ځان وژنه، ځان ټپي کول او د خوړو ګډوډي

د پالیسۍ په اړه جزيات

د کارونکي تجربې

ډاټا

د پالیسي معلومات

لاګ بدل کړئ

نن

‏۲۰۲۶ فبروري ۲۶‏

‏۲۰۲۵ مۍ ۱۴‏

‏۲۰۲۴ اکتوبر ۲‏

‏۲۰۲۴ جولای ۲۵‏

‏۲۰۲۴ جولای ۲‏

‏۲۰۲۴ مۍ ۱‏

‏۲۰۲۳ دسمبر ۲۹‏

‏۲۰۲۲ اپرېل ۲۸‏

‏۲۰۲۱ ستمبر ۳۰‏

‏۲۰۲۰ مۍ ۴‏

‏۲۰۲۰ دسمبر ۱۷‏

‏۲۰۲۰ نومبر ۱۸‏

‏۲۰۲۰ جولای ۳۰‏

‏۲۰۱۹ جولای ۱‏

‏۲۰۱۹ اپرېل ۲۶‏

‏۲۰۱۹ مارچ ۲۰‏

‏۲۰۱۸ اګست ۳۱‏

د پالیسۍ منطق

موږ د هغو خلکو خوندیتوب ته ژوره پاملرنه کوو څوک چې زموږ اپلیکېشن کاروي. موږ په منظمه توګه د ځان وژنې، ځان ټپي کولو او د خوړو په ګډوډیو کې د متخصصینو سره مشوره کوو، ترڅو زموږ د پالیسیو او پلي کولو په اړه په خبرتیا کې مرسته وکړي او موږ د نړۍ په ګوټ ګوټ کې د سازمانونو سره کار کوو، ترڅو هغو خلکو ته مرسته چمتو کړو چې له ستونزو او مصیبت يا خپګان سره مخ دي.

که څه هم چې موږ خلکو ته اجازه نه ورکوو، چې په قصدي یا غیر ارادي توګه د ځان وژنې، د ځان ټپي کولو یا د خوړو د ګډوډیو لمانځنه وکړي، خو موږ خلکو ته اجازه ورکوو چې په دې موضوعاتو بحث وکړي، ځکه موږ غواړو چې زموږ یو داسې ځای وي چېرې چې خلک کولی شي خپلې تجربې شریکې کړي، د دې مسلو په اړه پوهاوی لوړ کړي او د یو بل سره مرسته وکړي. موږ ممکن د دې منځپانګې د لیدلو وړتیا د 18 کلنو او له دې څخه د پورته عمر لرونکو لویانو پورې هم محدوده کړو.

موږ هغه ټولې منځپانګې له منځه وړو چې د ځان وژنې، ځان ټپي کولو یا د خوړو د ګډوډیو عمل هڅوي، په شمول د هغه افسانوي منځپانګې لکه میمز یا تمثیل او د خپل ځان د ټپي کولو هر هغه منځپانګه چې پرته له اړوندو شرایطو څخه ګرافیکي بڼه ولري. موږ هغه منځپانګه لرې کوو چې د وزن کمولو لپاره د سخت چلند لارښوونې لري. موږ هغه منځپانګه هم لرې کوو چې د ځان وژنې، ځان ټپي کولو یا د خوړو د ګډوډیو د قربانیان یا ژوندي پاتې شوو او همدارنګه د ځان وژنې یا ځان ټپي کیدو ریښتیني وخت انځوروي. د ځان وژنې، ځان ټپي کولو یا د خوړو د اختلالاتو څخه د رغیدو په اړه هغه منځپانګه چې اجازه لري، مګر ممکن داسې انځورونه ولري چې ممکن خپه کونکي وي (لکه روغ شوی داغ) د حساسیت سکرین شاته ایښودل کیږي او موږ به د منځپانګې د لیدلو وړتیا د 18 کلنو او له دې څخه د پورته عمر لرونکو لویانو لپاره هم محدوده کړو.

کله چې خلک د ځان وژنې، د ځان ټپي کولو یا د خوړو په ګډوډیو پورې اړوندې منځپانګې پوسټ کوي یا یې لټوي، موږ به د دوی هغه محلي سازمانونو ته رهنمایي وکړو، کوم چې د دا ډول کسانو لپاره ملاتړ چمتو کوي او که چېرې زموږ د ټولنې عملیاتي ټیم د سمدستي زیان په اړه اندیښمن وي، نو موږ به د سیمه ییزو بیړنیو خدمتونو سره اړیکه ونیسو، ترڅو مرسته ترلاسه کړو. د نورو معلوماتو لپاره د Meta خوندیتوب مرکز ته مراجعه وکړئ.

موږ ته د ژوندۍ منځپانګې په اړه کارپوهانو ویلي چې که څوک ووایي چې دوی په ژوندۍ بڼه د ځان وژنې هڅه کوي، نو موږ باید د امکان تر حده محتويات پریږدو، ځکه چې هرڅومره وخت چې یو کس د کیمرې سره خبرې کوي، نو ملګرو یا د کورنۍ غړو ته یې ډیر فرصت په لاس ورځي، ترڅو بیړنيو خدمتونو ته زنګ ووهي. په هرصورت د دې لپاره چې د دې منځپانګې د لیدلو له لارې د نورو کسانو د منفي اغیزو خطر کم کړي، نو موږ به ژوندی جریان په هغه ځای کې ودروو چېرته چې ګواښ په یوه هڅه بدل شي. لکه څنګه چې پورته یادونه وشوه، که چیرې موږ پوه شو چې یو څوک د ځان د زیانمنولو له خطر سره مخامخ دی نو په هر حالت کې به موږ له بیړنیو خدمتونو سره اړیکه نیسو.

موږ اجازه نه ورکوو:

هغه منځپانګه چې د ځان وژنې، ځان ټپي کولو یا د خوړو ګډوډۍ هڅوي، تحریکوي، همغږي کوي یا ورته لارښوونې وړاندې کوي.

هغه منځپانګه چې د ګرافیکي ځان وژنې، ځان ټپي کولو یا د خوړو ګډوډۍ انځوروي

هغه منځپانګه چې یو داسې کس انځوروي چې د ځان وژنې هڅه کوي یا د ځان وژنې په واسطه وژل کیږي

هغه منځپانګه چې هغه خلک انځوروي چې د خوړو د ګډوډیو سره د تړلو اصطلاحاتو سره یوځای شریکه شي

هغه منځپانګه چې د بدن پر هغو برخو تمرکز کوي لکه زامو، د اوږې هډوکي، د رانونو تر منځ تش ځای، کولنګونه، چپ زړه معده، راوتلي ملا هډوکي، د اوږو هډوکي، د لاسونو یا پښو ښکاره هډوکي یا د عومبوري هډوکي او دا ټول هغه مهال چې له هغو اصطلاحاتو سره شریک شي چې د خوړو د ګډوډیو سره تړاو لري.

هغه منځپانګه چې د وزن کمولو لپاره د سخت چلند لارښوونې لري

هغه منځپانګه چې د خوړو د ګډوډیو سره له تړلو اصطلاحاتو سره د یوځای شریکولو له لارې د وزن د کمولو خورا سخت چلند مني

هغه منځپانګه چې د خوړو د ګډوډیو سره د تړلو اصطلاحاتو سره یوځای د شریکولو پر مهال د محدود رژیم لپاره لارښوونې لري

هغه منځپانګه چې د ځان وژنې، ځان ټپي کولو یا د خوړو د ګډوډیو قربانیان یا ژوندي پاتې شوي کسانو پورې ملنډې کوي چې یا په عامه توګه پیژندل شوي یا په ضمني ډول د ځان وژنې، ځان ټپي کولو یا د خوړو له ګډوډیو سره مخ دي یا یې تجربه کړې ده

هغه انځورول چې د بدن تغیرات انځوروي (د بیلګې په توګه، ټاټو، سوری کول، داغونه، په ځان تاپې وهل او نور) کله چې د ځان وژنې یا ځان ټپي کیدو په شرایطو کې شریک شوي وي

د لاندې منځپانګې لپاره موږ د خبرتیا سکرین شاملوو، ترڅو خلک پوه شي چې منځپانګه ممکن حساسه وي. موږ د لویانو لپاره د منځپانګې د لیدو وړتیا هم تر 18 کلونو او له هغه څخه د ډېرو عمر لرونکو لپاره محدودوو:

هغه عکسونه یا ویډیوګانې چې یو داسې کس انځوروي چې د ناروغ په بې تکلیفه وژلو کې ښکیل وي/په روغتیايي تنظیماتو کې له ځان وژنې سره مرسته کوي.

هغه منځپانګه چې د ځان ټپي کولو پخواني مثالونه انځوروي، لکه جوړ شوي غوڅ شوي ځایونه یا د ځان ژوبلولو، ځان وژنې یا د بیا جوړیدلو په شرایطو کې د غیر ګرافیکي ځان ټپي کول.

هغه منځپانګه چې د شا، غاړې هډوکي، د رانونو تشو، کولمو، مقعر معده، د سکپولا وتلی نخاع، په لاسونو او پښو کې لیدل کیدونکي هډوکي یا تش ګالونه د بیا رغیدو په شرایطو کې انځوروي

د لاندې منځپانګې لپاره، موږ خلکو ته سرچینې چمتو کوو او د منځپانګې د لیدلو وړتیا یوازې د 18 کلونو او يا پورته عمر لرونکو لویانو پورې محدودوو:

د ځان وژنې، ځان ټپي کولو یا د خوړو د ګډوډیو په اړه لیکلي یا شفاهي اعتراف.

د ځان وژنې یا ځان ټپي کولو په شرایطو کې مبهم، احتمالي ځان وژنې بیانونه یا حوالې (د غمجن مزاج، خپګان، مرګ د تیښتې په توګه وړاندې کولو یا د مشهور کلتور څخه هغه منځپانګه چې په تیاره، خپګان لرونکو افکارو ټینګار کوي).

د لاندې منځپانګې لپاره موږ د منځپانګې د لیدو وړتیا هغو لویانو ته محدودوو چې عمرونه یې 18 کلن او له هغه ډير دي:

د ځان وژنې، ځان ټپي کولو یا د خوړو د ګډوډیو پر مفکورې ملنډې وهل یا یې ردول

هغه کیسې چې د ځان وژنې توضیحات ولري او د عمل یا وروسته پایلو یوازې د نومولو یا ذکر کولو څخه هخوا جزئیات ولري

د وزن کمولو د سخت چلند منل

د لاندې بيان شوې ټولنیزو معیارونو د پلي کولو لپاره، موږ اضافي معلوماتو یا وضاحت ته اړتیا لرو.

موږ ممکن د ځان وژنې یادښتونه هغه وخت لرې کړو کله چې موږ د ځان وژنې یا د ځان وژنې هڅې تایید کړو. موږ هڅه کوو چې د ځان وژنې یادښتونه د څو فکتورونو د کارولو له لارې وپیژنو، په شمول د لاندې مواردو، خو یوازې تر دې پورې محدود نه دي:

د کورنۍ یا قانوني استازو غوښتنې،

د رسنیو، د قانون د پلي کونکو یا نورو دریمو ډلو سرچینې (د بیلګې په توګه، حکومتي ادارې، نادولتي مؤسسې) یا د ځان وژنې محتوا د اړیکو فورمه یا د Instagram د اړیکو فورمه.

موږ ښايي د پلیټفارم څخه بهر نښو ته هم پام وکړو، چې پکې د کارونکي له لوري د ځان وژنې، ځان ټپي کولو، د خوړو اختلالاتو یا د شدید وزن کمولو چلندونو منل یا ترویج شامل وي، څو دا وارزوو چې ایا په Meta پلیټفارمونو کې د هغوی له خوا خپره شوې ځانګړې منځپانګه نورو ته خطر رامنځته کولی شي که نه.