Ubuziranenge bwa Konte

Ido n'ido ry'Itegeko
Uko abakoresha urubuga biyumwa baruriko
Amakuru

Insiguro ya poritike

HINDURA URUTONDE RW'IVYAKOZWE
Igituma Amategeko Kanaka Ameze uko Ameze
Mu ntumbero yo kuguma na ntaryo dutunganya ahantu hatagira inkomanzi kandi hatuma abantu bashikiriza ivyiyumviro vyoroshe, turaka ububasha canke tugakuraho amakonte ashobora guteza ingorane abanywanyi. Twarashizeho ubuhinga bw'isuzumamakuru bwikoresha tubufatanya n'ubukoreshwa n'abantu kugira ngo twake ububasha kandi dukureho amakonte akoreshwa mu buryo bugaragara canke budahengeshanya guhonyanga amategeko yacu ku mbuga no ku bidandazwa vyacu.
Kubera ko gukuraho amakonte ari ingingo ikomeye, twipfuza, igihe cose bishoboka, guha abanywanyi bacu akaryo ko kumenya neza amabwirizwa yacu kugira ngo bakurikize Amategeko Ngenderwako yacu. Nk'akarorero, igihe cose dukuyeko amakuru, biramenyeshwa, kandi kenshi turatanga n'amakuru ajanye n'ingene iryo honyangwa ry'amategeko ryakozwe hamwe n'ibihano bihuye. Ingingo dufata mu gushira mu ngiro amategeko zitunganijwe mu buryo buhuye n'urugero rw'ihonyangwa ry'amategeko riba ryabaye, kahise k'aho amategeko yahonyanzwe kuri iyo konte hamwe n'uko bishobora gutuma abanywanyi bacu bagwa mu ngorane canke bashikirwa n'ubugizi bwa nabi. Kurenga amategeko mu buryo bwisubiriza, kandi harabaye kugabishwa kenshi no guhanwa, canke kurenga amategeko gutuma haba ihungabana ry'umutekano mu buryo bukomeye bizotuma habaho ihagarikwa rya konte.
Menya vyinshi bijanye n'ingene Meta ishira mu ngiro amategeko yayo hamwe n'ingene yaka ububasha amakonte uciye mu Gisata c'Umuco.
Dushobora kwaka ububasha canke guhagarika amakonte, n'ibindi bisata (Imbuga, imigwi, ibirori) canke ivyegukira urudandazwa (Mutunganya Rudandazwa, amakonte yo kumenyekanisha):
  • Bihonyanga Amategeko Ngenderwako yacu bigatuma habaho ubugizi bwa nabi bukomeye, harimwo n’ubwo dushikiriza inzego zijejwe kwubahiriza amategeko ku mvo zo gushobora gutuma umwanya uwo ari wo wose umutekano w'umuntu ku giti ciwe canke umutekano rusangi uhungabana
  • Bihonyanga Amategeko Ngenderwako yacu bigatuma habaho ubugizi bwa nabi ubwo ari bwo bwose busaba kemenyesha inzego zijejwe kwubahiriza amategeko ku mvo zo gushobora gutuma umwanya uwo ari wo wose umutekano w'umuntu ku giti ciwe canke umutekano rusangi uhungabana
  • Bihonyanga Amategeko yacu Agenga Ukumenyekanisha bigatuma habaho ubugizi bwa nabi bw'amashirahamwe y'ubudandaji ayovya canke mabi yo kugabako
  • Biguma bihonyanga Amategeko Ngenderwako yacu mu gushira ku rubuga amakuru ahonyanga amategeko no/canke mu gutunganya ibisata canke ivyegukira urudandazwa vyahonyanze amategeko
  • Biguma bihonyanga Amategeko yacu Agenga Ukumenyekanisha
  • Bigaragaza ibikorwa canke inyifato vyerekana intumbero igaragara yo guhonyanga amategeko
Dushobora kwaka ububasha canke guhagarika amakonte, n'ibindi bisata (Imbuga, imigwi, ibirori) canke ivyegukira urudandazwa (Mutunganya Rudandazwa, amakonte yo kumenyekanisha):
  • Bifiswe n'umuntu umwe canke ishirahamwe rimwe nk'ikonte yahagaritswe
  • Vyashizweho canke vyahawe iyindi ntumbero kugira bikwepe ugukurwaho guheruka kuhaba kw'ikonte canke igisata, harimwo n'ivyasuzumwe ko vyegukira umuntu umwe kandi bifise amakuru amwe nk'amakonte n'ibisata biheruka gukurwaho.
  • Vyashizweho kugira bigiranire imigenderanire n'umunywanyi yazibiye ikonte
  • Bikoreshwa ukundi mu gukwepa ibikorwa vyacu bijanye n'ishirwa mu ngiro ry'amategeko canke uburyo bwacu bwo gukora isuzuma
Dushobora kwaka ububasha canke guhagarika amakonte, n'ibindi bisata (Imbuga, imigwi, ibirori) canke ivyegukira urudandazwa (Mutunganya Rudandazwa, amakonte yo kumenyekanisha) vyerekana:
  • Isano rya hafi n'urunani rw'amakonte canke ibindi bisata bihonyanga canke bikwepa amategeko yacu.
  • Intunganyo mu runani rw'amakonte canke mu bindi bisata bihonyanga amategeko yacu mu buryo bwisubiriza kandi bugaragara
  • Ibikorwa canke inyifato vyerekana neza ko hariho intumbero igaragara y’uguhonyanga amategeko biciye mu runani rw'amakonte
Tuzokora kugira twake ububasha canke duhagarike amakonte canke ibindi bintu (Imbuga, imigwi, ibirori) canke ivyegukira urudandazwa (Mutunganya Rudandazwa, amakonte yo kumenyekanisha) bifise uruhara mu bikorwa vyo hanze y'urubuga bishobora gutuma haba ubugizi bwa nabi ku rubuga rwacu, harimwo:
  • Vyegukira uwagiriwe n'icaha c'ubusambanyi, uwagiriwe n'ivyaha bijanye n'uguhohotera abana canke abakuze gushingiye ku gitsina
  • Vyegukira Ishirahamwe canke Umuntu Kanaka canke bikorwa kw'izina ryaryo canke ryiwe
  • Ivyabujijwe kwakira ibidandazwa vyacu, amaseruvisi canke porogaramu hakurikijwe amategeko ahasanzwe
Mu bihe bikurikira, twoshobora gusaba ayandi makuru ajanye n'ikonte kugira tumenye nyeneyo hamwe n'/canke ibikorwa vyemewe:
  • Amakonte yatewe n'abagizi ba nabi.
  • Kwugurura canke gukoresha konte canke ikindi gisata biciye mu buryo bwikoresha, nk'akarorero uciye kuri porogaramu zikoresha (kiretse iyo ibikorwa vyo gukoresha porogaramu zikoresha biciye mu nzira zemewe kandi bidahonyaga na hamwe amategeko yacu)
  • Konte ata na kimwe kirimwo zimaze igihe kirekire cane zidakoreshwa
Uko abakoresha urubuga biyumva baruriko
Raba uburorero bumwebumwe bw'ingene iyububahirizwa ry'amategeko rimeze ku bantu bari kuri Facebook, nk'ibi bikurikira: ingene kuvuga ko hari ikintu kidakwiye kuba kuri Facebook bimeze, kubwirwa yuko wahonyanze Amategeko Ngenderwako yacu hamwe no kubona ikiyo kikugabisha ku makuru kanaka ari ku rubuga.
Menya neza: Tuguma na ntaryo dutunganya neza ibikorwa vyacu, ni co gituma ivyo uriko urabona ngaha bishobora kuba vyarataye igihe ugereranije n'ivyo dukoresha muri iki gihe.
UKO ABAKORESHA URUBUGA BIYUMVA BARURIKO
Kudoma urutoke ku bitagenda neza
UKO UWUKORESHA URUBUGA YIYUMVA ARURIKO
Guhanahana amakuru inyuma yo kuvuga ko hari ikitagenda neza
UKO UWUKORESHA URUBUGA YIYUMVA ARURIKO
Uko gukura amakuru ku rubuga bimeze
UKO UWUKORESHA URUBUGA YIYUMVA ARURIKO
Ubutumwa bugabisha bwo ku kiyo
Amakuru
Raba icegeranyo canyuma c'Ishirwa mu Ngiro ry'Amategeko Ngenderwako
Gutuma abantu bubahiriza amategeko
Dufise amategeko ameze kumwe ahantu hose kw'isi, ku bantu bose bakoresha Facebook.
Imigwi y'abagenzuzi
Umugwi wo kw'isi yose wacu w'abagenzuzi ugizwe n'abantu barenga 15000 bakora imisi yose kugira ngo bakingire abantu bari kuri Facebook.
Ukwiyemeza kw'abafatanyabikorwa
Abahinga, abarimu mu ma kaminuza, amashirahamwe yigenga n'abashiraho amategeko badakorera ishirahamwe ryacu, barafasha mu gutanga amakuru yisungwa mu Mategeko Ngenderwako ya Facebook.
Ronka ubufasha ku vyerekeye ubuziranenge bwa konte
Menya ico wokora mu gihe ubonye kuri Facebook ikintu gihonyanga Amategeko Ngenderwako yacu.
Je mu Gisata cacu Gitanga Ubufasha