Գաղտնիության խախտումներ

Գրառման հեղինակի կամ այլոց անձնական նույնականացման տվյալներ (տեղեկատվություն, որը եզակիորեն բացահայտում է անհատի ինքնությունը) հրապարակող կոնտենտ։ Սա ներառում է.

Ազգային նույնականացման համարներ, ինչպես օրինակ՝ սոցիալական ապահովության համարները (ՍԱՀ), անձնագրի համարները կամ անհատ հարկ վճարողի հարկային համարները (ԱՀՎՀՀ):
Իրավապահ մարմինների, զինվորականների կամ անվտանգության ոլորտի աշխատակիցների պետական անձը հաստատող փաստաթղթեր։
Քաղաքացիական կացության ակտերի գրանցման մասին տեղեկությունների գրառումները կամ պաշտոնական փաստաթղթերը, օրինակ՝ ամուսնություն, ծնունդ, մահ, անվան փոփոխություն կամ սեռի ճանաչման փաստաթղթեր
Ներգաղթի և աշխատանքային կարգավիճակի վերաբերյալ փաստաթղթեր, օրինակ՝ կանաչ քարտեր, աշխատանքային թույլտվություններ կամ վիզաներ

Կոնտենտ, որը պահանջում է այլ անձանց Անձնական նույնականացման տվյալներ

Կոնտենտ, որը հրապարակում է ուրիշների անձնական կոնտակտային տվյալները, բացառությամբ այն դեպքերի, երբ անհատն ինքն է հրապարակում, կամ երբ հրապարակվում կամ պահանջվում է բարեգործական նպատակներով գովազդելու, անհայտ կորած մարդկանց, կենդանիների կամ անհայտ կորած օբյեկտների տերերի հայտնաբերման համար, կամ բիզնեսի կամ ծառայություններ մատուցողների հետ կապ հաստատելու համար (եթե չի հաստատվել, որ անձնական կոնտակտային տվյալները հրապարակվում են առանց տվյալ անձի համաձայնության):

Կոնտենտ, որը հրապարակում է ուրիշների մասնավոր բնակության լրիվ հասցեները, ներառյալ՝ շենքի անվանումը կամ հասցեն նույնականացնող քարտեզի նշիչներ (նույնիսկ եթե նշումները դրված են հարթակից դուրս որևէ հղման մեջ), բացառությամբ հետևյալ դեպքերի.

Կոնտենտ, որը հրապարակում է այլ անձանց անձնական բնակության մասնակի հասցեները (բացառությամբ այն դեպքերի, երբ բնակավայրը պաշտոնական նստավայր է կամ դեսպանատուն, որը տրամադրվում է բարձրաստիճան պետական պաշտոնյայի)՝

Կոնտենտ, որը պահանջում է այլ անձանց անձնական բնակության մասին տեղեկություններ (բացառությամբ այն դեպքերի, երբ բնակավայրը պաշտոնական նստավայր է կամ դեսպանատուն, որը տրամադրվում է բարձրաստիճան պետական պաշտոնյայի)

Կոնտենտ, որը պահանջում է ապաստարանների տեղադրությունը կամ բացահայտում է ապաստարանների մասին տեղեկություններ՝ կիսվելով ստորև նշվածներից որևէ մեկով, բացառությամբ այն դեպքերի, երբ ապաստարանն ակտիվորեն գովազդում է իր հաստատության մասին տեղեկությունները

Կոնտենտի հրապարակում կամ այլոց բժշկական, հոգեբանական, կենսաչափական կամ գենետիկ/ժառանգական տեղեկությունների պահանջ (այդ թվում, երբ վիզուալ կերպով ցուցադրվում են կամ տարածվում են աուդիոների կամ տեսանյութների միջոցով), երբ ակնհայտ է, որ տեղեկությունները վերցված են բժշկական գրառումներից կամ այլ պաշտոնական փաստաթղթերից:

Կոնտենտի հրապարակում կամ անձնական ֆինանսական տեղեկությունների պահանջում գրառման հեղինակի կամ այլոց մասին, որը սահմանվում է որպես անձի անհատական ֆինանսների մասին տեղեկատվություն, այդ թվում՝

Ոչ հրապարակային ֆինանսական գրառումներ կամ հաշվետվություններ:
Բանկային հաշվեհամարներ՝ անվտանգության կամ PIN կոդերով։
Թվային վճարման եղանակների մասին տեղեկություններ՝ մուտքի տվյալներով, անվտանգության կամ PIN կոդերով:
Կրեդիտային կամ դեբետային քարտերի վերաբերյալ տեղեկություններ՝ վավերականության ամսաթվերով կամ անվտանգության PIN կոդերով կամ ծածկագրերով:

Կոնտենտի հրապարակում կամ բիզնեսի կամ կազմակերպության ոչ հրապարակային ֆինանսական տեղեկությունների պահանջում, որը սահմանվում է որպես բիզնեսի կամ կազմակերպության ֆինանսների մասին տեղեկություններ, բացառությամբ այն դեպքերի, երբ սկզբնապես հրապարակվել է հենց կազմակերպության կողմից (ներառյալ՝ հետագա հրապարակումները, որոնց սկզբնական համատեքստն անփոփոխ է) կամ հրապարակվել են հրապարակային հաղորդման պահանջների միջոցով (օրինակ՝ ինչպես պահանջվում է ֆոնդային բորսաների կամ կարգավորող գերատեսչությունների կողմից), ներառյալ՝

Ոչ հրապարակային ֆինանսական գրառումներ կամ հաշվետվություններ
Բանկային հաշվեհամարներ՝ անվտանգության կամ PIN կոդերով։
Թվային վճարման եղանակների մասին տեղեկություններ՝ մուտքի տվյալներով, անվտանգության կամ PIN կոդերով:

Կոնտենտ, որը հրապարակող անձը պնդում կամ հաստատում է, որ ստացել է տեղեկությունները որևէ կոտրված աղբյուրից՝ անկախ նրանից՝ տուժած անձը հասարակական գործիչ է, թե մասնավոր անհատ: