ការធ្វើអត្តឃាត ការធ្វើបាបខ្លួនឯង និងវិបល្លាសការបរិភោគ

ព័ត៌មានលម្អិតអំពីគោលការណ៍
បទ​ពិសោធអ្នកប្រើប្រាស់
ទិន្នន័យ

ព័ត៌មានលម្អិតអំពីគោលការណ៍

ផ្លាស់ប្ដូរកំណត់ហេតុ
ហេតុផលគោលនយោបាយ
យើងយកចិត្តទុកដាក់យ៉ាងខ្លាំងអំពីសុវត្ថិភាពរបស់អ្នកប្រើប្រាស់ដែលប្រើកម្មវិធីរបស់យើង។ យើងធ្វើការពិគ្រោះយោបល់ជាទៀងទាត់ជាមួយអ្នកជំនាញទាក់ទងនឹងការធ្វើអត្តឃាត ការធ្វើបាបខ្លួនឯង និងវិបល្លាសការបរិភោគដើម្បីជួយជូនដំណឹងអំពីគោលការណ៍ និងការអនុវត្តច្បាប់របស់ក្រុមហ៊ុន ហើយយើងធ្វើការជាមួយអង្គភាពនានានៅជុំវិញពិភពលោក ដើម្បីផ្ដល់ជំនួយដល់អ្នកប្រើប្រាស់ដែលមានទុក្ខព្រួយ។
ខណៈពេលដែលយើងមិនអនុញ្ញាតឱ្យអ្នកប្រើប្រាស់អបអរ ឬផ្សព្វផ្សាយដោយចេតនាក្ដី ឬអចេតនាក្ដីនូវការធ្វើអត្តឃាតខ្លួនឯង ការធ្វើបាបខ្លួនឯង ឬវិបល្លាសការបរិភោគ យើងអនុញ្ញាតឱ្យអ្នកប្រើប្រាស់ពិភាក្សាអំពីប្រធានបទទាំងនេះ ដោយសារយើងចង់ឱ្យសេវាកម្មរបស់យើងក្លាយជាកន្លែងដែលអ្នកប្រើប្រាស់អាចចែករំលែកបទពិសោធរបស់ពួកគេ បង្កើនការយល់ដឹងអំពីបញ្ហាទាំងនេះ និងស្វែងរកការគាំទ្រពីគ្នាទៅវិញទៅមក។ យើងក៏អាចដាក់កំហិតលើលទ្ធភាពក្នុងការមើលមាតិកានេះសម្រាប់តែមនុស្សពេញវ័យ ដែលមានអាយុចាប់ពី ១៨ ឆ្នាំឡើងទៅផងដែរ។
យើងលុបរាល់មាតិកាដែលលើកទឹកចិត្តដល់ការធ្វើអត្តឃាត ការធ្វើបាបខ្លួនឯង ឬវិបល្លាសការបរិភោគរួមទាំងមាតិកាប្រឌិត ដូចជាត្លុក ឬគំនូររូបភាពនិងមាតិកាធ្វើបាបខ្លួនឯងដែលស្ដែងៗដោយមិនគិតពីបរិបទ។ យើងដកចេញនូវមាតិកាដែលមានការណែនាំសម្រាប់ឥរិយាបថសម្រកទម្ងន់ខ្លាំង។ យើងក៏ដកចេញនូវមាតិកាដែលចំអកដល់ជនរងគ្រោះ ឬអ្នកដែលនៅរស់ក្រោយពេលធ្វើអត្តឃាត ការធ្វើបាបខ្លួនឯង ឬវិបល្លាសការបរិភោគ ក៏ដូចជាការពណ៌នាអំពីការធ្វើអត្តឃាត ឬការធ្វើបាបខ្លួនឯងតាមពេលជាក់ស្ដែង។ មាតិកាអំពីការជាសះស្បើយពីការធ្វើអត្តឃាត ឬការធ្វើបាបខ្លួនឯង ឬជំងឺបរិភោគមិនប្រក្រតីដែលត្រូវបានអនុញ្ញាត ប៉ុន្តែអាចនឹងមានរូបភាពដែលអាចធ្វើឱ្យមិនសប្បាយចិត្ត (ដូចជាស្នាមរបួសដែលបានជាសះស្បើយ) ត្រូវបានដាក់នៅពីក្រោយអេក្រង់ដែលមានលក្ខណៈរសើប ហើយយើងក៏នឹងដាក់កំហិតលើលទ្ធភាពក្នុងការមើលមាតិកាសម្រាប់តែមនុស្សពេញវ័យដែលមានអាយុ ១៨ ឆ្នាំឡើងទៅប៉ុណ្ណោះ។
នៅពេលដែលមនុស្សបង្ហោះ ឬស្វែងរកការធ្វើអត្តឃាត ការធ្វើបាបខ្លួនឯង ឬមាតិកាដែលពាក់ព័ន្ធទៅនឹងវិបល្លាសការបរិភោគ យើងនឹងនាំពួកគេទៅស្ថាប័នក្នុងតំបន់ដែលអាចផ្ដល់ការគាំទ្រ ហើយប្រសិនបើក្រុមប្រតិបត្តិការសហគមន៍របស់យើងមានការព្រួយបារម្ភអំពីគ្រោះថ្នាក់ភ្លាមៗ យើងនឹងទាក់ទងទៅសេវាសង្គ្រោះបន្ទាន់ក្នុងតំបន់ដើម្បីទទួលបានជំនួយ។ សម្រាប់ព័ត៌មានបន្ថែម សូមចូលមើល មជ្ឈមណ្ឌលសុវត្ថិភាព Meta។
ទាក់ទងនឹងមាតិកាផ្សាយបន្តផ្ទាល់ អ្នកជំនាញបានប្រាប់យើងថា ប្រសិនបើនរណាម្នាក់កំពុងនិយាយថាពួកគេមានបំណងប៉ុនប៉ងធ្វើអត្តឃាតតាមការផ្សាយបន្តផ្ទាល់ យើងគួរតែរក្សាមាតិកាឱ្យនៅបន្តបានយូរបំផុតតាមដែលអាចធ្វើទៅបាន ព្រោះថាបើមនុស្សម្នាក់និយាយក្នុងកាមេរ៉ាកាន់តែយូរ នោះមានឱកាសកាន់តែច្រើនសម្រាប់មិត្តភក្តិ ឬសមាជិកគ្រួសារធ្វើការហៅទូរសព្ទទៅសេវា​ពេល​អាសន្ន។ ទោះជាយ៉ាងណាក៏ដោយ ដើម្បីកាត់បន្ថយហានិភ័យដែលអ្នកដ៏ទៃទទួលរងផលប៉ះពាល់អវិជ្ជមានតាមរយៈការមើលមាតិកានេះ យើងនឹងបញ្ឈប់ការផ្សាយបន្តផ្ទាល់នៅចំណុចដែលការគំរាមកំហែងនេះប្រែទៅជាការប៉ុនប៉ង។ ដូចដែលបានរៀបរាប់ខាងលើ ក្នុងករណីណាក៏ដោយ យើងនឹងទាក់ទងសេវាកម្មបន្ទាន់ប្រសិនបើយើងកំណត់ថានរណាម្នាក់មានហានិភ័យខ្ពស់ក្នុងការធ្វើបាបខ្លួនឯង។
យើងមិនអនុញ្ញាត៖
  • មាតិកាដែលផ្សព្វផ្សាយ លើកទឹកចិត្ត សម្របសម្រួល ឬផ្ដល់ការណែនាំសម្រាប់ការធ្វើអត្តឃាត ការធ្វើបាបខ្លួនឯង ឬវិបល្លាសការបរិភោគ។
  • មាតិកា​ដែល​បង្ហាញអំពី​ការ​ធ្វើអត្តឃាត​ស្ដែងៗ ការធ្វើបាប​ខ្លួនឯង ឬរូបភាពនៃ​វិបល្លាសការបរិភោគ
  • មាតិកាដែលបង្ហាញអំពីមនុស្សដែលបានចូលរួមក្នុងការប៉ុនប៉ងធ្វើអត្តឃាត ឬស្លាប់ដោយការធ្វើអត្តឃាត
  • រូបភាពមនុស្សនៅពេលចែករំលែកជាមួយគ្នានឹងពាក្យដែលទាក់ទងនឹងជំងឺបរិភោគមិនប្រក្រតី
  • មាតិកាដែលផ្ដោតលើការពណ៌នាអំពីឆ្អឹងជំនីរ ឆ្អឹងដងកាំបិត ចន្លោះភ្លៅ ត្រគាក ពោះផត ឆ្អឹងខ្នងលយចេញ ឆ្អឹងស្លាបប្រចៀវ ឆ្អឹងដៃ ឬជើងដែលលៀនចេញមកក្រៅ ឬថ្ពាល់ផត នៅពេលចែករំលែកជាមួយគ្នានឹងពាក្យដែលពាក់ព័ន្ធនឹងជំងឺបរិភោគមិនប្រក្រតី
  • មាតិកាដែលមានការណែនាំសម្រាប់ឥរិយាបថសម្រកទម្ងន់ខ្លាំង
  • មាតិកា​ដែល​ទទួល​ស្គាល់​ចំពោះ​ឥរិយាបថ​សម្រក​ទម្ងន់​ខ្លាំង​នៅពេល​ចែករំលែក​ជាមួយគ្នា​នឹងពាក្យ​ដែល​ទាក់ទង​នឹង​ជំងឺបរិភោគមិនប្រក្រតី
  • មាតិកាដែលមានការណែនាំឱ្យតមអាហារដោយមានការរឹតបន្តឹងនៅពេលចែករំលែកជាមួយគ្នានឹងពាក្យដែលពាក់ព័ន្ធនឹងវិបល្លាសការបរិភោគ
  • មាតិកាដែលចំអកដល់ជនរងគ្រោះ ឬអ្នករស់រានមានជីវិតពីការធ្វើអត្តឃាត ការធ្វើបាបខ្លួនឯង ឬវិបល្លាសការបរិភោគ ដែលត្រូវបានគេស្គាល់ជាសាធារណៈ ឬបង្កប់ន័យថានឹងមានបទពិសោធ ឬធ្លាប់មានបទពិសោធធ្វើអត្តឃាត ឬធ្វើបាបខ្លួនឯង ឬវិបល្លាសការបរិភោគ
  • រូបភាពដែលបង្ហាញអំពីការកែប្រែរាងកាយ (ឧ. ការសាក់, ការចោះ, ការបូជា, ការវាយដំខ្លួនឯង។ល។) នៅពេលចែករំលែកក្នុងបរិបទធ្វើអត្តឃាត ឬធ្វើបាបខ្លួនឯង
សម្រាប់មាតិកាខាងក្រោមនេះ យើងនឹងបញ្ចូលអេក្រង់ព្រមាន ដើម្បីឱ្យអ្នកប្រើប្រាស់ដឹងថាមាតិកាអាចធ្វើឱ្យមានលក្ខណៈរសើប។ យើងក៏ដាក់កំហិតលទ្ធភាពក្នុងការមើលមាតិកាសម្រាប់តែមនុស្សពេញវ័យ ដែលមានអាយុចាប់ពី ១៨ ឆ្នាំឡើងទៅផងដែរ៖
  • រូបថតឬវីដេអូនានាដែលបង្ហាញអំពីមនុស្សដែលបានចូលរួមក្នុងសកម្មភាពសុឃាត/ជួយឱ្យមានការធ្វើអត្តឃាតតាមបរិបទវេជ្ជសាស្ត្រ។
  • មាតិកាដែលបង្ហាញអំពីករណីធ្វើបាបខ្លួនឯងរបស់មនុស្សពេញវ័យ ដូចជារូបភាពស្នាមរបួសសះស្បើយ ឬរូបភាពធ្វើបាបខ្លួនឯងដែលមិនស្តែងៗដទៃទៀត ការធ្វើអត្តឃាត ឬបរិបទនៃការធ្វើឱ្យជាសះស្បើយ
  • មាតិកាដែលបង្ហាញអំពីឆ្អឹងជំនីរ ឆ្អឹងដងកាំបិត ចន្លោះភ្លៅ ត្រគាក ពោះផត ឆ្អឹងខ្នងលយចេញ ឆ្អឹងស្លាបប្រចៀវ ឆ្នឹងដៃ ឬជើងដែលលៀនចេញមកក្រៅ ឬថ្ពាល់ផតក្នុងបរិបទនៃការធ្វើឱ្យជាសះស្បើយ
សម្រាប់មាតិកាខាងក្រោម យើងផ្ដល់ធនធាននានាដល់អ្នកប្រើប្រាស់ និងដាក់កំហិតលើលទ្ធភាពមើលមាតិកានេះសម្រាប់តែមនុស្សពេញវ័យដែលមានអាយុចាប់ពី 18 ឆ្នាំឡើងទៅ៖
  • ការទទួលស្គាល់ជាលាយលក្ខណ៍អក្សរ ឬពាក្យសម្ដីនៃការធ្វើអត្តឃាត ការធ្វើបាបខ្លួនឯង ឬវិបល្លាសការបរិភោគ។
  • ការលើកឡើង ឬការយោងមិនច្បាស់លាស់ ដែលអាចទាក់ទងនឹងការធ្វើអត្តឃាត (រួមទាំងត្លុក ឬរូបភាពសន្និធិអំពីអារម្មណ៍សោកសៅ ការធ្លាក់ទឹកចិត្ត ដោយបង្ហាញពីការស្លាប់ជាការរត់គេចខ្លួន ឬមាតិកាពីវប្បធម៌ដ៏ពេញនិយមដោយសង្កត់ធ្ងន់លើគំនិតស្រងូតស្រងាត់ គំនិតធ្លាក់ទឹកចិត្ត) នៅក្នុងបរិបទធ្វើអត្តឃាត ឬធ្វើបាបខ្លួនឯង។
សម្រាប់មាតិកាខាងក្រោម យើងដាក់កំហិតលើលទ្ធភាពមើលមាតិកានេះសម្រាប់តែមនុស្សពេញវ័យដែលមានអាយុចាប់ពី ១៨ ឆ្នាំឡើងទៅ៖
  • ការចំអក ឬការច្រានចោលនូវគោលគំនិតនៃការធ្វើអត្តឃាត ការធ្វើបាបខ្លួនឯង ឬវិបល្លាសការបរិភោគ
  • ការរៀបរាប់បែបនិទានដែលមានការពណ៌នាអំពីការធ្វើអត្តឃាតជាមួយនឹងព័ត៌មានលម្អិតដែលលើសពីការហៅឈ្មោះ ឬការលើកឡើងអំពីទង្វើ ឬលទ្ធផល
  • ការទទួលស្គាល់ពីឥរិយាបថសម្រកទម្ងន់ខ្លាំង
សម្រាប់ស្តង់ដារសហគមន៍ខាងក្រោមនេះ យើងតម្រូវឱ្យមានព័ត៌មាននិង/ឬបរិបទបន្ថែម ដើម្បីអនុវត្ត៖
  • យើងអាចដកចេញនូវកំណត់ចំណាំធ្វើអត្តឃាត នៅពេលមានការបញ្ជាក់អំពីការប៉ុនប៉ងធ្វើអត្តឃាតឬការធ្វើអត្តឃាត។ យើងព្យាយាមកំណត់អត្តសញ្ញាណការធ្វើអត្តឃាតដោយប្រើកត្តាជាច្រើន រួមមានជាអាទិ៍៖
    • សំណើគ្រួសារ ឬអ្នកតំណាងស្របច្បាប់
    • របាយការណ៍ពីមេឌា ភ្នាក់ងារអនុវត្តច្បាប់ ឬប្រភពភាគីទីបីផ្សេងទៀត (ឧ. ទីភ្នាក់ងាររដ្ឋាភិបាល អង្គការក្រៅរដ្ឋាភិបាល) ឬទម្រង់ទំនាក់ទំនងមាតិកាធ្វើអត្តឃាត ឬទម្រង់ទំនាក់ទំនង Instagram។
    • យើងអាចពិនិត្យទៅលើសញ្ញានៅខាងក្រៅថ្នាលនៃការសារភាព ឬការជំរុញការធ្វើអត្តឃាត ការធ្វើបាបខ្លួនឯង វិបល្លាសការបរិភោគ ឬអាកប្បកិរិយាសម្រកទម្ងន់ខ្លាំងពីអ្នកប្រើប្រាស់ ដើម្បីវាយតម្លៃថាតើមាតិកាជាក់លាក់ដែលពួកគេបង្ហោះនៅលើថ្នាល Meta អាចបង្កហានិភ័យដល់អ្នកដទៃឬអត់។
បទ​ពិសោធអ្នកប្រើប្រាស់
សូមមើលឧទាហរណ៍មួយចំនួនអំពីលក្ខណៈនៃការអនុវត្តច្បាប់សម្រាប់អ្នកប្រើប្រាស់នៅលើ Facebook ដូចជា៖ អ្វីដែលមើលទៅដូចជារាយការណ៍អំពីអ្វីដែលអ្នកមិនគួរមាននៅលើ Facebook ដើម្បីប្រាប់ថាអ្នកបានរំលោភលើស្តង់ដារសហគមន៍របស់យើង ហើយមើលអេក្រង់ព្រមានលើមាតិកាជាក់លាក់មួយចំនួន។
កំណត់ចំណាំ៖ ក្រុមហ៊ុនតែងតែកែលម្អ ដូច្នេះអ្វីដែលអ្នកឃើញនៅទីនេះអាចហួសសម័យបន្តិចបើប្រៀបធៀបទៅនឹងអ្វីដែលក្រុមហ៊ុនកំពុងប្រើនាពេលបច្ចុប្បន្ន។
បទ​ពិសោធអ្នកប្រើប្រាស់
ការរាយការណ៍
បទ​ពិសោធអ្នកប្រើប្រាស់
ទំនាក់ទំនងក្រោយការរាយការណ៍
បទ​ពិសោធអ្នកប្រើប្រាស់
បទពិសោធដកចេញ
បទ​ពិសោធអ្នកប្រើប្រាស់
អេក្រង់ព្រមាន
ទិន្នន័យ
មើលរបាយការណ៍​ស្ដីពីការពង្រឹងការអនុវត្ត​ស្តង់ដារ​សហគមន៍ចុងក្រោយបំផុត
ការអនុវត្តច្បាប់
ក្រុមហ៊ុនមានគោលការណ៍ដូចគ្នានៅជុំវិញពិភពលោកសម្រាប់អ្នកគ្រប់គ្នានៅលើ Facebook។
ក្រុមត្រួតពិនិត្យ
ក្រុមការងារសកលរបស់យើងដែលមានអ្នកត្រួតពិនិត្យជាង 15,000 នាក់ធ្វើការជារៀងរាល់ថ្ងៃ ដើម្បីរក្សាអ្នកប្រើប្រាស់នៅលើ Facebook ឱ្យមានសុវត្ថិភាព។
ការចូលរួមរបស់ភាគីពាក់ព័ន្ធ
ក្រៅពីអ្នកជំនាញ អ្នកសិក្សា អង្គការមិនរកប្រាក់ចំណេញនិងអ្នកបង្កើតគោលការណ៍ជួយជូនដំណឹងអំពីស្ដង់ដារសហគមន៍ Facebook។
ទទួលជំនួយទាក់ទងនឹងការធ្វើអត្តឃាត ការធ្វើបាបខ្លួនឯង និងវិបល្លាសការបរិភោគ
ស្វែងយល់ពីអ្វីដែលអ្នកអាចធ្វើបាន ប្រសិនបើអ្នកឃើញអ្វីមួយនៅលើ Facebook ដែលប្រឆាំងនឹងស្តង់ដារសហគមន៍របស់ក្រុមហ៊ុន។
ចូលមើលមជ្ឈមណ្ឌលជំនួយរបស់ក្រុមហ៊ុន