Îstîsmara Cinsî ya Temenmezinan

Hûrgilîyên Polîtîkayê
Tecrûbeyên Bikarhêneran

Hûrgilîyên polîtîkayê

QEYDÊ BIGUHERÎNE
Bingehên Polîtîkayê
Em wekî cihekî nîqaşkirin û balkişandina ser tundî û îstîsmara cinsî, giringîya xizmetên xwe qebûl dikin. Li gorî me ev yeke beşeke giring a avakirina têgihiştin û civakeke hevpar e. Di hewldana sazkirina cihekî ji bo van suhbetan û pêşvebirina hawirdoreke selamet, em destûrê didin xelasbûyîyan ku tecrûbeyên xwe parve bikin, lê em wê naverokê radikin ya ku tundîya cinsî, êrîşa cinsî an jî îstîsmara cinsî teswîr dike, gefa wan dike an jî wan derdixe pêş. Herwisa em naveroka ku kirinên cinsî bêyî rizaya beşdaran nîşan dide, wan diparêze an jî bi rêve dibe radikin da ku rê li ber hêsankirina kirinên cinsî yên bê rizayî bigirin. Wêdetirê, heke em ji naverokeke ku gefa tecawizê dike an jî wê diparê haydar bibin, dibe ku em digel rakirina wê naverokê, wî hesabê parveker asê bikin û bi hêzên ewlehîyê re bixebitin.
Ji bo parastina xelasbûyîyan, em wan dîmenên ku bûyerên tundîya cinsî teswîr dikin û dîmenên hesas ên ku bêyî rizaya kes(ên) têde nîşandayî hatine parvekirin jî radikin. Wekî ku di destpêke de hatibû gotin, em li gel pisporên selametîyê yên derveyî jî dixebitin da ku polîtîka û sepandinên xwe yên li ser mijarên selametîyê nîqaş bikin û wan pêşve bibin, û dibe ku em wê naverokê rakin ya ku li gorî wan ew bi çalakîyeke zirarker ve eleqedar e. Me derbarê teknolojîya ku em ji bo parastina li hemberî dîmenên hesas bi kar tînin û vekolîna ku karên me radigihîne nivîsandîye. Herwisa, ji bo ku em bikarin bi awayekî pêşîlêgirtinî nehêlin ku wêneyên taybet ên mirovan di dorhêlên online de belav bibin, tehdît û dîmenên mehrem ên ku bê destûr hatine parvekirin ji Metayê re bê ragihandin me çavkaniyên ji bo vê li hev kom kirin.
Em destûrê nadin:
Naveroka ku destdana cinsî ya ne rizayî teswîr dike, wê diparêze an jî henekên xwe pê dike, wekî:
  • Dîmenên ku destdana cinsî ya ne rizayî teswîr dike (ji bilî ku di hunera cîhana rastîn de bi şermezarkirin an jî bi awayekî bê alî mirovên ne rastîn teswîr bike)
  • Beyanên hewldan an jî gefa parvekirin, teklîfkirin an jî daxwaza dîmenên destdana cinsî ya ne rizayî
  • Teswîrên destdana cinsî ya ne rizayî, ji bilî ku ji alîyê xelasbûyîyan an jî ji bo alîkarîya wan bêne parvekirin
  • Parastina destdana cinsî ya ne rizayî (îfadeyên xwestekî û mercî jî tê de), gefa pêkanînê, an jî qebûla beşdarîya wê
  • Naveroka ku henekên xwe bi destdana cinsî ya ne rizayî dike
  • Heke kesê xelasbûyî gilî bike, naveroka ku ji aliyekî sêyem ve hatiye parvekirin ku xelasbûyîyên êrişa cinsî teşxîs dikin
Naverok, çalakî an jî mijûldariyên bi vî awayî hewl didin ku mirovan îstîsmar bikin:
  • Bizorî wergirtina pere, qencî an jî dîmenên hesas ji mirovan bi rêya gefên nîşandana dîmen an jî agahîyên wan ên hesas (îşkenceya cinsî)
  • Parvekirin, geflêkirin, beyana nîyeta parvekirinê, teklîfkirin an jî daxwazkirina dîmenên hesas ên ne rizayî (DHNR) ku li her sê rewşên jêr tê:
    • Dîmen ne ticarî ye û di mekaneke taybet de hatiye hilberîn.
    • Kesê di dîmenî de (hema hema) tazî ye, bi çalakiya cinsî ve mijûldar e an jî di pozeke balkêşer a cinsî de ye (ev di xwe de dîmenên ku bi awayekî dijîtal hatine çêkirin an jî ji aliyê HÇ ve hatine hilberandin dihewîne).
    • Nebûna rizaya parvekirina dîmenê ku li yek ji nîşaneyên jêrîn tê:
      • Peywenda tolhildanê (wekî sernivîs, şirove an jî serenavê rûpelê).
      • Çavkanîyên serbixwe yên wekî qeydên hêzên ewlehîyê, raporên medyayê (wekî dawerandinê dîmenê ku ji alîyê medyayê ve hatine erêkirin an jî temsîlkarên xelasbûyîyekî DHNR'yê
      • Gilîyeke ji kesekî ku di dîmenî de hatiye teswîrkirin an jî ji kesekî ku navê wî û navê ku di dîmenî de hatiye teswîrkirin yek e.
  • Danasîn, gefa parvekirinê an jî pêşniyaza çêkirina dîmenên DHNR an jî maçîkirinê bi rêya aplîkasyon an jî xizmetan (tevî HÇ) an jî talîmaran, herçend di naverokê de ti dîmenên ticarî an jî ne-ticarî neyên parvekirin jî (carinan wekî aplîkasyonên "tazîker" an jî aplîkasyonên "maçîkirina HÇ" têne binavkirin).
  • Parvekirina wêneyên ne-ticarî yên bi dizî hatine kişandin ku balê dikişînin ser beşên wicûda kesekî ku bi gelemperî cinsîkirî ye (sîng, navran, kemax an jî ran), parvekirina wêneyê ku bi mebesta tinazkirin, cinsîkirin an eşkerekirina nasnameya kesekî ku di pozeke cinsî de an jî çalakiya cinsî dike ku di wêneyî de xuya dibe. Ev dîmen bi awayekî berbelav wekî "wêneyên bi dizî" an jî "wêneyên binkirasî" tên zanîn.
  • Parvekirin, gefa parvekirinê an jî beyana nîyeta parvekirina suhbetên cinsî yên taybet, gava ku nebûna rizaya parvekirina bi rêyeke li jêr bê destnîşankirin:
    • Peywenda tolhildanê û/an jî peywenda geflêkirinê,
    • Çavkanîyên serbixwe yên wekî weşanên medyayê an jî qeydên hêzên ewlehîyê, an jî
    • Gilîyeke ji kesekî ku di dîmenî de hatiye teswîrkirin an jî ji kesekî ku navê wî û navê ku di dîmenî de hatiye teswîrkirin yek e
Naveroka ku têkildarî nekrofîlî an jî tazîkirina bizorî ye, wekî:
  • Dîmenên ku nekrofîlî an jî tazîkirina bizorî teswîr dike (ji bilî ku di hunera cîhana rastîn de bi şermezarkirin an jî bi awayekî bê alî mirovên ne rastîn teswîr bike)
  • Beyanên hewldana parvekirin, teklîfkirin, daxwazkirin an jî gefa parvekirina dîmenên nekrofîlî an jî tazîkirina bizorî
  • Îfadeyên ku tê de teswîr, parastin, beyanên daxwazê û mercan yên derbarê xelasbûyîyên nekrofîlî an jî tazîkirina bizorê û beyanên nîyeta bangewazîya pêkanîna wan, qebûla beşdarîya wan hene
Ji bo naveroka di rêzê de, em ekraneke hesasîyê li ser bi cih dikin da ku mirov jê haydar bin ku ew naverok muhtemelen acizker e:
Vegêran an jî îfadeyên ku têde teswîreke destdana cinsî ya ne rizayî heye (bi nivîskî an jî devkî) ku têde ji binavkirin an jî behskirina kiryarê wêdetir hûrgilî hebin, heke:
  • Ji aliyê kesê xelasbûyî ve hatiye parvekirin, an jî
  • Ji aliyê kesekî din ve (ji bilî kesê xmexdûr) hatîye parvekirin ji bo piştevanîya kesê mexdûran jî şermezarkirina kiryarê an jî ji bo hişyarîya giştî ku li gor peywend/sernivîsî ve tê dîyarkirin.
Ji bo Standardên Civakî yên di rêzê de, em agahî û/an jî peywenda zêdetir dixwazin ji bo sepandinê:
Dibe ku em xuyabarîyê bi kesên ser 18 salîyê ve sînordar bikin û etîketeke hişyarîyê li ser hin naverokan zêde bikin, wekî:
  • Naveroka ku destdana cinsî ya ne rizayî teswîr dike, gava ku:
    • Ji bo bilindkirina hişyarîyê tê parvekirin (bêyî peywendeke kêfxweşkirin an jî hestyarî),
    • Kesê xelasbûyî nayê nasîn, û
    • Naverok cih nade tazîtîyê
  • Naveroka ku destdana cinsî ya ne rizayî ya honakî teswîr dike (fragmanên fîlman, hwd.) gava ku ji alîyê hevkarên pêbawer re ji bo bilindkirina hişyarîyê û bêyî peywendeke hestyarî têne parvekirin
Dema ku ji bo bilindkirina hişyarîyê û bêyî peywenda kêfxweşkirin û hestyarî bêne parvekirin ku mexdûr an jî xelasbûyîyê tê de nayê nasîn û di naverokê de tazîbûn tune be, hingê dibe ku em xuyabarîyê ji bo kesên jor 18 salîyê sînordar bikin û etîketeke hişyarî li ser hin naverokan zêde bikin ku destdana cinsî ya nerizayî pênase dike.
Digel polîtîkaya me ya têrker a rakirina naverokên ku gefa tecawîza cinsî û destdanên din yên cinsî yên ne rizayî dike an jî wan kiryaran diparêze, dibe ku em hesabê parveker jî asteng bikin.
Herwisa dibe ku em li ser wê naveroka ku ji aliyê kesekî din ve hatiye parvekirin ku mexdûr an jî xelasbûyîyên êrişa cinsî teşxîs dikin jî bisepînin heke temsîlkarekî rayedar an jî Hevkarê Pêbawer wê naverokê gilî bike.
Tecrûbeyên bikarhêneran
Li hinek mînakan binêre da bibînî ka ji bo kesên li ser Facebookê sepandin çawa xuya dike, wekî: gilîkirina tiştekî ku li gor te divê li ser Facebookê nebin çawa xuya dike, an jî ji mirovî re bê gotin ku wî Standardên Civakê bin pê kirine û dîtina ekrana hişyarîyê li ser hinek naveroka taybet çawa xuya dike.
Nîşe: Em her dem pêşve diçin, lewma dibe ku tiştê tu li vir dibînî hinekê cudatir be ji yê em niha bi kar tînin.
TECRÛBEYA BIKARHÊNERAN
Gilîkirin
TECRÛBEYA BIKARHÊNERAN
Ragihandina piştî gilîkirinê
TECRÛBEYA BIKARHÊNERAN
Tecrûbeya jêbirinê
TECRÛBEYA BIKARHÊNERAN
Ekranên hişyarîyê
Sepandin
Me li temamî cîhanê û ji bo her kesê li ser Facebookê heman polîtîka hene.
Komên nirxandinê
Koma me ya gerdûnî ya ku ji zêdetirê 15.000 nirxkeran pêk tê bi şev û roj dixebite da ku kesên li ser Facebookê ewle bike.
Têkildarîya hevparan
Pispor, akademîsyen, saziyên sivîl û rayedarên siyasî yên derve jî alîkar dibin di sazkirina Standardên Facebookê yên Civakê de.
Derbarê îstîsmara cinsî ya mezinan de alîkarîyê wergire
Bizane ka tu dê çi bikî heke te li ser Facebookê tiştek dît ku li dijî Standardên me yên Civakî ye.
Serdena Navenda me ya Alîkarîyê bike