ហេតុផលគោលនយោបាយ
ក្រុមហ៊ុនរឹតបន្តឹងលើការបង្ហាញរូបអាក្រាតឬសកម្មភាពផ្លូវភេទ ដោយសារអ្នកប្រើប្រាស់មួយចំនួននៅក្នុងសហគមន៍របស់ក្រុមហ៊ុនអាចនឹងងាយរងគ្រោះដោយសារតែប្រភេទមាតិកានេះ ជាពិសេសដោយសារតែសាវតារវប្បធម៌ ឬអាយុរបស់ពួកគេ។
ក្រុមហ៊ុនដឹងថារូបអាក្រាតអាចត្រូវបានចែករំលែកដោយហេតុផលជាច្រើន រួមទាំងជាទម្រង់នៃការតវ៉ា ដើម្បីបង្កើនការយល់ដឹងអំពីបុព្វហេតុ ឬដោយហេតុផលផ្នែកវេជ្ជសាស្ត្រ ឬការអប់រំជាដើម។ ក្នុងករណីសមស្រប និងចេតនាបែបនេះបានបង្ហាញច្បាស់លាស់ យើងផ្តល់ការអនុញ្ញាតសម្រាប់មាតិកានោះ។ ឧទាហរណ៍ ស្របពេលដែលយើងរឹតបន្តឹងរូបភាពសុដន់របស់ស្ត្រីដែលមើលឃើញក្បាលសុដន់ យើងអនុញ្ញាតរូបភាពផ្សេងទៀត រួមទាំងរូបភាពដែលបង្ហាញពីសកម្មភាពតវ៉ា ស្ត្រីចូលរួមយ៉ាងសកម្មក្នុងការបំបៅកូនដោយទឹកដោះម្តាយ និងរូបថតដែលមានស្នាមក្រោយវះកាត់ (ពេលខ្លះ ត្រូវបានដាក់ស្លាកជាមួយនឹងអេក្រង់ព្រមានដែលរសើប និងការរឹតបន្តឹងដោយផ្អែកលើអាយុ)។ យើងក៏អនុញ្ញាតសិល្បៈពិភពពិតដែលបង្ហាញពីរូបអាក្រាត ដូចជារូបថតគំនូរ រូបចម្លាក់ជាដើម (ពេលខ្លះ ត្រូវបានដាក់ស្លាកជាមួយនឹងអេក្រង់ព្រមានដែលរសើប និងការរឹតបន្តឹងដោយផ្អែកលើអាយុ)។ យើងដកចេញនូវរូបភាពផ្លូវភេទដោយស្វ័យប្រវត្តិ ដើម្បីរារាំងការចែករំលែកមាតិកាដែលមិនមានការយល់ព្រម ឬមិនទាន់គ្រប់អាយុ។
នៅក្រោមគោលការណ៍នេះ យើងដកចេញនូវរូបថត និងវីដេអូពិតនៃរូបអាក្រាតកាយ និងសកម្មភាពផ្លូវភេទ ឬរូបអាក្រាត និងសកម្មភាពផ្លូវភេទដែលបង្កើតដោយកុំព្យូទ័រ ឬ AI និងរូបភាពឌីជីថល ដោយមិនគិតថាតើវាមើលទៅ "រូបភាពដូចពិតៗ" (ដូចជា វាមើលទៅដូចមនុស្សពិតអ៊ីចឹងដែរ)។ ដូចដែលបានកត់សម្គាល់ខាងលើ យើងក៏ផ្តល់ការអនុញ្ញាតយ៉ាងប្រុងប្រយ័ត្នដល់សិល្បៈពិភពពិត និងមាតិកាផ្នែកវេជ្ជសាស្រ្ត អប់រំ និងការលើកកម្ពស់ការយល់ដឹងមួយចំនួន ហើយចំណុចទាំងនេះត្រូវបានរៀបរាប់លម្អិតនៅក្នុងគោលការណ៍នោះ។
យើងមិនអនុញ្ញាតមាតិកាខាងក្រោមសម្រាប់អ្នកប្រើប្រាស់ទាំងអស់ទេ៖
រូបអាក្រាតមនុស្សពេញវ័យ
រូបភាពដូចពិតៗ/រូបភាពឌីជីថល រូបភាពអាក្រាតកាយរបស់មនុស្សពេញវ័យ ប្រសិនបើវាបង្ហាញពី៖
ប្រដាប់ភេទដែលអាចមើលឃើញ (រួមទាំងនៅពេលដែលត្រូវបានបិទបាំងដោយរោមថ្ងាសខាងក្រោម ឬធាតុដាក់ត្រួតគ្នាឌីជីថល)
រន្ធគូទដែលអាចមើលឃើញ និង/ឬរូបថតកៀកនៃគូទដែលអាចមើលឃើញ
ក្បាលសុដន់ស្ត្រីដែលអាចមើលឃើញ លើកលែងតែក្នុងបរិបទដែលកំពុងបំបៅដោះកូន ឬបរិបទសកម្មភាពតវ៉ា
រូបថតពិត/វីដេអូឌីជីថល ដែលផ្តោតសំខាន់លើចង្វែក សុដន់ស្ត្រី ឬគូទ ដែលថតដោយមិនមានការយល់ដឹងពីមនុស្សដែលបានពណ៌នានៅក្នុងពួកវា
សូមចំណាំថា ដោយមានការរឹតបន្តឹងមួយចំនួន យើងអាចអនុញ្ញាតឱ្យមានការបង្ហាញរូបអាក្រាតរបស់មនុស្សពេញវ័យនៅក្នុងបរិបទពិសេសបន្ថែម ដូចជាបរិបទវេជ្ជសាស្ត្រ ឬសុខភាពជាដើម។ ចំណុចនេះត្រូវបានរៀបរាប់លម្អិតបន្ថែមទៀតនៅក្នុងផ្នែកខាងក្រោម។
សកម្មភាពផ្លូវភេទរបស់មនុស្សពេញវ័យ
រូបភាពដូចពិតៗ/រូបភាពឌីជីថលនៃសកម្មភាពផ្លូវភេទរបស់មនុស្សពេញវ័យរួមទាំង៖
សកម្មភាពផ្លូវភេទស្ដែងៗ ឬការរំញោចអារម្មណ៍៖
ការរួមភេទស្តែង ឬរួមភេទតាមមាត់ ដូចដែលបង្ហាញតាមរយៈការរួមភេទតាមមាត់របស់បុគ្គលម្នាក់ ឬការដាក់ប្រដាប់ភេទចូលឬជាប់ជាមួយប្រដាប់ភេទឬរន្ធគូទ ឬប្រដាប់ភេទរបស់មនុស្សម្នាក់ទៀតដែលដាក់លើ ឬស៊កចូលឧបករណ៍សិច នៅពេលយ៉ាងហោចណាស់មានប្រដាប់ភេទ ឬរន្ធគូទរបស់មនុស្សម្នាក់អាចមើលឃើញ
ការរំញោចអារម្មណ៍ស្ដែងៗនៃប្រដាប់ភេទ ឬរន្ធគូទរបស់មនុស្សម្នាក់ ដូចដែលបានបង្ហាញតាមរយៈការរំញោចអារម្មណ៍ ឬការបញ្ចូលឧបករណ៍សិចទៅក្នុងប្រដាប់ភេទ ឬរន្ធគូទរបស់មនុស្សម្នាក់ នៅពេលដែលការប៉ះពាល់ជាមួយប្រដាប់ភេទ ឬរន្ធគូទអាចមើលឃើញដោយផ្ទាល់
សកម្មភាពផ្លូវភេទដោយប្រយោល ឬការរំញោចអារម្មណ៍
ការរួមភេទ ឬការរួមភេទតាមមាត់ដោយប្រយោល ដូចដែលបានបង្ហាញតាមរយៈការរួមភេទតាមមាត់ ឬការដាក់ចូលប្រដាប់ភេទរបស់បុគ្គល ឬប៉ះប្រដាប់ភេទ ឬរន្ធគូទរបស់បុគ្គលផ្សេងទៀត នៅពេលដែលប្រដាប់ភេទ ឬរន្ធគូទ និង/ឬការដាក់ចូល ឬការប៉ះពាល់មិនអាចមើលឃើញដោយផ្ទាល់
ការរំញោចប្រដាប់ភេទ ឬរន្ធគូទរបស់មនុស្សម្នាក់ដោយប្រយោល ដូចដែលបានបង្ហាញតាមរយៈការរំញោច ឬការដាក់ឧបករណ៍សិចពីលើ ឬការស៊កបញ្ចូលឧបករណ៍សិចទៅក្នុងប្រដាប់ភេទ ឬរន្ធគូទរបស់មនុស្សម្នាក់ ឬប្រដាប់ភេទដែលដាក់លើ ឬស៊កចូលក្នុងឧបករណ៍សិច នៅពេលដែលប្រដាប់ភេទ ឬរន្ធគូទ ការរំញោច ការដាក់ និង/ឬការស៊កចូលនោះមិនអាចមើលឃើញដោយផ្ទាល់
សកម្មភាពផ្លូវភេទដែលហៀបនឹងកើតឡើង ដូចដែលបានបង្ហាញដោយជំហរទីតាំងដែលបង្ហាញថាការប៉ះពាល់ហៀបនឹងចាប់ផ្ដើមរវាងដៃ មាត់ ឬប្រដាប់ភេទរបស់មនុស្សម្នាក់ជាមួយនឹងប្រដាប់ភេទ ឬរន្ធគូទរបស់មនុស្សម្នាក់ទៀត។
សកម្មភាពផ្លូវភេទ ឬការរំញោចអារម្មណ៍ផ្សេងទៀត៖
ការឡើងរឹងនៃលិង្គ
ការបង្ហាញផលិតផលសម្រាប់សកម្មភាពផ្លូវភេទ
ឧបករណ៍ផ្លូវភេទត្រូវបានដាក់លើ ឬដាក់បញ្ចូលទៅក្នុងមាត់
ការរំញោចក្បាលសុដន់របស់មនុស្សដែលអាចមើលឃើញ
ការច្របាច់សុដន់ស្ត្រី ដែលត្រូវបានកំណត់ថាជាចលនាចាប់ដោយម្រាមដៃក្ដោបសុដន់ ដែលបង្ហាញទាំងស្នាម និងការផ្លាស់ប្តូររាងសុដន់។ ក្រុមហ៊ុនអនុញ្ញាតឱ្យច្របាច់ក្នុងបរិបទបំបៅកូនដោយទឹកដោះ។
រូបភាពដូចពិតៗ/រូបភាពឌីជីថល ឬសិល្បៈពិភពពិតដែលបង្ហាញអំពីអារម្មណ៍ផ្លូវភេទដោយប៉ះវត្ថុឬរាងកាយដែលពាក់ព័ន្ធនឹងចំណុចខាងក្រោម៖
សកម្មភាពដែលទំនងជានាំទៅរកការស្លាប់របស់មនុស្សឬសត្វ
ការកាត់ជាផ្នែកៗ
ការស៊ីសាច់មនុស្ស
លាមក ទឹកនោម ទឹកមាត់ សំបោរ រដូវ ឬកម្អួត
ការរួមភេទជាមួយសត្វ
ការសេពកាម
BDSM (ចំណងនិងការដាក់វិន័យ ការត្រួតត្រានិងការស្ដាប់បង្គាប់ ការបំពេញចំណង់ផ្លូវភេទពីការធ្វើទារុណកម្មនិងការបំពេញចំណង់ផ្លូវភេទពីការរងទារុណកម្ម) លុះត្រាតែមានសញ្ញាបញ្ជាក់ពីផ្លូវភេទផងដែរ
រូបភាពដូចពិតៗនៃសកម្មភាពផ្លូវភេទ ឬការរំញោចអារម្មណ៍ស្ដែងៗក្នុងបរិបទវេជ្ជសាស្ត្រ ឬសុខភាព
សំឡេងរយៈពេលវែងនៃសកម្មភាពផ្លូវភេទ
សូមចំណាំថា ដោយមានការរឹតបន្តឹងមួយចំនួន យើងអាចអនុញ្ញាតឱ្យមានការបង្ហាញសកម្មភាពផ្លូវភេទនៅក្នុងបរិបទពិសេស ដូចជាបរិបទផ្នែកវេជ្ជសាស្ត្រ ឬសុខភាពជាដើម។ ចំណុចនេះត្រូវបានរៀបរាប់លម្អិតបន្ថែមទៀតនៅក្នុងផ្នែកខាងក្រោម។
ចំពោះមាតិកាខាងក្រោមនេះ យើងដាក់កំហិតលទ្ធភាពក្នុងការមើលមាតិកាចំពោះអ្នកប្រើប្រាស់ដែលមានអាយុ ១៨ ឆ្នាំឡើងទៅ និងរួមបញ្ចូលស្លាកមួយ ដើម្បីឱ្យអ្នកប្រើប្រាស់ដឹងថាមាតិកានោះអាចមានលក្ខណៈរសើប៖
រូបភាពឌីជីថល និងសិល្បៈពិភពពិតនៃសកម្មភាពផ្លូវភេទ ឬការរំញោចអារម្មណ៍ស្ដែងៗក្នុងបរិបទវេជ្ជសាស្ត្រ ឬសុខភាព
រូបភាពដូចពិតៗ/រូបភាពឌីជីថល និងសិល្បៈពិភពពិតនៃសកម្មភាពផ្លូវភេទ ឬការរំញោចអារម្មណ៍ស្ដែងៗ ឬផ្សេងទៀតក្នុងបរិបទវេជ្ជសាស្ត្រ ឬសុខភាព
រូបភាពដូចពិតៗ/រូបភាពឌីជីថល និងសិល្បៈពិភពពិតនៃប្រដាប់បន្តពូជដែលអាចមើលឃើញ រន្ធគូថដែលអាចមើលឃើញ គូទដែលអាចមើលឃើញយ៉ាងជិត ឬក្បាលសុដន់ស្ត្រីដែលអាចមើលឃើញនៅក្នុងបរិបទនៃការវះកាត់បញ្ជាក់ភេទ
សិល្បៈពិភពពិតនៃប្រដាប់ភេទដែលអាចមើលឃើញ (រួមទាំងប្រដាប់ភេទដែលគ្របដោយធាតុដាក់ត្រួតគ្នាឌីជីថល ឬការបិទបាំង និងប្រដាប់ភេទដែលបិទបាំងដោយរោមថ្ងាសខាងក្រោមតែប៉ុណ្ណោះ) រន្ធគូទដែលអាចមើលឃើញ រូបថតកៀកនៃគូទដែលអាចមើលឃើញ ឬក្បាលសុដន់ស្ត្រីដែលអាចមើលឃើញ ដែលរូបអាក្រាតគឺជាចំណុចផ្ដោតនៃរូបភាព និងមិនមែននៅក្នុងបរិបទវេជ្ជសាស្ត្រ ឬសុខភាពនោះទេ
រូបភាពដូចពិតៗ/រូបភាពឌីជីថលនៃប្រដាប់បន្តពូជដែលអាចមើលឃើញ (រួមទាំងប្រដាប់ភេទដែលបាំងដោយធាតុដាក់ត្រួតគ្នាឌីជីថល ឬការបិទបាំង និងប្រដាប់ភេទដែលបិទបាំងរោមថ្ងាស) រូបកៀកនៃគូទ រន្ធគូថដែលអាចមើលឃើញ ឬក្បាលសុដន់ស្ត្រីដែលអាចមើលឃើញ នៅពេលចែករំលែកនៅក្នុងបរិបទនៃទុរភិក្ស អំពើប្រល័យពូជសាសន៍ ឧក្រិដ្ឋកម្មសង្រ្គាម ឬឧក្រិដ្ឋកម្មប្រឆាំងនឹងមនុស្សជាតិ
សម្រាប់មាតិកាខាងក្រោម យើងដាក់កំហិតលើលទ្ធភាពមើលមាតិកានេះចំពោះមនុស្សពេញវ័យដែលមានអាយុចាប់ពី ១៨ ឆ្នាំឡើងទៅ៖
រូបភាពដូចពិតៗ/រូបភាពឌីជីថលដែលបង្ហាញស្ទើរតែអាក្រាតកាយ ដូចជារូបអាក្រាតដែលបិទបាំងដោយធាតុដាក់ត្រួតគ្នាឌីជីថល ឬវត្ថុស្រអាប់ និងរូបអាក្រាតដែលបិទបាំងដោយសម្លៀកបំពាក់ស្តើងមើលឃើញធ្លុះមួយចំនួន។
រូបភាពដូចពិតៗ/រូបភាពឌីជីថលនៃមនុស្សដែលរូបភាពផ្តោតលើចង្វែកក្រោមគូទ គូទ ឬសុដន់ស្ត្រី
រូបភាពដូចពិតៗ/រូបភាពឌីជីថល និងសិល្បៈពិភពពិតនៃសកម្មភាពផ្លូវភេទ ឬការរំញោចអារម្មណ៍ស្ដែងៗដោយប្រយោល ឬផ្សេងទៀត នៅពេលដែលឃើញតែរូបរាងកាយ ឬទម្រង់រាងកាយប៉ុណ្ណោះ
សិល្បៈពិភពពិត ករណីដែល
រូបភាពបង្ហាញអំពីសកម្មភាពផ្លូវភេទ ឬការរំញោចអារម្មណ៍ដោយប្រយោល ស្ដែងៗ ឬផ្សេងទៀត លើកលែងតែពេលបង្ហោះក្នុងបរិបទវេជ្ជសាស្ត្រ ឬសុខភាព
រូបភាពបង្ហាញអំពីការរួមភេទជាមួយសត្វ ប្រសិនបើវាត្រូវបានចែករំលែកដោយអព្យាក្រឹត ឬបរិបទថ្កោលទោស ហើយមនុស្ស ឬសត្វដែលបង្ហាញនោះមិនមែនជាការពិត។
រូបភាពដូចពិតៗបែបប្រឌិតដែលមានការទទួលស្គាល់ដោយបង្ហាញអំពីសកម្មភាពផ្លូវភេទ ឬការរំញោចអារម្មណ៍ដោយប្រយោល ឬផ្សេងទៀត
រូបភាពដូចពិតៗ/ឌីជីថល និងសិល្បៈពិភពពិតដែលបង្ហាញ៖
សកម្មភាពទាក់ទងនឹងផ្លូវភេទដូចជាការថើបដោយប្រើអណ្ដាតដែលអាចមើលឃើញ និងការរាំបែបសិច ឬស្រើបស្រាល
បុគ្គលដែលត្រាប់សកម្មភាពផ្លូវភេទ
កាយវិការដែលបញ្ជាក់ពីប្រដាប់ភេទ ការសម្រេចកាមដោយខ្លួនឯង ការរួមភេទតាមមាត់ ឬការរួមភេទ
ឡូហ្គោ រូបថតអេក្រង់ ឬវីដេអូឃ្លីបនៃវេបសាយអាសអាភាសដែលគេស្គាល់
មាតិកាដែលមានសំឡេងនៃសកម្មភាពផ្លូវភេទ
សម្រាប់មាតិកាខាងក្រោមនេះ យើងដាក់បញ្ចូលស្លាក ដើម្បីឱ្យអ្នកប្រើប្រាស់បានដឹងថាមាតិកានោះអាចមានលក្ខណៈរសើប៖
រូបភាពដូចពិតៗ/ឌីជីថល និងសិល្បៈពិភពពិតដែលបង្ហាញ៖
ប្រដាប់ភេទដែលអាចមើលឃើញ (រួមទាំងប្រដាប់ភេទដែលគ្របដោយធាតុដាក់ត្រួតគ្នាឌីជីថល ឬការបិទបាំង និងប្រដាប់ភេទដែលបិទបាំងដោយរោមថ្ងាសខាងក្រោម) រូបថតកៀកនៃគូទដែលអាចមើលឃើញ ឬរន្ធគូទដែលអាចមើលឃើញ នៅពេលចែករំលែកក្នុងបរិបទវេជ្ជសាស្ត្រ ឬសុខភាព។ ករណីនេះអាចរួមមាន ឧទាហរណ៍៖
ខណៈពេលសម្រាលកូន និងក្រោយពេលសម្រាលកូន
ការពិនិត្យដោយខ្លួនឯងរកមើលជំងឺមហារីក ឬជំងឺផ្សេងៗ
ក្បាលសុដន់ស្ត្រីដែលអាចមើលឃើញ នៅពេលចែករំលែកក្នុងបរិបទវេជ្ជសាស្ត្រ ឬសុខភាព (រួមទាំងការវះកាត់សុដន់ ឬការចាក់សាក់របស់អ្នករស់រានមានជីវិតពីជំងឺមហារីក)
សម្រាប់ស្តង់ដារសហគមន៍ខាងក្រោមនេះ យើងតម្រូវឱ្យមានព័ត៌មាននិង/ឬបរិបទបន្ថែម ដើម្បីអនុវត្ត៖
ក្នុងករណីខ្លះ យើងនឹងអនុញ្ញាតនូវមាតិកាសម្រាប់អ្នកដែលមានអាយុ 18 ឆ្នាំឡើងទៅជាមួយនឹងស្លាក ដែលអាចបំពានស្តង់ដារសហគមន៍ នៅពេលត្រូវបានកំណត់ថា មាតិកានោះមានលក្ខណៈបែបកំប្លែង។ មាតិកានឹងត្រូវបានអនុញ្ញាត តែប្រសិនបើធាតុដែលបំពាននៃមាតិកានោះមានលក្ខណៈបែបកំប្លែង ឬកើតចេញពីអ្វីមួយ ឬនរណាម្នាក់ផ្សេងទៀត ដើម្បីចំអក ឬរិះគន់ពួកគេ។