Силеџиство и вознемирување

Детали за политиката
Искуства на корисниците
Податоци

Детали за политиката

ЕВИДЕНЦИЈА НА ПРОМЕНИ
Образложение на политиките
Силеџиство и малтретирањето се случуваат на многу места и доаѓаат во многу различни форми, од закани и објавување лични информации за идентификација до испраќање заканувачки пораки и правење несакани злонамерни контакти. Ние не толерираме вакво однесување затоа што ги спречува луѓето да се чувствуваат безбедни и почитувани на Facebook, Instagram и Threads.
Ние правиме разлика помеѓу јавни личности и приватни лица затоа што сакаме да дозволиме дискусија, која често вклучува критички коментар за луѓе кои се прикажани во вестите или кои имаат голема јавна публика. За јавните личности, ги отстрануваме тешките напади, како и одредени напади каде јавната личност е директно означена во објавата или коментарот. Јавните личности ги дефинираме како владини службеници на државно и национално ниво, политички кандидати за таквите работни места, луѓе со над еден милион обожаватели или следачи на социјалните медиуми и луѓе кои често се дел од вестите.
За физички лица, нашата заштита опфаќа повеќе: Ја отстрануваме содржината што треба да деградира или засрами, вклучително, на пример, тврдењата за нечија сексуална активност. Знаеме дека силеџиство и малтретирање можат да имаат повеќе емоционално влијание врз малолетниците, затоа нашите политики обезбедуваат зголемена заштита за сите помлади од 18 години, без разлика на корисничкиот статус.
Контекстот и намерата се важни, и ние им дозволуваме на луѓето да објавуваат и споделуваат ако е јасно дека нешто е споделено со цел да се осуди или привлече внимание на силеџиство и вознемирување. Во одредени случаи, бараме само-пријавување, бидејќи ни помага да разбереме дека целната личност се чувствува вознемирувана или малтретирана. Покрај пријавување на ваквото однесување и на ваквите содржини, ги поттикнуваме луѓето да ги користат алатките достапни на нашите платформи со цел да помогнат да се заштитиме од нив.
Исто така, имаме Центар за превенција од малтретирање, кој е ресурс за тинејџери, родители и воспитувачи кои бараат поддршка за прашања поврзани со силеџиство и други конфликти. Тој нуди насоки чекор-по-чекор, вклучувајќи информации за тоа како да започнете важни разговори за силеџиство. Дознајте повеќе за она што го правиме за да ги заштитиме луѓето од силеџиство и вознемирување тука.
Белешка: Оваа политика не важи за лица кои се дел од назначени организации под Политиката за опасни организации и поединци или поединци кои починале пред 1900 година.
Ниво 1: Универзална заштита за сите:
  • Сите се заштитени од:
    • Несакан контакт што е:
      • Повторлив ИЛИ
      • Сексуално вознемирувачки ИЛИ
      • Насочен кон голем број поединци без претходна молба.
    • Повици за самоповредување или самоубиство на одредено лице или на група луѓе.
    • Напади врз основа на нивното искуство со сексуално малтретирање, сексуална експлоатација, сексуално вознемирување или семејно насилство.
    • Изјави за намера да се впуштат во сексуална активност или залагање да се впуштат во сексуална активност.
    • Сериозно сексуални коментари.
    • Погрдно сексуално фотошопирање или цртежи
    • Напади со навредливи изрази поврзани со сексуални активности (на пример, курва, ороспија).
    • Тврдења дека одредена насилна трагедија не се случила.
    • Тврдења дека поединци лажат дека се жртва на насилна трагедија или терористички напад, вклучувајќи тврдења дека:
      • Глумат или се преправаат дека се жртва на конкретен настан, или
      • Се платени или вработени за да ги доведат луѓето во заблуда за нивната улога во настанот.
  • Закани за објавување на приватниот телефонски број, адресата на живеење, адресата на е-пошта или медицинската евиденција на поединецот (како што е дефинирано во Политиката за прекршувања на приватноста).
  • Повици или изјави со намера да се вклучат во силеџиство и/или вознемирување.
  • Содржини што деградираат или изразуваат одвратност кон поединци кои се прикажани во тек на или веднаш по менструација, мокрење, повраќање или дефекација
  • Сите се заштитени од следново, но за возрасните јавни личности, мора да бидат намерно изложени на:
    • Повици за смрт и изјави за добивање или развивање одредена медицинска состојба.
    • Славење или исмевање на смрт или медицинска состојба.
    • Тврдења за сексуално преносливи инфекции.
    • Изјави за инфериорност за физички изглед.
Ниво 2: Дополнителни заштити за сите Малолетни лица, Приватни возрасни лица и Јавни личности со ограничен опсег (на пример, поединци чија примарна слава е ограничена на нивниот активизам, новинарство или оние кои станале славни ненамерно):
  • Покрај универзалните заштити за сите, сите малолетни лица (приватни поединци и јавни личности), приватни возрасни лица и јавни личности со ограничен опсег се заштитени од:
  • Сите малолетни лица (приватни лица и јавни личности), приватни возрасни лица и јавни личности со ограничен опсег) се заштитени од следново, но за помалку познатите јавни личности, мора да бидат намерно изложени на:
    • Човечка обезвреднувачка споредба (во писмен или визуелен облик) со или за:
      • Животни и инсекти, вклучувајќи суштества што не се луѓе, коишто културолошки се сметаат за инфериорни.
      • Бактерии, вируси, микроби и болести.
      • Неживи предмети, вклучувајќи ѓубре, нечистотии, фекалии.
  • Содржини манипулирани за истакнување, заокружување или на друг начин негативно привлекување внимание кон конкретни физички карактеристики (нос, уво итн.).
  • Содржини што вршат рангирање врз основа на физички изглед или карактерни особини.
  • Содржини што ги деградираат лицата за кои е прикажано дека се физички малтретирани (освен во контекст на самоодбрана и спортови со борби).
Ниво 3: Дополнителни заштити за Приватни малолетни лица, Приватни возрасни лица и Помалку познати случајни јавни личности:
  • Освен сите заштити наведени погоре, сите приватни малолетни лица, приватни возрасни лица (кои мора самостојно да пријавуваат) и помалку познати случајни јавни личности се заштитени од:
    • Таргетирано пцуење.
    • Тврдења за романтична вклученост, сексуална ориентација или родов идентитет.
    • Повици за акција, изјави за намера, аспиративни или условни изјави, или изјави кои заговараат или поддржуваат исклучување.
    • Тврдења за негативен карактер или способност, освен во контекст на кривични обвинувања и бизнис рецензии против возрасни.
    • Изрази на презир, одвратност или содржини што го отфрлаат постоењето на некој поединец, освен во контекст на кривични пријави против возрасни.
  • При самостојно пријавување, приватните малолетни лица, приватните возрасни лица и помалку познатите случајни јавни личности се заштитени од следново:
    • Силеџиство со споменување личност во прво лице еднина.
    • Несакано манипулирано сликовито прикажување.
    • Споредба со други јавни, измислени или приватни лица врз основа на физичкиот изглед.
    • Тврдење за верски идентитет или богохулење
    • Споредби со животни или инсекти кои културно се сметаат за интелектуално или физички инфериорни („тигар“, „лав“).
    • Неутрални или позитивни физички описи.
    • Тврдење за не-негативен карактер или способност.
    • Напади преку навредливи термини поврзани со недостаток на сексуална активност.
Ниво 4: Дополнителни заштити само за Приватни малолетни лица:
  • Малолетните лица добиваат најголема заштита согласно нашата политика. Покрај сите заштити наведени погоре, приватните малолетни лица се заштитени и од:
    • Обвинувања за криминално или незаконско однесување.
    • Видеа за физичко силеџиство против малолетно лице споделени во каков било контекст.
    • Навредливи термини поврзани со женски родови пцовки.
Силеџиство и малтретирање преку страници, групи, настани и пораки
  • Заштитите на Нивоата од 1 до 4 се применуваат и на страниците, групите, настаните и пораките.
За следниве Стандарди на заедницата, бараме дополнителни информации и/или контекст за да ги спроведеме:
Не правете го следново:
  • Да објавувате содржина што таргетира приватни лица преку несакани Страници, Групи и Настани. Ја отстрануваме оваа содржина кога е пријавена од целта или овластен претставник на целта.
  • Да ги објавувате содржините опишани погоре што инаку би барале целта да ја пријави содржината или показател дека објавата директно ја таргетира целта (на пример: целта е означена во објавата или коментарот). Ќе ја отстраниме оваа содржина ако имаме потврда од целта или овластен претставник на целта (жива или покојна) дека содржината е несакана.
  • Да објавувате содржини кои повикуваат или наведуваат намера за вклучување во однесување што би се квалификувало како силеџиство и вознемирување според нашите политики. Ќе ја отстраниме оваа содржина кога ќе добиеме потврда од целта или овластен претставник на целта дека содржината е несакана.
  • Да објавувате содржина што сексуализира јавна личност. Ќе ја отстраниме оваа содржина кога ќе добиеме потврда од целта или овластен претставник на целта дека содржината е несакана.
  • Да иницирате контакт за сексуално вознемирување врз примачот. Ќе ги отстраниме сите содржини споделени во несакан контекст кога ќе добиеме потврда од примачот или овластен претставник на примачот дека контактот бил несакан.
  • Да отстранувате насочено масовно вознемирување, при:
    • Таргетирање, преку која било површина, на „лица со зголемен ризик од повреда во реалниот свет“, дефинирани како:
      • Бранители на човекови права
      • Малолетни лица
      • Жртви на насилни настани/трагедии
      • Лица од опозиција во земји во ризик за време на период на избори
      • Изборни службеници
      • Владини дисиденти кои се таргетирани според нивниот дисидентски статус
      • Етнички или религиозни малцинства во конфликтни зони
      • Член на именувана и препознатлива група во ризик
    • Таргетирање лица преку лични површини, како во сандаче за пораки или на профили, со:
      • Содржини што ги прекршуваат политиките за силеџиство и вознемирување за физички лица или
      • Непристојна содржина што се базира на заштитени карактеристики
  • Да исклучувате сметки инволвирани во масовно вознемирување како дел од едно од следниве
    • Државни мрежи или мрежи поврзани со државата што таргетираат лица преку која било површина.
    • Мрежи за рекламирање што таргетираат лица преку која било површина со:
      • Содржини што ги прекршуваат политиките за силеџиство и вознемирување за физички лица или
      • Непристојна содржина што се базира на заштитени карактеристики или
      • Содржина или однесување што поинаку се смета за непристојна во локален контекст
Искуства на корисниците
Погледнете неколку примери за спроведување на стандардите за луѓето на Facebook, како на пример: како изгледа да се пријави нешто за коешто сметате дека не треба да биде на Facebook, да ве известат дека сте ги прекршиле Стандардите на заедницата и да видите екран за предупредување врз одредена содржина.
Белешка: Секогаш се подобруваме, па тоа што ќе го видите тука може да биде малку застарено во споредба со тоа што го користиме во моментот.
ИСКУСТВА НА КОРИСНИЦИТЕ
Пријавување
ИСКУСТВА НА КОРИСНИЦИТЕ
Комуникација по пријавувањето
ИСКУСТВА НА КОРИСНИЦИТЕ
Искуство со отстранување содржина
ИСКУСТВА НА КОРИСНИЦИТЕ
Екрани за предупредување
Податоци
Видете го последниот Извештај за спроведување на стандардите на заедницата
Спроведување на стандардите
Ги имаме истите правила насекаде во светот, за сите на Facebook.
Тимови за преглед
Нашиот глобален тим од над 15.000 прегледувачи работи секој ден со цел луѓето да бидат безбедни на Facebook.
Активност на засегнатите страни
Надворешни соработници, академици, НВОа и креатори на политики придонесуваат информации за Стандардите на заедницата на Facebook.
Добијте помош со силеџиство и вознемирување
Дознајте што може да направите ако видите нешто на Facebook што е против нашите Стандарди на заедницата.
Посетете го нашиот Центар за помош