Famadihan-ko Fahatsiarovana

Tsipirian’ny Politika
Traikefan’ny Mpampiasa

Tsipirian'ny politika

MANOVA RAKITATITRA
Anton’ny Politika
Rehefa nodimandry ny olona iray, dia afaka mangataka anay hamadi-ko fahatsiarovana ny kaontiny ny namany sy ny fianakaviany. Raha vao avadi-ko fahatsiarovana io, dia hisy teny hoe “Ho fahatsiarovana” hiseho eo ambonin’ny anarana amin’ny mombamomban’ilay olona ka lasa toeram-pahatsiarovana ilay kaonty manomboka eo. Ny famadihan-ko fahatsiarovana ireo kaonty dia ahafahana mamorona habaka iray hahatsiarovana ireo hava-malala sy hiarovana amin’ny fanandramana hiditra sy fihetsika hosoka. Mba hanajana ny safidy nataon’ny olona iray tamin’ny fahavelony, dia mikendry ny hikajiana ny kaontiny tsy misy fanovana aorian’ny ahafatesany izahay.
Amin’ny Facebook, nataonay azon’ny olona atao ny manondro mpifandray mpandova iray hikarakara ny kaontiny aorian’ny ahafatesany. Mba hanohanana ireo mana-manjò, amin’ny tranga sasany, dia mety hanala na hanova ny votoaty sasany izahay rehefa mangataka izany ilay mpifandray mpandova na ny fianakaviana.
Ireo fangatahana ny hamadihan-ko fahatsiarovana ireo kaonty Facebook na Instagram izay an’ireo mpampiasa nodimandry dia azo atao amin’ny alalan’ny fampahalalana takina ataon’ireo:
  • Namana Facebook
  • Mpanaraka Instagram
  • Fianakaviana manana taratasim-pianakaviana marina
Ho an’ireo lasibatry ny vono olona sy famonoan-tena, dia hanala ireto votoaty manaraka ireto tamin’ny Facebook sy Instagram izahay raha miseho eo amin’ny sarin’ny mombamomban’ilay nodimandry, saribeny na anatin’ireo petadrindrina amin’ny diariny vao tsy ela ilay votoaty, rehefa angatahin’ny mpifandray mpandova iray na fianakavian’ilay maty izany. Mety hanala io votoaty io amin’ny Facebook ihany koa izahay rehefa angatahin’ilay mpifandray mpandova Facebook izany:
  • Votoaty mifandraika amin’ny fahafatesan’ilay maty
  • Fiderana na fanohanana fahafatesana, aretina na fahavoazan’ny olona maty
  • Fanehoana an-tsary ny zavatra nampiasaina tamin’ny fahafatesan’ilay maty.
  • Sarin’ilay mpamono voasazy na voampanga ho namono ilay maty.
  • Toe-piarahana na toe-pinaman’ilay mpamono voasazy na voampanga an’ilay maty
Ho an’ireto Fenitry ny Fiombonambe manaraka ireto, dia mitaky fampahalalana sy/na sahankevitra fanampiny izahay mba hanaovana ireto fanovana manaraka ireto rehefa angatahin’ny solontena omen-dalana iray an’ilay maty sy amin’ny Facebook ihany, angatahin’ilay mpifandray mpandova:
  • Manala ireo kaomantera mandika fenitra amin’ny mombamomba natao fahatsiarovana iray, izay mazĂ na mitaky amin’ny olon-tsotra ny hanaovan’ny tenany tatitra, amin’izay izahay mahalala fa tsy nirina ireo.
  • Manova ny tefy fitanan-tsiambaratelon’ny ilay maty avy amin’ny daholobe ho namana-ihany rehefa misy votoaty manimba amin’ilay mombamomba
  • Manova ny anarana amin’ny mombamomba raha mandika ny Fenitry ny Fiombonambenay io, araka ny politikanay momba ny Anarana To
  • Mampiditra namana na mpanaraka amin’ilay mombamomba raha nalana taorian’ny fahalasanan’ilay maty izy ireo.
Traikefan’ny mpampiasa
Jereo ny ohatra sasany hoe toy ny ahoana ny fampiharam-penitra ho an’ny olona amin’ny Facebook, toy ny: ohatra ny ahoana izany hoe mitatitra zavatra iray heverinao hoe tsy tokony ho amin’ny Facebook, izany hoe ilazana fa nandika ny Fenitry ny Fiombonambenay ianao, ary izany hoe mahita efijery fampitandremana iray mandrakotra votoaty voatondro.
Fanamarihana: Miezaka mihatsara foana izahay, ka mety efa nilaozan’ny toetr’andro kely izay hitanao eto raha mitaha amin’izay ampiasainay amin’izao.
TRAIKEFAN’NY MPAMPIASA
Fanaovan-tatitra
TRAIKEFAN’NY MPAMPIASA
Serasera aorian’ny tatitra
TRAIKEFAN’NY MPAMPIASA
Traikefa fanesorana
TRAIKEFAN’NY MPAMPIASA
Efijery fampitandremana
Fampiharam-penitra
Mitovy daholo ny politikanay maneran-tany ho an’ny olon-drehetra amin’ny Facebook.
Ekipa mpandinika
Ny ekipanay eran-tany misy mpandinika 15.000 mahery dia miasa isan’andro mba hiarovana tsy tapaka ny olona amin’ny Facebook.
Firobohan’ireo mpiaramiombonantoka
Manampahaizana ivelany, mpampianatra ambony, fikambanana tsy miankina amin’ny fanjakana ary mpamolavola politika no manampy amin’ny fampahalalana ny Fenitry ny Fiombonambe Facebook.
Mahazo fanampiana momba ny famadihan-ko fahatsiarovana
Fantaro hoe inona no azonao atao raha mahita zavatra amin’ny Facebook izay mandika ny Fenitry ny Fiombonambenay ianao.
Mitsidika ny Ivon’ny Fanampianay