Îstîsmara Cinsî, Xerabbikaranîn û Tazîtîya Zarokan

Hûrgilîyên Polîtîkayê
Tecrûbeyên Bikarhêneran
Dane

Hûrgilîyên polîtîkayê

QEYDÊ BIGUHERÎNE
Bingehên Polîtîkayê
Em destûrê nadin naverok an jî çalakîya ku zarokan ji aliyê cinsî ve îstîsmar dike an jî zarokan diêxe xetereyê. Gava em ji îstîsmara cinsî ya zarokan a aşkere haydar dibin, li gorî qanûnên berdest em wê gilî dikin Navenda Neteweyî ya Zarokên Winda û Îstîsmarkirî (NCMEC). Em dizanin ku hin caran mirov dîmenên tazî yên zarokên xwe bi nîyeteke baş parve dikin; lê belê, ji ber îhtimala îstîsmara ji aliyê kesên din û ji bo alîkarîya rêgirtina îhtimala dîsa bikaranîn an jî xerabbikaranîna ji aliyê kesên din ve em wan dîmenan bi giştî radikin.
Herwisa Desteya Şêwrê ya Ewlehiya Metayê jî têde, em li gel pisporên derve dixebitin da ku polîtîka û sepandinên xwe yên li ser mijarên selametîyê, bi taybetî yên derbarê zarokan de nîqaş bikin û wan pêşve bibin. Derbarê teknolojîya ku em li dijî îstîsmara zarokan bi kar tînin de zêdetir bizane.
Van parve neke:
Îstîsmara cinsî ya zarokan
Çalakî, naverok an jî mijûldarîyên ku gefa îstîsmara cinsî ya zarokan dike (temenbiçûkên rastîn an jî ne rastîn, mindal an jî bebikan an jî teswîrên ne rastîn yên wekî mirovan, wekî resim, naveroka hişê çêkirî, karakterên ferazî, bebik hwd.), wê pênase dike, pesnê wê dide, piştevanîya wê dike, ji bo wê rênîşandanan dide, beyanên nîyetê dike, beşdarîyê wê qebûl dike an jî lînkên wê parve dike. Têde ev hene:
  • Têkilîya cinsî
    • Çalakîya cinsî an jî seksa oral ya aşkere ku dev an jî endamên mahrem têk de diçin an jî li ser endamên mehrem an jî anûsa kesekî ye, ku herî kêm endamên mehrem an jî anûsa kesekî tazî ye.
    • Têkilîya cinsî an jî seksa oral a îmakirî, dema têkilî muhtemel be an jî rasterast nexuya be.
    • Tehrîka endamên mehrem an jî anûsê, dema çalakî muhtemel be an jî rasterast nexuya be.
    • Di yek ji yên jorîn de heywanek hebe.
  • Zarokên bi hêmanên cinsî, wekî:
    • Kelemçe
    • Nîşaneyên tehrîka cinsî
    • Fokusa li ser endamên mehrem an jî anûsê
    • Hebûna mezinekî tehrîkbûyî
    • Hebûna pêlîstokên cinsî an jî bikaranîna objeyeke din ji bo şibandin, hez an jî îstîsmara cinsî
    • Cilûbergên cinsîkirî
    • Rûtkirin
    • Derdora pêşkêşîyê (bo mînak, li ser doşekekê) an jî bi profesyonelî hatibe kêşan (kalîte/fokûs/alî)
    • Maçîkirina dev vekirî
    • Şibandina sermemikên mirovan an jî guvaştina memikên jinan (JI BILÎ peywenda şîrmijandinê)
    • Hebûna berhemên kêlekê yên çalakîya cinsî
  • Naveroka ku zarok di peywenda fetişên cinsî de ne
  • Naveroka ku piştevanîya beşdarîya pedofîlîyê dike, wê derdixe pêş, wê diparêze an jî teşwîq dike ji bilî gavên ku ew bi şikilekî bêalî di peywenda tenduristîyê de tê nîqaşkirin
  • Naveroka ku mexdûrên îstîsmara cinsî ya zarokan bi nav an jî dîmenan ve teşxîs dike an jî henekên xwe pê dike.
Daxwaz
Naveroka ku daxwaza naverok an jî çalakîya cinsî dike ku zarokan nîşan dide an jî tê de zarok hene, wisa hatiye pênase kirin:
  • Materyalên Îstîsmara Cinsî ya Zarokan (MÎCZ)
  • Dîmenên tazî yên zarokên rastîn an jî ne rastîn
  • Dîmenên cinsîkirî yên zarokên rastîn an jî ne rastîn
Têkilîyên neguncan li gel zarokan
Naveroka ku têkilîyên neguncan ên li gel zarokan ava dike an jî wan hêsan dike, wekî;
  • Teklîfkirin, sazkirin an jî plankirina têkiliyên cinsî bi zarokan re
  • Bi rêya axaftinên xwedî naverokên cinsî teşwîqkirina zarokan ber bi çalakiyên cinsî an jî bi rêya teşhîrkirina bi qestî an jî bi rêya peyamên taybet pêşkêşkirin, dabînkirin, bidestxistin an jî daxwazkirina materyalên cinsî ji zarokan.
  • Bi peyamên taybet têkildarîya suhbetên cinsî yên veşartî li gel zarokan
  • Bi rêya peyamên taybet ji zarokan bidestxistin an jî daxwazkirina materyalên cinsî
Dîmenên îstîsmarker ên mehrem û şantaja cinsî
Naveroka ku hewl dide zarokên rastîn bi van rêbazan ve îstîsmar bike:
  • Ji bo îfşakirina dîmen an jî agahiyên mahrem ên rastîn an jî ne-rastîn bi rêya tehdîtkirina darê zorê pê qebûlkirina pere, qencîxwazî an jî dîmenên mahrem.
  • Parvekirin, tehdîtkirin an jî aşkerekirina niyeta parvekirina axaftinên taybet ên cinsî an jî dîmenên rastîn an jî ne-rastîn yên mehrem
Cinsîkirina zarokan
  • Naverokên (wekî wêne, vîdyo, hunera cîhana rastîn, naveroka dijîtal û teswîrên gotinî) ku zarokên rastîn an jî ne rastîn cinsî dikin
  • Kom, Rûpel û profîlên ku cinsîkirina zarokên rastîn û ne rastîn teswîr dike
Tazîtîya zarokan
Naveroka ku tazîtîya zarokên rastîn an jî ne rastîn nîşan dide ku tazîtî wisa hatiye pênasekirin:
  • Nîşandana nêzîk a endamên mehrem yên zarokên rastîn an jî ne rastîn
  • Biçûkên rastîn an jî ne rastîn, ku van nîşan didin:
    • Endamên mehrem ên xuyabar, carên ku ew bi cilên şefaf hatibin nixûmandina an jî veşartin jî tê de
    • Anûsa xuyabar û/an jî kelmaxên ji gelek nêz ve hatine kêşandin
  • Temenbiçûkên tazî yên rastîn an jî ne rastîn, ku van nîşan didin:
    • Endamên mahrem ên xuyabar (carên ku Endamên mahrem bi pûrtên bedenî an jî cilekî şefaf hatibe nixûmandîn jî têde)
    • Anûsa xuyabar û/an jî kelmaxên ji gelek nêz ve hatine kêşandin
    • Sermemikên jinan ên nenixûmandî
    • Ji serî heta binî bê cilbûn - heke endamên mahrem an jî sermemikên jinan xuya nebin jî
  • Ji bilî ku dîmenê ne rastîn ji bo armancên tenduristîyê be an jî nîşandana ne cinsîkirî ya tazîtîya zarokan a di hunera cîhana rastîn de be
Îstîsmara zarokan a ne cinsî
Bêyî nîyeta parvekirinê, vîdyo an jî wêneyên ku îstîsmara zarokan a ne cinsî a rastîn an jî ne rastîn nîşan dide, ji bilî ku dîmen ji hunera cîhana rastîn be, fîlmê karton be, fîlm an jî lîstikên vîdyoyê be
Naveroka ku pesnê beşdarîya îstîsmara zarokan a ne cinsî dike, piştevanîyê wê dike, wê derdixe pêş, wê diparêze, talîmatan dide an jî beşdarîya îstîsmara zarokan a ne cinsî teşwîq dike
Digel rakirina hesabên ku polîtîkayên me yên Îstîsmara cinsî, Îstîsmar û Tazîtîya Zarokan (ÎCÎTZ) bin pê dikin, nirxkerên me û pergalên otomatîk çarçoveyeke berfireh a nîşaneyan dinirxîne da ku pêşiya mijûldarîyên ku muhtemelen nayên xwestin û neewle bigire.
  • Dibe ku em ji ber mijûldarîyên wan yên bi hesabên din re, lêgerînên wan an jî mijûldarîyên wan ên bi naverokên binpêker (wekî ecibandin an jî qeydkirin), an jî endamtîya civakên (wekî Koman) ku me ji ber binpêkirina naverokên me rakirine, ji bo temen temenmezinan hesabê asê bikin an jî gihîna berhem û taybetmendîyan (wekî şiyana şopandina hin hesabên diyarkirî) sînordar bikin.
Ji bo naverokên li jêr, em ekraneke hişyarîyê li ser zêde dikin da mirov jê haydar bin ku dibe ku naverok acizker be û em şiyana dîtina naverokê bi mezinên temenê 18 salî û mezintiran ve sînordar dikin:
  • Vîdyo an jî wêneyên ku polîsan an jî personelên leşkerî yên ku îstîsmara zarokan a ne cinsî pêk anîye nîşan dide
  • Dîmenên îstîsmara zarokan a ne cinsî, gava ku hêzên ewlehîyê, saziyên parastina zarokan, an jî hevkarên selametîyê yên pêbawer daxwaz dikin ku em naverokê li ser platformê bihêlin ji bo îfadekirina armancê vegerandina zarokekî bo selametîyê
Ji bo naveroka di rêzê de, em ekraneke hesasîyê li ser bi cih dikin da ku mirov jê haydar bin ku ew naverok muhtemelen acizker e:
  • Vîdyo an jî wêneyên tundîya noqkirina zarokekî li nav avê ku di peywenda dînî de pêk tê
Ji bo Standardên Civakî yên di rêzê de, em agahî û/an jî peywenda zêdetir dixwazin ji bo sepandinê:
Ji bo naveroka di rêzê de, em etîketekê li ser zêde dikin da mirov jê haydar bin ku dibe ku ew naverokeke hesas be:
  • Dîmenên ku ji aliyê ajanseke nûçeyan ve hatine parvekirin ku tazîtîya zarokan di peywenda xela, komkujî, sûcên şerî an jî sûcên li hemberî mirovatîyê nîşan dide, ji bilî ku bi sernivîseke binpêker ve bê parvekirin an jî di peywendeke binpêker ve bê parvekirin, ku hingê dê naverok bê rakirin
Gava ku ji aliyê hevkarên medyaya nûçeyan, sazîyên sîvîl an jî hevkarên selametîyê yên pêbawer ve bêne gilîkirin, dibe ku em dîmenên ku rewşa piştî îstîsmara zarokan a ne cinsî nîşan didin jî rakin.
Heke di naverokê de ew agahî hebe ku nasnameya wan kesan aşkere bike, hingê dibe ku em wê naverokê rakin ya ku mexdûrên îdîaya istîsmara cinsî ya zarokan ji bilî nav û dîmenî pênase dikin.
Heke ji bo selametîya temenbîçukî rîskek hebe, gava ji Sepandina Qanûnî, Hikûmetê, Hevkarê Pêbawer ve hate daxwazkirin an jî naverok ji alîyê temenbiçûkî an jî dêûbav/parêzvanê qanûnî yê temenbiçûkî ve hate gilîkirin, dibe ku em wê naverokê rakin ya ku ji bo armanca teşxîskirina biçûkekî taybet hatiye sazkirin.
Tecrûbeyên bikarhêneran
Li hinek mînakan binêre da bibînî ka ji bo kesên li ser Facebookê sepandin çawa xuya dike, wekî: gilîkirina tiştekî ku li gor te divê li ser Facebookê nebin çawa xuya dike, an jî ji mirovî re bê gotin ku wî Standardên Civakê bin pê kirine û dîtina ekrana hişyarîyê li ser hinek naveroka taybet çawa xuya dike.
Nîşe: Em her dem pêşve diçin, lewma dibe ku tiştê tu li vir dibînî hinekê cudatir be ji yê em niha bi kar tînin.
TECRÛBEYA BIKARHÊNERAN
Gilîkirin
TECRÛBEYA BIKARHÊNERAN
Ragihandina piştî gilîkirinê
TECRÛBEYA BIKARHÊNERAN
Tecrûbeya jêbirinê
TECRÛBEYA BIKARHÊNERAN
Ekranên hişyarîyê
Dane
Rapora Sepandina Standardên Civakê ya herî dawî bibîne
Sepandin
Me li temamî cîhanê û ji bo her kesê li ser Facebookê heman polîtîka hene.
Komên nirxandinê
Koma me ya gerdûnî ya ku ji zêdetirê 15.000 nirxkeran pêk tê bi şev û roj dixebite da ku kesên li ser Facebookê ewle bike.
Têkildarîya hevparan
Pispor, akademîsyen, saziyên sivîl û rayedarên siyasî yên derve jî alîkar dibin di sazkirina Standardên Facebookê yên Civakê de.
Derbarê îstîsmar cinsî, xerabikaranîn û tazîtîya zarokan de alîkarîyê wergire
Bizane ka tu dê çi bikî heke te li ser Facebookê tiştek dît ku li dijî Standardên me yên Civakî ye.
Serdena Navenda me ya Alîkarîyê bike