ကိုယ်ရေးလုံခြုံမှု ချိုးဖောက်ခံရခြင်းများ

မူဝါဒဆိုင်ရာ အသေးစိတ် အချက်အလက်များ
အသုံးပြုသူ၏ အတွေ့အကြုံများ

မူဝါဒ အသေးစိတ်အချက်များ

မှတ်တမ်းပြောင်းရန်
မူဝါဒဆိုင်ရာ သဘောတရား
ကျွန်ုပ်တို့၏ဝန်ဆောင်မှုများသည် ကျွန်ုပ်တို့အသုံးပြုသူများ၏ ကိုယ်ရေးလုံခြုံမှုနှင့် ကိုယ်ရေးကိုယ်တာ အချက်အလက်များကို ကာကွယ်ရန် ရည်ရွယ်သည်။ ကျွန်ုပ်တို့သည် သင်၏ ပုဂ္ဂိုလ်ရေးအရ မည်သူမည်ဝါဖြစ်ကြောင်း အထောက်အထားကို ကာကွယ်ရန် ကြိုးစားပြီး အသုံးပြုသူများအား မိမိအကြောင်း သို့မဟုတ် အခြားသူများအကြောင်း ကိုယ်ရေးကိုယ်တာဆန်သော သို့မဟုတ် လျှိုု့ဝှက်ထားရှိအပ်သော အချက်အလက်အမျိုးအစားအချို့ကို ပို့စ်တင်ခွင့်မပြုပါ။ မိမိတို့၏ ကိုယ်ရေးလုံခြုံမှုအခွင့်အရေးများ ချိုးဖောက်ခံရသည်ဟု ယူဆသော ရုပ်ပုံများကို တိုင်ကြားရန် နည်းလမ်းများကိုလည်း အသုံးပြုသူများအတွက် ကျွန်ုပ်တို့စီစဉ်ပေးထားပါသည်။
တရားမဝင်ရင်းမြစ်များမှ ရရှိလာသော သီးသန့်အချက်အလက်များအပြင် ငွေရေးကြေးရေး၊ နေထိုင်ရာနှင့် ဆေးကုသမှုဆိုင်ရာ အချက်အလက်များ အပါအဝင် ရုပ်ပိုင်းဆိုင်ရာအရဖြစ်စေ၊ ငွေရေးကြေးရေးအရဖြစ်စေ ထိခိုက်စေနိုင်သည့် မည်သူမည်ဝါအထောက်အထားပြ အချက်အလက် သို့မဟုတ် အခြားသီးသန့်အချက်အလက်များကို မျှဝေသော၊ ကမ်းလှမ်းသော သို့မဟုတ် တောင်းဆိုသော အကြောင်းအရာကို ကျွန်ုပ်တို့ ဖယ်ရှားပါသည်။ သီးသန့်အချက်အလက်များသည် သတင်းဖော်ပြမှု၊ တရားရုံးတင်ပြမှု၊ သတင်းထုတ်ပြန်ချက်များ သို့မဟုတ် အခြားရင်းမြစ်များမှတစ်ဆင့် လူသိရှင်ကြား သိရှိနိုင်သော အချက်အလက်များ ဖြစ်လာနိုင်သည်ကို ကျွန်ုပ်တို့နားလည်ပါသည်။ ထိုသို့ဖြစ်လာသောအခါ ကျွန်ုပ်တို့သည် ထိုအချက်အလက်များကို ပို့စ်တင်ခွင့်ပြုနိုင်သည်။
ကျွန်ုပ်တို့တွင် အခပေးအကြောင်းအရာအတွက် နောက်ထပ်ကန့်သတ်ချက်များ ရှိပါသည်။ ထုတ်ကုန်၏ သို့မဟုတ် ဝန်ဆောင်မှု၏ အသေးစိတ်အချက်အလက်များအပေါ် အဓိကထား၍ ကောင်းမွန်သော အသုံးပြုသူအတွေ့အကြုံကို ပေးသည့် ကြော်ငြာများကို ကျွန်ုပ်တို့ခွင့်ပြုသော်လည်း အသုံးပြုသူများ၏ ကိုယ်ရေးကိုယ်တာ အခက်အခဲများကို အသုံးချအမြတ်ထုတ်သည့်၊ ၎င်းတို့နှင့်ပတ်သက်၍ အပျက်သဘောဆောင်သော သို့မဟုတ် မတိကျသော သွင်ပြင်လက္ခဏာများကို ဖော်ပြပုံပေါ်သည့် သို့မဟုတ် ထိခိုက်လွယ်သော ကိုယ်ရေးကိုယ်တာ အချက်အလက်ကို သိရှိကြောင်း သွယ်ဝိုက်ညွှန်းဆိုသည့် ကြော်ငြာများကို ကျွန်ုပ်တို့ဖယ်ရှားသည်။ အခပေးအကြောင်းအရာအတွက် ကျွန်ုပ်တို့၏ ကိုယ်ရေးလုံခြုံမှု စည်းမျဉ်းများနှင့်ပတ်သက်၍ အချက်အလက်များကို ပိုမိုသိရှိရန် ကိုယ်ရေးလုံခြုံမှု ချိုးဖောက်ခံရခြင်းများနှင့် ကိုယ်ရေးကိုယ်တာ သွင်ပြင်လက္ခဏာများဆိုင်ရာ ကျွန်ုပ်တို့၏ ကြော်ငြာစံနှုန်းကို ကြည့်ပါ။
ကျွန်ုပ်တို့သည် အောက်ပါတို့ကို ခွင့်မပြုပါ-
ကျွန်ုပ်တို့၏ဝန်ဆောင်မှုများပေါ်တွင်ဖြစ်စေ၊ ပြင်ပလင့်ခ်များမှတစ်ဆင့်ဖြစ်စေ အောက်ဖော်ပြပါအတိုင်း ပုဂ္ဂိုလ်ရေးဆိုင်ရာ သီးသန့်အချက်အလက်များကို မျှဝေသည့် သို့မဟုတ် တောင်းခံသည့် အကြောင်းအရာ-
မည်သူမည်ဝါ အထောက်အထားပြ အချက်အလက် (PII)
  • ပို့စ်တင်သူ၏ သို့မဟုတ် အခြားသူများ၏ မည်သူမည်ဝါ အထောက်အထားပြ အချက်အလက် (ပုဂ္ဂိုလ်တစ်ဦးကို သီးခြား ခွဲခြားဖော်ထုတ်နိုင်သည့် အချက်အလက်) ကို မျှဝေသည့် အကြောင်းအရာ။ ၎င်းတွင် ပါဝင်သည်မှာ-
    • လူမှုဖူလုံရေးနံပါတ်များ (SSN)၊ ပတ်စ်ပို့နံပါတ်များ သို့မဟုတ် တစ်သီးပုဂ္ဂလ အခွန်ထမ်း မှတ်ပုံတင်နံပါတ်များ (ITIN) ကဲ့သို့သော နိုင်ငံတော်က ထုတ်ပေးသော အထောက်အထားနံပါတ်များ။
    • ဥပဒေစိုးမိုးရေး၊ တပ်မတော် သို့မဟုတ် လုံခြုံရေး ဝန်ထမ်းများ၏ အစိုးရအိုင်ဒီများ။
    • လက်ထပ်ခြင်း၊ မွေးဖွားခြင်း၊ သေဆုံးခြင်း၊ အမည်ပြောင်းလဲခြင်း သို့မဟုတ် လိင်အမျိုးအစား အသိအမှတ်ပြုခြင်း စာရွက်စာတမ်းများ ကဲ့သို့သော အရပ်သားမှတ်ပုံတင် အချက်အလက် မှတ်တမ်းများ သို့မဟုတ် တရားဝင် စာရွက်စာတမ်းများ
    • အစိမ်းရောင်ကတ်များ၊ အလုပ်လုပ်ခွင့် ပါမစ်များ သို့မဟုတ် ဗီဇာများကဲ့သို့သော လူဝင်မှုကြီးကြပ်ရေးနှင့် အလုပ်အကိုင်အခြေအနေ စာရွက်စာတမ်းများ
  • အခြားသူများ၏ မည်သူမည်ဝါ အထောက်အထားပြ အချက်အလက်ကို တောင်းခံသော အကြောင်းအရာ
ကိုယ်ရေးကိုယ်တာ ဆက်သွယ်ရန်အချက်အလက်
  • ပုဂ္ဂိုလ်တစ်ဦးက လူသိရှင်ကြား ထုတ်ပြန်ထားသည့်အခါ သို့မဟုတ် ပရဟိတကိစ္စရပ်များကို ဆော်ဩရန်၊ ပျောက်ဆုံးနေသူများ၊ ပျောက်ဆုံးနေသောတိရစ္ဆာန်များ သို့မဟုတ် ပျောက်ဆုံးနေသော အရာဝတ္ထုများ၏ ပိုင်ရှင်များကို ရှာဖွေရာတွင် လွယ်ကူချောမွေ့စေရန် သို့မဟုတ် (လူပုဂ္ဂိုလ်၏ သဘောတူညီချက်မပါဘဲ ကိုယ်ရေးကိုယ်တာ ဆက်သွယ်ရန်အချက်အလက်ကို မျှဝေကြောင်း ဖော်ပြထားခြင်းမရှိလျှင်) လုပ်ငန်း သို့မဟုတ် ဝန်ဆောင်မှုပေးသူထံ ဆက်သွယ်ရန် မျှဝေထားသည့်အခါ သို့မဟုတ် တောင်းခံထားသည့်အခါမှလွဲ၍ ကျန်အချိန်များတွင် အခြားသူများ၏ ကိုယ်ရေးကိုယ်တာ ဆက်သွယ်ရန်အချက်အလက်ကို မျှဝေသည့် အကြောင်းအရာ။
နေရပ်လိပ်စာ အချက်အလက်
  • အောက်ပါအခြေအနေများမှလွဲပြီး လိပ်စာကိုဖော်ထုတ်လျက် မြေပုံပေါ်ရှိ အဆောက်အအုံအမည် သို့မဟုတ် (ပင်ထောက်သည့်အမှတ်များက ပလက်ဖောင်းပြင်ပလင့်ခ်တွင် ရှိနေလင့်ကစား) ပင်ထောက်သည့်အမှတ်များ ပါဝင်နေသော အခြားသူများ၏ သီးသန့်နေထိုင်ရာလိပ်စာအပြည့်အစုံကို မျှဝေသည့် အကြောင်းအရာ-
    • ပရဟိတကိစ္စရပ်များကို ဆော်ဩရန်၊ ပျောက်ဆုံးနေသူများ၊ ပျောက်ဆုံးနေသောတိရစ္ဆာန်များ သို့မဟုတ် ပျောက်ဆုံးနေသော အရာဝတ္ထုများ၏ ပိုင်ရှင်များကို ရှာဖွေရာတွင် လွယ်ကူချောမွေ့စေရန် သို့မဟုတ် လုပ်ငန်း သို့မဟုတ် ဝန်ဆောင်မှုပေးသူများထံ ဆက်သွယ်ရန် မျှဝေသည့်အခါ
    • နေထိုင်သည့်နေရာသည် ရာထူးမြင့်အစိုးရအရာရှိတစ်ဦးအား ထောက်ပံ့ပေးထားသည့် တရားဝင်နေထိုင်ရာ သို့မဟုတ် သံရုံးတစ်ခုဖြစ်သည့်အခါ
  • အခြားသူများ၏ သီးသန့်နေရပ်လိပ်စာ တစ်စိတ်တစ်ပိုင်းကို မျှဝေသည့် အကြောင်းအရာ (နေထိုင်သည့်နေရာသည် ရာထူးမြင့်အစိုးရအရာရှိတစ်ဦးအား ထောက်ပံ့ပေးထားသည့် တရားဝင်နေထိုင်ရာ သို့မဟုတ် သံရုံးတစ်ခုဖြစ်သည့်အခါမှလွဲ၍)-
    • ဆန္ဒပြမှုများ လုပ်ဆောင်ရန် စီစဉ်ခြင်း သို့မဟုတ် နေထိုင်သူအား စောင့်ကြည့်ခြင်းနှင့်ဆက်စပ်သည့် အကြောင်းအရာဖြင့် မျှဝေထားပြီး နေထိုင်သည့်တည်နေရာကို အောက်ပါတို့မှ တစ်ခုခုဖြင့် ခွဲခြားဖော်ထုတ်နိုင်သည့်အခါ-
      • လမ်း
      • မြို့ သို့မဟုတ် ရပ်ကွက် (နေထိုင်သူဦးရေ ၅၀,၀၀၀ အောက်ရှိသော မြို့များအတွက်သာ)
      • စာပို့ကုဒ်
      • ၎င်းတို့မှတစ်ခုခုကို ခွဲခြားဖော်ထုတ်သော GPS ပင်ထောက်သည့်အမှတ်များ သို့မဟုတ် မြေပုံတစ်ခုပေါ်ရှိ ပင်ထောက်သည့်အမှတ်များ (ပင်ထောက်သည့်အမှတ်များသည် ပလက်ဖောင်းပြင်ပလင့်ခ်တွင် ရှိနေလင့်ကစား)
    • အောက်ပါအခြေအနေအားလုံး သက်ရောက်ပါက ပုဂ္ဂလိကနေအိမ်များ၏ ပြင်ပမြင်ကွင်းကို ပြသသော ဓာတ်ပုံ-
    • နေအိမ်ဆိုသည်မှာ မိသားစုတစ်စုနေအိမ်ဖြစ်သည် သို့မဟုတ် နေထိုင်သူ၏ တိုက်ခန်းနံပါတ်/အဆောက်အအုံအမည်ကို ဓာတ်ပုံ/စာညွှန်းတွင် ခွဲခြားဖော်ပြထားသည်။
    • နေအိမ်၏ တည်နေရာကို အောက်ပါတို့မှ တစ်ခုခုဖြင့် ခွဲခြားဖော်ထုတ်သည်-
      • လမ်း
      • မြို့ သို့မဟုတ် ရပ်ကွက် (နေထိုင်သူဦးရေ ၅၀,၀၀၀ အောက်ရှိသော မြို့များအတွက်သာ)
      • စာပို့ကုဒ်
      • ၎င်းတို့မှတစ်ခုခုကို ခွဲခြားဖော်ထုတ်သော GPS ပင်ထောက်သည့်အမှတ်များ သို့မဟုတ် မြေပုံတစ်ခုပေါ်ရှိ ပင်ထောက်သည့်အမှတ်များ (ပင်ထောက်သည့်အမှတ်များသည် ပလက်ဖောင်းပြင်ပလင့်ခ်တွင် ရှိနေလင့်ကစား)
    • နေထိုင်သူ(များ) ကို မည်သူမည်ဝါခွဲခြားဖော်ပြသည့် အကြောင်းအရာ။
    • အဆိုပါနေထိုင်သူက သူ၏သီးသန့်နေထိုင်ရာအား အများသိရှိအောင် ထုတ်ဖော်ပြသမှုကို ကန့်ကွက်ထားခြင်း သို့မဟုတ် နေထိုင်သူကို ဆန့်ကျင်သည့် ဆန္ဒပြမှုများကို စီစဉ်ခြင်းနှင့်ဆက်စပ်သော အကြောင်းအရာ။
    • (နေထိုင်သူကို ဆန့်ကျင်သည့် ဆန္ဒပြမှုများကို စီစဉ်ခြင်းနှင့်ဆက်စပ်သော အကြောင်းအရာဖြင့် မျှဝေထားသည့်အခါမှလွဲ၍) နေထိုင်ရာနေရာသည် သတင်းဇာတ်လမ်းတစ်ခု၏ အဓိကအာရုံစိုက်ရာဖြစ်သောကြောင့် နေအိမ်၏ ရုပ်ပုံကို မျှဝေမထားခြင်း
  • အခြားသူများ၏ သီးသန့်နေထိုင်ရာအချက်အလက်များကို မေးမြန်းသည့် အကြောင်းအရာ (နေထိုင်သည့်နေရာသည် ရာထူးမြင့်အစိုးရအရာရှိတစ်ဦးအား ထောက်ပံ့ပေးထားသည့် တရားဝင်နေထိုင်ရာ သို့မဟုတ် သံရုံးတစ်ခုဖြစ်သည့်အခါမှလွဲ၍)
  • (လုံခြုံသောအိမ်သည် ယင်းအဆောက်အအုံနှင့်ပတ်သက်သော အချက်အလက်များကို လိုလိုလားလား ကြော်ငြာနေသည့်အခါမှလွဲ၍) လုံခြုံသောအိမ်များ၏ တည်နေရာကို မေးမြန်းသည့် သို့မဟုတ် အောက်ဖော်ပြပါ မည်သည့်အရာကိုမဆို မျှဝေခြင်းဖြင့် လုံခြုံသောအိမ်များအကြောင်း အချက်အလက်များကို အများသိရှိအောင် ဖော်ထုတ်ထားသည့် အကြောင်းအရာ
    • အမှန်တကယ်နေထိုင်ရာ နေရပ်လိပ်စာ (မှတ်ချက်- 'စာတိုက်သေတ္တာအမှတ်သီးသန့်' ကိုမူ ခွင့်ပြုထားသည်)
    • လုံခြုံသောအိမ်၏ ဓာတ်ပုံများ
    • လုံခြုံသောအိမ်အား ခွဲခြားဖော်ပြနိုင်သော မြို့/အိမ်နီးနားချင်းရပ်ကွက်
    • လုံခြုံသောအိမ်တွင် နေထိုင်သူများကို မည်သူမည်ဝါဖြစ်ကြောင်း ခွဲခြားဖော်ပြနိုင်သော အချက်အလက်
ဆေးကုသမှုဆိုင်ရာ အချက်အလက်
  • ဆေးမှတ်တမ်းများ သို့မဟုတ် အခြားတရားဝင်စာရွက်စာတမ်းများမှ အချက်အလက်ကို ရရှိကြောင်း သိသာထင်ရှားသည့်အခါ (ရုပ်ပုံဖြင့် ပြသထားသည့်အခါ သို့မဟုတ် အသံ သို့မဟုတ် ဗီဒီယိုဖြင့် မျှဝေသည့်အခါ အပါအဝင်) အခြားသူများ၏ ဆေးကုသမှုဆိုင်ရာ၊ စိတ်ပိုင်းဆိုင်ရာ၊ ဇီဝလက္ခဏာဆိုင်ရာ သို့မဟုတ် မျိုးရိုး/ဗီဇဆိုင်ရာ အချက်အလက်များကို မျှဝေသော သို့မဟုတ် တောင်းဆိုသော အကြောင်းအရာ။
ငွေရေးကြေးရေးဆိုင်ရာ အချက်အလက်။
  • ပို့စ်တင်သူနှင့်ပတ်သက်သော သို့မဟုတ် အခြားသူများနှင့်ပတ်သက်သော ကိုယ်ရေးကိုယ်တာ ငွေရေးကြေးရေး အချက်အလက်များကို မျှဝေသည့် သို့မဟုတ် တောင်းခံသည့် အကြောင်းအရာ။ ဤနေရာတွင် လူတစ်ဦး၏ ပုဂ္ဂိုလ်ရေးဆိုင်ရာ ငွေကြေးကိစ္စရပ်များအကြောင်း အချက်အလက်များအဖြစ် သတ်မှတ်ထားပြီး ယင်းတွင် ပါဝင်သည်များမှာ-
    • လူသိရှင်ကြားထုတ်ပြန်မထားသော ငွေရေးကြေးရေးဆိုင်ရာ မှတ်တမ်းများ သို့မဟုတ် စာရင်းရှင်းတမ်းများ။
    • လုံခြုံရေးကုဒ် သို့မဟုတ် ပင်ကုဒ်များပါသော ဘဏ်အကောင့်နံပါတ်များ။
    • လော့ဂ်အင်ဝင်ရန် အသေးစိတ်အချက်များ၊ လုံခြုံရေးကုဒ်များ သို့မဟုတ် ပင်ကုဒ်များပါသော ဒစ်ဂျစ်တယ် ငွေပေးချေမှု နည်းလမ်း အချက်အလက်။
    • သက်တမ်းရှိ ရက်စွဲများ သို့မဟုတ် လုံခြုံရေးပင်များ သို့မဟုတ် လုံခြုံရေးကုဒ်များပါသော ခရက်ဒစ်ကတ် သို့မဟုတ် ဘဏ်အကောင့်ကတ် အချက်အလက်။
  • အဖွဲ့အစည်းကိုယ်တိုင်က အစကတည်းက မျှဝေထားသည့်အခါ (မူရင်းအကြောင်းအရာအတိုင်း နောက်ဆက်တွဲ မျှဝေထားမှုများ အပါအဝင်) သို့မဟုတ် အများပြည်သူထံ အစီရင်ခံခြင်း လိုအပ်ချက်များအရ (ဥပမာ- စတော့အိတ်စ်ချိန်းများအရ သို့မဟုတ် စည်းကမ်းထိန်းသိမ်းရေးအေဂျင်စီများ၏ တောင်းဆိုချက်အရ လိုအပ်သည့်အတိုင်း) မျှဝေထားသည့်အခါမှလွဲ၍ လုပ်ငန်းတစ်ခုနှင့်ပတ်သက်သော သို့မဟုတ် အဖွဲ့အစည်းတစ်ခုနှင့်ပတ်သက်သော လူသိရှင်ကြားထုတ်ပြန်မထားသည့် ငွေရေးကြေးရေး အချက်အလက်များကို မျှဝေသည့် သို့မဟုတ် တောင်းဆိုသည့် အကြောင်းအရာ။ ၎င်းတို့ကို လုပ်ငန်းတစ်ခု၏ သို့မဟုတ် အဖွဲ့အစည်းတစ်ခု၏ ငွေကြေးကိစ္စရပ်များအကြောင်း အချက်အလက်များအဖြစ် သတ်မှတ်ထားပြီး ယင်းတွင် ပါဝင်သည်များမှာ-
    • လူသိရှင်ကြားထုတ်ပြန်မထားသော ငွေရေးကြေးရေး မှတ်တမ်းများ သို့မဟုတ် စာရင်းရှင်းတမ်းများ
    • လုံခြုံရေးကုဒ်များ သို့မဟုတ် ပင်ကုဒ်များနှင့်အတူပါရှိသော ဘဏ်အကောင့်နံပါတ်များ။
    • လော့ဂ်အင်ဝင်ရန် အသေးစိတ်အချက်များ၊ လုံခြုံရေးကုဒ်များ သို့မဟုတ် ပင်ကုဒ်များနှင့်အတူပါရှိသော ဒစ်ဂျစ်တယ် ငွေပေးချေမှု နည်းလမ်း အချက်အလက်။
လှည့်ဖျားခိုးယူခံထားရသော မူလရင်းမြစ်များမှ ရရှိလာသော အချက်အလက်များ
  • ထိခိုက်ခံရသူသည် လူသိများသောပုဂ္ဂိုလ်ဖြစ်စေ၊ သာမန်ပုဂ္ဂိုလ်ဖြစ်စေ မည်သို့ပင်ရှိစေကာမူ လှည့်ဖျားခိုးယူခံထားရသော မူလရင်းမြစ်မှရရှိသည်ဟု ပို့စ်တင်သူက အခိုင်အမာဆိုထားသော သို့မဟုတ် အတည်ပြုထားသော အကြောင်းအရာ။
အောက်ပါအကြောင်းအရာများကိုလည်း ဖယ်ရှားနိုင်ပါသည်-
  • သတင်းပို့ထားသည့် လူများပါဝင်သော ဓာတ်ပုံ သို့မဟုတ် ဗီဒီယိုတွင် ဖော်ပြခံထားရသူသည်-
    • အသက် ၁၃ နှစ်အောက် အရွယ်မရောက်သေးသူတစ်ဦးဖြစ်ပြီး အကြောင်းအရာကို အရွယ်မရောက်သေးသူကဖြစ်စေ၊ မိဘ သို့မဟုတ် တရားဝင်အုပ်ထိန်းသူကဖြစ်စေ တိုင်ကြားထားခြင်း။
    • အသက် ၁၃ နှစ်နှင့် ၁၈ နှစ်ကြား အရွယ်မရောက်သေးသူတစ်ဦးဖြစ်ပြီး အကြောင်းအရာကို အရွယ်မရောက်သေးသူက တိုင်ကြားထားခြင်း။
    • အရွယ်ရောက်သူဖြစ်ပြီး အမေရိကန်ပြည်ထောင်စုပြင်ပရှိ အရွယ်ရောက်သူတစ်ဦးက အကြောင်းအရာကို တိုင်ကြားထားကာ သက်ဆိုင်ရာဥပဒေက ဖယ်ရှားပိုင်ခွင့်များ ပံ့ပိုးပေးနိုင်လျှင်။
    • မသန်စွမ်းဖြစ်နေပြီး ၎င်းတို့ကိုယ်တိုင် အကြောင်းအရာကို တိုင်ကြားနိုင်စွမ်း မရှိသူဖြစ်လျှင်။
အောက်ပါလူမှုစံနှုန်းများအတွက် ကျွန်ုပ်တို့ စည်းကမ်းထိန်းသိမ်းတင်းကျပ်နိုင်စေရန် ထပ်ဆောင်းအချက်အလက်များ နှင့်/သို့မဟုတ် ဆက်စပ်အခြေအနေကို လိုအပ်ပါသည်-
  • လူပုဂ္ဂိုလ်များနှင့် ဆေးဘက်ဆိုင်ရာဌာနများကို သရုပ်ဖော်ညွှန်းမှုများ။ ဤသည်ကို ဆေးဘက်ဆိုင်ရာဌာန သို့မဟုတ် ကျန်းမာရေးဌာနရှိ ပုဂ္ဂိုလ်တစ်ဦးကိုဖြစ်စေ၊ ဆေးဘက်ဆိုင်ရာဌာန သို့မဟုတ် ကျန်းမာရေးဌာနသို့ ဝင်သွားသော သို့မဟုတ် ယင်းမှထွက်လာသော သာမန်ပုဂ္ဂိုလ် သို့မဟုတ် အရွယ်မရောက်သေးသူကို ပြသထားသဖြင့် အောက်ပါတို့ကဲ့သို့ သက်ဆိုင်သူဘက်မှ တိုင်ကြားလာသော အကြောင်းအရာအဖြစ် သတ်မှတ်ထားသည်-
    • ရုပ်ပုံထဲတွင် ဖော်ပြခံထားရသူ
    • ရုပ်ပုံထဲတွင် ဖော်ပြခံထားရသူ၏ ကိုယ်စားလှယ်တစ်ဦး
    • ရုပ်ပုံထဲတွင် ဖော်ပြခံထားရသူအား ကုသစောင့်ရှောက်ပေးရန် တာဝန်များရှိသော ဆေးဘက်ဆိုင်ရာဌာန သို့မဟုတ် ကျန်းမာရေးဌာန သို့မဟုတ်
    • ရုပ်ပုံထဲတွင် ဖော်ပြခံထားရသူအား အလုပ်ခန့်ထားသော ဆေးဘက်ဆိုင်ရာဌာန သို့မဟုတ် ကျန်းမာရေးဌာန
  • နိုင်ငံခြားအစိုးရ၏ သြဇာလွှမ်းမိုးမှု စစ်ဆင်ရေး တစ်စိတ်တစ်ပိုင်းအဖြစ် မျှဝေထားသည့် လူသိရှင်ကြား ပြောမထားသော ရွေးကောက်ပွဲဆိုင်ရာ အချက်အလက်ကို ဖွင့်ချရန်ဟု မဟုတ်မမှန်ဆိုထားသည့် မူလရင်းမြစ် အချက်အလက်။
    • ပေါက်ကြားမှုတစ်ခုနှင့်ပတ်သက်ပြီး အဆိုပါပေါက်ကြားမှု၏ နောက်ကွယ်တွင် ကြိုးကိုင်နေသော နိုင်ငံမှ နိုင်ငံပိုင်မီဒီယာ အဖွဲ့အစည်းများ၏ သတင်းအစီရင်ခံမှုကို ကျွန်ုပ်တို့ ဖယ်ရှားသည်။
အသုံးပြုသူ၏ အတွေ့အကြုံများ
Facebook ပေါ်တွင် ဆက်မထားသင့်ဟု သင်ယူဆသော အကြောင်းအရာတစ်ခုခုကို တိုင်ကြားပုံ၊ ကျွန်ုပ်တို့၏ လူမှုစံနှုန်းများကို သင် ချိုးဖောက်ထားကြောင်း အသိပေးအကြောင်းကြားမှုရရှိပုံနှင့် အချို့အကြောင်းအရာများပေါ်တွင် သတိပေးချက် မျက်နှာပြင်ကို မြင်တွေ့ရပုံကဲ့သို့ Facebook ပေါ်တွင် အသုံးပြုသူများအား စည်းကမ်းထိန်းသိမ်းမှုပုံစံ နမူနာအချို့ကို ကြည့်ပါ။
မှတ်ချက်- ကျွန်ုပ်တို့သည် အမြဲတမ်း တိုးတက်အောင် ဆောင်ရွက်နေသောကြောင့် ဤနေရာတွင် သင် တွေ့ရှိမည့်အရာသည် ကျွန်ုပ်တို့လက်ရှိအသုံးပြုနေသည်နှင့် နှိုင်းစာလျှင် အနည်းငယ် ဟောင်းနေနိုင်သည်။
အသုံးပြုသူ၏ တွေ့ကြုံမှု
တိုင်ကြားခြင်း
အသုံးပြုသူ၏ တွေ့ကြုံမှု
တိုင်ကြားပြီးနောက်ပိုင်း ဆက်သွယ်မှု
အသုံးပြုသူ၏ တွေ့ကြုံမှု
ဖြုတ်ချခြင်းဆိုင်ရာ တွေ့ကြုံမှု
အသုံးပြုသူ၏ တွေ့ကြုံမှု
သတိပေးချက် မျက်နှာပြင်များ
စည်းကမ်းထိန်းသိမ်းမှု
ကျွန်ုပ်တို့သည် ကမ္ဘာတစ်ဝန်းရှိ Facebook အသုံးပြုသူတိုင်းအတွက် တူညီသော မူဝါဒများကို ချမှတ်ထားသည်။
စိစစ်သုံးသပ်ရေး အဖွဲ့များ
ကျွန်ုပ်တို့၏ ကမ္ဘာအနှံ့မှ စိစစ်သုံးသပ်သူ ၁၅,၀၀၀ ကျော် ပါဝင်သောအဖွဲ့သည် Facebook ပေါ်ရှိ အသုံးပြုသူများ လုံခြုံမှုရှိစေရန် နေ့စဉ်မပြတ် လုပ်ဆောင်လျက်ရှိသည်။
သက်ဆိုင်သူများနှင့် ထိတွေ့ဆက်ဆံမှု
ပြင်ပရှိ ကျွမ်းကျင်သူများ၊ ပညာရှင်များ၊ NGO များနှင့် မူဝါဒချမှတ်သူများသည် Facebook လူမှုစံနှုန်းများအကြောင်းကို သိရှိကြစေရန် ကူညီပေးနေသည်။
ကိုယ်ရေးလုံခြုံမှု ချိုးဖောက်ခံရခြင်းများအတွက် အကူအညီရယူပါ
ကျွန်ုပ်တို့၏ လူမှုစံနှုန်းများကို ချိုးဖောက်သည့် တစ်စုံတစ်ရာကို Facebook တွင် မြင်တွေ့ပါက သင်လုပ်နိုင်သည်များကို လေ့လာပါ။
ကျွန်ုပ်တို့၏ အကူအညီစင်တာတွင် ဝင်ကြည့်ပါ