Herisetra sy Fandrisihana

Tsipirian’ny Politika
Traikefan’ny Mpampiasa
Angondrakitra

Tsipirian'ny politika

MANOVA RAKITATITRA
Anton’ny Politika
Mikendry ny hisorohana herisetra tsy an-jotra mety hitranga izay mety mifandraika amin’ny votoaty amin’ireo vovonanay izahay. Na dia azonay aza fa maneho fanebahana na tsy fiombonan-kevitra amin’ny alalan’ny fandrahonana na fiantsoana herisetra amin’ny fomba mahazatra sy tsy mafy ny olona mazàna, dia esorinay foana izay fiteny mitaona na manamora herisetra sy fandrahonana azo inoana amin’ny arolozan’ny vahoaka na ny tena. Anisan’izany ny lahateny mahery setra mikendry olona iray na vondron’olona iray noho ny(ireo) toetoetra arovana ananan’izy ireo na ny toe-pifindramonin’izy ireo. Manala votoaty sy mamono kaonty ary miara-miasa amin’ny mpitandro filaminana izahay rehefa mino fa tena misy loza mety hitranga na loza mitatao mivantana amin'ny filaminam-bahoaka Manandrana manisy lanjany ny fiteny sy ny sehatra isehoana koa izahay mba hanavahana ireo fanambarana tsotra na fanairana saim-bahoaka amin’ny votoaty izay manorina ambana azo inoana ho an’ny filaminan’ny daholobe na olon-tsamirery. Anatin’ny famaritana raha azo inoana na tsia ny fandrahonana iray, dia mety hanisy lanjany ny fampahalalana fanampiny, toy ny fahitana ampahibemaso ny olona iray sy ireo tandindon-doza ara-batana mety hahazo azy, ihany koa izahay.
Amin’ny tranga sasany, mahita fandrahonana ammin’ny herisetra misy aingam-panahy na fepetra izahay, anisan’izany ireo filazana fanantenana fa hisy herisetra hatao, hikendrena ireo mpampihorohoro sy ireo tompon’antoka mahery setra (oh: “Mendrika hovonoina ireo mpampihorohoro”, “Antenaiko fa hamono ireo mpampihorohoro izy ireo”) Raisinay ho tsy azo inoana ireny raha tsy misy porofo voatondro manamarina ny mifanohitra amin’izany.
Izahay dia manala:
Manala fandrahonana amin’ny herisetra atao amin’ny olona kendrena isan-karazany izahay. Ireo fandrahonana amin’ny herisetra dia fanambarana na zava-jerena maneho fikasana, hetaheta na antso hanao herisetra amin’ny olona kendrena iray, ary ireo fandrahonana dia mety atao amin’ny karazana fanambarana maro samihafa toy ireo fanambarana fikasana, antso hanao fihetsika, fanohanana, fanehoana fanantenana, fanambarana hetaheta sy fanambarana misy fepetra.
Izahay dia tsy mandrara fandrahonana rehefa zaraina anatina sahankevitra fanairana saim-bahoaka na fanamelohana ilay izy, rehefa misy fandrahonana tsy mafonja loatra anatina sahankevitra fanatanjahantena misy fifandonana, na fandrahonana sasany miantefa amin’ny tompon’antoka mahery setra, toy ireo vondrona mpampihorohoro.
Fiarovana mahafaobe ho an’ny olon-drehetra
Arovana amin’ireto fandrahonana manaraka ireto ny olon-drehetra:
  • Fandrahonana amin’ny herisetra izay mety hiteraka fahafatesana (na endrika herisetra be vesatra hafa)
  • Fandrahonana amin’ny herisetra izay mety hiteraka ratra mafy (herisetra salantsalany vesatra) Manala izany fandrahonana izany izahay rehefa miantefa amin’ny olom-bahoaka na vondrona tsy noho ny toetoetra arovana rehefa azo inoana, ary manala azy ireny rehefa miantefa amin’izay kendrena hafa rehetra (anisan’izany ireo vondrona noho ny toetoetra arovana) na azo inoana ilay izy na tsia.
  • Fiaikena ho nanao herisetra be vesatra na salantsalany vesatra (amin’ny endrika an-tsoratra na am-bava, na hita maso asehon’ilay mpanao herisetra na ny namany iray), afa-tsy rehefa zaraina anatina sahankevitra fibebahana, fiarovan-tena, fanatanjahantena ifampikasihana (salantsalany vesatra na ambanin’izany), na rehefa ataon’ny mpitandro filaminana, tafika na mpiasan’ny fiarovana olom-panjakana.
  • Fandrahonana na fampisehoana fakana an-keriny na fakana ho takalon’aina, raha tsy hoe angaha mazava fa zarain’ny lasibatra iray na ny fianakaviany amin’ny maha antso vonjy, na zaraina ho fampahalalana, fanamelohana na fampahatsiarovan-tsaina ilay izy.
Fiarovana fanampiny ho an’ny Olondehibe, Ankizy rehetra, olona tena marefo ary olona na vondrona noho ny toetoetra arovana ananan’izy ireo:
Ho fanampin’ilay fiarovana manerana izao rehetra izao ho an’ny tsirairay, ny olondehibe rehetra (rehefa izy ihany no mitatitra azy), ankizy ary olona na vondron’olona kendrena noho ireo toetoetra arovana ananany, dia voaro amin’ny fandrahonana amin’ny herisetra kely vesatra.
Herisetra Hafa
Ho fanampin’ireo fiarovana rehetra atao lisitra eo ambony, dia manala ireto manaraka ireto izahay:
  • Votoaty izay mangataka, manolotra na miaiky fa manolotra serivisy herisetra be vesatra (ohatra: lehilahy karamaina hamono olona, mercenaire, mpamono olona, fanapahana taovam-pananahan’ny vavy) na fanentanana ho an’ny fampiasana ireny serivisy ireny
  • Torolalana amin’ny fomba fanamboarana na fampiasana fitaovam-piadiana ahitana fiteny milaza miharihary ny tanjona handratra mafy na hamono olona, na fanehoana an-tsary mampiseho na maka tahaka ny vokatra farany, afa-tsy hoe angaha anatina sahankevitra tsy mahery setra toy ny fampianarana fiarovan-tena (ohatra: fampiofanana amin’ny fomba fiady, haiady) fanofanana miaramila
  • Torolalana momba ny fomba fanamboarana na fampiasana zava-mipoaka, afa-tsy hoe angaha anatina sahankevitra izay ho an’ny tanjona iray tsy mahery setra toy ny fampiasana anaty fialamboly (ohatra: tsipoapoaka sy lalao horonantsary fivarotra, jono)
  • Fandrahonana handray fitaovam-piadiana na hitondra fitaovam-piadiana amin’ny toerana iray na hiditra an-keriny amin’ny toerana iray (anisan’izany ireo, kanefa tsy voafetra amin’ireo, toeram-pivavahana, fotodrafitrasa fanabeazana, biraom-pifidianana na toerana ampiasaina hanisana vato na hitantanana fifidianana), na toerana izay ahitana famantarana tsy maharitra tranga ahiana mitombo herisetra.
  • Fandrahonana amin’ny herisetra mifandray amin’ny fifidianana, fisoratana anarana ho an’ny mpifidy na fitantanana na vokatry ny fifidianana iray, na dia tsy misy kendrena aza.
  • Fankalazana herisetra noho ny fananahana ka na ilay izy herisetra ataon’ny mpiray ara-nofo na herisetra noho ny voninahitra
Ho an’ireto Fenitry ny Fiombonambe manaraka ireto, dia mitaky fampahalalana sy/na sahankevitra fanampiny izahay mba hampiharana azy ireto:
Izahay dia manala:
  • Fandrahonana miantefa amin’ny mpitandro filaminana na manam-pahefana mikarakara fifidianana, na inona na inona toedraharahany amin’ny maha olom-bahoaka azy na azo inoana na tsia ilay fandrahonana.
  • Fanambarana an-kaody izay tsy voateny mazava ilay fomba anaovana herisetra, saingy sarontsaromana na atao teny tsy loa-body ilay fandrahonana, araka ny asehon’ny fitambaran’ny fambara fandrahonana sy fambara sahankevitra avy amin’ilay lisitra eo ambany.
    • Fandrahonana: fanambarana an-kaody iray izay iray amin’ireto manaraka ireto:
      • Zaraina anatina sahankevitra valifaty (oh: fanehoana faniriana hanao zavatra amin’ny hafa ho valin’ny fahoriana na fandrahonana iray izay mety ho tena misy, tsapa na vinanina mialoha)
      • Fitsiahy trangana herisetra ara-tantara na tantara noforonina (oh: votoaty mandrahona ny hafa amin’ny alalan’ny fampahatsiahivana trangana herisetra ara-tantara izay notanterahina manerana ny tantara na anatin’ny tontolon’ny tantara noforonina).
      • Asa toy ny antso hanao mandrahona (oh: votoaty manasa na mamporisika ny hafa hanatontosa fihetsika mahery setra na handray anjara amin’ny fanatontosana fihetsika mahery setra)
      • Manondro fahalalana na mizara fampahalalana saropady izay mety hampitatao herisetra ny hafa (oh: votoaty izay manamarika na milaza ankolaka fahafantarana fampahalalan-tsamirery izay mety hahatonga fandrahonana hanao herisetra iray ho azo inoana kokoa. Anatin’izany ny filazana ankolaka fahalalana ny adiresy fonenan’ny olona iray, ny toerana fiasany na fianarany, ny lalany mandroso sy miverina isan’andro na ny toerana misy azy amin’izao)
    • Sahan-kevitra:
      • Sahan-kevitra na hevitry ny manam-pahaizana eo an-toerana izay manamafy fa mety hiteraka herisetra mananontanona ilay fanambarana resahina.
      • Mitatitra ilay votoaty aminay ilay kendren’ilay votoaty na ny solontena omen-dalana iray.
      • Zaza iray ilay kendrena.
  • Fandrahonana amin’ny teny tsy loa-body hitondra fitaovam-piadiana amin’ny toerana, anisan’izany ireo, kanefa tsy voafetra amin’ireo, toeram-pivavahana, fotodrafitrasa fanabeazana, biraom-pifidianana na toerana ampiasaina hanisana vato na hitantanana fifidianana (na mandrisika ny hafa hanao izany) na toerana izay ahitana famantarana tsy maharitra tranga ahiana mitombo herisetra.
  • Filazana na fanombantombanana momba kolikoly, fandehan-javatra tsy araka ny tokony ho izy na fitanilanana mifandray amin’ny fifidianana rehefa ampiarahina amin’ny marika fa fandrahonana amin’ny herisetra ilay votoaty (oh: fandrahonana handray na hitondra fitaovam-piadiana, zava-jerena maneho fitaovam-piadiana, firesahana fandoroana iniana atao, halatra, na fanimbana fananana), anisan’izany ny:
    • Fikendrena olon-sotra
    • Fikendrena toerana voafaritra manokana (fanjakana na kely kokoa)
    • Rehefa tsy voalaza mazava ilay kendrena
  • Fitsiahy momba ny fivoriana na hetsika mifandray amin’ny fifidianana rehefa ampiarahina amin’ny marika fa fandrahonana amin’ny herisetra ilay votoaty (oh: fandrahonana handray na hitondra fitaovam-piadiana, zava-jerena maneho fitaovam-piadiana, firesahana fandoroana iniana atao, halatra, na fanimbana fananana).
  • Fandrahonana amin’ny herisetra avo na salantsalany vesatra amin’ny fiarovana ny tena na olombelona iray hafa rehefa feno ireo masontsivana eo ambany.
    • Atao amin’ny olona iray (tsy anatin’izany ireo olona azo fantarina amin’ny anarana na tarehy, ireo olona kendrena araka ireo toetoetra arovana ananan’izy ireo, ary ireo zaza)
    • Anatin’ny saham-pisehoana fidirana an-trano fonenana na herisetra iraisan’olona izay mitovy lanja amin’ny herisetra valiana sy izay fandrahonana manambana iray
    • Mavesa-danja mihoatra ny tandindon’ny herisetra manambana ny mety ho fiantraikan’ny feo
Traikefan’ny mpampiasa
Jereo ny ohatra sasany hoe toy ny ahoana ny fampiharam-penitra ho an’ny olona amin’ny Facebook, toy ny: ohatra ny ahoana izany hoe mitatitra zavatra iray heverinao hoe tsy tokony ho amin’ny Facebook, izany hoe ilazana fa nandika ny Fenitry ny Fiombonambenay ianao, ary izany hoe mahita efijery fampitandremana iray mandrakotra votoaty voatondro.
Fanamarihana: Miezaka mihatsara foana izahay, ka mety efa nilaozan’ny toetr’andro kely izay hitanao eto raha mitaha amin’izay ampiasainay amin’izao.
TRAIKEFAN’NY MPAMPIASA
Fanaovan-tatitra
TRAIKEFAN’NY MPAMPIASA
Serasera aorian’ny tatitra
TRAIKEFAN’NY MPAMPIASA
Traikefa fanesorana
TRAIKEFAN’NY MPAMPIASA
Efijery fampitandremana
Angondrakitra
Mijery ny Tatitra Fampiharana Fenitry ny Fiombonambe farany indrindra
Fampiharam-penitra
Mitovy daholo ny politikanay maneran-tany ho an’ny olon-drehetra amin’ny Facebook.
Ekipa mpandinika
Ny ekipanay eran-tany misy mpandinika 15.000 mahery dia miasa isan’andro mba hiarovana tsy tapaka ny olona amin’ny Facebook.
Firobohan’ireo mpiaramiombonantoka
Manampahaizana ivelany, mpampianatra ambony, fikambanana tsy miankina amin’ny fanjakana ary mpamolavola politika no manampy amin’ny fampahalalana ny Fenitry ny Fiombonambe Facebook.
Mahazo fanampiana mahakasika ny herisetra sy fandrisihana
Fantaro hoe inona no azonao atao raha mahita zavatra amin’ny Facebook izay mandika ny Fenitry ny Fiombonambenay ianao.
Mitsidika ny Ivon’ny Fanampianay