Спам

Бодлогын тухай
Хэрэглэгчийн интерфейс
Өгөгдөл

Бодлогын дэлгэрэнгүй

ЛОГИЙГ ӨӨРЧЛӨХ
Бодлогын үндэслэл
Бид үзсэн тоог хиймлээр өсгөхийн тулд хэрэглэгчдийг хуурах, мэхлэх, дарамтлах зориулалттай контентыг зөвшөөрдөггүй. Энэхүү контент нь хүмүүсийн манай платформ дээр жинхэнэ утгаараа оролцох чадварыг бууруулж, манай үйлчилгээний аюулгүй байдал, тогтвортой байдал, ашиглалтад заналхийлж болзошгүй юм. Бид мөн хуурамч үйл ажиллагаа, кодоор дамжуулан гэмгүй хэрэглэгчдийг татах хуурамч холбоос тараах, эсвэл итгэлтэй домэйныг дуурайх гэх мэт буруугаар ашигласан тактикаас сэргийлэхийг хичээдэг.
Онлайн спам нь ашигтай салбар юм. Шинээр гарч ирж буй спамын чиг хандлага, тактикийг дагаж мөрдөхийн тулд манай бодлого, илрүүлэлт байнга өөрчлөгдөж байх ёстой. Спамтай тэмцэх арга хэмжээ авахдаа бид өөрсдийн платформ дээрх үйлдвэрлэгч, борлуулагчдын зардлыг нэмэгдүүлэхийн зэрэгцээ нийгэмлэгийнхээ эрч хүчтэй, жинхэнэ үйл ажиллагааг хамгаалах замаар тэнцвэржүүлэхийг эрмэлздэг.
Бид үүнийг зөвшөөрөхгүй:
  • Маш өндөр давтамжтайгаар, гар аргаар эсвэл автоматаар контент нийтлэх, хуваалцах, харилцах, эсвэл хэрэглэгчийн бүртгэл, Бүлэг, Хуудас, Арга хэмжээ эсвэл бусад өмч үүсгэх
    • Бид цөөн ашигладаг бөгөөд Спамын бусад үзүүлэлт (давтагдсан контент нийтлэх гэх мэт), эсвэл Жинхэнэ бус байдлын дохио илэрсэн бүртгэлийг хязгаарлаж магадгүй.
  • Бүртгэл, бүлэг, хуудас гэх мэт платформын хөрөнгийг зарах, худалдан авах, солилцохоор оролдох буюу амжилттай болгох
  • Админ, зохицуулагчийн үүрэг, тодорхой орон зайд нийтлэх зөвшөөрөл зэрэг сайтын давуу эрхийг зарах, худалдан авах, солилцохоор оролдох буюу амжилттай болгох
  • Манай Брэнд дурдсан контентын бодлогод тодорхойлсон Брэнд дурдсан контент болох нь илэрхий контентоос бусад контентыг мөнгөн дүнтэй зүйлээр дүйцүүлэн зарах, худалдан авах, солилцохоор оролдох буюу амжилттай болгох.
  • Таалагдлаа дарсан тоо, хуваалцсан тоо, үзсэн тоо, дагасан тоо, товшсон тоо, зарим хаштагийн ашиглалт гэх мэт хандалтыг зарах, худалдан авах, солилцохоор оролдох буюу амжилттай болгох Үүнд:
    • Хандалтыг бэлэн мөнгө, эсвэл бэлэн мөнгөтэй дүйцэх зүйлээр солилцох урамшуулал санал болгох (жишээ нь бусдад хожих боломж санал болгох). (жишээ нь “Миний хуудсанд таалагдлаа дарсан хүн бүр 500 ам.доллар хожих сугалаанд орно”)
    • Хандалтыг мөнгөн дүнтэй аливаа зүйлээр солилцохоор санал болгох (жишээ нь “Миний хуудсанд таалагдлаа дарвал iPhone өгнө!” гэх мэт)
  • Хэрэглэгчид амласан агуулгыг үзэх эсвэл харилцахаас өмнө тухайн агуулгатай харилцахыг (ж.нь, таалагдах, хуваалцах) шаардах эсвэл тэгж мэдэгдэх.
  • Дараах хуурамч, төөрөгдүүлсэн URL, домэйн, аппликэйшн хуваалцах:
    • Халхавчлах: Халхавчлах гэдэг нь манай шударга байдлын системд хэрэглэгчдэд үзүүлсэнтэй харьцуулахад URL, аппликэйшн гэх мэт платформоос гадуур ондоо контентыг зориудаар үзүүлж, контентын бодлогыг төөрөгдүүлэх гэсэн оролдлогыг хэлнэ.
    • Төөрөгдүүлсэн холбоос: Нэг төрлийн контент амласан ч маш ондоо зүйл өгдөг холбоос агуулга контент. Үүнд амласан апп, програм хангамжийн контент багтана.
    • Хууран дахин чиглүүлэх үйлдэл: Үзэхийг хүссэн контент руу очих хуудсыг үзэхийн тулд ямар нэг үйлдэл хийх шаардлагатай (captcha, зар үзэх, энд дар гэх мэт) вебсайтын домэйн нэр, URL нь уг үйлдлийг хийсний дараа өөрчлөгдөх буюу хэрэглэгчийг ямар нэг үйлдэл хийгээгүй байхад маш ондоо домэйн руу автоматаар чиглүүлдэг вебсайт
    • Агуулгад хандахад "Таалагдлаа" товчийг дарах/хуваалцахыг шаардах: Хэрэглэгчдээс тодорхой, онцгой контентод хандах эрхтэй болохын тулд тодорхой байдлаар хандалт өгөхийг (таалагдлаа дарах, хуваалцах, дагах гэх мэт хэлбэрээ, эсвэл бусад нийтэд нээлттэй байдлаар) шаарддаг.
    • Платформын хуурамч үйл ажиллагаа - Хэрэглэгчийг холбоос дагахад хүргэхийн тулд манай үйлчилгээний онцлог, үйл ажиллагааг дуурайсан, тухайлбал хөрөнгө босгох, санал асуулга, тоглох товч, эсвэл Таалагдлаа товчийг дуурайлгасан, гэхдээ дээр нь дарахад тухайн функц байдаггүй, эсвэл хүлээлтийн дагуу ажилладаггүй функцийг хэлнэ.
    • Газардах хуудасны хуурмаг ажиллагаа: Хэрэглэгчийн интерфэйс нь төөрөгдүүлсэн шинжтэй учир санамсаргүй хандалт үүсгэдэг (жишээ нь попап/доорх цонх, хуурамч товшилт гэх мэт) вебсайт. Үүнд хэрэглэгч газардах хуудаснаас гарахыг оролдох үед хамааралгүй попап гарч ирдэг тасалдуулах тактик багтана.
    • Газардах хуудас, эсвэл домэйны нэр барих - Алдартай вебсайт, домэйн, брэндийг дуурайхын тулд өөр итгэмжлэгдсэн сайтын газардах хуудсыг ашигласан, үг үсгийн алдаатай, эсвэл өөр онцлогтой нэр, домэйн, контент ашиглах замаар нэр хүндтэй брэнд, үйлчилгээ мэт дүр эсгэсэн платформоос гадуур газардах хуудас, URL, гадаад вебсайт, домэйн.
    • URL, холбоосыг дээрхтэй маш төстэй, хуурсан байдлаар ашиглах.
  • Дээрхийг тооцохгүйгээр бид дараахыг хориглодоггүй:
    • Гуравдагч талд төлбөр төлж идэвхэждэггүй хөндлөн урамшуулал
    • Бусад хэрэглэгч рүү үнэт зүйлийн солилцоо бус тухайн хуудас, бүлгийн сонирхолд тулгуурлан аливаа хуудас, бүлгийн админ, зохицуулагчийн үүргийг шилжүүлэх.
    • Илэрхий тэмдэглэсэн Брэнд дурдсан контентыг нийтлэх, хуваалцах
Хэрэглэгчийн интерфейс
Facebook хэрэглэдэг хүмүүст зориулан дүрмийг хэрэгжүүлж буй эдгээр жишээг, тухайлбал: Таны хувьд Facebook дээр байж боломгүй зүйлийг мэдээлэхэд, та Олон нийтийн дагаж мөрдөх хэм хэмжээг зөрчсөн болохыг танд мэдэгдэхэд, зарим контентод оруулсан анхааруулах дэлгэцийн харагдах байдал зэргийг үзнэ үү.
Жич: Бид тогтмол сайжруулж байдаг тул энд үзүүлж байгаа зүйл нь одоо ашиглаж буй зүйлээс бага зэрэг хуучирсан байж болно.
ХЭРЭГЛЭГЧИЙН ИНТЕРФЕЙС
Мэдээлэх
ХЭРЭГЛЭГЧИЙН ИНТЕРФЕЙС
Мэдээлэгдсэнээс хойших харилцаа
ХЭРЭГЛЭГЧИЙН ИНТЕРФЕЙС
Татан буулгах
ХЭРЭГЛЭГЧИЙН ИНТЕРФЕЙС
Анхааруулах дэлгэц
Өгөгдөл
Сүүлд нийтлэгдсэн Олон нийтийн дагаж мөрдөх хэм хэмжээг хэрэгжүүлсэн тухай тайланг үзнэ үү.
Дүрэм хэрэгжүүлэх
Бид Facebook-ийг хэрэглэж буй хүн бүрд адил бодлого баримталдаг.
Хяналтын баг
Facebook-ийг хэрэглэж буй хүмүүсийг аюулгүй байлгахын төлөө манай 15000 гаруй хянагч бүхий олон улсын хяналтын баг өдөр бүр ажилладаг.
Оролцогч талуудын оролцоо
Facebook-ийн Олон нийтийн дагаж мөрдөх хэм хэмжээг боловсруулахад гадаад мэргэжилтэн, боловсролын байгууллага, ТББ, бодлого боловсруулагч нар туслалцаа үзүүлдэг.
Спамын талаар тусламж авах
Та Facebook дээр манай Олон нийтийн дагаж мөрдөх хэм хэмжээг зөрчсөн зүйлийг харсан тохиолдолд ямар арга хэмжээ авч болох тухай дэлгэрэнгүй мэдээллийг авна уу.
Тусламжийн төвд зочлох