ការកេងប្រវ័ញ្ច​ផ្លូវភេទលើមនុស្សពេញវ័យ

ព័ត៌មានលម្អិតអំពីគោលការណ៍
បទ​ពិសោធអ្នកប្រើប្រាស់

ព័ត៌មានលម្អិតអំពីគោលការណ៍

ផ្លាស់ប្ដូរកំណត់ហេតុ
ហេតុផលគោលនយោបាយ
ក្រុមហ៊ុនទទួលស្គាល់សារៈសំខាន់នៃសេវាកម្មរបស់យើង ជាកន្លែងដើម្បីពិភាក្សានិងទាក់ទាញការចាប់អារម្មណ៍ចំពោះអំពើហិង្សា និងការធ្វើអាជីវកម្មផ្លូវភេទ។ ក្រុមហ៊ុនជឿជាក់ថា នេះគឺជាផ្នែកដ៏សំខាន់មួយក្នុងការកសាងសហគមន៍ និងការយល់ដឹងរួម។ ក្នុងកិច្ចខិតខំប្រឹងប្រែងដើម្បីបង្កើតកន្លែងសម្រាប់ការសន្ទនានេះ និងផ្សព្វផ្សាយបរិយាកាសសុវត្ថិភាព ក្រុមហ៊ុនអនុញ្ញាតឱ្យអ្នករស់រានមានជីវិតចែករំលែកបទពិសោធរបស់ពួកគេ ប៉ុន្តែយើងដកចេញនូវមាតិកាដែលបង្ហាញ គំរាមកំហែង ឬផ្សព្វផ្សាយអំពើហិង្សាផ្លូវភេទ ការបំពានផ្លូវភេទ ឬការធ្វើអាជីវកម្មផ្លូវភេទ។ ក្រុមហ៊ុនក៏ដកចេញនូវមាតិកាដែលបង្ហាញ គាំទ្រ ឬសម្របសម្រួលឱ្យមានសកម្មភាពផ្លូវភេទជាមួយភាគីដែលមិនយល់ព្រម ដើម្បីជៀសវាងការសម្របសម្រួលសកម្មភាពផ្លូវភេទដែលមិនមែនជាការព្រមព្រៀងគ្នាផងដែរ។ លើសពីនេះ ប្រសិនបើក្រុមហ៊ុនដឹងអំពីមាតិកាណាមួយដែលគំរាមកំហែង ឬបង្ហាញការគាំទ្រដល់ការរំលោភសេពសន្ថវៈ យើងអាចបិទគណនីបង្ហោះ និងធ្វើការជាមួយភ្នាក់ងារអនុវត្តច្បាប់ បន្ថែមពីលើការដកមាតិកាចេញ។
ដើម្បីការពារអ្នករស់រានមានជីវិត ក្រុមហ៊ុនដកចេញនូវរូបភាពដែលពណ៌នាពីគ្រោះថ្នាក់ដោយសារអំពើហិង្សាផ្លូវភេទ និងរូបភាពស្និទ្ធស្នាលដែលបានចែករំលែកដោយគ្មានការយល់ព្រមពីបុគ្គលនៅក្នុងរូបភាពនោះ។ ដូចដែលបានកត់សម្គាល់នៅក្នុងសេចក្ដីផ្ដើម ក្រុមហ៊ុនក៏ធ្វើការជាមួយអ្នកជំនាញផ្នែកសុវត្ថិភាពខាងក្រៅផងដែរ ដើម្បីពិភាក្សា និងកែលម្អគោលការណ៍និងការអនុវត្តរបស់ក្រុមហ៊ុនពាក់ព័ន្ធនឹងបញ្ហាសុវត្ថិភាពអនឡាញ ហើយក្រុមហ៊ុនអាចដកមាតិកាចេញបាន នៅពេលក្រុមហ៊ុនផ្ដល់ព័ត៌មានថាមាតិកានោះជាប់ពាក់ព័ន្ធនឹងសកម្មភាពបង្កគ្រោះថ្នាក់។ ក្រុមហ៊ុនបានសរសេរអំពី បច្ចេកវិទ្យាដែលក្រុមហ៊ុនប្រើដើម្បីការពារកុំឱ្យមានរូបភាពស្និទ្ធស្នាលដោយគ្មានការយល់ព្រម និង ការស្រាវជ្រាវដែលបានជូនដំណឹងអំពីការងាររបស់ក្រុមហ៊ុន។ យើងក៏បានរៀបចំធនធានបញ្ចូលគ្នាសម្រាប់រាយការណ៍អំពីការគំរាមកំហែង និងរូបភាពស្និទ្ធស្នាលដែលត្រូវបានចែករំលែកដោយគ្មានការអនុញ្ញាតទៅ Meta ដើម្បីទប់ស្កាត់យ៉ាងសកម្មនូវរូបភាពស្និទ្ធស្នាលរបស់អ្នកប្រើប្រាស់ពីការផ្សព្វផ្សាយតាមអនឡាញ។
យើងមិនអនុញ្ញាត៖
មាតិកាដែល​បង្ហាញ​ គាំទ្រ ​ឬ​ចំអក​ការ​ស្ទាប​អង្អែលលក្ខណៈ​ផ្លូវ​ភេទ​ដោយគ្មានការ​ព្រមព្រៀងគ្នា​រួម​មាន៖
  • រូបភាពដែលបង្ហាញពីការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នា (លើកលែងតែក្នុងសិល្បៈពិភពពិតដែលបង្ហាញពីមនុស្សមិនមែនពិត ដោយមានអក្សររត់បែបថ្កោលទោស ឬអព្យាក្រឹត)
  • ការលើកឡើងដែលប៉ុនប៉ង ឬគំរាមកំហែងក្នុងការចែករំលែក ការផ្តល់ជូន ឬស្នើសុំរូបភាពដែលបង្ហាញពីការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នា
  • ការពណ៌នាអំពីការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នា ប្រសិនបើមិនមានការចែករំលែកដោយ ឬគាំទ្រអ្នករស់រានមានជីវិត
  • ការបង្ហាញការគាំទ្រ (រួមទាំងការលើកឡើងអំពីបំណងប្រាថ្នា និងដោយមានលក្ខខណ្ឌ) ការគំរាមកំហែងក្នុងការប្រព្រឹត្ត ឬការយល់ព្រមចូលរួមក្នុងការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នា
  • មាតិកាដែលចំអកលើអ្នករស់រានមានជីវិត ឬគោលគំនិតនៃការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នា
  • មាតិកាដែលត្រូវបានចែករំលែកដោយភាគីទីបី ដែលកំណត់អត្តសញ្ញាណអ្នករស់រានមានជីវិតពីការបំពានផ្លូវភេទ នៅពេលដែលត្រូវបានរាយការណ៍ដោយអ្នករស់រានមានជីវិត
មាតិកា សកម្មភាព ឬអន្តរកម្មដែលព្យាយាមកេងប្រវ័ញ្ចមនុស្សដោយ៖
  • ការគំរាមយកប្រាក់ ការអនុគ្រោះ រូបភាពស្និទ្ធស្នាលពីមនុស្សតាមរយៈការគំរាមបង្ហាញរូបភាពស្និទ្ធស្នាល ​ឬព័ត៌មានអំពីភាពស្និទ្ធស្នាលរបស់ពួកគេ (ការធ្វើទារុណកម្មផ្លូវភេទ)
  • ការចែករំលែក ការគំរាមកំហែង ការបង្ហាញពីចេតនាចែករំលែក ការផ្តល់ជូន ឬស្នើសុរូបភាព​ឯកជនដែលគ្មានការ​យល់ព្រម (NCII) ដែលបំពេញតាមលក្ខខណ្ឌទាំងបីខាងក្រោម៖
    • រូបភាពមិនមែនលក្ខណៈពាណិជ្ជកម្ម និងផលិតជាលក្ខណៈឯកជន។
    • មនុស្សនៅក្នុងរូបភាពគឺ (ស្ទើរតែ) អាក្រាត ពាក់ព័ន្ធក្នុងសកម្មភាពផ្លូវភេទ ឬឥរិយាបថទាក់ទាញអារម្មណ៍ផ្លូវភេទ (ចំណុចនេះរួមបញ្ចូលរូបភាពដែលបានបង្កើតបែបឌីជីថល ឬបានបង្កើតដោយ​ AI)។
    • កង្វះការយល់ព្រមក្នុងការចែករំលែករូបភាពត្រូវបានបង្ហាញដោយការ​បំពេញទៅតាមសញ្ញាណាមួយ៖
      • បរិបទសងសឹក (ដូចជាចំណងជើង មតិ ឬចំណងជើងទំព័រ)។
      • ប្រភពឯករាជ្យដូចជា កំណត់ត្រានៃអាជ្ញាធរអនុវត្តច្បាប់ របាយការណ៍ប្រព័ន្ធផ្សព្វផ្សាយ (ដូចជា ការលេចធ្លាយរូបភាពដែលបានបញ្ជាក់ដោយប្រព័ន្ធផ្សព្វផ្សាយ) ឬអ្នកតំណាងរបស់អ្នកនៅរស់មានជីវិតនៃ NCII
      • ការរាយការណ៍ពីបុគ្គលដែលបង្ហាញនៅក្នុងរូបភាព ឬអ្នកដែលមានឈ្មោះដូចគ្នាទៅនឹងបុគ្គលដែលបង្ហាញនៅក្នុងរូបភាព។
  • ការផ្សព្វផ្សាយ ការគំរាមកំហែងក្នុងការចែករំលែក ឬការផ្តល់ជូនដើម្បីបង្កើត (NCII) ឬរូបភាពថើបតាមរយៈកម្មវិធី ឬសេវាកម្ម (រួមទាំង AI) ឬការណែនាំ បើទោះបីជាមិនមានរូបភាពលក្ខណៈពាណិជ្ជកម្ម ឬមិនមែនលក្ខណៈពាណិជ្ជកម្មដែលត្រូវបានចែករំលែកនៅក្នុងមាតិកាក៏ដោយ (ជួនកាលគេហៅថាកម្មវិធី “nudify” ឬកម្មវិធី “AI kissing”)។
  • ការចែករំលែករូបភាពដែលមិនមែនលក្ខណៈពាណិជ្ជកម្មដែលថតដោយសម្ងាត់ ផ្តោតលើផ្នែករាងកាយដែលមានលក្ខណៈផ្លូវភេទទូទៅរបស់បុគ្គល (ដូចជា សុដន់ ក្រលៀន គូទ ឬភ្លៅ) បុគ្គលដែលបង្ហាញឥរិយាបថទាក់ទាញផ្លូវភេទ ឬមនុស្សដែលចូលរួមក្នុងសកម្មភាពផ្លូវភេទ ហើយត្រូវបានចែករំលែកក្នុងគោលបំណងចំអក បង្ហាញលក្ខណៈផ្លូវភេទ ឬបង្ហាញអត្តសញ្ញាណរបស់បុគ្គលដែលបង្ហាញនៅក្នុងរូបភាព។ រូបភាពនេះត្រូវបានគេស្គាល់ជាទូទៅថាជា “រូបលួចថត” ឬ “រូបលួចថតពីក្រោមសំពត់”។
  • ការចែករំលែក ការគំរាមកំហែងក្នុងការចែករំលែក ឬបង្ហាញពីចេតនាចែករំលែកការសន្ទនារឿងផ្លូវភេទឯកជន ដែលមានបញ្ជាក់ការមិនយល់ព្រមក្នុងការចែករំលែកដោយកត្តាណាមួយខាងក្រោម៖
    • បរិបទសងសឹកនិង/ឬបរិបទគំរាមកំហែង
    • ប្រភពឯករាជ្យដូចជាការផ្សាយរបស់ប្រព័ន្ធផ្សព្វផ្សាយ ឬកំណត់ត្រារបស់អាជ្ញាធរអនុវត្តច្បាប់ ឬ
    • ការរាយការណ៍ពីបុគ្គលនៅក្នុងរូបភាព ឬអ្នកដែលមានឈ្មោះដូចគ្នានឹងបុគ្គលនៅក្នុងរូបភាព
មាតិកាដែលទាក់ទងនឹងការរួមភេទជាមួយសាកសព ឬការដោះសម្លៀកបំពាក់ចេញដោយបង្ខំ រួមមាន៖
  • រូបភាពដែលបង្ហាញពីការរួមភេទជាមួយសាកសព ឬការដោះសម្លៀកបំពាក់ចេញដោយបង្ខំ (លើកលែងតែក្នុងសិល្បៈពិភពពិតដែលបង្ហាញពីមនុស្សមិនមែនពិត ដោយមានអក្សររត់បែបថ្កោលទោស ឬអព្យាក្រឹត
  • ការលើកឡើងដែលព្យាយាមចែករំលែក ផ្តល់ជូន ស្នើសុំ ឬដែលគំរាមកំហែងចែករំលែករូបភាពនៃការរួមភេទជាមួយសាកសព ឬការដោះសម្លៀកបំពាក់ចេញដោយបង្ខំ
  • ការលើកឡើងដែលមានការពណ៌នា ការបង្ហាញការគាំទ្រ ការលើកឡើងអំពីក្តីប្រាថ្នា ឬការលើកឡើងដោយមានលក្ខខណ្ឌអំពី ការលើកឡើងដោយមានចេតនា ឬការអំពាវនាវឱ្យមានសកម្មភាពដើម្បីប្រព្រឹត្ត ការយល់ព្រមចូលរួម ឬការចំអកអ្នករស់រានមានជីវិតពីការរួមភេទជាមួយសាកសព ឬការដោះសម្លៀកបំពាក់ដោយបង្ខំ
សម្រាប់មាតិកាខាងក្រោមនេះ ក្រុមហ៊ុននឹងដាក់បញ្ចូលអេក្រង់ព្រមានពីភាពរសើប ដើម្បីឱ្យអ្នកប្រើប្រាស់ដឹងថាមាតិកាអាចធ្វើឱ្យមានការអន់ចិត្តចំពោះ៖
ការនិទាននិងថ្លែងការណ៍ ដែលមានការពិពណ៌នាអំពីការប៉ះពាល់ផ្លូវភេទដែលមិនមានការព្រមព្រៀង (ជាលាយលក្ខណ័អក្សរ ឬដោយពាក្យសំដី) ដែលរួមបញ្ចូលសេចក្ដីលម្អិតលើសពីការហៅឬលើកឡើងអំពីទង្វើនោះ ប្រសិនបើ៖
  • បានចែករំលែកដោយអ្នកនៅរស់រានមានជីវិត ឬ
  • បានចែករំលែកដោយភាគីទីបី (ក្រៅពីអ្នករស់រានមានជីវិត) ក្នុងការគាំទ្រដល់អ្នករស់រានមានជីវិត ឬការថ្កោលទោសចំពោះទង្វើ ឬសម្រាប់ការយល់ដឹងទូទៅ ដែលត្រូវបានកំណត់ដោយបរិបទ/អក្សររត់។
សម្រាប់ស្តង់ដារសហគមន៍ខាងក្រោមនេះ យើងតម្រូវឱ្យមានព័ត៌មាន និង/ឬបរិបទបន្ថែម ដើម្បីអនុវត្ត៖
យើងអាចរឹតបន្តឹងលទ្ធភាពមើលឃើញចំពោះមនុស្សដែលមានអាយុលើសពី ១៨ ឆ្នាំ និងរួមបញ្ចូលស្លាកសញ្ញាព្រមានលើមាតិកាជាក់លាក់ ដែលរួមមាន៖
  • មាតិកាដែលបង្ហាញពីការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នា នៅពេល៖
    • ត្រូវបានចែករំលែក ដើម្បីបង្កើនការយល់ដឹង (ដោយមិនមានការកម្សាន្ត ឬបរិបទដ៏រំជួលចិត្ត)
    • អ្នកនៅរស់មានជីវិតមិនអាចកំណត់អត្តសញ្ញាណបាន និង
    • មាតិកាមិនពាក់ព័ន្ធនឹងរូបអាក្រាត
  • មាតិកាដែលបង្ហាញអំពីការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នាបែបប្រឌិត (ការបញ្ចាំងចំណុចសំខាន់ខ្លីៗនៃភាពយន្ត។ល។) នៅពេលចែករំលែកដោយដៃគូដែលទុកចិត្ត ដើម្បីបង្កើនការយល់ដឹង និងដោយគ្មានបរិបទរំជួលអារម្មណ៍
យើងអាចដាក់រឹតបន្តឹងលើលទ្ធភាពមើលឃើញចំពោះមនុស្សដែលមានអាយុលើសពី ១៨ ឆ្នាំ និងរួមបញ្ចូលស្លាកសញ្ញាព្រមាននៅលើមាតិកាជាក់លាក់ដែលបង្ហាញពីការស្ទាបអង្អែលក្ខណៈផ្លូវភេទដោយគ្មានការព្រមព្រៀងគ្នា នៅពេលដែលវាត្រូវបានចែករំលែកដើម្បីលើកកម្ពស់ការយល់ដឹង និងដោយគ្មានការកម្សាន្ត ឬបរិបទរំជួលអារម្មណ៍ ដែលជនរងគ្រោះ ឬអ្នករស់រានមានជីវិតមិនអាចកំណត់អត្តសញ្ញាណបាន និងករណីដែលមាតិកាមិនពាក់ព័ន្ធនឹងរូបអាក្រាត។
បន្ថែមពីលើកម្រិតគោលការណ៍របស់យើងក្នុងការដកចេញនូវមាតិកាដែលគំរាមកំហែង ឬការ​ផ្សព្វផ្សាយការរំលោភសេពសន្ថវៈ ឬការស្ទាបអង្អែលលក្ខណៈផ្លូវភេទដោយគ្មានការព្រមព្រៀងគ្នាផ្សេងទៀត ក្រុមហ៊ុនក៏អាចបិទគណនីដែលបង្ហោះនោះផងដែរ។
យើងក៏អាចអនុវត្តលើមាតិកាដែលចែករំលែកដោយភាគីទីបី ដែលកំណត់អត្តសញ្ញាណអ្នករស់រានមានជីវិតពីការបំពានផ្លូវភេទ នៅពេលដែលត្រូវបានរាយការណ៍ដោយតំណាងដែលទទួលបានសិទ្ធិអនុញ្ញាត ឬដៃគូដែលទុកចិត្ត។
បទ​ពិសោធអ្នកប្រើប្រាស់
សូមមើលឧទាហរណ៍មួយចំនួនអំពីលក្ខណៈនៃការអនុវត្តច្បាប់សម្រាប់អ្នកប្រើប្រាស់នៅលើ Facebook ដូចជា៖ អ្វីដែលមើលទៅដូចជារាយការណ៍អំពីអ្វីដែលអ្នកមិនគួរមាននៅលើ Facebook ដើម្បីប្រាប់ថាអ្នកបានរំលោភលើស្តង់ដារសហគមន៍របស់យើង ហើយមើលអេក្រង់ព្រមានលើមាតិកាជាក់លាក់មួយចំនួន។
កំណត់ចំណាំ៖ ក្រុមហ៊ុនតែងតែកែលម្អ ដូច្នេះអ្វីដែលអ្នកឃើញនៅទីនេះអាចហួសសម័យបន្តិចបើប្រៀបធៀបទៅនឹងអ្វីដែលក្រុមហ៊ុនកំពុងប្រើនាពេលបច្ចុប្បន្ន។
បទ​ពិសោធអ្នកប្រើប្រាស់
ការរាយការណ៍
បទ​ពិសោធអ្នកប្រើប្រាស់
ទំនាក់ទំនងក្រោយការរាយការណ៍
បទ​ពិសោធអ្នកប្រើប្រាស់
បទពិសោធដកចេញ
បទ​ពិសោធអ្នកប្រើប្រាស់
អេក្រង់ព្រមាន
ការអនុវត្តច្បាប់
ក្រុមហ៊ុនមានគោលការណ៍ដូចគ្នានៅជុំវិញពិភពលោកសម្រាប់អ្នកគ្រប់គ្នានៅលើ Facebook។
ក្រុមត្រួតពិនិត្យ
ក្រុមការងារសកលរបស់យើងដែលមានអ្នកត្រួតពិនិត្យជាង 15,000 នាក់ធ្វើការជារៀងរាល់ថ្ងៃ ដើម្បីរក្សាអ្នកប្រើប្រាស់នៅលើ Facebook ឱ្យមានសុវត្ថិភាព។
ការចូលរួមរបស់ភាគីពាក់ព័ន្ធ
ក្រៅពីអ្នកជំនាញ អ្នកសិក្សា អង្គការមិនរកប្រាក់ចំណេញនិងអ្នកបង្កើតគោលការណ៍ជួយជូនដំណឹងអំពីស្ដង់ដារសហគមន៍ Facebook។
ទទួលបានជំនួយជាមួយនឹងការកេងប្រវ័ញ្ចផ្លូវភេទលើមនុស្សពេញវ័យ
ស្វែងយល់ពីអ្វីដែលអ្នកអាចធ្វើបាន ប្រសិនបើអ្នកឃើញអ្វីមួយនៅលើ Facebook ដែលប្រឆាំងនឹងស្តង់ដារសហគមន៍របស់ក្រុមហ៊ុន។
ចូលមើលមជ្ឈមណ្ឌលជំនួយរបស់ក្រុមហ៊ុន