Binpêkirinên Mehremîyetê

Hûrgilîyên Polîtîkayê
Tecrûbeyên Bikarhêneran

Hûrgilîyên polîtîkayê

QEYDÊ BIGUHERÎNE
Bingehên Polîtîkayê
Xizmetên me armanc dikin ku mehremîyet û agahîyên şexsî yên bikarhênerên me biparêzin. Em gelek dixebitin da ku nasname û agahîyên te yên şexsî biparêzin û em destûrê nadin mirovan ku derbarê xwe an jî derbarê kesên din de hin cureyên agahîyên şexsî û taybet parve bikin. Herwisa em rêyan nîşanî mirovan didin ku wan dîmenên ku li gorî wan mafên wan ên taybet bin pê dikin jî gilî bikin.
Em wê naveroka ku agahîya derbarê nasnameya şexsî an jî agahîyên din ên taybet parve dike, teklîf dike an jî teşwîq dike û wisa jî dikare bibe sedemê zirara fîzîkî an jî ya aborî radikin, têde agahîyên aborî, îqametî û tenduristîyê hene, herwisa agahîyên taybet ên ku bi rêyên taybet hatine bidestxistin jî hene. Em qebûl dikin ku dibe ku agahîyên taybet bi rêya naverokên nûçeyî, dosyeyên mehkemeyê, daxuyanîyên çapemenîyê an jî bi rêya çavkanîyên din jî belav bibin. Dema ku tiştekî wisa pêk tê, dibe ku em rê bidin parvekirina wan agahîyan.
Me sînordarîyên zêde hene ji bo naveroka biperetî. Digel ku em destûr didin reklamên ku bi balkişandina li ser hûrgilîyên berhem an jî xizmetê û tecrûbeyeke bikarhênerîyê ya erênî dabîn dikin, em reklaman radikin yên ku dijwariyên şexsî yên bikarhêneran îstismar dikin, wisa xuya dikin ku wan neyînî an jî nerast teswîr dikin, an jî îma dikin ku di destên wan de agahîyên şexsî yên hesas hene. Ji bo agahîyên zêdetir li ser rêzikên mehremîyetê yên ji bo naverokên bi peretî, li Standardên me yên Reklamê yên derbarê Binpêkirinên Mehremîyetê û Taybetmendiyên Şexsî binêre.
Em destûrê nadin:
Naverokên ku ji ser xizmetên me an jî bi rêya lînkên derveyî agahiyên taybet parve dikin an jî dixwazin, wekî yên jêrîn:
Agahiyên naskirina şexsî (ANŞ)
  • Naverokên ku Agahiyên Naskirina Şexsî (agahiyên ku bi kesekî didin nasîn) yên şander an ji kesên din parve dike. Tê de ev hene:
    • Jimareyên nasnameya netewî yên wekî jimareyên ewlehiya civakî (JEC), jimareyên pasaportê an jî jimareyên nasnameya bacdêran ên şexsî (JNBŞ).
    • Nasnameyên fermî yên hêzên ewlehîyê, leşkerî an jî personelên ewlehiyê.
    • Tomar an jî belgeyên fermî yên agahîyên qeydên sivîl ên wekî zewac, zayîn, mirin, guherîna navî an jî belgeyên pênasîna zayendê
    • Belgeyên statûya koçberî û karkirinê yên wekî kartên kesk, destûrên karkirinê an jî vîze
  • Naverokên ku Agahiyên Naskirina Şexsî yên kesên din dixwazin
Agahîyên Şexsî yên Pêwendîyê
  • Naverokên ku agahiyên şexsî yên pêwendiyê yên kesên din parve dikin, ji bilî ku şexsî bi xwe aşkere kiribin an jî ji bo teşwîqkirina armancên xêrxwaziyê, hêsankirina dîtina mirov û heywanên winda û xwediyên tiştên winda an jî ji bo têkilîdanîna bi karsazî an jî pêşkêşkareke xizmetê re hatibin kirin (heta neyê tespîtkirin ku agahiyên şexsan yên pêwendiyê yên şexsî bêyî rizaya wan hatine parvekirin).
Agahîyên îqametê
  • Naverokên ku navnîşanên îqametê yên taybet û tam ên kesên din arve dikin, digel îşaretên ku li ser nexşeyekê dikarin navê avahiyekê an jî navnîşanekê pênase bikin (pîn di lînkeke derveyî platformê de bin jî), Ji bilî peywendên jêrîn:
    • gava ku ji bo teşwîqkirina xêrxwaziyê, hêsankirina dîtina mirov û heywanên winda an jî xwediyên tiştên winda an jî ji bo têkilîdanîna bi karsazî an jî pêşkêşkareke xizmetê re bêne parvekirin
    • ji bilî rewşa ku cihê îqametê cihekî fermî an jî balyozxaneyek be ku ji rayedarekî payebilind re hatibe pêşkêşkirin
  • Naveroka ku navnîşanên taybet ên îqametê yên kesên din parve dike (ji bilî rewşa ku cihê îqametê cihekî fermî an jî balyozxaneyek be ku ji rayedarekî payebilind re hatibe pêşkêşkirin):
    • Gava ku di çarçoveya lidarxistina xwepêşandanan de an jî di çavdêriya niştecihî de bê parvekirin û cihê îqametê bi yek ji navên jêrîn bê pênasekirin:
      • Kolan
      • Bajar an jî tax (tenê ji bo bajarên ku niştecihên wan ji 50.000 kesan kêmtir e)
      • Koda posteyê
      • Pînên GPS an jî pînên li ser nexşeyekê ku navnîşanê dide nasîn (pîn li ser lînkeke derveyî platformê jî be)
    • Dîmenên ku dîtina derveyî ya xanîyekî taybet nîşan didin heke hemû şertên li jêr jê bigirin:
    • Îqametgeh tenê mala malbatekê ye, an jî jimareya yekîneya îqametgehê di dîmenî/sernivîsê de xuyabar be.
    • Şûngeha îqametê bi yek ji rêyên jêrîn bê nasîn
      • Kolan
      • Bajar an jî tax (tenê ji bo bajarên ku niştecihên wan ji 50.000 kesan kêmtir e)
      • Koda posteyê
      • Pînên GPS an jî pînên li ser nexşeyekê ku navnîşanê dide nasîn (pîn li ser lînkeke derveyî platformê jî be)
    • Naverok kesên lê dimînin dide nasîn.
    • Yan kesê li îqametgehê dimîne îtîrazî nîşandana îqametgeha xwe dike, an jî peywendeke rêxistina îtirazên li hemberî îqametê heye.
    • Dîmenê îqametê nayê parvekirin ji ber ku îqamet di nîvenda çîroka nûçeyan e (ji bilî rewşên ku di peywenda organîzekirina protestoyên li hemberî kesê li îqametê dimîne tê parvekirin)
  • Naverokên ku agahiyên taybet ên îqametê yên kesên din dixwaze (ji bilî rewşa ku îqametgaheke fermî be an jî balyozxaneyek be ku ji rayedarê payebilind re hatibe pêşkêşkirin)
  • Naverokên ku bi parvekirina yek ji xalên jêr ve agahîyên derbarê veşargehê eşkere dikin û li cihên wan malan dipirsin, (ji bilî rewşên ku veşargehê bi awayekî çalak agahiyên derbarê tesîsa xwe de pêşkêş bike)
    • Navnîşanên rastîn (Nîşe: Destûra "Bi tenê Qutika Postayê" heye.)
    • Dîmenên veşargehê
    • Bajar/taxa xuyabar a veşargehê
    • Agahîyên ku nasnameya kesên li veşargehê dimînin eşkere dike
Agahîyên tibî
  • Parvekirina naverokê an jî daxwazkirina agahîyên bijîşkî, psîkolojîk, biyometrîk, an jî genetîkî/mîrasî yên kesên din (digel dema ku bi dîtbarî têne nîşandayîn an jî bi deng an jî vîdyoyê ve têne parvekirin), dema ku diyar e ku agahî ji qeydên bijîşkî an jî belgeyên din ên fermî tê.
Agahîyên aborî
  • Naveroka ku agahîyên aborî yên şexsî yên şander an jî kesên din parve dike an jî daxwaz dike, yên ku wekî agahiyên şexsî yên aborî têne parvekirin:
    • Tomar an jî beyanên aborî yên negiştî.
    • Jimareyên hesabê bankeyê li gel kodên ewlehî an jî pînê.
    • Agahîyên rêbaza peredayîna dijîtal li gel hûrgilîyên têketinê, kodên ewlehî an jî pînê.
    • Agahîyên kartên krêdîyê an jî yên bankayê li gel dîrokên derbasdarîyê an jî kodên ewlehî an jî pînê.
  • Parvekirina naverok an jî daxwazkirina agahîyên aborî yên negiştî, yên ku wekî agahîyên derbarê aborîya karsazî an jî rêxistinê hatine pênasekirin, ji bilî ku ji alîyê rêxistinê bi xwe ve hatibin parvekirin (parvekirin dubareyî yên xwedî heman peywendê jî têde) an jî yên ku bi rêya pêdivîyên raporkirina raya giştî ve hatine parvekirin (bo mînak wekî ku borsa an jî ajansên birêvebir dixwazin), wekî:
    • Tomar an jî beyanên aborî yên negiştî.
    • Jimareyên hesabê bankayê yên ku li gel kodên ewlehî an jî pînê têne parvekirin.
    • Agahîyên rêbaza peredayîna dijîtal li gel hûrgilîyên têketinê, kodên ewlehî an jî pînê.
Agahîya ku ji çavkanîyên hackkirî hatine bidestxistin
  • Naveroka ku şandîyar digire ser xwe an jî ku hatibe erêkirin ku ji çavkanîyeke hackkirî tê, bêyî ku ew kesê mexdûr kesekî navdar be an jî şexsekî taybet be.
Dibe ku naverokên li jêr jî bêne rakirin:
  • Wêne an jî vîdyoyeke mirovan a gilîkirî gava ku kesê di dîmenî de tê teswîrkirin:
    • Biçûkekî ku temenê wî ji 13 salîyê kêmtir be, û naverok ji aliyê biçûkî an jî dêûbavekî an jî wasîyekî qanûnî ve hatibe gilîkirin.
    • Biçûkekî ku temenê wî di navbera 13 û 18 salî de be, û naverok ji aliyê wî biçûkî ve hatibe gilîkirin.
    • Mezinek be ku naverok ji aliyê mezinî ve li derveyî Dewletên Yekbûyî hatibe gilîkirin û qanûna sepandinî dibe ku mafê rakirinê bide.
    • Her kesê ku bêyî şiyan e û nikare bi tena serê xwe naverokê gilî bike.
Ji bo Standardên Civakî yên di rêzê de, em agahî û/an jî peywenda zêdetir dixwazin ji bo sepandinê:
  • Nîşandanên Şexsî û Tesîsên Tenduristiyê, wekî ku şexsekî li tesîseke bijîşkî an jî tenduristiyê, an jî kesekî taybet an jî nereşîd ku dikeve an jî derdikeve ji tesîsa bijîşkî an jî tenduristiyê nîşan dide tê nîşandan û ji aliyê van kesan ve tê gilîkirin:
    • Kesê di wêneyî de
    • Temsîlkarê şexsê di wêneyî de
    • Tesîsa tibî an jî tenduristiyê ya xwedî berpirsyariyên lênerînê ji bo kesê di wêneyî de, an jî
    • Tesîsa tibî an jî tenduristiyê ya ku kesê di wêneyê de li cem xwe dixebitîne
  • Malzemeyên çavkanî yên ku hewl didin agahîyên negiştî yên derbarê hilbijartinekê de aşkere bikin ku wekî operasyona bandorkirinê ya hikûmeteke biyanî ve têne parvekirin.
    • Em dawerandinên bi vî şikilî yên ku ji aliyê medyaya di bin kontrola dewletê ve têne kirin, li welatê li pişt dawerandinê radikin.
Tecrûbeyên bikarhêneran
Li hinek mînakan binêre da bibînî ka ji bo kesên li ser Facebookê sepandin çawa xuya dike, wekî: gilîkirina tiştekî ku li gor te divê li ser Facebookê nebin çawa xuya dike, an jî ji mirovî re bê gotin ku wî Standardên Civakê bin pê kirine û dîtina ekrana hişyarîyê li ser hinek naveroka taybet çawa xuya dike.
Nîşe: Em her dem pêşve diçin, lewma dibe ku tiştê tu li vir dibînî hinekê cudatir be ji yê em niha bi kar tînin.
TECRÛBEYA BIKARHÊNERAN
Gilîkirin
TECRÛBEYA BIKARHÊNERAN
Ragihandina piştî gilîkirinê
TECRÛBEYA BIKARHÊNERAN
Tecrûbeya jêbirinê
TECRÛBEYA BIKARHÊNERAN
Ekranên hişyarîyê
Sepandin
Me li temamî cîhanê û ji bo her kesê li ser Facebookê heman polîtîka hene.
Komên nirxandinê
Koma me ya gerdûnî ya ku ji zêdetirê 15.000 nirxkeran pêk tê bi şev û roj dixebite da ku kesên li ser Facebookê ewle bike.
Têkildarîya hevparan
Pispor, akademîsyen, saziyên sivîl û rayedarên siyasî yên derve jî alîkar dibin di sazkirina Standardên Facebookê yên Civakê de.
Derbarê binpêkirinên mehremîyetê alîkarîyê wergire
Bizane ka tu dê çi bikî heke te li ser Facebookê tiştek dît ku li dijî Standardên me yên Civakî ye.
Serdena Navenda me ya Alîkarîyê bike