Ինքնասպանություն, ինքնավնասում և սննդառության խանգարումներ

Քաղաքականության մանրամասներ

Օգտատիրոջ գործառնություններ

Տվյալներ

Քաղաքականության մանրամասները

ՓՈՓՈԽՈՒԹՅՈՒՆՆԵՐԻ ՄԱՏՅԱՆ

Այսօր

27 փտվ, 2026 թ.

15 մյս, 2025 թ.

03 հոկ, 2024 թ.

26 հլս, 2024 թ.

03 հլս, 2024 թ.

02 մյս, 2024 թ.

30 դեկ, 2023 թ.

29 ապր, 2022 թ.

01 հոկ, 2021 թ.

05 մյս, 2020 թ.

18 դեկ, 2020 թ.

19 նոյ, 2020 թ.

31 հլս, 2020 թ.

02 հլս, 2019 թ.

27 ապր, 2019 թ.

21 մրտ, 2019 թ.

01 սեպ, 2018 թ.

Քաղաքականության հիմնավորում

Մենք խորապես մտածում ենք մեր հավելվածներից օգտվող մարդկանց անվտանգության մասին: Մենք կանոնավոր կերպով խորհրդակցում ենք ինքնասպանության, ինքնավնասման և սննդառության խանգարումների հարցերով մասնագետների հետ՝ օգնելու հիմնավորել մեր քաղաքականությունները և դրանց կիրառումը, ինչպես նաև աշխատում ենք կազմակերպությունների հետ ամբողջ աշխարհում՝ նեղության մեջ գտնվող մարդկանց օգնություն տրամադրելու համար։

Թեև մենք թույլ չենք տալիս մարդկանց միտումնավոր կամ ոչ միտումնավոր կերպով խրախուսել կամ խթանել ինքնասպանությունը, ինքնավնասումը կամ սննդառության խանգարումները, մենք թույլ ենք տալիս մարդկանց քննարկել այս թեմաները, քանի որ ցանկանում ենք, որ մեր ծառայությունները լինեն մի տարածք, որտեղ մարդիկ կարող են կիսվել իրենց փորձով, բարձրացնել իրազեկվածությունն այս խնդիրների վերաբերյալ և աջակցել միմյանց։ Մենք կարող ենք նաև սահմանափակել կոնտենտը դիտելու հնարավորությունը 18 տարեկան և ավելի բարձր տարիքի չափահասների համար:

Մենք հեռացնում ենք ցանկացած կոնտենտ, որը խրախուսում է ինքնասպանությունը, ինքնավնասումը, կամ սննդառության խանգարումները, ներառյալ՝ գեղարվեստական կոնտենտը, ինչպիսիք են մեմերը կամ պատկերազարդումները, և ցանկացած ակնհայտ ինքնավնասման կոնտենտ՝ անկախ ենթատեքստից: Մենք հեռացնում ենք կոնտենտը, որը պարունակում է ծայրահեղ քաշի կորստի վարքագծի ցուցումներ: Մենք նաև հեռացնում ենք կոնտենտը, որը ծաղրում է ինքնասպանության, ինքնավնասման կամ սննդառության խանգարումների զոհերին կամ տուժածներին, ինչպես նաև իրական ժամանակում ինքնասպանության կամ ինքնավնասման պատկերումները: Ինքնասպանությունից, ինքնավնասումից կամ սննդառության խանգարումներից հետո վերականգնման մասին կոնտենտը, որը թույլատրված է, բայց կարող է պարունակել նկարներ, որոնք կարող են վշտացնել (օրինակ՝ ապաքինված սպի), տեղադրվում է զգայուն նախազգուշացմամբ էկրանի հետևում և մենք նաև կսահմանափակենք կոնտենտը դիտելու հնարավորությունը 18 տարեկան և ավելի բարձր տարիքի չափահասների համար։

Երբ մարդիկ հրապարակում կամ որոնում են ինքնասպանության, ինքնավնասման կամ սննդառության խանգարումների հետ կապված կոնտենտ, մենք նրանց ուղղորդում ենք դեպի տեղական կազմակերպություններ, որոնք կարող են աջակցություն ցուցաբերել, և եթե մեր Համայնքային գործառնությունների թիմը նկատի անմիջական վնաս, մենք կկապվենք տեղական փրկարարական ծառայությունների հետ՝ նրանց օգնություն ցուցաբերելու համար։ Լրացուցիչ տեղեկությունների համար այցելեք Meta-ի Անվտանգության կենտրոն։

Ինչ վերաբերում է ուղիղ եթերի կոնտենտին, փորձագետները մեզ ասել են, որ եթե ինչ-որ մեկը հայտնում է, որ մտադիր է ինքնասպանության փորձ կատարել ուղիղ եթերի ժամանակ, մենք պետք է հնարավորինս երկար թողնենք կոնտենտը, քանի որ որքան երկար է ինչ-որ մեկը խոսում տեսախցիկի առաջ, այնքան ավելի շատ է հավանականությունը, որ նրա որևէ ընկեր կամ ընտանիքի անդամ կկարողանա կանչել փրկարարական ծառայություններին օգնության համար։ Այնուամենայնիվ, այս կոնտենտը դիտելիս ուրիշների վրա բացասական ազդեցության վտանգը նվազագույնի հասցնելու համար մենք կդադարեցնենք ուղիղ հեռարձակումն այն պահին, երբ սպառնալիքը կվերածվի փորձի: Ինչպես նշվեց վերևում, ամեն դեպքում, մենք կկապվենք փրկարարական ծառայությունների հետ, եթե հայտնաբերենք, որ ինչ-որ մեկը գտնվում է իրեն վնասելու անմիջական վտանգի տակ:

Մենք թույլ չենք տալիս.

Կոնտենտ, որը խթանում, խրախուսում, համակարգում կամ հրահանգներ է տալիս ինքնասպանության, ինքնավնասման կամ սննդառության խանգարումների համար:

Կոնտենտ, որը պատկերում է ինքնասպանության, ինքնավնասման և սննդառության խանգարման բացհայտ կադրեր

Ինքնասպանության փորձ կատարող անձի կամ ինքնասպանության միջոցով մահվան տեսարան պատկերող կոնտենտ

Մարդկանց նկարներ, երբ դրանք կիսվում են սննդային խանգարումների հետ կապված տերմինների հետ միասին

Կոնտենտ, որը կենտրոնանում է կողոսկրերի, անրակների, ազդրերի միջև տարածության, գոտկատեղի, ստամոքսի գոգավոր հատվածի, դուրս ցցված ողնաշարի, թիակի պատկերների վրա, տեսանելի ոսկորներ ձեռքերում կամ ոտքերում կամ խոռոչ այտերում, երբ դրանք համադրվում են սննդառության խանգարումների հետ կապված տերմինների հետ

Կոնտենտ, որը պարունակում է ծայրահեղ քաշի կորստի վարքագծի ցուցումներ

Կոնտենտ, որն ընդունում է ծայրահեղ քաշի կորստի վարքագիծ, երբ այն համադրվում է սննդային խանգարումների հետ կապված տերմինների հետ

Կոնտենտ, որը պարունակում է սահմանափակող սննդառության ցուցումներ, երբ այն համադրվում է սննդային խանգարումների հետ կապված տերմինների հետ

Կոնտենտ, որը ծաղրում է ինքնասպանութունից, ինքնավնասումից կամ սննդառության խանգարումներից տուժածներին կամ զոհերին, ովքեր կա՛մ հրապարակայնորեն հայտնի են, կա՛մ ենթադրվում է, որ ինքնասպանության, ինքնավնասման կամ սննդային խանգարումների են ենթարկվում կամ ենթարկվել

Մարմնի փոփոխություններ (օրինակ՝ դաջվածք, պիրսինգ, սպիացում, խարազանում և այլն) պատկերող նկարներ, երբ հրապարակվում են ինքնասպանության կամ ինքնավնասման ենթատեքստում

Հետևյալ կոնտենտի դեպքում մենք նախազգուշացնող էկրան ենք ներառում, որպեսզի մարդիկ տեղյակ լինեն, որ կոնտենտը կարող է զգուշացում լինել։ Մենք նաև սահմանափակում ենք կոնտենտը դիտելու հնարավորությունը 18 տարեկան և ավելի բարձր տարիքի չափահասների համար՝

Լուսանկարներ կամ տեսանյութեր, որոնք պատկերում են էվթանազիայի/աջակցված ինքնասպանության մեջ ներգրավված որևէ անձի բժշկական հաստատությունում։

Կոնտենտ, որը պատկերում է ինքնավնասման ավելի հին դեպքեր, ինչպիսիք են բուժված կտրվածքները կամ ինքնավնասման այլ ակնհայտ պատկերներ ինքնավնասման, ինքնասպանության կամ վերականգնման համատեքստում

Կոնտենտ, որը պատկերում է կողոսկրեր, անրակի ոսկորներ, ազդրերի բացվածքներ, կոնքեր, գոգավոր որովայն կամ դուրս ցցված ողնաշար, թիակի հատված, ձեռքերի կամ ոտքերի տեսանելի ոսկորներ կամ խոռոչ այտեր՝ վերականգնողական համատեքստում

Հետևյալ կոնտենտի համար մենք ռեսուրսներ ենք տրամադրում մարդկանց և սահմանափակում ենք այն դիտելու հնարավորությունը միայն 18 տարեկան և ավելի բարձր տարիքի չահասների համար՝

Ինքնասպանության, ինքնավնասման կամ սննդային խանգարումների գրավոր կամ բանավոր խոստովանություն։

Անորոշ, հնարավոր ինքնասպանության ենթադրյալ հայտարարություններ կամ հղումներ (ներառյալ՝ տխուր տրամադրության, դեպրեսիայի, մահվան որպես փախուստի միջոց ներկայացնելու մեմերը կամ մռայլ, դեպրեսիվ մտքերի վրա շեշտադրմամբ կոնտենտը՝ վերցված ժողովրդական մշակույթից) ինքնասպանության կամ ինքնավնասման համատեքստում։

Հետևյալ կոնտենտի համար մենք սահմանափակում ենք կոնտենտը դիտելու հնարավորությունը 18 տարեկան և ավելի բարձր տարիքի չափահասների համար՝

Ծաղր կամ արհամարհանք ինքնասպանության, ինքնավնասման կամ սննդային խանգարումների հայեցակարգի հանդեպ

Պատմություններ, որոնք պարունակում են ինքնասպանության նկարագրություն՝ մանրամասներով, որոնք գերազանցում են արարքի կամ հետևանքների պարզ անվանումը կամ հիշատակումը

Ծայրահեղ քաշի կորստի վարքագծի ընդունում

Համայնքի հետևյալ ստանդարտների կիրառման համար մենք պահանջում ենք լրացուցիչ տեղեկություններ և/կամ ենթատեքստ՝

Մենք կարող ենք հեռացնել ինքնասպանության մասին նշումները, եթե հաստատված է ինքնասպանությունը կամ ինքնասպանության փորձը։ Մենք փորձում ենք բացահայտել ինքնասպանության մասին նշումները՝ օգտագործելով մի քանի գործոններ, ներառյալ, բայց չսահմանափակվելով հետևյալով՝

Ընտանիքի կամ օրինական ներկայացուցչի խնդրանքներ,

Հաղորդումներ լրատվամիջոցներից, իրավապահ մարմիններից կամ երրորդ կողմի այլ աղբյուրներից (օրինակ՝ պետական գերատեսչություններից, ՀԿ-ներից) կամ հաղորդումներ, որոնք ստացվում են ինքնասպանությանը վերաբերող կոնտենտի կոնտակտային ձևաթղթի միջոցով կամ Instagram-ի կոնտակտային ձևաթղթի միջոցով:

Մենք կարող ենք հաշվի առնել հարթակից դուրս ստացված ազդանշանները՝ կապված օգտատիրոջ կողմից ինքնասպանության, ինքնավնասման, սննդային խանգարումների կամ ծայրահեղ քաշի նվազեցման ընդունման կամ քարոզման հետ, որպեսզի գնահատենք, թե արդյոք նրա հրապարակած կոնկրետ կոնտենտը Meta հարթակներում կարող է վտանգ ներկայացնել մյուսների համար։