ສະແປມ

ພວກເຮົາອາດຈຳກັດບັນຊີທີ່ດຳເນີນການດ້ວຍຄວາມຖີ່ຕໍ່າລົງ ເມື່ອມີຕົວບົ່ງຊີ້ສະແປມອື່ນໆ (ເຊັ່ນ: ການໂພສເນື້ອຫາຊໍ້າໆ) ຫຼື ສັນຍານຄວາມບໍ່ຖືກຕ້ອງ.

ການສະເໜີຂອງຂວັນໃຫ້ຟຣີ (ເຊັ່ນ: ການສະເໜີໃຫ້ຄົນອື່ນມີໂອກາດໄດ້ຮັບລາງວັນ) ທີ່ເປັນເງິນສົດ ຫຼື ທຽບເທົ່າເງິນສົດ ເພື່ອແລກປ່ຽນກັບການມີສ່ວນຮ່ວມ (ເຊັ່ນ: “ຄົນໃດກໍຕາມທີ່ກົດຖືກໃຈເພຈຂອງຂ້ອຍ ຈະມີໂອກາດໄດ້ຮັບລາງວັນ $500”)

ການສະເໜີສິ່ງໃດໜຶ່ງທີ່ມີມູນຄ່າທາງການເງິນ ເພື່ອແລກປ່ຽນກັບການມີສ່ວນຮ່ວມ. (ເຊັ່ນ: “ຖ້າເຈົ້າກົດຖືກໃຈເພຈຂອງຂ້ອຍ, ຂ້ອຍຈະເອົາ iPhone ໃຫ້ເຈົ້າ!)

ການປິດບັງ: ການປິດບັງແມ່ນຄວາມພະຍາຍາມໃດໜຶ່ງເພື່ອຫຼົບຫຼີກນະໂຍບາຍເນື້ອຫາຂອງພວກເຮົາ ໂດຍການນຳສະເໜີເນື້ອຫາທີ່ແຕກຕ່າງກັນນອກແພລັດຟອມໂດຍເຈດຕະນາ ເຊັ່ນ: URL ຫຼື ແອັບພລິເຄຊັນ ໄປຫາລະບົບຄວາມສົມບູນຂອງພວກເຮົາ ເມື່ອທຽບກັບສິ່ງທີ່ສະແດງໃຫ້ກັບຜູ້ໃຊ້.

ລິ້ງທີ່ຊັກນໍາຢ່າງຜິດໆ: ເນື້ອຫາທີ່ມີລິ້ງທີ່ສັນຍາເນື້ອຫາປະເພດໜຶ່ງ ແຕ່ສະແດງສິ່ງອື່ນທີ່ແຕກຕ່າງອອກໄປ. ສິ່ງນີ້ສາມາດລວມເຖິງເນື້ອຫາໃນແອັບ ຫຼື ຊອບແວທີ່ສັນຍາໄວ້.

ພຶດຕິກຳການປ່ຽນແປງເສັ້ນທາງຫຼອກລວງ: ເວັບໄຊທ໌ທີ່ຮຽກຮ້ອງໃຫ້ມີການດຳເນີນການ (ເຊັ່ນ: captcha, ເບິ່ງໂຄສະນາ, ຄລິກບ່ອນນີ້) ເພື່ອເບິ່ງເນື້ອຫາໜ້າເວັບທີ່ຄາດການໄວ້ ແລະ ຊື່ໂດເມນຂອງ URL ປ່ຽນແປງ ຫຼັງຈາກທີ່ສຳເລັດການດຳເນີນການ ຫຼື ກຳນົດເສັ້ນທາງຂອງຜູ້ໃຊ້ໄປຫາໂດເມນທີ່ແຕກຕ່າງອອກໄປ ໂດຍອັດຕະໂນມັດ ໂດຍບໍ່ມີການດຳເນີນການໃດໆຂອງຜູ້ໃຊ້.

ການປ້ອງກັນການຖືກໃຈ/ການແບ່ງປັນ: ການບັງຄັບໃຫ້ຜູ້ໃຊ້ມີສ່ວນຮ່ວມ (ໃນຮູບແບບຂອງການຖືກໃຈ, ການແບ່ງປັນ, ການຕິດຕາມ ຫຼື ຮູບແບບການມີສ່ວນຮ່ວມສາທາລະນະອື່ນໆ) ເພື່ອເຂົ້າເຖິງເນື້ອຫາສະເພາະ ແລະ ພິເສດ.

ການເຮັດວຽກຂອງແພລັດຟອມຫຼອກລວງ - ການຮຽນແບບຄຸນສົມບັດ ຫຼື ການເຮັດວຽກຂອງການບໍລິການພວກເຮົາ ເຊັ່ນ: ການຮຽນແບບການລະດົມທຶນ, ການສຳຫຼວດໃນບໍລິບົດ, ປຸ່ມຫຼິ້ນ ຫຼື ປຸ່ມກົດຖືກໃຈ ທີ່ບໍ່ມີການເຮັດວຽກ ຫຼື ເຮັດວຽກບໍ່ໄດ້ຕາມທີ່ຄາດໄວ້ ເພື່ອໃຫ້ຜູ້ໃຊ້ຕິດຕາມລິ້ງ.

ການເຮັດວຽກຂອງໜ້າເວັບຫຼອກລວງ: ເວັບໄຊທ໌ທີ່ມີຕົວປະສານຜູ້ໃຊ້ທີ່ຊັກນໍາຢ່າງຜິດໆ ຊຶ່ງສົ່ງຜົນໃຫ້ສ້າງການຈະລາຈອນໂດຍບໍ່ຕັ້ງໃຈ (ເຊັ່ນ: ປັອບອັບ/ປັອບອັບຢູ່ກ້ອງ, ການຫຼອກໃຫ້ຄລິກ ແລະ ອື່ນໆ). ສິ່ງນີ້ລວມເຖິງກົນອຸບາຍຕ່າງໆ ເຊັ່ນ: ການວາງກັບດັກ ຊຶ່ງປັອບອັບທີ່ບໍ່ກ່ຽວຂ້ອງປາກົດຂຶ້ນ ເມື່ອບຸກຄົນໜຶ່ງພະຍາຍາມອອກຈາກໜ້າເວັບ.

ການປອມແປງໜ້າເວັບປາຍທາງ ຫຼື ໂດເມນ - ໜ້າເວັບປາຍທາງນອກແພລັດຟອມ, URL ຫຼື ເວັບໄຊທ໌ພາຍນອກທີ່ແອບອ້າງເປັນແບຣນ ຫຼື ບໍລິການທີ່ມີຊື່ສຽງໂດຍໃຊ້ຊື່, ໂດເມນ ຫຼື ເນື້ອຫາທີ່ມີການສະກົດຄຳຜິດ ຫຼື ວິທີອື່ນໃນການແອບອ້າງເປັນແບຣນທີ່ມີຊື່ສຽງໂດຍໃຊ້ໜ້າເວັບປາຍທາງທີ່ຄ້າຍກັບເວັບໄຊທ໌ອື່ນທີ່ເຊື່ອຖືໄດ້.

ການນໍາໃຊ້ URL ຫຼື ລິ້ງທີ່ຫຼອກລວງອື່ນໆ ຊຶ່ງມີລັກສະນະຄ້າຍຄືກັນຫຼາຍກັບຂ້າງເທິງ.

ການສົ່ງເສີມຮ່ວມ ທີ່ເກີດຈາກການຊໍາລະເງິນໄປຫາພາກສ່ວນທີສາມ

ການສົ່ງຕໍ່ຄວາມຮັບຜິດຊອບຂອງແອັດມິນ ຫຼື ການດູແລໜ້າ ຫຼື ກຸ່ມ ໄປຫາຜູ້ໃຊ້ຄົນອື່ນ ອີງໃສ່ຜົນປະໂຫຍດຂອງພວກເຂົາ ໃນໜ້າ ຫຼື ກຸ່ມ, ແທນທີ່ຈະເປັນການແລກປ່ຽນຄຸນຄ່າ.

ການໂພສ ຫຼື ແບ່ງປັນເນື້ອຫາທີ່ມີຍີ່ຫໍ້ທີ່ລະບຸຢ່າງຊັດເຈນ.