ក្នុងកិច្ចខិតខំប្រឹងប្រែងដើម្បីរារាំងនិងទប់ស្កាត់គ្រោះថ្នាក់ យើងដកចេញនូវមាតិកាដែលជួយសម្រួល ឬសម្របសម្រួលការកេងប្រវ័ញ្ចមនុស្ស រួមទាំងការជួញដូរមនុស្សផងដែរ។ យើងកំណត់ថា ការជួញដូរមនុស្ស គឺជាអាជីវកម្មដែលដកហូតសិទ្ធិសេរីភាពរបស់នរណាម្នាក់ ដើម្បីរកប្រាក់ចំណេញ។ វាគឺជាការកេងប្រវ័ញ្ចមនុស្សក្នុងគោលបំណងបង្ខំពួកគេឱ្យចូលរួមក្នុងសកម្មភាពអាជីវកម្មផ្លូវភេទ ពលកម្ម ឬសកម្មភាពផ្សេងទៀតដែលផ្ទុយពីឆន្ទៈរបស់ពួកគេ។ វាផ្អែកលើការបោកបញ្ឆោត បង្ខំ និងការបង្ខិតបង្ខំ ព្រមទាំងធ្វើឱ្យមនុស្សអាប់ឱនកិត្តិយសដោយការដកហូតសេរីភាពរបស់ពួកគេ ខណៈដែលផលប្រយោជន៍ផ្នែកសេដ្ឋកិច្ច ឬផ្នែកសម្ភារៈបានទៅលើបុគ្គលផ្សេងទៀត។
ការជួញដូរមនុស្សមានច្រើនរូបភាព និងកើតឡើងជាសកល។ បញ្ហានេះអាចជះឥទ្ធិពលដល់មនុស្សគ្រប់រូប ដោយមិនគិតពីអាយុ សាវតារសេដ្ឋកិច្ចសង្គម ជនជាតិ យេនឌ័រ ឬទីតាំងនោះទេ។ វាមានច្រើនទម្រង់ ហើយរាល់ស្ថានភាពជួញដូរទាំងឡាយអាចពាក់ព័ន្ធនឹងដំណាក់កាលនៃការអភិវឌ្ឍជាច្រើន។ ជនរងគ្រោះមិនអាចធ្វើការយល់ព្រមបានទេ ដោយសារតែលក្ខណៈបង្ខិតបង្ខំនៃការរំលោភបំពាននេះ។
ស្របពេលដែលយើងត្រូវប្រុងប្រយ័ត្នដោយមិនត្រូវដាក់បញ្ចូលគ្នារវាងការជួញដូរ និងការរត់ពន្ធមនុស្ស រឿងទាំងនេះអាចមានទំនាក់ទំនងគ្នា និងបង្ហាញពីការត្រួតស៊ីគ្នា។ អង្គការសហប្រជាជាតិកំណត់ថា ការរត់ពន្ធមនុស្ស គឺជាលទ្ធកម្ម ឬការសម្របសម្រួលដល់ការឆ្លងដែនចូលក្នុងរដ្ឋមួយ ដោយខុសច្បាប់ឆ្លងកាត់ព្រំដែនអន្តរជាតិ។ ទោះគ្មានការបង្ខិតបង្ខំឬប្រើកម្លាំងក៏ដោយ វានៅតែជាការកេងប្រវ័ញ្ចលើបុគ្គលងាយរងគ្រោះ ដែលកំពុងព្យាយាមចាកចេញពីប្រទេសកំណើតរបស់ពួកគេ ជាទូទៅគឺដើម្បីស្វែងរកជីវិតប្រសើរជាងមុន។ ការរត់ពន្ធមនុស្សគឺជាឧក្រិដ្ឋកម្មប្រឆាំងនឹងរដ្ឋ ផ្អែកលើចលនាបន្លាស់ទី ហើយការជួញដូរមនុស្សគឺជាឧក្រិដ្ឋកម្មប្រឆាំងនឹងបុគ្គល ផ្អែកលើការកេងប្រវ័ញ្ច។
បន្ថែមពីលើមាតិកាថ្កោលទោស បង្កើនការយល់ដឹងអំពី ឬការរាយការណ៍អំពីព័ត៌មានទាក់ទងនឹងបញ្ហាការជួញដូរ ឬការរត់ពន្ធមនុស្ស យើងអនុញ្ញាតឱ្យមានមាតិកាស្នើសុំ ឬចែករំលែកព័ត៌មានអំពីសុវត្ថិភាពផ្ទាល់ខ្លួន និងការឆ្លងកាត់ព្រំដែន ការស្វែងរកសិទ្ធិជ្រកកោន ឬវិធីចាកចេញពីប្រទេសមួយ។
សូមកុំបង្ហោះ៖
មាតិកា សកម្មភាព ឬអន្តរកម្មដែលជ្រើសរើសមនុស្សសម្រាប់ ជួយសម្រួល ឬកេងប្រវ័ញ្ចមនុស្សតាមរយៈទម្រង់នៃការជួញដូរមនុស្សដូចខាងក្រោម៖
ការជួញដូរផ្លូវភេទ (សកម្មភាពផ្លូវភេទពាណិជ្ជកម្មណាមួយជាមួយអនីតិជន ឬសកម្មភាពផ្លូវភេទពាណិជ្ជកម្មណាមួយជាមួយមនុស្សពេញវ័យដែលពាក់ព័ន្ធនឹងការប្រើកម្លាំង ការបោកបន្លំ ឬការបង្ខិតបង្ខំ)
ការលក់កុមារ ឬស្មុំកូនខុសច្បាប់
ការជួញដូរកុមារកំព្រា និងមណ្ឌលកុមារកំព្រាស្ម័គ្រចិត្ត-ទេសចរណ៍
អាពាហ៍ពិពាហ៍ដោយបង្ខំ (រួមទាំងអាពាហ៍ពិពាហ៍កុមារ)
ការកេងប្រវញ្ចកម្លាំងពលកម្ម (រួមទាំងកម្លាំងពលកម្មដែលជាប់ទាក់ទង)
សេវភាពតាមផ្ទះ
ការជួញដូរសរីរាង្គមិនកើតឡើងវិញ មិនរាប់បញ្ចូលការដកចេញសរីរាង្គ ការបរិច្ចាគ ឬការបន្សាំសរីរាង្គនៅក្នុងបរិបទនៃការបរិច្ចាគសរីរាង្គដែលមិនមែនជាការកេងប្រវ័ញ្ច
សកម្មភាពបទឧក្រិដ្ឋដោយបង្ខំ (ឧ. ការសុំទានដោយបង្ខំ ការជួញដូរគ្រឿងញៀនដោយបង្ខំ)
ការជ្រើសរើសទាហានដែលជាកុមារ
មាតិកាដែលបុគ្គលភាគីទីបីជ្រើសរើសសម្រាប់ សម្របសម្រួល ឬទទួលបានអត្ថប្រយោជន៍ពីសកម្មភាពផ្លូវភេទពាណិជ្ជកម្ម (ហិរញ្ញវត្ថុ ឬផ្សេងទៀត)
មាតិកាដែលស្នើផ្ដល់ ឬជួយសម្រួលការរត់ពន្ធមនុស្ស
មាតិកាដែលស្នើសុំសេវាកម្មរត់ពន្ធមនុស្ស
យើងអនុញ្ញាតមាតិកាដែលត្រូវបានគ្របដណ្តប់ដោយគោលការណ៍នេះ នៅពេលបង្ហោះក្នុងបរិបទថ្កោលទោស ផ្ដល់ការអប់រំ បង្កើនការយល់ដឹង ឬរាយការណ៍ព័ត៌មាន។
នៅក្រោមគោលការណ៍ស្ដីពីការកេងប្រវ័ញ្ចមនុស្សរបស់យើង អ្នកត្រួតពិនិត្យរបស់យើង និងប្រព័ន្ធស្វ័យប្រវត្តិក៏អាចពិចារណាអំពីសញ្ញាបញ្ជាក់ឥរិយាបថមួយចំនួនផងដែរ ដើម្បីជួយស្វែងរក និងចាត់វិធានការលើសកម្មភាពបំពានគណនី។
- យើងអាចលុបគណនីដោយផ្អែកលើអន្តរកម្មរបស់ពួកគេជាមួយគណនីបំពានផ្សេងទៀត ការស្វែងរក ឬអន្តរកម្មជាមួយការមាតិកាបំពាន ឬសមាជិកភាពនៅក្នុងសហគមន៍ (ឧ. ក្រុម) ដែលយើងដកចេញដោយសារបំពានគោលការណ៍របស់យើង។
សម្រាប់ស្តង់ដារសហគមន៍ខាងក្រោមនេះ យើងតម្រូវឱ្យមានព័ត៌មាននិង/ឬបរិបទបន្ថែម ដើម្បីអនុវត្ត៖