Стандарди на заедницата
Вовед
Овие стандарди се засноваат на повратните мислења од луѓето и советите од експертите во областите како технологија, јавна безбедност и човекови права. За да обезбедиме сечиј глас да биде ценет, водиме голема грижа да создадеме стандарди што вклучуваат различни гледишта и верувања, особено оние на луѓето и заедниците коишто инаку би можеле да бидат занемарени или маргинализирани.
Секојдневно, луѓето ги користат Facebook, Instagram, Messenger и Threads за да ги споделат своите искуства, да се поврзат со пријателите и семејството и да градат заедници. Нашите услуги им овозможуваат на милијарди луѓе слободно да се изразуваат во различни земји и култури и на десетици јазици.
Meta препознава колку е важно Facebook, Instagram, Messenger и Threads да бидат места каде што луѓето се чувствуваат овластени да комуницираат и сериозно ја сфаќаме нашата улога во спречување на злоупотреба на нашата услуга. Затоа развивме стандарди за тоа што е, а што не е дозволено на овие услуги.
Ве молиме имајте предвид дека американската англиска верзија на Стандардите на заедницата ја одразува најажурираната збирка на правила и треба да се користи како главен документ.
Нашата посветеност на гласот
Целта на нашите Стандарди на заедницата е да создадат место за изразување и да им дадат глас на луѓето. Meta сака луѓето да можат да зборуваат отворено за прашањата што им се важни, или преку пишани коментари, фотографии, музика или други уметнички медиуми, дури и ако некои може да не се согласат или да ги сметаат за непристојни. Во некои случаи, дозволуваме содржина ‒ којашто инаку не би била во согласност со нашите стандарди ‒ доколку е вредна за објавување и е од јавен интерес. Ова го правиме само откако ќе ја процениме вредноста на јавниот интерес наспроти ризикот од штета и ги разгледуваме меѓународните стандарди за човекови права за да ги донесеме овие пресуди. Во други случаи, може да ги отстраниме содржините коишто користат двосмислен или имплицитен јазик кога дополнителниот контекст ни дозволува разумно да разбереме дека содржините не се во согласност со нашите стандарди.
Нашата посветеност кон изразување е најважна, но признаваме дека интернетот создава нови и зголемени можности за злоупотреба. Од тие причини, кога го ограничуваме изразувањето, тоа го правиме во служба на една или повеќе од следниве вредности:
АВТЕНТИЧНОСТ
Сакаме да се осигуриме дека содржината што луѓето ја гледаат е автентична. Веруваме дека автентичноста создава подобра средина за споделување и затоа не сакаме луѓето што ги користат нашите услуги лажно да претставуваат кои се или што прават.
БЕЗБЕДНОСТ
Посветени сме да ги обезбедиме Facebook, Instagram, Messenger и Threads. Ги отстрануваме содржините коишто претставуваат ризик од штета на физичката безбедност на луѓето. Содржината што им се заканува на луѓето има потенцијал да ги заплаши, исклучи или замолчи другите и не е дозволена на нашите содржини.
ПРИВАТНОСТ
Посветени сме на заштита на личната приватност и информациите. Приватноста им дава на луѓето слобода да бидат свои, да избираат како и кога ќе споделат нешто на нашите услуги и да се поврзат полесно.
ДОСТОИНСТВО
Веруваме дека сите луѓе се еднакви по достоинство и права. Очекуваме дека луѓето ќе го почитуваат достоинството на другите и нема да ги вознемируваат или понижуваат другите.
Стандарди на заедницата
Нашите стандарди на заедницата важат за секого, низ целиот свет и за сите видови содржини, вклучувајќи содржини генерирани од ВИ.
Секоја секција од нашите Стандарди на заедницата започнува со „Политичко резонирање“ коешто ги зацртува целите на политиката и конкретни информации за политиката коишто ги дефинираат:
Содржините коишто не се дозволени; и
Содржините за коишто се потребни дополнителни податоци или контекст, содржини коишто се дозволени со екран за предупредување или содржините коишто се дозволени, но може да ги гледаат само возрасни постари од 18 години.