ਭਾਈਚਾਰਕ ਮਿਆਰਾਂ
ਜਾਣ-ਪਛਾਣ
ਇਹ ਮਿਆਰਾਂ ਲੋਕਾਂ ਦੇ ਫ਼ੀਡਬੈਕ ਅਤੇ ਟੈਕਨਾਲੋਜੀ, ਜਨਤਕ ਸੁਰੱਖਿਆ ਅਤੇ ਮਨੁੱਖੀ ਅਧਿਕਾਰਾਂ ਵਰਗੇ ਖੇਤਰਾਂ ਵਿੱਚ ਮਾਹਿਰਾਂ ਦੀ ਸਲਾਹ 'ਤੇ ਆਧਾਰਿਤ ਹਨ। ਇਹ ਪੱਕਾ ਕਰਨ ਲਈ ਕਿ ਹਰ ਕਿਸੇ ਦੀ ਆਵਾਜ਼ ਦੀ ਕਦਰ ਕੀਤੀ ਜਾਵੇ, ਅਸੀਂ ਅਜਿਹੀ ਮਿਆਰ ਬਣਾਉਣ ਲਈ ਬਹੁਤ ਧਿਆਨ ਰੱਖਦੇ ਹਾਂ ਜਿਸ ਵਿੱਚ ਵੱਖੋ-ਵੱਖਰੇ ਵਿਚਾਰ ਅਤੇ ਵਿਸ਼ਵਾਸ ਸ਼ਾਮਲ ਹੁੰਦੇ ਹਨ, ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਅਤੇ ਭਾਈਚਾਰਿਆਂ ਤੋਂ ਜਿਨ੍ਹਾਂ ਨੂੰ ਅਣਡਿੱਠ ਕੀਤਾ ਜਾ ਸਕਦਾ ਹੈ ਜਾਂ ਹਾਸ਼ੀਏ 'ਤੇ ਰੱਖਿਆ ਜਾ ਸਕਦਾ ਹੈ।
ਹਰ ਦਿਨ, ਲੋਕ ਆਪਣੇ ਅਨੁਭਵ ਸਾਂਝੇ ਕਰਨ, ਦੋਸਤਾਂ ਅਤੇ ਪਰਿਵਾਰ ਨਾਲ ਕਨੈਕਟ ਕਰਨ ਅਤੇ ਭਾਈਚਾਰੇ ਬਣਾਉਣ ਲਈ Facebook, Instagram, Messenger ਅਤੇ Threads ਦੀ ਵਰਤੋਂ ਕਰਦੇ ਹਨ। ਸਾਡੀ ਸੇਵਾ ਅਰਬਾਂ ਲੋਕਾਂ ਨੂੰ ਵੱਖੋ-ਵੱਖ ਦੇਸ਼ਾਂ ਅਤੇ ਸੱਭਿਆਚਾਰਾਂ ਅਤੇ ਦਰਜਨਾਂ ਭਾਸ਼ਾਵਾਂ ਵਿੱਚ ਆਪਣੇ ਆਪ ਨੂੰ ਸੁਤੰਤਰ ਤੌਰ ‘ਤੇ ਪ੍ਰਗਟ ਕਰਨ ਦੇ ਯੋਗ ਬਣਾਉਂਦੀ ਹੈ।
Meta ਜਾਣਦਾ ਹੈ ਕਿ Facebook, Instagram, Messenger ਅਤੇ Threads ਲਈ ਉਹ ਜਗ੍ਹਾ ਬਣਨਾ ਕਿੰਨਾ ਮਹੱਤਵਪੂਰਨ ਹੈ ਜਿੱਥੇ ਲੋਕ ਗੱਲਬਾਤ ਕਰਨ ਦਾ ਅਧਿਕਾਰ ਮਹਿਸੂਸ ਕਰ ਸੱਕਣ ਅਤੇ ਅਸੀਂ ਗੰਭੀਰਤਾ ਨਾਲ ਆਪਣੀ ਸੇਵਾ ਨੂੰ ਦੁਰਵਿਵਹਾਰ ਤੋਂ ਦੂਰ ਰੱਖਣ ਵਿੱਚ ਆਪਣੀ ਭੂਮਿਕਾ ਨਿਭਾਉਂਦੇ ਹਾਂ। ਇਸ ਲਈ ਅਸੀਂ ਇਨ੍ਹਾਂ ਸੇਵਾਵਾਂ 'ਤੇ ਕੀ ਮਨਜ਼ੂਰ ਹੈ ਅਤੇ ਕੀ ਨਹੀਂ ਹੈ, ਇਸ ਲਈ ਮਿਆਰ ਵਿਕਸਿਤ ਕੀਤੇ ਹਨ।
ਕਿਰਪਾ ਕਰਕੇ ਧਿਆਨ ਦਿਓ ਕਿ ਭਾਈਚਾਰਕ ਮਿਆਰਾਂ ਦਾ ਅਮਰੀਕੀ ਅੰਗਰੇਜ਼ੀ ਸੰਸਕਰਨ, ਨੀਤੀਆਂ ਦੇ ਸਭ ਤੋਂ ਨਵੀਨਤਮ ਸੈੱਟ ਨੂੰ ਦਰਸਾਉਂਦਾ ਹੈ ਅਤੇ ਇਸਨੂੰ ਮੂਲ ਦਸਤਾਵੇਜ਼ ਵਜੋਂ ਵਰਤਿਆ ਜਾਣਾ ਚਾਹੀਦਾ ਹੈ।
ਆਵਾਜ਼ ਪ੍ਰਤੀ ਸਾਡੀ ਵਚਨਬੱਧਤਾ
ਸਾਡੇ ਭਾਈਚਾਰਕ ਮਿਆਰਾਂ ਦਾ ਟੀਚਾ ਪ੍ਰਗਟਾਵੇ ਲਈ ਜਗ੍ਹਾ ਬਣਾਉਣਾ ਅਤੇ ਲੋਕਾਂ ਨੂੰ ਆਵਾਜ਼ ਦੇਣਾ ਹੈ। Meta ਚਾਹੁੰਦਾ ਹੈ ਕਿ ਲੋਕ ਆਪਣੇ ਮੁੱਦਿਆਂ ਬਾਰੇ ਲਿਖਤ ਕਮੈਂਟਾਂ, ਫ਼ੋਟੋਆਂ, ਸੰਗੀਤ ਜਾਂ ਹੋਰ ਕਲਾਤਮਿਕ ਮਾਧਿਮਾਂ ਰਾਹੀਂ ਖੁੱਲ੍ਹ ਕੇ ਗੱਲ ਕਰਨ ਦੇ ਯੋਗ ਹੋਣ, ਜੋ ਉਨ੍ਹਾਂ ਲਈ ਮਾਇਨੇ ਰੱਖਦੇ ਹਨ, ਭਾਵੇਂ ਕੁਝ ਲੋਕ ਉਨ੍ਹਾਂ ਨਾਲ ਅਸਹਿਮਤ ਹੋਣ ਜਾਂ ਉਨ੍ਹਾਂ ਨੂੰ ਉਹ ਇਤਰਾਜ਼ਯੋਗ ਲੱਗਣ। ਕੁਝ ਮਾਮਲਿਆਂ ਵਿੱਚ, ਅਸੀਂ ਸਮੱਗਰੀ ਦੀ ਇਜਾਜ਼ਤ ਦਿੰਦੇ ਹਾਂ—ਜੋ ਕਿ ਸਾਡੇ ਮਿਆਰਾਂ ਦੇ ਵਿਰੁੱਧ ਜਾਏਗੀ—ਜੇ ਇਹ ਖ਼ਬਰਾਂ ਵਿੱਚ ਰਹਿਣ ਯੋਗ ਅਤੇ ਜਨਤਕ ਹਿੱਤ ਵਿੱਚ ਹੈ। ਅਸੀਂ ਇਹ ਨੁਕਸਾਨ ਦੇ ਜੋਖਮ ਦੇ ਵਿਰੁੱਧ ਜਨਤਕ ਹਿੱਤ ਨੂੰ ਧਿਆਨ ਵਿੱਚ ਰੱਖਣ ਤੋਂ ਬਾਅਦ ਹੀ ਕਰਦੇ ਹਾਂ, ਅਤੇ ਅਸੀਂ ਇਹ ਨਿਰਣੇ ਕਰਨ ਲਈ ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰਾਂ ਦੇ ਮਾਪਦੰਡਾਂ ਨੂੰ ਦੇਖਦੇ ਹਾਂ। ਹੋਰ ਮਾਮਲਿਆਂ ਵਿੱਚ, ਅਸੀਂ ਅਸਪਸ਼ਟ ਜਾਂ ਅਪ੍ਰਤੱਖ ਭਾਸ਼ਾ ਦੀ ਵਰਤੋਂ ਕਰਨ ਵਾਲੀ ਸਮੱਗਰੀ ਨੂੰ ਹਟਾ ਸਕਦੇ ਹਾਂ ਜਦੋਂ ਵਧੀਕ ਸੰਦਰਭ ਸਾਨੂੰ ਇਹ ਸਮਝਣ ਦਿੰਦਾ ਹੈ ਕਿ ਸਮੱਗਰੀ ਸਾਡੇ ਮਿਆਰਾਂ ਦੇ ਵਿਰੁੱਧ ਹੈ।
ਪ੍ਰਗਟਾਵੇ ਪ੍ਰਤੀ ਸਾਡੀ ਵਚਨਬੱਧਤਾ ਸਰਬੋਤਮ ਹੈ, ਪਰ ਅਸੀਂ ਮੰਨਦੇ ਹਾਂ ਕਿ ਇੰਟਰਨੈੱਟ ਦੁਰਵਿਹਾਰ ਦੇ ਨਵੇਂ ਅਤੇ ਵਿਆਪਕ ਮੌਕੇ ਦਿੰਦਾ ਹੈ। ਇਹਨਾਂ ਕਾਰਨਾਂ ਕਰਕੇ, ਜਦੋਂ ਅਸੀਂ ਪ੍ਰਗਟਾਵੇ ਨੂੰ ਸੀਮਿਤ ਕਰਦੇ ਹਾਂ, ਅਸੀਂ ਇਸ ਨੂੰ ਹੇਠਾਂ ਦਿੱਤੀਆਂ ਇੱਕ ਜਾਂ ਵੱਧ ਕਦਰਾਂ ਦੀ ਸੇਵਾ ਵਿੱਚ ਕਰਦੇ ਹਾਂ:
ਪ੍ਰਮਾਣਿਕਤਾ
ਅਸੀਂ ਇਹ ਸੁਨਿਸ਼ਚਿਤ ਕਰਨਾ ਚਾਹੁੰਦੇ ਹਾਂ ਕਿ ਜੋ ਸਮੱਗਰੀ ਲੋਕ ਦੇਖਦੇ ਹਨ, ਉਹ ਪ੍ਰਮਾਣਿਕ ਹੋਵੇ। ਅਸੀਂ ਮੰਨਦੇ ਹਾਂ ਕਿ ਪ੍ਰਮਾਣਿਕਤਾ ਸਾਂਝਾ ਕਰਨ ਲਈ ਇੱਕ ਬਿਹਤਰ ਮਾਹੌਲ ਬਣਾਉਂਦੀ ਹੈ ਅਤੇ ਇਸ ਲਈ ਅਸੀਂ ਨਹੀਂ ਚਾਹੁੰਦੇ ਕਿ ਸਾਡੀਆਂ ਸੇਵਾਵਾਂ ਵਰਤਣ ਵਾਲੇ ਲੋਕ, ਗਲਤ ਤਰੀਕੇ ਨਾਲ ਇਹ ਪੇਸ਼ ਕਰਨ ਕਿ ਉਹ ਕੌਣ ਹਨ ਜਾਂ ਉਹ ਕੀ ਕਰਦੇ ਹਨ।
ਸੁਰੱਖਿਆ
ਅਸੀਂ Facebook, Instagram, Messenger ਅਤੇ Threads ਨੂੰ ਸੁਰੱਖਿਅਤ ਥਾਵਾਂ ਬਣਾਉਣ ਲਈ ਵਚਨਬੱਧ ਹਾਂ। ਅਸੀਂ ਅਜਿਹੀ ਸਮੱਗਰੀ ਨੂੰ ਹਟਾ ਦਿੰਦੇ ਹਾਂ ਜੋ ਵਿਅਕਤੀਆਂ ਦੀ ਸਰੀਰਕ ਸੁਰੱਖਿਆ ਨੂੰ ਨੁਕਸਾਨ ਪਹੁੰਚਾਉਣ ਦੇ ਜੋਖਮ ਨੂੰ ਵਧਾ ਸਕਦੀ ਹੈ। ਲੋਕਾਂ ਨੂੰ ਧਮਕਾਉਣ ਵਾਲੀ ਸਮੱਗਰੀ ਜੋ ਦੂਜਿਆਂ ਨੂੰ ਡਰਾਉਣ, ਬਾਹਰ ਨਿਕਾਲਣ ਜਾਂ ਚੁੱਪ ਕਰਾਉਣ ਦੀ ਸਮਰੱਥਾ ਰੱਖਦੀ ਹੈ ਅਤੇ ਸਾਡੀਆਂ ਸੇਵਾਵਾਂ 'ਤੇ ਇਸ ਦੀ ਇਜਾਜ਼ਤ ਨਹੀਂ ਹੈ।
ਗੋਪਨੀਯਤਾ
ਅਸੀਂ ਵਿਅਕਤੀਗਤ ਗੋਪਨੀਯਤਾ ਅਤੇ ਜਾਣਕਾਰੀ ਦੀ ਸੁਰੱਖਿਆ ਲਈ ਵਚਨਬੱਧ ਹਾਂ। ਗੋਪਨੀਯਤਾ ਲੋਕਾਂ ਨੂੰ ਆਪਣੀ ਅਸਲੀਅਤ ਦਾ ਪ੍ਰਗਟਾਵਾ ਕਰਨ ਦੀ ਆਜ਼ਾਦੀ ਦਿੰਦੀ ਹੈ, ਇਹ ਚੁਣਨ ਦੀ ਆਜ਼ਾਦੀ ਦਿੰਦੀ ਹੈ ਕਿ ਸਾਡੀਆਂ ਸੇਵਾਵਾਂ 'ਤੇ ਕਿਵੇਂ ਅਤੇ ਕਦੋਂ ਸਾਂਝਾ ਕਰਨਾ ਹੈ ਅਤੇ ਕਿਵੇਂ ਆਸਾਨੀ ਨਾਲ ਜੁੜਨਾ ਹੈ।
ਸਨਮਾਨ
ਅਸੀਂ ਸਾਰੇ ਲੋਕਾਂ ਨੂੰ ਸਨਮਾਨ ਅਤੇ ਅਧਿਕਾਰਾਂ ਵਿੱਚ ਬਰਾਬਰ ਮੰਨਦੇ ਹਾਂ। ਅਸੀਂ ਲੋਕਾਂ ਤੋਂ ਉਮੀਦ ਕਰਦੇ ਹਾਂ ਕਿ ਉਹ ਦੂਜਿਆਂ ਦੇ ਸਨਮਾਨ ਦੀ ਕਦਰ ਕਰਨ ਅਤੇ ਦੂਜਿਆਂ ਨੂੰ ਤੰਗ ਨਾ ਕਰਨ ਜਾਂ ਨੀਵਾਂ ਨਾ ਦਿਖਾਉਣ।
ਭਾਈਚਾਰਕ ਮਿਆਰਾਂ
ਸਾਡੀਆਂ ਭਾਈਚਾਰਕ ਮਿਆਰਾਂ ਦੁਨੀਆ ਭਰ ਵਿੱਚ ਹਰ ਕਿਸੇ ‘ਤੇ ਅਤੇ ਹਰ ਕਿਸਮ ਦੀ ਸਮੱਗਰੀ, AI ਵੱਲੋਂ ਬਣਾਈ ਗਈ ਸਮੱਗਰੀ ਸਮੇਤ ਸਭ ‘ਤੇ ਲਾਗੂ ਹੁੰਦੀਆਂ ਹਨ।
ਸਾਡੀਆਂ ਭਾਈਚਾਰਕ ਮਿਆਰਾਂ ਦਾ ਹਰੇਕ ਸੈਕਸ਼ਨ "ਨੀਤੀ ਦੇ ਮੂਲ ਕਾਰਨ" ਨਾਲ ਸ਼ੁਰੂ ਹੁੰਦਾ ਹੈ ਜਿਹੜਾ ਨੀਤੀ ਦੇ ਉਦੇਸ਼ ਨੂੰ ਨਿਰਧਾਰਤ ਕਰਦਾ ਹੈ ਜਿਸਦੀ ਪਾਲਣਾ ਵਿਸ਼ੇਸ਼ ਨੀਤੀ ਵੱਲੋਂ ਕੀਤੀ ਜਾਂਦੀ ਹੈ ਜੋ ਇਸਨੂੰ ਰੂਪ-ਰੇਖਾ ਦਿੰਦੀਆਂ ਹਨ:
ਅਜਿਹੀ ਸਮੱਗਰੀ ਜਿਸਦੀ ਇਜਾਜ਼ਤ ਨਹੀਂ ਹੈ; ਅਤੇ
ਅਜਿਹੀ ਸਮੱਗਰੀ ਜਿਸਨੂੰ ਲਾਗੂ ਕਰਨ ਲਈ ਵਧੀਕ ਜਾਣਕਾਰੀ ਜਾਂ ਸੰਦਰਭ ਦੀ ਲੋੜ ਹੈ, ਅਜਿਹੀ ਸਮੱਗਰੀ ਜਿਸਨੂੰ ਚਿਤਾਵਨੀ ਸਕ੍ਰੀਨ ਦੇ ਨਾਲ ਇਜਾਜ਼ਤ ਦਿੱਤੀ ਜਾਂਦੀ ਹੈ ਜਾਂ ਅਜਿਹੀ ਸਮੱਗਰੀ ਜਿਸਦੀ ਇਜਾਜ਼ਤ ਤਾਂ ਦਿੱਤੀ ਜਾਂਦੀ ਹੈ ਪਰ ਇਸਨੂੰ 18 ਸਾਲ ਅਤੇ ਉਸ ਤੋਂ ਵੱਧ ਉਮਰ ਦੇ ਬਾਲਗ ਹੀ ਦੇਖ ਸਕਦੇ ਹਨ।