanga amakuru aburira mu Kigo c'Igihugu Kijejwe Abana Baburiwe irengero n'Abashurashuzwa (NCMEC), twisunze amategeko ahari. Turazi ko hari igihe abantu bashira ku rubuga amasanamu y'abana babo bari gusa ata ntumbero mbi bafise, ariko kenshi ayo masanamu turayakurako kuko dutinya ko abandi bantu bashobora kuyakoresha nabi. Ivyo tubikora kandi mu ntumbero yo gukinga kugira ngo abandi bantu ntibasubire gukoresha ayo masanamu canke ngo bayiyitirire atari ayabo.
Turakorana kandi n'abahinga bo hanze, harimwo n' Inama Mpwanuzwajambo ya Meta ijejwe Umutekano, kugira ngo tuvugane twongere turyohore amategeko yacu n'ishirwa mu ngiro ryayo ku bijanye n'umutekano ku mbuga ngurukanabumenyi, na cane cane ku vyerekeye abana. Menya vyinshi ku bijanye n' ubuhinga dukoresha mu kurwanya ugukoresha abana ku nyungu atari izabo.
Ntushire ku rubuga:
Ubusambanyi buhohotera abana
Amakuru, igikorwa canke imigenderanire bibangamira, bishushanya, bihayagiza, bishigikira, vyerekana ingene ibintu bikorwa, bivuga amajambo yerekana intumbero, vyemera kugira uruhara canke bisangiza inzira ngurukanabumenyi z'ikoreshwa ry'abana mu busambanyi (harimwo n'abana bato koko, ibitambambuga canke inzoya canke ibicapu atari ivy'ukuri bisa n'abantu, nko mu gushushanya, amakuru yatanzwe n'ubuhingamuntu buhanitse, abakinyi b'udukino atari ab'ukuri, ibipupe, n'ibindi) Aho harimwo:
  • Guhuza ibitsina
    • Guhuza ibitsina nyezina canke gusambanira mu kanwa, bisigurwa nko guhuza ibitsina canke guhuza umunwa canke igitsina n'igitsina canke inyo vy'uwundi muntu, igihe igitsina canke inyo vy'umwe muri abo bantu n'imiburiburi bigaragara.
    • Guhuza ibitsina bitagaragara neza canke guhuza umunwa n'igitsina, harimwo n'igihe bigire bikoraneko canke iyo bitaboneka neza.
    • Gukabura ibihimba vy'irondoka canke mu nyo, harimwo n'igihe ico gikorwa kigire kibe canke bitaboneka neza.
    • Kimwe muri ivyo duhejeje kudondagura iyo bikorewe igikoko.
  • Abana bafise ibintu bikoreshwa mu gusambana, harimwo:
    • Kwifata
    • Ibimenyetso vy'ugushukwa
    • Kugaragaza neza ibihimba vy'irondoka canke inyo
    • Hariho umuntu akuze yashutswe.
    • Hariho ibikinisho vy'igitsina canke gukoresha ikindi kintu ico ari co cose gitera ugushukwa, kunyurwa canke ikubagura rishingiye ku gitsina.
    • Impuzu zikoreshwa mu busambanyi
    • Kwambura impuzu
    • Ahantu hateguriwe gukorerwa ico gikorwa (akarorero, ku gitanda) canke gufata ifoto mu buryo bw'ubuhinga (isa neza/hagati/mu mfuruka)
    • Kuryana indimi
    • Gukorakora imoko z'amabere canke gufyonda amabere y'umugore (KIRETSE bikozwe mu kwonsa umwana)
    • Hariho ibimenyetso vy'ukwo habayeho guhuza ibitsina
  • Amakuru agaragaza abana mu bikorwa vy'ubusambanyi aho inyota yabwo imarwa n'ikindi kintu atari ibihimba vy'irondoka.
  • Amakuru ashigikira, ateza imbere, avugira canke atera intege kwitabira ubusambanyi bukorerwa abana kireste igihe ico kiganiro gikozwe ata guhengama mu biganiro vyerekeye amagara y'abantu.
  • Amakuru yerekana canke ateteka abana bakorewe amabi yo gushurashuzwa, akoresheje amazina yabo canke amasanamu.
Gusaba umuntu ngo musambane
Amakuru asaba amakuru y'igitsina canke igikorwa cerekana canke kirimwo abana, gisigurwa nka:
  • Ibikoresho bikoreshwa mu guhohotera abana ubashurashuza (CSAM mu mpfunyapfunyo)
  • Amashusho y'abantu bari gusa y'ukuri canke atari ayo ukuri
  • Amashusho arimwo igitsina y'abana y'ukuri canke atari ayo ukuri
kuvugana n'abana mu buryo butabereye
Amakuru agaragaza canke yorohereza abantu kuvugana n'abana mu buryo butabereye, nko:
  • Gusaba, gutunganya canke gutegura imibonano mpuzabitsina n'abana
  • Gukwegera abana mu busambanyi biciye mu biyago birimwo ibishegu canke mu kubaha, kubereka, kubaronkako canke kubasaba ibintu bijanye n'ubusambanyi, biciye mu kubibereka n'ibigirankana canke mu biganiro vyo mw'ibanga
  • Kuja mu kiganiro kigamije ubusambanyi mu buryo butagaragara ubicishije mu butumwa urungikiranira n'abana
  • Kuronka canke gusaba ivyandiko, amafoto canke amareresi vy'ubusambanyi ubihawe n'abana mu biganiro vyo mw'ibanga
Gukoresha ku nyungu zawe amafoto ateye isoni no gutera ubwoba bwo kuyasangiza ku mbuga
Amakuru agerageza gukoresha ku nyungu zayo abana nyabo mu:
  • Gutegeka umuntu ivyakora ukoresheje amahera, umusaba ivyo agukorera, canke ubanje kumukangisha gusangiza abandi amafoto n'amareresi vy'ubwambure bwiwe atari ay'ukuri canke y'ukuri canke amakuru nkayo
  • Gusangiza abandi, gukangisha gusangiza canke kuvuga ko uzosangiza abandi ibiganiro vyo mw'ibanga vyerekeye ubusambanyi canke amafoto y'ibanga yaba ay'ukuri canke ataba ay'ukuri
Gushira abana muvy'ubusambanyi
  • Amakuru (harimwo amafoto, amareresi, ibishushanyo bigaragaza isi y'ukuri, amakuru ari ku ngurukanabumenyi, canke amajambo yanditswe) ashira abana canke abana bashushanijwe mu busambanyi.
  • Imigwi, Imbuga n'imyidondoro vyashiriweho gushira mu busambanyi abana b'ukuri canke abana atari ab'ukuri.
Ubwambure bw'abana
Amakuru agaragaza ubwambure bw'abana canke abana bashushanijwe aho ubwambure busigurwa nka:
  • Amasanamu agaragaza neza ibihimba vy'irondoka vy'abana canke ibishushanyo vy'abana
  • Imicuko iri gusa canke ibishushanyo vyayo biri gusa , yerekana:
    • Ibihimba vy'irondoka bikaboneka, no mu gihe baba bambaye canke bikingiwe n'agahuzu kabonerana.
    • Inyo iboneka hamwe n'/canke ibisusu biri gusa biboneka neza
  • Abana badakwije imyaka 18 canke ibishushanyo vyabo bari gusa, yerekana:
    • Ibihimba vy'irondoka mu buryo bugaragara (harimwo n'igihe ibihimba vy'irondoka bikingiwe n'inzya canke agahuzu kabonerana)
    • Inyo iboneka hamwe n'/canke ibisusu biri gusa biboneka neza
    • Imoko z'amabere y'abagore zidafutse.
    • Umuntu atakintu na kimwe yambaye uhereye mw'izosi gushika ku mavi-no mu gihe ibihimba vyiwe vy'irondoka canke imoko z'amabere y'umugore bitagaragara.
  • Kiretse igihe amashusho atari ayo ukuri akoreshejwe kubw'amagara y'abantu canke ari igicapu cerekana umwana ari gusa ata ntumbero y'ubusambanyi bifise mu mwuga w'ugushushanya ibintu bibaho
Non-sexual child abuse
Amashusho yerekana uguhohotera abana kudafatiye ku gutsina kw'ukuri canke atari ukwo ukuri hadafatiwe kw'ihangiro ryo gusangiza, kiretse ishusho ari iyo mw'isi y'ukuri yo gushushanya, amareresi y'abana, amareresi canke udukino tw'amareresi
Amakuru ahayagiza, ashigikira, ateza imbere, avugira, atanga inyigisho zo canke atera intege abantu zo kugira uruhara mu guhohotera abana mu bitajanye n'ubusambanyi.
Hambavu yo gukurako amakonte ahonyanga amategeko araba ibijanye no Gukoresha Abana mu Busambanyi ku Nyungu Zawe, Kubahohotera hamwe n'Ubwambure bwabo (CSEAN), abajejwe gukora isuzuma mw'ishirahamwe ryacu hamwe n'ubuhinga bwacu bwikoresha bikoresha ibimenyetso bitandukanye kugira bifashe mu kubuza ko hobaho ibiganiro bitipfuzwa canke bihungabanya umutekano.
  • Turashobora guhagarika amakonte canke gushiraho akarimbi ko kudashikira imbuga n'ibikoresho (akarorero: gushobora gukurikirana amakonte amwe amwe) ku bantu bakuze twisunze ivyo bakora ku yandi makonte, ivyo barondera ku rubuga canke ukungene bagira ico bakoze ku makuru ahonyanga amategeko (akarorero: gushima canke kubika), canke kuba begukira imiryango yo ku rubuga (akarorero: Imigwi) twakuyeho kubera yahonyanga amategeko yacu.
Kuri aya makuru akurikira, turashirako ubutumwa bugabisha kugira abantu bamenye imbere y'igihe yuko ayo makuru ashobora kuba ahungabanya kandi turashiraho n'akarimbi ku buryo abafise imyaka cumi n'umunani canke irenga ari bo bonyene bemererwa kuyaraba:
  • Ameresi canke amafoto agaragaza abapolisi canke abasirikare bariko barakora barahohotera abana bidashingiye ku busambanyi.
  • Amasanamu yo guhohotera abana mu buryo atari ubw'ubusambanyi, igihe abajejwe gushira mu ngiro amategeko, ibigo birwanira agateka k'abana, canke abandi bafatanya n'ayo mashirahamwe basavye yuko tugumiza ku rubuga ayo masanamu mu ntumbero igaragara yo gusaba ko uyo mwana asubira gukingirwa.
Kuri aya makuru akurikira, turashirako ikimenyetso kiyaranga kugira ngo abantu bamenye ko harimwo ubutumwa bushobora guhungabanya umuntu:
  • Amareresi canke amafoto agaragaza umwana ariko aribizwa mu mazi nk'umwe mu migirwa y'amadini.
Ku bijanye n'amategeko ngenderwako akurikira, turasaba ayandi makuru n'/canke uko ibintu vyifashe kugira ishirwa mu ngiro ribe:
Kuri aya makuru akurikira, turashirako akamenyetso kayaranga kugira ngo abantu bamenye ko harimwo ubutumwa bushobora guhungabanya umuntu:
  • Amasanamu ashizwe ku rubuga n'ikigo kanaka agaragaza ubwambure bw'umwana mu ntumbero yo kugaragaza ikigoyi cateye ahantu kanaka, urwimo, amabi akorwa mu gihe c'intambara, canke amabi ndengakamere, kiretse bikozwe mu ntumbero yo kugaragaza amabi ariko arakorwa canke bigasangizwa abandi mu ntumbero yo kugirira nabi abantu, ico gihe ayo makuru duca tuyakura ku rubuga
Turashobora gukura amakuru ku rubuga igihe agaragaza ingaruka z'ihohoterwa ryakorewe abana ariko atari ihohoterwa ryerekeye ubusambanyi iyo duhawe amakuru aburira n'ikinyamkuru dukorana, Amashirahamwe y'abagiraneza canke abandi bafatanyabikorwa bacu bizewe.
Turashobora kandi gukurako amakuru yerekana abana bakorewe ihohoterwa rishingiye ku gitsina biciye mu bundi buryo butari izina canke isanamu igihe ayo makuru arimwo ibimenyetso bishobora gutuma uwo mwana amenyekana.
Turashobora gukurako amakuru yashizweho mu ntumbero yo kumenya uwutarakwiza imyaka y'abakuze igihe umutekano wiwe ushobora guhungabana, bisabwe n'abajejwe umutekano, Reta, Umufatanyabikorwa Yizewe canke ayo makuru yadomweko urutoke n'uwo mwana nyene canke n'umuvyeyi wiwe/umurezi wiwe yemewe n'amategeko
Uko abakoresha urubuga biyumva baruriko
Raba uburorero bumwebumwe bw'ingene iyububahirizwa ry'amategeko rimeze ku bantu bari kuri Facebook, nk'ibi bikurikira: ingene kuvuga ko hari ikintu kidakwiye kuba kuri Facebook bimeze, kubwirwa yuko wahonyanze Amategeko Ngenderwako yacu hamwe no kubona ikiyo kikugabisha ku makuru kanaka ari ku rubuga.
Menya neza: Tuguma na ntaryo dutunganya neza ibikorwa vyacu, ni co gituma ivyo uriko urabona ngaha bishobora kuba vyarataye igihe ugereranije n'ivyo dukoresha muri iki gihe.
UKO ABAKORESHA URUBUGA BIYUMVA BARURIKO
Kudoma urutoke ku bitagenda neza
UKO UWUKORESHA URUBUGA YIYUMVA ARURIKO
Guhanahana amakuru inyuma yo kuvuga ko hari ikitagenda neza
UKO UWUKORESHA URUBUGA YIYUMVA ARURIKO
Uko gukura amakuru ku rubuga bimeze
UKO UWUKORESHA URUBUGA YIYUMVA ARURIKO
Ubutumwa bugabisha bwo ku kiyo
Amakuru
Raba icegeranyo canyuma c'Ishirwa mu Ngiro ry'Amategeko Ngenderwako
Gutuma abantu bubahiriza amategeko
Dufise amategeko ameze kumwe ahantu hose kw'isi, ku bantu bose bakoresha Facebook.
Imigwi y'abagenzuzi
Umugwi wo kw'isi yose wacu w'abagenzuzi ugizwe n'abantu barenga 15000 bakora imisi yose kugira ngo bakingire abantu bari kuri Facebook.
Ukwiyemeza kw'abafatanyabikorwa
Abahinga, abarimu mu ma kaminuza, amashirahamwe yigenga n'abashiraho amategeko badakorera ishirahamwe ryacu, barafasha mu gutanga amakuru yisungwa mu Mategeko Ngenderwako ya Facebook.
Rondera ubufasha mu gihe hariho ikoreshwa ry'abana mu busambanyi, ikubagurwa ryabo rishingiye ku gitsina hamwe n'igaragazwa ry'ubwambure bwabo
Menya ico wokora mu gihe ubonye kuri Facebook ikintu gihonyanga Amategeko Ngenderwako yacu.
Je mu Gisata cacu Gitanga Ubufasha