Хүүхдийн бэлгийн мөлжлөг
Хүүхдийн (үүнд бодит хүүхэд, бага насны хүүхэд, нярай хүүхэд, эсхүл дүрслэх урлаг, хиймэл оюунаар бүтээсэн контент, зохиомол дүр, хүүхэлдэй зэрэг бодит бус хүн төст дүрслэл зэргийг оролцуулсан) бэлгийн мөлжлөгөөр заналхийлсэн, дүрсэлсэн, магтсан, дэмжсэн, заавар өгсөн, санаархлаа илэрхийлсэн, оролцсоноо хүлээн зөвшөөрсөн контенттой холбоотой үйл ажиллагаа, харилцаа, эсвэл уг контентын холбоосыг хуваалцах. Үүнд дараах, болон үүгээр үл хязгаарлагдах бусад зүйл хамаарна:
Бэлгийн хурьцал
Хамгийн багадаа нэг хүний бэлгэ эрхтэн, хошного харагдах, нөгөө хүний бэлгэ эрхтэн, хошного руу оруулж эсвэл хүрэлцэж буйг ил тод харуулсан бэлгийн эсхүл аман хурьцал.
Хүрэлцэх нь зайлшгүй эсвэл шууд харагдахгүй байх зэргээр бэлгийн эсхүл аман хурьцлыг дам илтгэсэн.
Үйлдэх нь зайлшгүй эсвэл шууд харагдахгүй байх зэргээр бэлгэ эрхтэн эсвэл хошногоны нүхийг өдөөж буй.
Дээрхийн адил боловч амьтан оролцсон.
Хүүхдийг дор дурдсан болон үүгээр үл хязгаарлагдах байдлаар бэлгийн харьцааны элементийн хамт харуулсан:
Боож хүлсэн
Бэлгийн дур хүсэл хөдөлсөн шинж тэмдэг
Бэлгэ эрхтэн, хошногод анхаарлыг төвлөрүүлсэн
Бэлгийн дур хүсэл нь хөдөлсөн насанд хүрэгч байх
Бэлгийн сэрэл, таашаал, бэлгийн хүчирхийлэлд зориулсан бэлгийн хэрэгсэл байх, эсвэл өөр дурын биет ашиглах
Бэлгийн сэдэлтэй хувцас
Тайчих үзүүлбэр
Зохион байгуулалттай орчин (жишээ нь ор), эсвэл мэргэжлийн зураг авалт (чанар/фокус/өнцөг)
Гүн үнсэлт
Хүний хөхний толгойг өдөөх, эсвэл эмэгтэй хүний хөх базах (Хөхөөр хооллохоос БУСАД ТОХИОЛДОЛД)
Бэлгийн харьцааны үр дүнг харуулсан
Бэлгийн дур хүсэл өдөөх агуулгад хүүхэд оролцуулсан контент
Эрүүл мэндийн утга агуулгыг төвийг сахисан байр сууриас хэлэлцэхээс бусад тохиолдолд хүүхдийг бэлгийн харьцаанд оролцуулахыг дэмжих, сурталчлах, өмгөөлөх, оролцохыг дэмжсэн контент.
Хүүхдийн бэлгийн мөлжлөгт өртсөн гэх хохирогчийг нэр эсвэл зургаар нь илчилсэн, элэглэсэн контент
Өдөөн хатгах
Дараах хэлбэрээр хүүхдийг дүрслэн харуулсан эсхүл оролцуулсан бэлгийн сэдэлтэй контент эсвэл аливаа үйлдэл:
Хүүхдийн бэлгийн хүчирхийллийн материал (ХБХМ)
Бодит эсвэл бодит бус хүүхдийн нүцгэн бие
Бодит эсвэл бодит бус хүүхдийн нүцгэн биеийг бэлгийн сэдэл болгосон зураг, бичлэг
Хүүхэдтэй зохисгүй харилцах
Хүүхэдтэй зохисгүй харилцахыг дэмжсэн эсвэл ийнхүү үйлдэх нөхцөл бүрдүүлсэн агуулга, үүнд:
Хүүхэдтэй бэлгийн харьцаанд орохыг ятган үнэмшүүлэх, зохион байгуулах эсхүл төлөвлөх
Хүүхэдтэй зориудаар эсхүл хувийн зурвас харилцаагаар бэлгийн харьцааны сэдвээр ярилцах, санал болгох, харуулах, бэлгийн шинжтэй материалыг хүүхдэд эсхүл хүүхдээс авах, авахыг хүсэх зэргээр хүүхдийг бэлгийн харьцаанд уруу татах
Хүүхэдтэй далд утгаар бэлгийн сэдэлтэй зурвасаар харилцах
Хүүхдээс зурвасаар дамжуулан бэлгийн сэдэлтэй зүйл авах, авахыг хүсэх
Мөлжлөгийн шинжтэй дотно харилцааны зураг, бичлэг ба бусдыг нүцгэн зургаар нь сүрдүүлэх
Дараах хэлбэрээр хүүхдийг мөлжихийг оролдсон контент:
Биеийн нууц далд хэсгийн жинхэнэ, жинхэнэ бус зураг эсвэл мэдээллийг нь задруулна хэмээн сүрдүүлэх замаар мөнгө, таашаал, биеийн нууц хэсгийн зураг бичлэгийг албадан авах
Хувийн бэлгийн сэдэлтэй харилцан яриа эсхүл биеийн нууц хэсгийн жинхэнэ, жинхэнэ бус зургийг бусдад дамжуулах, айлган сүрдүүлэх, бусдад дамжуулахаар санаархаж буйгаа мэдэгдэх
Хүүхдийг бэлгийн сэдэл болгох
Бодит эсхүл бодит бус хүүхдийг бэлгийн сэдлээр харуулсан контент (үүнд зураг, дүрс бичлэг, урлагийн биет бүтээл, дижитал контент, аман зураглал)
Бодит эсхүл бодит бус хүүхдийг бэлгийн сэдэл болгох зорилготой бүлгүүд, хуудас, профайл
Хүүхдийн нүцгэн бие
Дараах хэлбэрийн бодит болон бодит бус хүүхдийн нүцгэн биеийг дүрсэлсэн контент:
Бодит болон бодит бус хүүхдийн бэлгэ эрхтнийг ойртуулан харуулсан
Дараахыг харуулсан бодит эсхүл бодит бус нүцгэн нялх хүүхэд:
Нэвт харагдах хувцсаар халхалсан ч ил харагдах бэлгэ эрхтэн
Хошного ба/эсвэл өгзөг ил харагдах бүрэн нүцгэн ойроос авсан зураг
Дараахыг харуулсан бодит эсхүл бодит бус бага насны нүцгэн хүүхэд:
Ил харагдах бэлгэ эрхтэн (үүнд умдгийн үсээр эсвэл нэвт харагдах хувцсаар халхалсан бэлгэ эрхтэн)
Хошного ба/эсвэл өгзөг ил харагдах бүрэн нүцгэн ойроос авсан зураг
Ил харагдах эмэгтэй хүний хөхний толгой
Бэлгэ эрхтэн эсвэл эмэгтэй хүний хөхний толгой харагдахгүй байсан ч хүзүүнээс өвдөг хүртэл хувцасгүй байх
Бодит бус зураг, дүрслэл нь эрүүл мэндийн зориулалттай, эсвэл хүүхдийн нүцгэн биеийг бэлгийн бус байдлаар бодит урлагийн бүтээлд дүрсэлснээс бусад
Хүүхдийн бэлгийн бус хүчирхийлэл
Зураг нь бодит урлагийн бүтээл, хүүхэлдэйн кино, кино, видео тоглоомоос авсан биш бол бодит болон бодит бус хүүхдийн бэлгийн бус хүчирхийллийг харуулсан видео, гэрэл зураг
Хүүхдийн бэлгийн бус хүчирхийллийг магтах, дэмжиж, сурталчлах, өмгөөлөх, зааварчилга өгөх эсвэл оролцохыг дэмжсэн контент