Балдарды сексуалдык жактан эксплуатациялоо
Балдарды (анын ичинде эрезеге жете элек балдар, жаңы баскан балдар же ымыркайлар же адамга окшоштугу бар жасалма сүрөттөр, мисалы, искусстводо, жасалма интеллект тарабынан жасалган контент, ойдон чыгарылган каармандар, куурчактар ж.б.) сексуалдык жактан эксплуатациялоо менен коркуткан, аны чагылдырган, мактаган, колдоо көрсөткөн, көрсөтмөлөрдү берген, андай ниети жөнүндө билдирүүлөрдү жасаган, андай аракеттерге катышууну мойнуна алган же шилтемелерди бөлүшкөн контент, иш аракеттер же аракеттешүүлөр. Бул төмөнкүлөрдү камтыйт, бирок алар менен чектелбейт:
Жыныстык катнаш
Жок дегенде бир адамдын жыныстык органы же аналдык тешиги көрүнүп, ооздун же жыныстык органдын экинчи адамдын жыныстык органдарына же аналдык тешигине кирүү же тийүү катары аныкталган айкын көрсөтүлгөн жыныстык катнаш же оралдык катнаш.
Тымызын жыныстык же оралдык катнаш, анын ичинде катнаш шексиз же айкын көрүнбөгөн учурда.
Жыныстык органдарды же анусту стимуляциялоо, анын ичинде ал шексиз же айкын көрүнбөгөн учурда.
Жогоруда айтылгандардын бардыгы жаныбардын катышуусу менен.
Төмөнкүлөрдү камтыган, бирок алар менен чектелбеген жыныстык элементтери бар балдар:
Байлап кармоо үчүн шаймандар
Дүүлүгүү белгилери
Жыныстык органдарга же аналдык тешикке багыттоо
Жынысы дүүлүккөн абалда болгон чоң адамдын болуусу
Жыныстык катнаш үчүн оюнчуктардын болуусу же сексуалдык дүүлүгүү, кандыруу же сексуалдык зомбулук үчүн башка нерселерди колдонуу.
Сексуалдаштырылган костюм
Стриптиз
Атайын сахналаштырылган жер (мисалы, керебетте) же профессионалдуу тартылган сүрөт (сапат/фокус/бурчтары)
Оозун ачып өбүү
Адамдын эмчегинин үрпүн дүүлүктүрүү же аялдын эмчегин сыгуу (бала эмизүү контекстинен ТЫШКАРЫ)
Жыныстык иш аракеттери үчүн кошумча буюмдардын болушу
Сексуалдык фетиш контекстиндеги балдар катышкан контент
Медициналык контекстте нейтралдуу түрдө талкууланган учурлардан тышкары, педофилияны колдогон, үгүттөгөн, жактаган же үндөгөн контент.
Сексуалдык жактан эксплуатациялоого кабылган баланы аты же сүрөтү боюнча көрсөтүп же шылдыңдаган контент.
Опузалап алуу
Төмөнкүдөй аныкталган балдарды чагылдырган же аралаштырган сексуалдык мүнөздөгү контентти же аракеттерди талап кылган контент:
Балдарга сексуалдык зомбулук көрсөтүү материалы (БСЗКМ)
Жаш балдардын жылаңач сүрөттөрү
Жаш балдардын сексуалдаштырылган сүрөттөрү
Балдарга адепсиз мамиле
Балдарга адепсиз мамилени жараткан же ага көмөктөшүүчү контент, мисалы:
Жыныстык катнашуу максатында жаш балдар менен жолугушууларды талап кылуу, уюштуруу же пландаштыруу
Жыныстык мамилелер темасында баарлашуу же балдарга сексуалдык мүнөздөгү материалдарды сунуштоо, көрсөтүү же алардан алуу же талап кылуу, максаттуу түрдө ачыкка чыгаруу же купуя билдирүүлөр аркылуу жаш балдарды сексуалдык мүнөздөгү иш-аракеттерге катышууга азгыруу
Балдар менен жеке билдирүүлөр аркылуу тымызын сексуалдык мүнөздө баарлашуу
Жеке билдирүүлөр аркылуу балдардан сексуалдык мүнөздөгү материалдарды алуу же суроо
Эксплуатациялоого багытталган интимдик сүрөттөр жана опузалоо
Бойго жете элек балдарды төмөнкү жолдор менен эксплуатациялоого аракет кылган контент:
Чыныгы же жасалма интимдик сүрөттөрүн же маалыматын ачыкка чыгарып салуу менен коркутуп, акча, кызмат көрсөтүү же интимдик сүрөттөрдү мажбурлап талап кылуу
Жеке сексуалдык баарлашууларды же чыныгы же жасалма интимдик сүрөттөрдү бөлүшүү, аны менен коркутуу же бөлүшүү ниетин билдирүү
Балдарды сексуалдаштыруу
Жаш балдарды сексуалдык контекстте чагылдырган контент (анын ичинде сүрөттөр, видеолор, чыныгы көркөм чыгармалар, санариптик контент жана оозеки сүрөттөмөлөр).
Жаш балдарды сексуалдаштырууга багытталган топтор, Баракчалар жана профилдер.
Баланын жылаңач денесин чагылдыруу
Жаш баланын жылаңач денесин чагылдырган контент, мында жылаңачтык төмөндөгүдөй аныкталат:
Жаш балдардын жыныстык мүчөлөрүнүн жакындан тартылган сүрөттөрү
Төмөнкүлөрдү көрсөткөн чыныгы же жасалма жылаңач наристелер:
Жеңил-желпи кийим менен жабылган же тосулган болсо да, жыныс органдары көрүнгөн сүрөттөр
Жылаңач анус жана/же жамбаштын жакындан тартылышы
Төмөнкүлөрдү көрсөткөн жылаңач эрезеге жете элек балдар:
Көрүнөө жыныс органдары (анын ичинде чурай чачтары же жука кийимдер менен жабылган жыныстык органдары)
Жылаңач анус жана/же жамбаштын жакындан тартылышы
Кыздардын ачык көкүрөк үрптөрү
Жыныс органдары же кыздардын көкүрөк үрптөрү көрүнбөсө да, моюндан тизеге чейин кийими жок тартылган материалдар
Сүрөт ден-соолук максаттарында болбосо же баланын сексуалдык эмес жылаңач сүрөтүн көрсөтүү көркөм чыгармаларда болбосо
Баланы физикалык жактан кордоо
Көркөм чыгармалардан, мультфильмдерден, тасмалардан же видео оюндардан тышкары контекстте жарыялоо максатына карабай жаш баланы физикалык жактан кордоону чагылдырган видеолор же сүрөттөр
Балдарга физикалык жактан кордоо көрсөтүүнү мактаган, колдогон, кубаттаган, жактаган, үйрөткөн же андай аракетке катышууга үндөгөн контент