კონფიდენციალურობის დარღვევები

შიგთავსი, რომელშიც გაზიარებულია შიგთავსის გამომქვეყნებელი პირის ან სხვა პირთა საიდენტიფიკაციო ინფორმაცია (ინფორმაცია, რომელიც უნიკალურად ადგენს პიროვნების ვინაობას). აღნიშნულში შედის შემდეგი:

ეროვნული პირადი ნომრები, როგორიცაა სოციალური დაზღვევის ნომრები (SSN), პასპორტის ნომრები ან გადასახადის გადამხდელის საიდენტიფიკაციო პირადი კოდები (ITIN).
სამართალდამცავ, სამხედრო ან უსაფრთხოების სააგენტოებში მომუშავე პერსონალის სახელმწიფო პირადობის დამადასტურებელი დოკუმენტები.
სამოქალაქო რეესტრის ინფორმაციის ჩანაწერები ან ოფიციალური დოკუმენტაცია, როგორიცაა ქორწინების, დაბადების, გარდაცვალების, სახელის შეცვლის ან სქესის აღიარების დოკუმენტები
იმიგრაციისა და სამუშაო სტატუსის დოკუმენტები, როგორიცაა მწვანე ბარათები, მუშაობის ნებართვები ან ვიზები

შიგთავსი, რომელშიც მოთხოვნილია სხვა პირთა საიდენტიფიკაციო ინფორმაცია

შიგთავსი, რომელშიც გაზიარებულია სხვათა პერსონალური საკონტაქტო ინფორმაცია, გარდა ქვემოთ ჩამოთვლილი შემთხვევებისა: ა) თუ ინფორმაცია საჯაროდ ხელმისაწვდომი თავად მონაცემთა სუბიექტმა გახადა, ბ) თუ ამ ინფორმაციის გამოყენება საქველმოქმედო მიზნებისათვის ხორციელდება გ) თუ ინფორმაცია გამოიყენება დაკარგული ცხოველების და ნივთების მფლობელების ან დაკარგული ადამიანების ძიების ხელშესაწყობის მიზნით, დ) თუ ინფორმაცია გამოიყენება კომპანიებსა ან მომსახურების მიმწოდებლებთან დასაკავშირებლად (გარდა იმ შემთხვევისა, როდესაც დადგენილია, რომ პერსონალური საკონტაქტო ინფორმაცია პირის თანხმობის გარეშე გამჟღავნდა).

შიგთავსი, რომელშიც გაზიარებულია სხვათა სრული კერძო საცხოვრებელი მისამართები, მათ შორის, შენობის სახელი ან რუკაზე დატანილი მისამართის მისათითებელი ღილაკები (მაშინაც კი, თუ ღილაკები პლატფორმის გარეშე ბმულზეა), გარდა შემდეგი კონტექსტებისა:

შიგთავსი, რომელშიც გაზიარებულია სხვათა კერძო საცხოვრებელი მისამართები (გარდა იმ შემთხვევისა, როდესაც საცხოვრებელი ადგილი არის ხელისუფლების მაღალჩინოსნისთვის გამოყოფილი ოფიციალური რეზიდენცია ან საელჩო):

შიგთავსი, რომელშიც მოთხოვნილია ინფორმაცია სხვათა კერძო საცხოვრებლის შესახებ (გარდა იმ შემთხვევისა, როდესაც საცხოვრებელი ადგილი არის ხელისუფლების მაღალჩინოსნისთვის გამოყოფილი ოფიციალური რეზიდენცია ან საელჩო)

შიგთავსი, რომელშიც მოთხოვნილია ინფორმაცია სამალავების შესახებ ან ამჟღავნებს ინფორმაციას სამალავების შესახებ ქვემოთ მოყვანილი რომელიმე მონაცემის გაზიარების გზით (გარდა იმ შემთხვევისა, როცა სამალავი აქტიურად ეწევა თავისი მომსახურებების შესახებ ინფორმაციის გავრცელებას)

შიგთავსი, რომელიც აზიარებს ან ითხოვს სხვების სამედიცინო, ფსიქოლოგიურ, ბიომეტრიულ, ან გენეტიკური მემკვიდრეობის შესახებ ინფორმაციას (მათ შორის, როდესაც ის ვიზუალურად არის ნაჩვენები ან გაზიარებულია აუდიოს ან ვიდეოს ფორმით), როდესაც აშკარაა, რომ ეს ინფორმაცია აღებულია სამედიცინო ჩანაწერებიდან ან სხვა ოფიციალური დოკუმენტებიდან.

შიგთავსი, რომელშიც გაზიარებულია ან მოთხოვნილია შიგთავსის გამომქვეყნებლის ან სხვა პირების პერსონალური ფინანსური ინფორმაცია, რაც განიმარტება, როგორც ინფორმაცია პირის ინდივიდუალური ფინანსების შესახებ, მათ შორის:

არასაჯარო ფინანსური ჩანაწერები ან ანგარიშები.
საბანკო ანგარიშის ნომრები უსაფრთხოებით ან პინ-კოდები.
ინფორმაცია ციფრული გადახდის მეთოდის შესახებ შესვლისთვის საჭირო დეტალებთან, უსაფრთხოებასთან ან პინ-კოდებთან ერთად.
ინფორმაცია საკრედიტო ან სადებეტო ბარათის შესახებ, მოქმედების თარიღებთან ან უსაფრთხოების პინებთან ან კოდებთან ერთად.

შიგთავსი, რომელშიც გაზიარებულია ან მოთხოვნილია არასაჯარო ფინანსური ინფორმაცია კომპანიების ან ორგანიზაციების შესახებ, რაც განისაზღვრება, როგორც ინფორმაცია კომპანიების ან ორგანიზაციების ფინანსების შესახებ, გარდა იმ შემთხვევისა, როდესაც ინფორმაცია თავდაპირველად თავად ორგანიზაციამ გააზიარა (მათ შორის, შემდგომი გაზიარებები თავდაპირველი კონტექსტის შენარჩუნებით), ან როცა ინფორმაცია გაზიარებულია საჯარო ანგარიშგების მოთხოვნების შესაბამისად (მაგალითად, საფონდო ბირჟების ან მარეგულირებელი ორგანოების მოთხოვნების შესაბამისად), მათ შორის:

არასაჯარო ფინანსური ჩანაწერები ან ანგარიშები
საბანკო ანგარიშის ნომრები, რომელსაც თან ახლავს უსაფრთხოების კოდები ან პინ-კოდები.
ინფორმაცია ციფრული გადახდის მეთოდის შესახებ, რომელსაც თან ახლავს სისტემაში შესვლისთვის საჭირო დეტალები, უსაფრთხოების კოდები ან პინ-კოდები.

შიგთავსი, რომელიც განცხადებების თანახმად ან დადასტურებულად გატეხილი წყაროებიდან არის მოპოვებული, განურჩევლად იმისა, ის საჯარო ფიგურას ეხება თუ კერძო პირს.