ການນຳສະເໜີຕົວຕົນທີ່ແທ້ຈິງ

ລາຍລະອຽດນະໂຍບາຍ
ປະສົບການຜູ້ໃຊ້

ລາຍລະອຽດນະໂຍບາຍ

ປ່ຽນບັນທຶກ
ເຫດຜົນດ້ານນະໂຍບາຍ
ຄວາມຖືກຕ້ອງເປັນຮາກຖານທີ່ສຳຄັນຂອງຊຸມຊົນຂອງພວກເຮົາ. ພວກເຮົາເຊື່ອວ່າ ຄວາມຖືກຕ້ອງຈະຊ່ວຍສ້າງຊຸມຊົນທີ່ຜູ້ຄົນມີຄວາມຮັບຜິດຊອບຕໍ່ກັນ ແລະ ຕໍ່ Meta ຢ່າງເອົາໃຈໃສ່. ພວກເຮົາຕ້ອງການໃຫ້ມີການສະແດງອັດຕະລັກດ້ວຍຫຼາຍວິທີໃນຊຸມຊົນທົ່ວໂລກຂອງພວກເຮົາ, ເຖິງວ່າຈະມີການປ້ອງກັນການແອບອ້າງເປັນບຸກຄົນອື່ນ ແລະ ການສື່ໃຫ້ເຂົ້າໃຈຜິດກ່ຽວກັບຕົວຕົນ. ເພື່ອຮັກສາສະພາບແວດລ້ອມທີ່ປອດໄພ ແລະ ເປີດກວ້າງໃຫ້ຄົນສາມາດເຊື່ອຖືກັນ ແລະ ສ້າງຊຸມຊົນ, ພວກເຮົາບໍ່ອະນຸຍາດໃຫ້ສ້າງບັນຊີ ຫຼື ໂປຣໄຟລ໌ທີ່ຖືກສ້າງຂຶ້ນ ຫຼື ນຳໃຊ້ເພື່ອຫຼອກລວງຜູ້ອື່ນ.
ໃນ Facebook, ພວກເຮົາຮຽກຮ້ອງໃຫ້ຄົນສ້າງບັນຊີດຽວໂດຍໃຊ້ຊື່ທີ່ພວກເຂົາໃຊ້ໃນຊີວິດປະຈໍາວັນທີ່ສະແດງເຖິງຕົວຕົນທີ່ແທ້ຈິງຂອງພວກເຂົາ. ພວກເຮົາສ້າງ ໂປຣໄຟລ໌ເພີ່ມເຕີມ ເພື່ອຊ່ວຍຄົນສະແດງສ່ວນຕ່າງໆຂອງຕົວຕົນຂອງເຂົາເຈົ້າ ເຊັ່ນ: ຄວາມສົນໃຈ ຫຼື ທຸລະກິດຂອງເຂົາເຈົ້າ.
ພວກເຮົາບໍ່ອະນຸຍາດໃຫ້ນຳໃຊ້ບໍລິການຂອງພວກເຮົາ ແລະ ຈະຈຳກັດ ຫຼື ປິດການນຳໃຊ້ບັນຊີ Facebook, Instagram ແລະ Threads ຫຼື ບໍລິການອື່ນຂອງ Facebook (ເຊັ່ນ: ເພຈ໌, ກຸ່ມ) ທີ່:
  • ເປັນຂອງເດັກທີ່ມີອາຍຸຕ່ຳກວ່າເກນ
  • ປອມຕົວເປັນບຸກຄົນ ຫຼື ນິຕິບຸກຄົນອື່ນ ໂດຍ:
    • ການນຳໃຊ້ຮູບພາບ, ຊື່ ຫຼື ຄວາມຄ້າຍຄືຂອງຕົນເພື່ອຈຸດປະສົງໃນການຫຼອກລວງຜູ້ອື່ນ
    • ການເວົ້າໂດຍໃຊ້ສຽງຂອງບຸກຄົນ ຫຼື ນິຕິບຸກຄົນອື່ນທີ່ຜູ້ໃຊ້ບໍ່ໄດ້ຮັບອະນຸຍາດໃຫ້ເຮັດໄດ້ (ຕົວຢ່າງ: ໂດຍການສ້າງເພຈ ຫຼື ໂປຣໄຟລ໌)
  • ມີສ່ວນຮ່ວມໃນການບິດເບືອນຂໍ້ມູນປະຈຳຕົວ ເພື່ອເຮັດໃຫ້ເຂົ້າໃຈຜິດ ຫຼື ຫຼອກລວງຜູ້ອື່ນ, ຫຼົບຫຼີກການບັງຄັບໃຊ້ ຫຼື ລະເມີດມາດຕະຖານຊຸມຊົນຂອງພວກເຮົາ. ພວກເຮົາພິຈາລະນາປັດໄຈຈໍານວນໜຶ່ງໃນເວລາທີ່ປະເມີນການເປີດເຜີຍຕົວຕົນທີ່ບໍ່ຖືກຕ້ອງ ເຊັ່ນ:
    • ເຮັດການປ່ຽນແປງຊໍ້າແລ້ວ​ຊໍ້າ​ອີກ ຫຼື ​ມີ​ການ​ປ່ຽນ​ແປງ​ທີ່​ສຳ​ຄັນ​ຕໍ່​ລາຍ​ລະ​ອຽດ​ຕົວ​ຕົນ ເຊັ່ນ:​ ຊື່ ຫຼື​ ອາ​ຍຸ
    • ຂໍ້ມູນໂປຣໄຟລ໌ທີ່ເຮັດໃຫ້ເຂົ້າໃຈຜິດ ເຊັ່ນ: ລາຍລະອຽດຊີວະປະຫວັດ ແລະ ສະຖານທີ່ໂປຣໄຟລ໌
    • ການນຳໃຊ້ຮູບພາບໃນຄັງ
  • ນຳໃຊ້ຊື່ທີ່ມີການລະເມີດມາດຕະຖານຊຸມຊົນຂອງພວກເຮົາ.
ໃນ Facebook, ພວກເຮົາຈະສືບຫາຂໍ້ມູນເພີ່ມເຕີມກ່ອນທີ່ຈະດຳເນີນການຕ່າງໆນັບຕັ້ງແຕ່ການຈຳກັດຊົ່ວຄາວ ໄປຈົນຮອດການປິດການນຳໃຊ້ບັນຊີ ຫຼື ໂປຣໄຟລ໌ ຢ່າງຖາວອນ ຖ້າຫາກວ່າທ່ານ:
  • ລະບຸວັນເດືອນປີເກີດປອມ
  • ນຳໃຊ້ຊື່ທີ່ບໍ່ແມ່ນ ຊື່ແທ້ ທີ່ທ່ານໃຊ້ໃນຊີວິດປະຈຳວັນ
  • ສ້າງບັນຊີດ່ຽວທີ່ເປັນຕົວແທນ ຫຼື ໃຊ້ໂດຍຫຼາຍກວ່າໜຶ່ງຄົນ
  • ສ້າງ ຫຼື ມີຫຼາຍບັນຊີ Facebook
  • ສ້າງບັນຊີທີ່ເປັນຕົວແທນຂອງສິ່ງທີ່ບໍ່ແມ່ນມະນຸດ ເຊັ່ນ: ທຸລະກິດ, ສັດລ້ຽງ ຫຼື ຕົວລະຄອນສົມມຸດ
  • ຮັກສາໂປຣໄຟລ໌ວ່າງເປົ່າໂດຍບໍ່ໄດ້ໃຊ້ງານເປັນເວລາດົນນານ
ປະສົບການຜູ້ໃຊ້
ເບິ່ງບາງຕົວຢ່າງຂອງການບັງຄັບໃຊ້ວ່າມີລັກສະນະແນວໃດສຳລັບຄົນຢູ່ໃນ Facebook ເຊັ່ນ: ການລາຍງານບາງສິ່ງທີ່ທ່ານບໍ່ຄິດວ່າຄວນຈະມີຢູ່ໃນ Facebook ແມ່ນຈະມີລັກສະນະແນວໃດ, ເພື່ອບອກໃຫ້ຮູ້ວ່າທ່ານໄດ້ລະເມີດມາດຕະຖານຊຸມຊົນຂອງພວກເຮົາ ແລະ ເບິ່ງໜ້າຈໍຄຳເຕືອນສຳລັບເນື້ອຫາບາງຢ່າງ.
ໝາຍເຫດ: ພວກເຮົາກຳລັງປັບປຸງຢູ່ສະເໝີ, ດັ່ງນັ້ນສິ່ງທີ່ທ່ານເຫັນຢູ່ນີ້ອາດຈະຊັກຊ້າເລັກນ້ອຍ ເມື່ອທຽບກັບສິ່ງທີ່ພວກເຮົາໃຊ້ໃນປັດຈຸບັນ.
ປະສົບການຜູ້ໃຊ້
ການລາຍງານ
ປະສົບການຜູ້ໃຊ້
ການ​ສື່​ສານ​ຫຼັງ​ການ​ລາຍ​ງານ​
ປະສົບການຜູ້ໃຊ້
ປະສົບການການລຶບອອກ
ປະສົບການຜູ້ໃຊ້
ໜ້າຈໍຄຳເຕືອນ
ການບັງຄັບໃຊ້
ພວກເຮົາມີນະໂຍບາຍດຽວກັນທົ່ວໂລກສໍາລັບທຸກຄົນໃນ Facebook.
ທີມງານກວດສອບ
ທີມງານກວດສອບທົ່ວໂລກຂອງພວກເຮົາຫຼາຍກວ່າ 15,000 ຄົນເຮັດວຽກທຸກໆມື້ ເພື່ອເຮັດໃຫ້ຄົນທີ່ຢູ່ໃນ Facebook ມີຄວາມປອດໄພ.
ການມີສ່ວນຮ່ວມຂອງຜູ້ມີສ່ວນກ່ຽວຂ້ອງ
ຜູ້ຊ່ຽວຊານ, ນັກວິຊາການ, ອົງການຈັດຕັ້ງທີ່ບໍ່ສັງກັດລັດຖະບານ ແລະ ຜູ້ສ້າງນະໂຍບາຍຈາກພາຍນອກຊ່ວຍແຈ້ງມາດຕະຖານຊຸມຊົນຂອງ Facebook.
ຂໍຄວາມຊ່ວຍເຫຼືອກ່ຽວກັບການນຳສະເໜີຕົວຕົນທີ່ແທ້ຈິງ
ສຶກສາວ່າທ່ານສາມາດເຮັດຫຍັງໄດ້ ຖ້າທ່ານເຫັນບາງສິ່ງຢູ່ Facebook ທີ່ຂັດກັບມາດຕະຖານຊຸມຊົນຂອງພວກເຮົາ.
ເຂົ້າເບິ່ງສູນການຊ່ວຍເຫຼືອຂອງພວກເຮົາ