Дээрэлхэх, дарамтлах

Бодлогын тухай
Хэрэглэгчийн интерфейс
Өгөгдөл

Бодлогын дэлгэрэнгүй

ЛОГИЙГ ӨӨРЧЛӨХ
Бодлогын үндэслэл
Дээрэлхэх, дарамтлах үзэгдэл нь олон газар тохиолддог бөгөөд заналхийлэх, хувь хүнийг таних боломжтой мэдээллийг задруулахаас эхлээд сүрдүүлсэн зурвас илгээх, хүсээгүй хорлонтой холбоо тогтоох гээд олон янзын хэлбэрээр илэрдэг. Ийм төрлийн зан төлөвөөс шалтгаалан хүмүүс Facebook, Instagram, Threads-д аюулгүй байх, хүндлүүлэх боломжгүй байх тул бид үүнийг хүлээн зөвшөөрдөггүй.
Бид мэдээгээр гарсан эсвэл олон тооны үзэгчтэй хүмүүсийн тухай, ихэвчлэн шүүмжлэлт сэтгэгдэл агуулсан хэлэлцүүлгийг зөвшөөрөхийг хүсдэг тул олны танил хүмүүс болон хувь хүнийг хооронд нь ялгаатай авч үздэг. Бид олны танил хүмүүсийг шууд дурдаж, ноцтойгоор халдсан аливаа нийтлэл, сэтгэгдэл, түүнчлэн зарим тодорхой халдлагуудыг арилгадаг. Олны танил хүмүүс гэдэгт бид төрийн өндөр албан тушаалтан, төрийн албанд нэг дэвшигч нар, олон нийтийн хэвлэл мэдээллийн хэрэгсэлд нэг саяас илүү тооны дэмжигч буюу дагагчтай хүн, их хэмжээний мэдээлэл хүлээн авдаг хүмүүсийг хамруулдаг.
Хувь хүнийг бид дараах байдлаар хамгаалдаг: Бид жишээ нь хүний бэлгийн харилцааг гутаасан, ичээсэн, мэддэг гэж зарласан контентыг устгана. Бид дээрэлхэх, дарамтлах нь хүүхдийн сэтгэл санаанд илүү их нөлөө үзүүлдгийг мэддэг учир бодлогоор 18-аас доош насны хэрэглэгчийг хэрэглэгчийн төлөвөөс үл хамааран өндөр зэрэглэлээр хамгаалдаг.
Бид утга санаа, зорилгыг чухалд тооцох бөгөөд дээрэлхэх, дарамтлахыг буруушаах эсвэл анхаарал хандуулах зорилгоор ямар нэг зүйлийг хуваалцсан нь тодорхой бол нийтлэх, хуваалцахыг хүмүүст зөвшөөрдөг. Зарим тохиолдолд бидэнд тухайн хүнээс дээрэлхүүлж, дарамтлуулсан болохыг ойлгохын тулд энэ талаарх мэдээллийг өөрөө өгөхийг уг хүнээс шаарддаг. Бид хүмүүст иймэрхүү зан байдал, контентыг мэдээлэхээс гадна үүнээс өөрсдийгөө хамгаалахын тулд манай платформуудад байгаа хэрэгслийг ашиглахыг зөвлөж байна.
Мөн манайд дээрэлхэх ба бусад харилцааны зөрчилтэй холбоотой асуудлаар тусламж дэмжлэг хайж буй өсвөр насныхан, эцэг эх, сурган хүмүүжүүлэгч нарт зориулсан мэдээ мэдээллийн сан болох Дээрэлхэхээс урьдчилан сэргийлэх төв бий. Энд дээрэлхэлтийн тухай чухал яриаг хэрхэн эхлүүлэх талаарх мэдээлэл зэрэг алхам алхмаар тайлбарласан зааварчилгыг өгдөг. Хүмүүсийг дээрэлхэх, дарамтлахаас хамгаалахын тулд бид юу хийж буй тухай дэлгэрэнгүй мэдээллийг эндээс аваарай.
Жич: Аюултай этгээд, байгууллагын тухай бодлогод заасан зорилго бүхий байгууллагын гишүүн хүн, эсвэл 1900 оноос өмнө нас барсан хувь хүнийг энэхүү бодлогод хамруулахгүй.
1-р түвшин: Хүн бүрд зориулсан түгээмэл хамгаалалт:
  • Хүн бүр үүнээс хамгаалагдах эрхтэй:
    • Дараах төрлийн хүсээгүй харилцаа:
      • Давтан үйлдэж буй
      • Бэлгийн дарамт үзүүлж байгаа
      • Урьдчилан хүсэлт гаргахгүйгээр олон тооны хүнд чиглэх.
    • Тодорхой хүн эсвэл бүлэг хүмүүсийг өөрийн биед гэмтэл учруулахад эсвэл амиа хорлохыг уриалах.
    • Бэлгийн халдлага, бэлгийн мөлжлөг, бэлгийн дарамт эсвэл гэр бүлийн хүчирхийлэлд өртсөн зэрэг байдлыг далимдуулан халдах.
    • Бэлгийн харьцаанд орох санаархлаа мэдэгдэх эсвэл бэлгийн харьцаанд орохыг ятгах.
    • Хэт бэлгийн сэдэлтэй тайлбар хийсэн.
    • Гутаан доромжилсон бэлгийн сэдэл болгож зассан гэрэл зураг эсхүл гар зураг
    • Бэлгийн харьцаанд хамаарах доромжилсон үг хэллэг ашиглан хүнд халдах (жишээ нь: янхан, завхай)
    • Онц хэрцгий явдал болоогүй хэмээн мэдүүлэх.
    • Хувь хүн онц хэрцгий явдал эсхүл террорист халдлагын хохирогч болсон тухайгаа худал мэдүүлэх, үүнд:
      • Тодорхой нэг үйл явдлын хохирогч болсон мэт дүр үзүүлэх, эсхүл
      • Тухайн үйл явдалд үүрэг гүйцэтгэсэн талаараа хүмүүсийг төөрөгдүүлэхийн тулд хөлсөөр ажилласан эсхүл шан харамж авсан.
  • Хувь хүний утасны дугаар, оршин суугаа хаяг, цахим шуудангийн хаяг, эрүүл мэндийн бүртгэлийг (Хувь хүний нууцлах эрхийн зөрчлийн тухай бодлогод заасны дагуу) задруулахаар айлгах.
  • Дээрэлхэх, дарамтлахыг уриалах эсвэл оролцох санаархлаа мэдэгдэх.
  • Сарын тэмдэг ирэх, шээх, бөөлжих, хүндээр бие засаж буй эсвэл дараах дүр зургийг хувь хүний нэр төрийг гутаасан, жигшсэн утга агуулгатай контент
  • Хүн бүрийг дараах зүйлээс хамгаалах боловч насанд хүрсэн олны танил хүмүүсийн хувьд зориудаар үүнд харуулсан байх:
    • Үхэлд уриалан дуудах болон өвчин үүсгэх, даамжруулах зорилгоор мэдэгдэл хийх
    • Үхэл, өвчинд баяр хүргэх, элэг доог болгох.
    • Бэлгийн замын халдварт өвчний тухай баталгаагүй мэдээлэл.
    • Биеийн төрх байдлыг дорд үзсэн тодорхойлолт
2-р түвшин: Насанд хүрээгүй энгийн хүн, насанд хүрсэн энгийн хүн болон олны танил хүн бүрд зориулсан хязгаарлагдмал хүрээний нэмэлт хамгаалалт (жишээ нь: үндсэн нэр хүнд нь зөвхөн идэвхтэй үйл ажиллагаа, сэтгүүл зүйгээр хязгаарлагддаг эсвэл өөрийн хүслээс гадуур нэр хүндтэй болсон хувь хүн):
  • Хүн бүрд зориулсан түгээмэл хамгаалалтаас гадна насанд хүрээгүй бүх хүн (энгийн хүн, олны танил хүмүүс), насанд хүрсэн хүн болон хязгаарлагдмал хүрээний олны танил хүмүүсийг үүнээс хамгаална:
  • Насанд хүрээгүй бүх хүн (энгийн хүн, олны танил хүмүүс), насанд хүрсэн хүн болон хязгаарлагдмал хүрээний олны танил хүмүүсийг дараах зүйлсээс хамгаалах боловч насанд хүрээгүй олны танил хүний хувьд зориудаар үүнд харуулсан байх:
    • Хүнээс өөр юмтай жиших (бичгээр эсхүл зураг дүрслэлээр) эсхүл үүний талаарх:
      • Амьтан ба шавж, үүнд ёс заншлын хүрээнд дорд муу хэмээн танигдсан хүнтэй төстэй адгуус.
      • Бактери, вирус, нян, өвчин.
      • Хөдөлгөөнгүй юмс, үүнд хог хаягдал, хир буртаг, ялгадас.
  • Бие махбодын тодорхой онцлог шинжийг (хамар, чих зэрэг) тодотгох, дугуйлах эсвэл өөр аргаар бусдын анхаарлыг сөрөг байдлаар татах зорилгоор өөрчлөн найруулсан контент.
  • Биеийн гадна төрх эсхүл зан байдлаар нь эрэмбэлсэн контент.
  • Бие махбодын хувьд дээрэлхүүлж буйгаар дүрсэлсэн хүмүүсийг гутаасан шинжтэй контент (тулааны спортыг илтгэснээс бусад тохиолдолд).
3-р түвшин: Насанд хүрээгүй энгийн хүн, насанд хүрсэн энгийн хүн, өөрийн хүслээс гадна олны танил болсон насанд хүрээгүй хүнд зориулсан нэмэлт хамгаалалт:
  • Дээр заасан хамгаалалтуудаас гадна насанд хүрээгүй болон насанд хүрсэн бүх энгийн хүн (өөрөө мэдээлсэн байх шаардлагатай), өөрийн хүслээс гадна олны танил болсон олны танил насанд хүрээгүй хүнийг дараах зүйлсээс хамгаална:
    • Аливаа хүнд чиглэсэн хараалын үг.
    • Хайр сэтгэлийн харилцаатай тухай, бэлгийн чиг хандлага эсвэл хүйсийн баримжаатай холбоотой баталгаагүй мэдээлэл.
    • Уриалга, санаа зорилгоо илэрхийлсэн мэдэгдэл, хүсэн тэмүүлсэн эсвэл болзон тохирсон мэдэгдэл, өмгөөлсөн эсвэл дэмжсэн мэдэгдэл хэлбэрээр гадуурхах.
    • Насанд хүрэгчийн эсрэг үйлдсэн гэмт хэргийн мэдүүлгийн тухай мэдэгдэл болон бизнесийн шүүмжлэлээс бусад тохиолдолд сөрөг шинж чанар эсвэл чадамжийн тухай баталгаагүй мэдээлэл.
    • Доромжлон бассан эсвэл жигшсэн илэрхийлэл эсвэл хувь хүний оршин буйг үгүйсгэсэн бөгөөд насанд хүрсэн хүний эсрэг гэмт хэргийн шинжтэйгээс бусад контент.
  • Насанд хүрээгүй энгийн хүн, өөрийн хүслээр бус олны танил болсон олны танил насанд хүрээгүй хүн өөрөө мэдээлсэн тохиолдолд түүнийг дараах зүйлсээс хамгаална:
    • Дээрэлхэж буй хүний дуу хоолой.
    • Хүсээгүй байхад нь өөрчилсөн зураг, дүрслэл.
    • Гадаад төрхөөр нь олны танил, зохиомол, энгийн бусад хүнтэй харьцуулах.
    • Шашны хандлага эсвэл бурхан шүтээнийг доромжилсон тухай баталгаагүй мэдээлэл
    • Тухайн соёлд оюун ухаан эсвэл бие бялдрын хувьд доогуур гэж үздэг амьтан эсвэл шавжтай ("бар", "арслан") харьцуулах.
    • Гадна төрхийг нь эерэг, сөрөг аль ч байдлаар биш эсвэл эерэгээр дүрслэх.
    • Сөрөг бус шинж чанар эсвэл чадамжийн тухай баталгаагүй мэдээлэл.
    • Бэлгийн харьцаа дутагдахтай холбоотой доромжилсон үг хэллэгээр дайрах.
4-р түвшин: Зөвхөн насанд хүрээгүй энгийн хүнд зориулсан нэмэлт хамгаалалт:
  • Манай бодлогын хүрээнд насанд хүрээгүй хүнийг хамгийн ихээр хамгаална. Дээр заасан хамгаалалтуудаас гадна насанд хүрээгүй энгийн хүнийг үүнээс мөн хамгаална:
    • Гэмт хэргийн эсвэл хууль бус зан байдлын тухай мэдүүлэг.
    • Хүүхдийн эсрэг үйлдсэн бие махбодын хувьд дээрэлхэж буй дүрс бичлэгийг бүх сэдвээр дамжуулсан.
    • Эмэгтэй хүнтэй холбоотой доромж үг хэллэг хэрэглэсэн.
Хуудас, бүлэг, үйл явдал, зурвасаар дамжуулан дээрэлхэх, дарамтлах
  • Хуудас, бүлэг, үйл явдал, зурваст 1-р түвшнээс эхлээд 4-р түвшин хүртэлх хамгаалалтыг албадан хэрэгжүүлнэ.
Энд дурдсан Олон нийтийн дагаж мөрдөх хэм хэмжээг мөрдүүлэхийн тулд бидэнд нэмэлт мэдээлэл болон хам сэдэв шаардлагатай:
Дараахыг бүү хий:
  • Хүсээгүй хуудас, бүлэг, арга хэмжээгээр дамжуулан хувь хүнд чиглэсэн контентыг нийтлэх. Онилогдсон хохирогч эсвэл хохирогчийн албан ёсны төлөөлөгч мэдээлсэн тохиолдолд бид ийм контентыг устгана.
  • Хохирогч контент мэдээлэх шаардлагатай дээр дурдсан контент, эсвэл контент нь нийтлэгч хохирогчийг шууд онилж буй болохыг илтгэсэн контент нийтлэх (жишээ нь: хохирогчийг нийтлэл, сэтгэгдэлд шошголж дуудсан). Бид хохирогч, хохирогчийн (амьд, нас барсан аль нь ч) албан ёсны төлөөлөгч үүнийг хүсээгүй контент гэж баталгаажуулсан тохиолдолд энэ контентыг устгана
  • Манай бодлогын дагуу дээрэлхэх, дарамтлах гэдэгт нийцэх зан байдалд оролцохыг уриалах эсвэл ийнхүү үйлдэх санаархлаа мэдэгдсэн контент нийтлэх. Хохирогч, хохирогчийн албан ёсны төлөөлөгч уг контентыг хүсээгүй болохыг баталгаажуулсан тохиолдолд уг контентыг устгана.
  • Олны танил хүнийг бэлгийн сэдэлтэй холбосон контент нийтлэх. Хохирогч, хохирогчийн албан ёсны төлөөлөгч уг контентыг хүсээгүй болохыг баталгаажуулсан тохиолдолд уг контентыг устгана.
  • Хүлээн авагчийг бэлгийн сэдлээр дарамтлах харилцаа холбоо үүсгэх. Бид хүсээгүй агуулгаар хуваалцсан контентыг хүлээн авагч этгээдийн эсхүл итгэмжлэгдсэн төлөөлөгчийн зүгээс тухайн харилцагчийг хүсээгүй хэмээн мэдүүлсэн бол тухайн контентыг устгана.
  • Дараах тохиолдолд олон хүнд чиглэсэн дарамтыг устгана:
    • "Сүлжээнээс гадуур халдлагад өртөх өндөр эрсдэлтэй хувь хүмүүс" буюу дараах хүмүүст аливаа талбараар дамжин чиглэх:
      • Хүний эрхийн хамгаалагч
      • Хүүхэд
      • Хүчирхийллийн үйл явдлын/эмгэнэлт явдлын хохирогч
      • Эрсдэлтэй орны сөрөг хүчний зүтгэлтнүүд сонгуулийн хугацаанд
      • Сонгуулийн ажилтнууд
      • Эсрэг үзэл бодлынхоо улмаас бай болсон засгийн газрын эсрэг үзэлтнүүд
      • Мөргөлдөөнтэй бүс дэх үндэстэн ба шашны цөөнх тал
      • Зорилтот ба эрсдэлтэй нь тодорхой болсон бүлгийн гишүүн
    • Шуудангийн хайрцаг, профайл зэрэг хувийн талбараар дамжуулан аливаа хувь хүнд дараах байдлаар чиглэх:
      • Хувь хүний үүднээс дээрэлхэх, дарамтлах тухай бодлогыг зөрчсөн контент,
      • Халдашгүй шинж чанарт тулгуурласан зохиcгүй контент
  • Олон хүнийг дарамтлахад оролцсон хэрэглэгчийн бүртгэлийг идэвхгүй болгох
    • Аливаа хувь хүнд аливаа талбараар дамжин чиглэсэн улсын эсвэл улсын харьяа сүлжээ.
    • Аливаа хувь хүнд аливаа талбараар дамжин чиглэсэн эсэргүүцлийн сүлжээ.
      • Хувь хүний үүднээс дээрэлхэх, дарамтлах тухай бодлогыг зөрчсөн контент,
      • Халдашгүй шинж чанарт тулгуурласан контент,
      • Тухайн орон нутгийн нөхцөл байдалд өөр ямар нэг шалтгаанаар нийцэхгүй гэж үзсэн контент, зан үйл
Хэрэглэгчийн интерфейс
Facebook хэрэглэдэг хүмүүст зориулан дүрмийг хэрэгжүүлж буй эдгээр жишээг, тухайлбал: Таны хувьд Facebook дээр байж боломгүй зүйлийг мэдээлэхэд, та Олон нийтийн дагаж мөрдөх хэм хэмжээг зөрчсөн болохыг танд мэдэгдэхэд, зарим контентод оруулсан анхааруулах дэлгэцийн харагдах байдал зэргийг үзнэ үү.
Жич: Бид тогтмол сайжруулж байдаг тул энд үзүүлж байгаа зүйл нь одоо ашиглаж буй зүйлээс бага зэрэг хуучирсан байж болно.
ХЭРЭГЛЭГЧИЙН ИНТЕРФЕЙС
Мэдээлэх
ХЭРЭГЛЭГЧИЙН ИНТЕРФЕЙС
Мэдээлэгдсэнээс хойших харилцаа
ХЭРЭГЛЭГЧИЙН ИНТЕРФЕЙС
Татан буулгах
ХЭРЭГЛЭГЧИЙН ИНТЕРФЕЙС
Анхааруулах дэлгэц
Өгөгдөл
Сүүлд нийтлэгдсэн Олон нийтийн дагаж мөрдөх хэм хэмжээг хэрэгжүүлсэн тухай тайланг үзнэ үү.
Дүрэм хэрэгжүүлэх
Бид Facebook-ийг хэрэглэж буй хүн бүрд адил бодлого баримталдаг.
Хяналтын баг
Facebook-ийг хэрэглэж буй хүмүүсийг аюулгүй байлгахын төлөө манай 15000 гаруй хянагч бүхий олон улсын хяналтын баг өдөр бүр ажилладаг.
Оролцогч талуудын оролцоо
Facebook-ийн Олон нийтийн дагаж мөрдөх хэм хэмжээг боловсруулахад гадаад мэргэжилтэн, боловсролын байгууллага, ТББ, бодлого боловсруулагч нар туслалцаа үзүүлдэг.
Дээрэлхэх, дарамтлах талаар тусламж авах
Та Facebook дээр манай Олон нийтийн дагаж мөрдөх хэм хэмжээг зөрчсөн зүйлийг харсан тохиолдолд ямар арга хэмжээ авч болох тухай дэлгэрэнгүй мэдээллийг авна уу.
Тусламжийн төвд зочлох