Tumindak Sengit

Peprincen Kabijakan
Pangalaman Pangguna
Data

Rincian kabijakan

LOG PERUBAHAN
Dhasar Kabijakan
Kita yakin yen wong nggunakake swarane lan nyambung luwih bebas nalika ora rumangsa diserang adhedhasar idhentitas dheweke. Iku alesane kita ora ngidini tumindak sengit ing Facebook, Instagram, utawa Threads.
Kita nemtokake tumindak sengit minangka serangan langsung menyang wong — lan dudu menyang konsep utawa lembaga — adhedhasar sing diarani karakteristik sing dilindhungi (PC): ras, etnis, asal negara, disabilitas, afiliasi agama, kasta, orientasi seksual, jinis kelamin, idhentitas jinis kelamin, lan penyakit nemen. Saliyane kuwi, kita nimbang-nimbang umur karakteristik sing dilindhungi nalika dituduhake bareng karakteristik sing dilindhungi liyane. Kita uga nglindhungi pengungsi, migran, imigran, lan wong sing nggoleki pangayoman saka serangan sing luwih nemen (Tingkat 1 ing ngisor), sanajan kita ngidini komentar babagan utawa kritik marang kabijakan imigrasi. Mengkono uga, kita nyedhiyakake sawetara palindhungan kanggo karakteristik sing ora dilindhungi, kayata penggawean, nalika karakteristik kuwi dituduhake bareng karakteristik sing dilindhungi. Kadhangkala, adhedhasar kahanan lokal, kita mratimbangake tembung utawa kerata basa minangka proksi kanggo karakteristik sing dilindhungi.
Kita mbusak wicara sing ora ngregani kamanungsan, tuduhan tumindak amoral utawa durjana, lan pisuhan. Kita uga nmbusak stereotipe mbebayani, sing kita temtokake minangka pambandhingan sing ora manusiawi sing miturut sejarahe wis digunakake kanggo nyerang, ngintimidasi, utawa misahake grup tartamtu, lan sing kerep digandhengake karo tumindak aniaya offline. Sing pungkasan, kita mbusak tumindak ngina sing nemen, ekspresi ngina utawa jijik, nglaknat, utawa ngajak nyingkirake utawa misahake nalika nargetake wong adhedhasar karakteristik sing dilindhungi. Kita misahake wicara iki dadi rong tingkat miturut nemene, sing diterangake ing ngisor.
Kita ngakoni yen kadhang wong ngandumake konten sing ngatutake pisuhan utawa wicarane wong liya kanggo ngecam utawa nglapurake wicara kuwi. Ing kasus liyane, wicara, kalebu pisuhan, sing mbokmenawa nglanggar standar kita digunakake kanggo referensi pribadi utawa cara kanggo ngajak wong liya. Kita ngidini jinis wicara iki nalika maksude sing ngomong kuwi cetha. Yen maksude ora cetha, kita bisa uga mbusak konten kuwi.
Wong-wong kadhangkala nggunakake basa sing eksklusif kanggo seks utawa jinis kelamin nalika ngrembugake akses marang forum sing kerep diwatesi miturut seks utawa jinis kelamin, kayata akses menyang jedhing, sekolah khusus, militer khusus, penegakan ukum, utawa peran mulang, lan grup kesehatan utawa dhukungan. Ing liya wektu, dheweke ngajak nyingkirake utawa nggunakake basa sing ngina ing konteks ngrembugake topik pulitik utawa agama, kayata nalika ngrembugake hak transgender, imigrasi, utawa homoseksualitas. Pungkasane, kadhangkala wong-wong nglaknat jinis kelamin ing konteks pegatan. Kabijakan kita dirancang kanggo ngidini forum kanggo jinis wicara iki.
Aja mosting:
Tingkat 1
Konten sing nargetake wong utawa grup wong (kajaba grup sing diterangake wis nindakake tumindak durjana aniaya utawa seksual utawa makili kurang saka separo grup) adhedhasar karakteristik sing dilindhungi sing disebutake ing ndhuwur utawa status imigrasi sing wujude ditulis utawa visual kanthi:
  • Wicara ngremehake manungsa ing wujud mbandhingake utawa nganggep umum babagan kewan, patogen, utawa wujud kauripan sub manungsa liya, kalebu:
    • Kewan gegremetan (kalebu nanging ora winates: coro, walang)
    • Kewan apa wae utawa salah sawijining jinis kewan sing dianggep kanthi budaya minangka inferior (kalebu nanging ora winates kanggo: Wong sing kulite ireng lan kethek utawa makhluk kaya kethek; Wong Yahudi lan tikus; Wong Muslim lan babi; Wong Meksiko lan cacing)
    • Bakteri, virus, utawa mikroba
    • Ngremehake manungsa (kalebu nanging ora winates: kewan alasan, setan, monster)
  • Ndakwa tumidak amoral utawa durjana sing nemen:
    • Predator seksual lan pedofilia (kalebu nanging ora winates: Wong Islam nglakoni hubungan seksual karo wedhus utawa babi)
    • Tumindak durjana aniaya (kalebu nanging ora winates: teroris, tukang perjaya)
  • Ajakan utawa pangarep-arep bebaya sing kasebut iki (ancaman sing nemen utawa tertamtu lan ajakan tumindak aniaya ditangani miturut kabijakan Kaniaya lan Nggegasah kita):
    • Nularake penyakit
    • Ngalami bencana alam
    • Nglarani awake dhewe utawa nglalu
    • Pati tanpa sing nglakoni utawa cara
    • Kacilakan lan karugian fisik liyane sing kedadeyan tanpa sing nglakoni utawa saka tekdire dewa
  • Stereotipe mbebayani sing miturut sejarah digandhengake karo intimidasi utawa tumindak aniaya, kayata Blackface; Mbantah holocaust; ngeklaim yen wong Yahudi ngontrol institusi finansial, politik, utawa media; referensi kanggo Dalit minangka buruh asor; lan mbandhingake wong kulit Ireng karo piranti pertanian.
  • Ngolok-olok konsep, kedadeyan, utawa korban tumindak angkara sengit sanajan ora ana wong asli sing dituduhake ing gambar.
  • Ngece wong sing nduwe utawa kena penyakit.
  • Konten sing nerangake utawa kanthi negatif nargetake wong nganggo pisuhan. Pisuhan ditetepake minangka tembung sing nduwe sipat nyiptakake swasana panyingkiran lan intimidasi tumrap wong-wong adhedhasar karakteristik sing dilindhungi, sing kerep amarga tembung iki digandhengake karo riwayat diskriminasi, panindhesan, lan tumindak aniaya.
Tingkat 2
Konten sing nargetake wong utawa grup wong adhedhasar karakteristik sing dilindhungi (ing wujud sing ditulis utawa visual) kanthi:
  • Ajakan utawa dhukungan kanggo panyingkiran utawa pamisahan utawa pranyatan maksud kanggo nyingkirake utawa misahake, sing ditemtokake minangka:
    • Tumindak panyingkiran kanthi umum, sing tegese ngajak nyingkirake utawa misahake, kayata “X ora diidini!”
    • Panyingkiran pulitik, sing tegese nolak hak kanggo partisipasi pulitik utawa ndhukung tumindak nahan utawa nolak hak pulitik.
    • Panyingkiran ekonomi, sing tegese nolak akses menyang hak ekonomi lan matesi partisipasi ing pasar tenaga kerja. Kita ngidini konten sing ndhukung watesan adhedhasar jinis kelamin ing militer, penegakan ukum, utawa penggawean mulang. Kita uga ngidini konten sing padha adhedhasar orientasi seksual, nalika konten kasebut didhasarake kapercayan agama.
    • Panyingkiran sosial, sing tegese perkara kaya nolak akses menyang ruang (fisik lan online) lan layanan sosial, kejaba kanggo panyingkiran adhedhasar jinis kelamin saka ruang sing biyasane diwatese dening jinis kelamin, kayata jedhing, olahraga lan liga olahraga, grup kesehatan lan dhukungan, uga sekolah tertamtu.
  • Tumindak ngina, kalebu babagan:
    • Karakter, kalebu nanging ora winates ing tuduhan jirih, ora jujur, tumindak durjana dhasar, pergaulan bebas, utawa tumindak seksual amoral liyane.
    • Karakteristik mental, kalebu nanging ora winates ing tuduhan bodho, kapasitas intelektual, lan penyakit mental, uga tumindak mbandhingake sing ora didhukung antarane grup PC adhedhasar kapasitas intelektual gawan. Kita ngidini tuduhan penyakit mental utawa ora normal nalika didhasarake jinis kelamin utawa orientasi seksual, kanthi nimbang-nimbang wacana pulitik lan agama babagan transgenderisme lan homoseksualitas uga panggunaan tembung umum sing ora serius kaya “aneh”.
    • Babagan liya, kalebu nanging ora winates ing tuduhan ora duwe aji, ora migunani, ala, utawa reged.
  • Ekspresi sing nuduhake sasaran sing nyababake penyakit, kalebu nanging ora winates ing “nyebabake aku muntah”.
  • Pisuhan spesifik, kajaba pisuhan adhedhasar jinis kelamin tertamtu ing konteks pedhot katresnan sing ditemtokake minangka:
    • Nargetake panggunaan tembung “fuck” utawa variasi “fuck” kanthi niat ngina, kayata “Fuck [Karakteristik sing Dilindhungi]!”
    • Istilah utawa frasa sing ngajak melu aktivitas seksual, utawa kontak karo alat kelamin, anus, tai, utawa uyuh, kalebu nanging ora winates: ayo turu karo aku, ambungen bokongku, panganen tai iki.
Kanggo Standar Komunitas ing ngisor, kita mbutuhake informasi lan/utawa konteks tambahan kanggo ditrapake:
Aja mosting:
  • Konten sing kanthi terang-terangan nyedhiyakake utawa nawakake nyedhiyakake prodhuk utawa layanan sing ditujokake kanggo ngganti orientasi seksual wong utawa idhentitas jinis kelamin.
  • Konten sing nyerang konsep, lembaga, ide, praktik, utawa kapercayan sing gegandhengan karo karakter sing diayomi, sing mbokmenawa nyababake cilaka fisik, intimidasi, utawa diskriminasi tumrap wong-wong sing ana ubungane karo karakter sing diayomi kuwi. Meta ndeleng macem-macem tandha kanggo nemtokake apa ana ancaman bebaya ing njerone konten. Iki kalebu nanging ora diwatesi kanggo: konten sing bisa nyababake tumindak angkara utawa intimidasi; apa ana periode tegang sing luwih dhuwur kayata pemilu utawa konflik sing terus-terusan; apa ana riwayat tumindak aniaya paling anyar tumrap grup sasaran sing dilindhungi. Ing saperangan kasus, kita uga nimbang-nimbang apa sing ngomong kuwi tokoh publik utawa nduwe posisi otoritas.
Ing kasus tertamtu, kita bakal ngidini konten sing menawa nglanggar Standar Komunitas nalika ditemtokake yen konten kuwi sipate satire. Konten mung bakal diidini yen elemen konten sing nglanggar digawe satire utawa digandhengake karo perkara utawa wong liyane kanggo ngece utawa ngritik dheweke.
Cathetan: yen sampeyan pangguna Uni Eropa, lan ndeleng konten sing nglanggar ukum wicara sengit ing negara sampeyan, sampeyan bisa ngirim panjalukan pambusakan kanthi jalur ukum menyang Facebook utawa Instagram.
Pangalaman pangguna
Deleng saperangan conto bab panegakan kanggo wong-wong ing Facebook, kayata: cara nglapurake prakara sing miturut sampeyan ora oleh ana ing Facebook, dikabari yen sampeyan wis nglanggar Standar Komunitas kita, lan ndeleng layar panyaruwe tumrap konten tartamtu.
Cathetan: Kita tansah ngupayakake dadi luwih apik, mula sing sampeyan deleng ing kene mungkin rada kadaluwarsa dibandhingake karo sing kita gunakake saiki.
PANGALAMAN PANGGUNA
Nglapurake
PANGALAMAN PANGGUNA
Komunikasi sawise lapuran
PANGALAMAN PANGGUNA
Pangalaman pambusakan
PANGALAMAN PANGGUNA
Layar panyaruwe
Data
Deleng Lapuran Panegakan Standar Komunitas sing paling anyar
Panegakan ukum
Kita duwe kabijakan sing padha ing saindenging ndonya, kanggo sapa wae sing ana ing Facebook.
Tim paninjoan
Tim global kita sing luwih saka 15.000 paninjo kerja saben dina kanggo njaga supaya Facebook aman.
Interaksi pamangku kapentingan
Ahli saka njaba, akademisi, LSM, lan panentu kabijakan mbantu menehi info kanggo nggawe Standar Komunitas Facebook.
Njaluk pitulungan babagan tumindak sengit
Sinaoni apa sing bisa sampeyan tindakake nalika ndeleng samubarang ing Facebook sing nglanggar Standar Komunitas kita.
Bukak Pusat Pitulungan