မူဝါဒဆိုင်ရာ သဘောတရား
စစ်မှန်မှုသည် ကျွန်ုပ်တို့ လူမှုအဖွဲ့အစည်း၏ အခြေခံအုတ်မြစ်ဖြစ်ပါသည်။ စစ်မှန်မှုသည် လူများက အဓိပ္ပာယ်ပြည့်ဝသောနည်းလမ်းများဖြင့် တစ်ဦးအပေါ်တစ်ဦး တာဝန်ခံမှုရှိသည့်၊ Meta အပေါ် တာဝန်ခံမှုရှိသည့် လူမှုအဖွဲ့အစည်းတစ်ရပ်ကို ဖန်တီးနိုင်ရန် ကူညီပေးသည်ဟု ကျွန်ုပ်တို့ယုံကြည်ပါသည်။ မည်သူမည်ဝါဖြစ်ကြောင်း အထောက်အထားကို မှားယွင်းစွာကိုယ်စားပြုမှုနှင့် အယောင်ဆောင်ခြင်းကို တားဆီးနေစဉ် တစ်ဖက်တွင်လည်း ကျွန်ုပ်တို့၏ ကမ္ဘာတစ်ဝန်းရှိ လူမှုအဖွဲ့အစည်းအသီးသီးတွင် မည်သူမည်ဝါဖြစ်ကြောင်း အထောက်အထားကို ထုတ်ဖော်ပြသည့် နည်းလမ်းများစွာကိုလည်း ကျွန်ုပ်တို့ ခွင့်ပြုပေးလိုပါသည်။ လူများ တစ်ဦးပေါ်တစ်ဦးယုံကြည်နိုင်ပြီး လူမှုအဖွဲ့အစည်း တည်ဆောက်နိုင်သည့် အန္တရာယ်ကင်းရှင်းပြီး ပွင့်လင်းသော ပတ်ဝန်းကျင်တစ်ခုကို ထိန်းသိမ်းရန်အတွက် ကျွန်ုပ်တို့သည် အခြားသူများအား လှည့်ဖြားရန် ဖန်တီးထားသည့် သို့မဟုတ် အသုံးပြုထားသည့် အကောင့်များ သို့မဟုတ် ပရိုဖိုင်များ ဖန်တီးမှုကို ခွင့်မပြုပါ။
Facebook တွင် ကျွန်ုပ်တို့သည် လူများအား သူတို့၏ စစ်မှန်သော မည်သူမည်ဝါဖြစ်ကြောင်း အထောက်အထားကို ကိုယ်စားပြုသည့် နေ့စဉ်ဘဝတွင် ခေါ်ဝေါ်သောအမည်ကိုသုံး၍ အကောင့်တစ်ခုဖွင့်ရန် သတ်မှတ်ထားပါသည်။ လူများအား သူတို့၏ စိတ်ဝင်စားမှုများ သို့မဟုတ် လုပ်ငန်းများကဲ့သို့သော မတူညီသည့် ကိုယ်ပိုင်အသွင်အပြင် အမျိုးမျိုးကို ထုတ်ဖော်ပြနိုင်စေရန် ထပ်ဆောင်း ပရိုဖိုင်များကို ကျွန်ုပ်တို့ ဖန်တီးခဲ့ပါသည်။ အချို့သော ထုတ်ကုန်များနှင့် လုပ်ဆောင်ချက်များကို ဝင်ရောက်ကြည့်ရှုရန် သို့မဟုတ် ဆက်လက်အသုံးပြုရန်အတွက် သင်၏ မည်သူမည်ဝါဖြစ်ကြောင်း အထောက်အထားကို အတည်ပြုပေးရန် ကျွန်ုပ်တို့က သင့်အား တောင်းဆိုနိုင်ပါသည်။ အထောက်အထားစိစစ်ခြင်းကို အပြီးမသတ်ပါက ကျွန်ုပ်တို့သည် အကောင့်များကို ဝင်ရောက်အသုံးပြုခွင့် ကန့်သတ်ခြင်း သို့မဟုတ် အပြီးတိုင်ပိတ်ပင်ခြင်း အပါအဝင် ၎င်းတို့ဖြင့်သာ ကန့်သတ်မထားဘဲ အရေးယူဆောင်ရွက်ချက်များကို လုပ်ဆောင်နိုင်ပါသည်။
အောက်ပါတို့ကဲ့သို့သော Facebook၊ Instagram နှင့် Threads အကောင့်များ သို့မဟုတ် Facebook ပေါ်ရှိ အခြားအရာများ (စာမျက်နှာများ၊ အဖွဲ့များကဲ့သို့) ကို ကျွန်ုပ်တို့၏ ဝန်ဆောင်မှုများအား သုံးစွဲခွင့်မပြုသည့်အပြင် ၎င်းတို့ကို ကန့်သတ်ပါမည် သို့မဟုတ် ပိတ်သိမ်းပါမည်-
အသက်မပြည့်သေးသော ကလေးများက ပိုင်ဆိုင်သည့်အရာများ
အောက်ပါနည်းလမ်းများဖြင့် အခြားလူပုဂ္ဂိုလ် သို့မဟုတ် အဖွဲ့အစည်းအဖြစ် အယောင်ဆောင်သောအရာများ-
အခြားသူများအား လှည့်ဖြားရန် ရည်ရွယ်၍ ၎င်းတို့၏ရုပ်ပုံ(များ)၊ အမည် သို့မဟုတ် ပုံတူကို အသုံးပြုခြင်းဖြင့်
အသုံးပြုသူကို ခွင့်ပြုချက်မပေးထားသော်လည်း ၎င်းက အခြားလူပုဂ္ဂိုလ် သို့မဟုတ် အဖွဲ့အစည်း၏ ကိုယ်စား ပြောဆိုဆောင်ရွက်ခြင်းဖြင့် (ဥပမာ- စာမျက်နှာ သို့မဟုတ် ပရိုဖိုင် ဖန်တီးခြင်းဖြင့်)
အခြားသူများကို နားလည်မှုလွဲစေရန် သို့မဟုတ် လိမ်လည်လှည့်ဖြားရန်၊ စည်းကမ်းထိန်းသိမ်းမှုကို ရှောင်တိမ်းရန် သို့မဟုတ် ကျွန်ုပ်တို့၏ လူမှုစံနှုန်းများကို ချိုးဖောက်ရန်အတွက် မည်သူမည်ဝါဖြစ်ကြောင်း အထောက်အထားအား မှားယွင်းစွာကိုယ်စားပြုမှုတွင် ပါဝင်ဆောင်ရွက်သည့်အရာများ။ နားလည်မှုလွဲစေသော မည်သူမည်ဝါဖြစ်ကြောင်း အထောက်အထားအား မှားယွင်းစွာကိုယ်စားပြုမှုကို အကဲဖြတ်သည့်အခါ ကျွန်ုပ်တို့သည် အောက်ပါတို့ကဲ့သို့ အချက်များစွာကို ထည့်သွင်းစဉ်းစားသည်-
အမည် သို့မဟုတ် အသက်ကဲ့သို့ မည်သူမည်ဝါဖြစ်ကြောင်း အထောက်အထား အသေးစိတ်အချက်အလက်များ ထပ်နေခြင်း သို့မဟုတ် ၎င်းတို့တွင် သိသာသော ပြောင်းလဲမှုများ
ကိုယ်ရေးအကျဉ်း အသေးစိတ်အချက်များနှင့် ပရိုဖိုင် တည်နေရာကဲ့သို့ နားလည်မှုလွဲစေသော ပရိုဖိုင်အချက်အလက်များ
ဓာတ်ပုံကုန်စည်ကို အသုံးပြုခြင်း
ကျွန်ုပ်တို့၏ လူမှုစံနှုန်းများကို ချိုးဖောက်နေသည့်အရာများ ပါဝင်သည့် အမည်တစ်ခုကို အသုံးပြုခြင်း။
Facebook တွင် အောက်ပါတို့ကို သင်လုပ်ဆောင်ပါက ပရိုဖိုင်များ သို့မဟုတ် အကောင့်များကို ယာယီကန့်သတ်ခြင်းမှသည် အပြီးတိုင်ပိတ်သည်အထိ အရေးယူခြင်းများမလုပ်မီ နောက်ထပ်အချက်အလက်များကို ကျွန်ုပ်တို့ ကြိုးစားရှာဖွေပါမည်-
မွေးနေ့အမှားကို ဖြည့်စွက်ခြင်း
နေ့စဉ်ဘဝတွင် သင့်ကိုခေါ်ဝေါ်သော အမည်ရင်းမဟုတ်သည့် အခြားအမည်တစ်ခုကို အသုံးပြုခြင်း
လူတစ်ယောက်နှင့်အထက်ကို ကိုယ်စားပြုသော သို့မဟုတ် လူတစ်ယောက်နှင့်အထက်က အသုံးပြုသော အကောင့်တစ်ခုကို ဖန်တီးခြင်း
Facebook အကောင့်အများအပြားကို ဖန်တီးခြင်း သို့မဟုတ် ထိန်းသိမ်းထားခြင်း
လုပ်ငန်း၊ အိမ်မွေးတိရစ္ဆာန် သို့မဟုတ် စိတ်ကူးယဉ်ဇာတ်ကောင်ကဲ့သို့ လူမဟုတ်သောအရာကို ကိုယ်စားပြုသည့် အကောင့်တစ်ခု ဖန်တီးခြင်း
အသုံးမပြုသည်မှာ ကြာပြီဖြစ်သော ပရိုဖိုင်အလွတ်များကို ထားရှိခြင်း
ပရိသတ်၊ သရော်စာနှင့် သရော်ပြက်လုံး အကောင့်များ
ပရိသတ်သဘောထား၊ ဟာသ၊ သရော်ဟာသ၊ သရော်စာ၊ ဝေဖန်မှု၊ ထင်မြင်သုံးသပ်ချက်နှင့် ထင်မြင်ယူဆချက်အတွက် သီးသန့်လုပ်ဆောင်သော အကောင့်များကို ကျွန်ုပ်တို့ခွင့်ပြုပါသည်။ အနည်းဆုံးအနေဖြင့် အကောင့်အမည်တွင်လည်းကောင်း၊ အကောင်းဆုံးမှာ ပရိုဖိုင်ဓာတ်ပုံ သို့မဟုတ် ကိုယ်ရေးအကျဉ်းကဲ့သို့ ပရိုဖိုင်ရှိ အခြားနေရာများတွင်လည်းကောင်း တရားဝင်မဟုတ်သော အခြေအနေကို ရှင်းလင်းပြတ်သားစွာ ဖော်ပြထားသည့်အကောင့် ဖြစ်ရမည် (ဥပမာ- အကောင့်အမည်/အမည်တွင် "ပရိသတ်စာမျက်နှာ" ကို ထည့်ထားခြင်း)။ တရားဝင်မဟုတ်ကြောင်းကို ရှင်းလင်းစွာ ထုတ်ဖော်ပြောဆိုခြင်း မရှိသည့် အကောင့်များသည် ကန့်သတ်ခြင်း သို့မဟုတ် ဖယ်ရှားခြင်း ခံရနိုင်သည်။