အမှိုက်စာ

မူဝါဒဆိုင်ရာ အသေးစိတ် အချက်အလက်များ
အသုံးပြုသူ၏ အတွေ့အကြုံများ
အချက်အလက်

မူဝါဒ အသေးစိတ်အချက်များ

မှတ်တမ်းပြောင်းရန်
မူဝါဒဆိုင်ရာ သဘောတရား
ကြည့်ရှုမှုနှုန်းကို မမှန်ကန်သောနည်းလမ်းဖြင့် တိုးမြှင့်ရန်အလို့ငှာ အသုံးပြုသူများကို လှည့်စားရန်၊ နားလည်မှုလွဲစေရန် သို့မဟုတ် စိတ်ထိခိုက်စေရန် ဖန်တီးထားသည့် အကြောင်းအရာကို ကျွန်ုပ်တို့ခွင့်မပြုပါ။ ဤအကြောင်းအရာမျိုးသည် ကျွန်ုပ်တို့၏ပလက်ဖောင်းများပေါ်ရှိ သုံးစွဲသူများ၏ မှန်မှန်ကန်ကန် ထိတွေ့တုံ့ပြန်နိုင်စွမ်းကို ယုတ်လျော့အားနည်းစေပြီး ကျွန်ုပ်တို့ဝန်ဆောင်မှုများ၏ ဘေးကင်းလုံခြုံရေး၊ တည်ငြိမ်စိတ်ချရမှုနှင့် ၎င်းတို့ကို အသုံးပြုနိုင်စွမ်းအပေါ် ထိခိုက်လာနိုင်ပါသည်။ မယုံသင်္ကာမဖြစ်သော အသုံးပြုသူများကို စည်းရုံးဆွဲဆောင်ရန်အလို့ငှာ နားလည်မှုလွဲစေသော လုပ်ဆောင်နိုင်စွမ်း သို့မဟုတ် နားလည်မှုလွဲစေသော ကုဒ်ဖြင့် သို့မဟုတ် ယုံကြည်ရသောဒိုမိန်းတစ်ခုကို အယောင်ဆောင်ခြင်းဖြင့် လိမ်လည်လှည့်ဖြားသောလင့်ခ်များကို ဖြန့်ခြင်းကဲ့သို့ တလွဲအသုံးပြုသော နည်းဗျူဟာများကို တားဆီးရန်လည်း ကျွန်ုပ်တို့ကြိုးစားသည်။
အွန်လိုင်းအမှိုက်စာသည် မသမာသူတို့အတွက် အကျိုးအမြတ်များသော လုပ်ငန်းနယ်ပယ်တစ်ခုဖြစ်သည်။ ခေတ်စားနေသည့် အမှိုက်စာပေးပို့မှု နည်းလမ်းနှင့် နည်းဗျူဟာအသစ်များ ထွက်ပေါ်လာသည်နှင့်အမျှ ၎င်းတို့ကို ကိုင်တွယ်ဖြေရှင်းရန်အတွက် ကျွန်ုပ်တို့၏ မူဝါဒများနှင့် ရှာဖွေဖော်ထုတ်မှုစနစ်သည် စဉ်ဆက်မပြတ် တိုးတက်ပြောင်းလဲနေရမည်။ အမှိုက်စာကို ပပျောက်အောင် လုပ်ဆောင်ရာတွင် အမှိုက်စာကို ထုတ်လုပ်ဖန်တီးသူများနှင့် ဖြန့်ချိသူများအနေဖြင့် ကျွန်ုပ်တို့၏ပလက်ဖောင်းများပေါ်တွင် အမှိုက်စာများဖြန့်ရာ၌ ပိုမိုခက်ခဲလာပြီး စရိတ်စကပိုများလာစေရန် ကျွန်ုပ်တို့ဘက်က အရေးယူဆောင်ရွက်ခြင်းနှင့် ကျွန်ုပ်တို့အသိုင်းအဝိုင်း၏ တက်ကြွသော၊ စစ်မှန်သော လှုပ်ရှားဆောင်ရွက်မှုအား ကာကွယ်ပေးခြင်းတို့ကို အညီအမျှ အလေးထားရန် ကြိုးပမ်းပါသည်။
ကျွန်ုပ်တို့သည် အောက်ပါတို့ကို ခွင့်မပြုပါ-
  • လူကိုယ်တိုင်ဖြစ်စေ၊ အလိုအလျောက်နည်းလမ်းဖြင့်ဖြစ်စေ အလွန်အမင်းအကြိမ်ရေများစွာ အကြောင်းအရာကို ပို့စ်တင်ခြင်း၊ မျှဝေခြင်း၊ အကြောင်းအရာနှင့် ထိတွေ့ခြင်း သို့မဟုတ် အကောင့်များ၊ အဖွဲ့များ၊ စာမျက်နှာများ၊ ပွဲအစီအစဉ်များ သို့မဟုတ် အခြားအွန်လိုင်းပိုင်ဆိုင်မှုများကို ဖန်တီးခြင်း။
    • အမှိုက်စာဖြစ်ကြောင်း အခြားညွှန်ပြချက်များ (ဥပမာ- ထပ်တလဲလဲဆင်တူနေသော အကြောင်းအရာကို တင်ခြင်း) သို့မဟုတ် မသမာမှုဖြစ်ကြောင်း အခြားအချက်ပြများ ရှိနေသည့်အခါ ပို့စ်တင်သည့်အကြိမ်ရေနည်းသော အကောင့်များဖြစ်စေကာမူ ကျွန်ုပ်တို့က ၎င်းတို့အပေါ် ကန့်သတ်ချက်များ ထားရှိနိုင်ပါသည်။
  • အကောင့်များ၊ အဖွဲ့များ၊ စာမျက်နှာများ စသည်တို့ကဲ့သို့သော ပလက်ဖောင်း အွန်လိုင်းပိုင်ဆိုင်မှုများကို အောင်မြင်စွာ ရောင်းချခြင်း၊ ဝယ်ယူခြင်း သို့မဟုတ် အလဲအလှယ်လုပ်ခြင်း သို့မဟုတ် ထိုသို့ပြုလုပ်ရန် ကြိုးစားခြင်း။
  • စီမံသူ သို့မဟုတ် စိစစ်သူ တာဝန်ခွဲဝေမှုများကဲ့သို့သော ဝက်ဘ်ဆိုက်အသုံးပြုခွင့်ဆိုင်ရာ အထူးအခွင့်အရေးများ သို့မဟုတ် သီးခြားနေရာများတွင် ပို့စ်တင်ရန် ခွင့်ပြုချက်ကို အောင်မြင်စွာ ရောင်းချခြင်း၊ ဝယ်ယူခြင်း သို့မဟုတ် အလဲအလှယ်လုပ်ခြင်း သို့မဟုတ် ထိုသို့ပြုလုပ်ရန် ကြိုးစားခြင်း။
  • ရှင်းလင်းစွာ ခွဲခြားဖော်ပြထားသော အမှတ်တံဆိပ်ကိုယ်စားပြု အကြောင်းအရာမှအပ မည်သည့်အကြောင်းအရာကိုမဆို ငွေကြေးတန်ဖိုးတစ်ခုခုရရှိရန်အတွက် အောင်မြင်စွာ ရောင်းချခြင်း၊ ဝယ်ယူခြင်း သို့မဟုတ် အလဲအလှယ်လုပ်ခြင်း သို့မဟုတ် ထိုသို့ပြုလုပ်ရန် ကြိုးစားခြင်း။ ယင်းနှင့်ပတ်သက်၍ ကျွန်ုပ်တို့၏ အမှတ်တံဆိပ်ကိုယ်စားပြု အကြောင်းအရာ မူဝါဒတွင် သတ်မှတ်ဖော်ပြထားသည်။
  • နှစ်သက်မှု၊ မျှဝေမှု၊ ကြည့်ရှုမှု၊ စောင့်ကြည့်မှု၊ နှိပ်ချက်များအပြင် သီးခြားဟက်ရှ်တပ်ဂ်များအသုံးပြုမှု စသည်တို့ကဲ့သို့သော ထိတွေ့မှုရရှိရန်အတွက် အောင်မြင်စွာ ရောင်းချခြင်း၊ ဝယ်ယူခြင်း သို့မဟုတ် အလဲအလှယ်လုပ်ခြင်း သို့မဟုတ် ထိုသို့ပြုလုပ်ရန် ကြိုးစားခြင်း။ ၎င်းတွင် ပါဝင်သည်မှာ-
    • ထိတွေ့မှုအတွက် အပြန်အလှန်အနေဖြင့် ငွေသားလက်‌ဆောင်များ သို့မဟုတ် ငွေသားတန်ဖိုးနှင့်ညီမျှသော မေတ္တာလက်ဆောင်များပေးခြင်း (အခြားသူများအား ရယူခွင့်ပေးခြင်းကို ဆိုလိုသည်)။ (ဥပမာ- "ကျွန်တော့်ရဲ့စာမျက်နှာကို နှစ်သက်တဲ့ ဘယ်သူမဆို ဒေါ်လာ ၅၀၀ ရရှိပါမယ်")
    • ထိတွေ့မှုအတွက် အပြန်အလှန်အနေဖြင့် ငွေသားတန်ဖိုးရှိသောအရာတစ်ခုခုကို ကမ်းလှမ်းခြင်း။ (ဥပမာ- "ကျွန်တော့်စာမျက်နှာကို နှစ်သက်ရင် သင့်ကို iPone တစ်လုံး ပေးပါမယ်။")
  • ကတိပြုထားသော အကြောင်းအရာကို အသုံးပြုသူများ မကြည့်ရှုနိုင်မီ သို့မဟုတ် မတုံ့ပြန်နိုင်မီတွင် အကြောင်းအရာနှင့် အရင်ထိတွေ့ရန် (ဥပမာ - နှစ်သက်ခြင်း၊ မျှဝေခြင်းပြုလုပ်ရန်) လိုအပ်သည်ဟု သတ်မှတ်ထားခြင်း သို့မဟုတ် ထိုသို့ပြုလုပ်ရန် တောင်းဆိုခြင်း။
  • လိမ်လည်လှည့်ဖြားသော သို့မဟုတ် နားလည်မှုလွဲစေသော URL များ၊ ဒိုမိန်းများ သို့မဟုတ် အပလီကေးရှင်းများကို မျှဝေခြင်း။ ယင်းတို့တွင် ပါဝင်သည်များမှာ-
    • အကြောင်းအရာများကို လိမ်လည်ပြသခြင်း- အကြောင်းအရာများကို လိမ်လည်ပြသခြင်းဆိုသည်မှာ အသုံးပြုသူများကို ပြသသည့်အရာများနှင့် ကွဲပြားခြားနားသော URL များ သို့မဟုတ် အပလီကေးရှင်းများကဲ့သို့ ပလက်ဖောင်းပြင်ပ အကြောင်းအရာများကို ကျွန်ုပ်တို့၏ ကြီးကြပ်ထိန်းသိမ်းရေး စနစ်များသို့ ရည်ရွယ်ချက်ရှိရှိ တင်ပြခြင်းဖြင့် ကျွန်ုပ်တို့၏ အကြောင်းအရာဆိုင်ရာ မူဝါဒများကို ရှောင်တိမ်းရန် ကြိုးပမ်းမှုမှန်သမျှ ဖြစ်သည်။
    • နားလည်မှုလွဲစေသော လင့်ခ်များ- အကြောင်းအရာအမျိုးအစားတစ်ခုကို ကတိပြုထားသော်လည်း သိသိသာသာ ကွဲပြားနေသော အခြားအရာတစ်ခုကို ပြသသည့် လင့်ခ်တစ်ခုပါရှိသော အကြောင်းအရာ။ ၎င်းတွင် ကတိပြုထားသော အက်ပ် သို့မဟုတ် ဆော့ဖ်ဝဲရှိ အကြောင်းအရာ ပါဝင်နိုင်သည်။
    • လိမ်လည်လှည့်ဖြား၍ ပြန်ညွှန်းပေးသည့် အပြုအမူ- မျှော်လင့်ထားသည့် ဆိုက်ရောက် စာမျက်နှာ အကြောင်းအရာကို ကြည့်ရှုရန်အတွက် လုပ်ဆောင်ချက်တစ်ခု (ဥပမာ- စက်ရုပ်မဟုတ်ကြောင်း သက်သေပြခြင်း၊ ကြော်ငြာကြည့်ရန်၊ ဤနေရာကိုနှိပ်ပါ) ကို လိုအပ်ပြီး လိုအပ်သော လုပ်ဆောင်ချက် ပြီးမြောက်သွားသည့်နောက် URL ၏ ဒိုမိန်းအမည် ပြောင်းလဲသွားသော သို့မဟုတ် အသုံးပြုသူ၏ လုပ်ဆောင်ချက်မပါဘဲ သိသိသာသာ ကွဲပြားခြားနားသော ဒိုမိန်းဆီသို့ အသုံးပြုသူများကို အလိုအလျောက် ပြန်ညွှန်းသော ဝက်ဘ်ဆိုက်များ။
    • မဖြစ်မနေ နှစ်သက်ရန်/မျှဝေရန် သတ်မှတ်ထားခြင်း- သီးသန့်အထူးအကြောင်းအရာများကို ဝင်ရောက်သုံးစွဲခွင့် ရရှိရန်အတွက် (နှစ်သက်မှု၊ မျှဝေမှု၊ စောင့်ကြည့်မှု ပုံစံဖြင့် သို့မဟုတ် အခြားအများသူငှာ သုံးစွဲနိုင်သော ထိတွေ့မှုပုံစံတစ်ခုခုဖြင့်) ထိတွေ့တုံ့ပြန်ရန် အသုံးပြုသူများအား တောင်းဆိုခြင်း။
    • လိမ်လည်လှည့်ဖြားသော ပလက်ဖောင်း လုပ်ဆောင်နိုင်စွမ်း - ရန်ပုံငွေရှာဖွေခြင်း၊ ပို့စ်တွင်တစ်ခါတည်း ထည့်သွင်းထားသည့် စစ်တမ်းကောက်ယူမှုပုံစံများ၊ ဖွင့်ရန်ခလုတ်များ သို့မဟုတ် နှစ်သက်ရန်ခလုတ်တို့ကို အသုံးပြုသူတစ်ဦး လင့်ခ်နှိပ်ကြည့်ရှုလာစေရန်သက်သက် တုပဖန်တီးထားခြင်းကဲ့သို့ လက်တွေ့လုပ်ဆောင်ခြင်းမရှိဘဲ သို့မဟုတ် မျှော်လင့်ထားသည့်အတိုင်း လုပ်ဆောင်နိုင်စွမ်းမရှိဘဲ ကျွန်ုပ်တို့ဝန်ဆောင်မှုများ၏ သွင်ပြင်လက္ခဏာများကိုဖြစ်စေ၊ လုပ်ဆောင်နိုင်စွမ်းများကိုဖြစ်စေ ခိုးချဖန်တီးထားခြင်း။
    • လိမ်လည်လှည့်ဖြားသော ဆိုက်ရောက်စာမျက်နှာ လုပ်ဆောင်နိုင်စွမ်း- မတော်တဆဝင်ရောက်ကြည့်ရှုမှု ဖြစ်ပေါ်လာစေသည့် နားလည်မှုလွဲစေသော ယူဇာအင်တာဖေ့စ်ပါသည့် ဝက်ဘ်ဆိုက်များ (ဥပမာ- ပေါ့ပ်အပ်များ/အောက်တွင် ပေါ်လာသည်များ၊ ကလစ်နှိပ်ရန် လှည့်ဖြားခြင်း စသည်)။ ၎င်းတွင် လူတစ်ဦးက ဆိုက်ရောက်စာမျက်နှာမှထွက်ရန် ကြိုးပမ်းသောအခါတွင် မသက်ဆိုင်သော ပေါ့ပ်အပ်များ ပေါ်လာသည့် ထွက်၍မရအောင်ပိတ်ဆို့ခြင်းကဲ့သို့ နည်းဗျူဟာများ ပါဝင်သည်။
    • ဆိုက်ရောက်စာမျက်နှာအစစ်တစ်ခု သို့မဟုတ် ဒိုမိန်းအစစ်တစ်ခုနှင့်တူအောင် အယောင်ဆောင်တုပခြင်း - စာရိုက်အမှားများ၊ စာလုံးပေါင်းအမှားများကို အသားပေးထားသည့် အမည်၊ ဒိုမိန်း သို့မဟုတ် အကြောင်းအရာကို အသုံးပြုခြင်းဖြင့် သို့မဟုတ် ယုံကြည်စိတ်ချရသော အခြားဝက်ဘ်ဆိုက်တစ်ခုနှင့် ဆင်တူသယောင်ရှိသည့် ဆိုက်ရောက်စာမျက်နှာကို သုံး၍ လူသိများသော ဝက်ဘ်ဆိုက်များ၊ ဒိုမိန်းများ သို့မဟုတ် အမှတ်တံဆိပ်များအား အယောင်ဆောင်တုပသည့် အခြားနည်းလမ်းများဖြင့် နာမည်ကောင်းရထားသော ကုန်အမှတ်တံဆိပ် သို့မဟုတ် ဝန်ဆောင်မှုတစ်ခုအဖြစ် ဟန်ဆောင်ထားသည့် ပလက်ဖောင်းပြင်ပ ဆိုက်ရောက်စာမျက်နှာ၊ URL သို့မဟုတ် ပြင်ပဝက်ဘ်ဆိုက် သို့မဟုတ် ဒိုမိန်း။
    • အထက်ဖော်ပြပါတို့နှင့် သိသိသာသာ ဆင်တူသော URL များ သို့မဟုတ် လင့်ခ်များကို အခြားနည်းလမ်းများဖြင့် လှည့်ဖြားအသုံးပြုမှုများ။
  • အထက်ပါအချက်များ မည်သို့ပင်ဆိုစေကာမူ ကျွန်ုပ်တို့သည် အောက်ပါတို့ကို တားမြစ်မထားပါ-
    • ကြားခံပြင်ပအဖွဲ့အစည်းသို့ ငွေပေးချေမှုကြောင့် စတင်ခြင်းမဟုတ်သော ကုမ္ပဏီနှစ်ခုနှင့်အထက်အကြား အပြန်အလှန်ပူးပေါင်းကြော်ငြာခြင်း
    • အရောင်းအဝယ်လုပ်ခြင်းထက် စာမျက်နှာတစ်ခု သို့မဟုတ် အဖွဲ့တစ်ဖွဲ့ကို စိတ်ဝင်စားမှုအပေါ်အခြေခံ၍ ထိုစာမျက်နှာ သို့မဟုတ် အဖွဲ့အတွက် စီမံသူ သို့မဟုတ် စိစစ်မှုတာဝန်များကို အခြားအသုံးပြုသူတစ်ဦးထံ လွှဲပြောင်းပေးခြင်း။
    • ရှင်းလင်းစွာ ခွဲခြားဖော်ပြထားသော အမှတ်တံဆိပ်ကိုယ်စားပြု အကြောင်းအရာကို ပို့စ်တင်ခြင်း သို့မဟုတ် မျှဝေခြင်း။
အသုံးပြုသူ၏ အတွေ့အကြုံများ
Facebook ပေါ်တွင် ဆက်မထားသင့်ဟု သင်ယူဆသော အကြောင်းအရာတစ်ခုခုကို တိုင်ကြားပုံ၊ ကျွန်ုပ်တို့၏ လူမှုစံနှုန်းများကို သင် ချိုးဖောက်ထားကြောင်း အသိပေးအကြောင်းကြားမှုရရှိပုံနှင့် အချို့အကြောင်းအရာများပေါ်တွင် သတိပေးချက် မျက်နှာပြင်ကို မြင်တွေ့ရပုံကဲ့သို့ Facebook ပေါ်တွင် အသုံးပြုသူများအား စည်းကမ်းထိန်းသိမ်းမှုပုံစံ နမူနာအချို့ကို ကြည့်ပါ။
မှတ်ချက်- ကျွန်ုပ်တို့သည် အမြဲတမ်း တိုးတက်အောင် ဆောင်ရွက်နေသောကြောင့် ဤနေရာတွင် သင် တွေ့ရှိမည့်အရာသည် ကျွန်ုပ်တို့လက်ရှိအသုံးပြုနေသည်နှင့် နှိုင်းစာလျှင် အနည်းငယ် ဟောင်းနေနိုင်သည်။
အသုံးပြုသူ၏ တွေ့ကြုံမှု
တိုင်ကြားခြင်း
အသုံးပြုသူ၏ တွေ့ကြုံမှု
တိုင်ကြားပြီးနောက်ပိုင်း ဆက်သွယ်မှု
အသုံးပြုသူ၏ တွေ့ကြုံမှု
ဖြုတ်ချခြင်းဆိုင်ရာ တွေ့ကြုံမှု
အသုံးပြုသူ၏ တွေ့ကြုံမှု
သတိပေးချက် မျက်နှာပြင်များ
အချက်အလက်
နောက်ဆုံးထုတ်ပြန်ထားသော လူမှုစံနှုန်းများ လိုက်နာကျင့်သုံးမှုဆိုင်ရာ အစီရင်ခံစာကို ကြည့်ရှုရန်
စည်းကမ်းထိန်းသိမ်းမှု
ကျွန်ုပ်တို့သည် ကမ္ဘာတစ်ဝန်းရှိ Facebook အသုံးပြုသူတိုင်းအတွက် တူညီသော မူဝါဒများကို ချမှတ်ထားသည်။
စိစစ်သုံးသပ်ရေး အဖွဲ့များ
ကျွန်ုပ်တို့၏ ကမ္ဘာအနှံ့မှ စိစစ်သုံးသပ်သူ ၁၅,၀၀၀ ကျော် ပါဝင်သောအဖွဲ့သည် Facebook ပေါ်ရှိ အသုံးပြုသူများ လုံခြုံမှုရှိစေရန် နေ့စဉ်မပြတ် လုပ်ဆောင်လျက်ရှိသည်။
သက်ဆိုင်သူများနှင့် ထိတွေ့ဆက်ဆံမှု
ပြင်ပရှိ ကျွမ်းကျင်သူများ၊ ပညာရှင်များ၊ NGO များနှင့် မူဝါဒချမှတ်သူများသည် Facebook လူမှုစံနှုန်းများအကြောင်းကို သိရှိကြစေရန် ကူညီပေးနေသည်။
အမှိုက်စာနှင့်ပတ်သက်၍ အကူအညီရယူပါ
ကျွန်ုပ်တို့၏ လူမှုစံနှုန်းများကို ချိုးဖောက်သည့် တစ်စုံတစ်ရာကို Facebook တွင် မြင်တွေ့ပါက သင်လုပ်နိုင်သည်များကို လေ့လာပါ။
ကျွန်ုပ်တို့၏ အကူအညီစင်တာတွင် ဝင်ကြည့်ပါ