Ատելությամբ լցված վարքագիծ

Քաղաքականության մանրամասներ
Օգտատիրոջ գործառնություններ
Տվյալներ

Քաղաքականության մանրամասները

ՓՈՓՈԽՈՒԹՅՈՒՆՆԵՐԻ ՄԱՏՅԱՆ
Քաղաքականության հիմնավորում
Մենք հավատում ենք, որ մարդիկ ավելի ազատ են հրապարակումներ անում և կապ հաստատում, երբ իրենց թիրախավորված չեն զգում՝ ելնելով իրենց ով լինելու հանգամանքից: Այդ իսկ պատճառով, մենք թույլ չենք տալիս ատելությամբ լցված վարքագիծ Facebook-ում, Instagram-ում կամ Threads-ում:
Մենք սահմանում ենք ատելությամբ լցված վարքագիծը որպես ուղղակի հարձակումներ մարդկանց դեմ, այլ ոչ թե գաղափարների կամ ինստիտուտների դեմ՝ ելնելով այն ամենից, ինչ մենք անվանում ենք պաշտպանված առանձնահատկություններ (ՊԱ)՝ ռասա, էթնիկ պատկանելություն, ազգային ծագում, հաշմանդամություն, կրոնական պատկանելություն, կաստա, սեռական կողմնորոշում, սեռ, գենդերային ինքնություն և լուրջ հիվանդություն: Բացի այդ, մենք տարիքը համարում ենք պաշտպանված առանձնահատկություն, երբ այն հիշատակվում է մեկ այլ պաշտպանված առանձնահատկության հետ միասին: Մենք նաև պաշտպանում ենք փախստականներին, միգրանտներին, ներգաղթյալներին և ապաստան հայցողներին ամենադաժան հարձակումներից (1-ին մակարդակ ստորև), թեև թույլ ենք տալիս մեկնաբանություններ և քննադատություն ներգաղթային քաղաքականության վերաբերյալ: Նույն կերպ, մենք տրամադրում ենք որոշ պաշտպանություններ չպաշտպանված առանձնահատկությունների համար, ինչպես օրինակ՝ զբաղվածությունը, եթե դրանք հիշատակվում են պաշտպանված առանձնահատկությունների հետ միասին: Երբեմն, ելնելով տեղական նրբերանգից՝ մենք որոշ բառեր կամ արտահայտություններ համարում ենք որպես պաշտպանված առանձնահատկություններով խմբերի համար հաճախ օգտագործվող համեմատություններ:
Մենք հեռացնում ենք նվաստացուցիչ խոսքը, լուրջ անբարոյականության կամ հանցավորության մասին մեղադրանքները և հայհոյանքները: Մենք նաև հեռացնում ենք վնասակար կարծրատիպերը, որոնք մենք սահմանում ենք որպես նվաստացուցիչ համեմատություններ, որոնք պատմականորեն օգտագործվել են հատուկ խմբերի դեմ հարձակվելու, նրանց վախեցնելու կամ բացառելու համար, և որոնք հաճախ կապված են անցանց բռնության հետ: Ի վերջո, մենք հեռացնում ենք լուրջ վիրավորանքները, արհամարհանքի կամ զզվանքի արտահայտությունները, հայհոյանքները և բացառման կամ տարանջատման կոչերը, երբ թիրախավորում են մարդկանց՝ հիմնված պաշտպանված առանձնահատկությունների վրա: Մենք բաժանում ենք այս խոսքը ստորև նկարագրված խստության երկու աստիճանի:
Մենք գիտակցում ենք, որ մարդիկ երբեմն հրապարակում են կոնտենտ, որը ներառում է հայհոյանքներ կամ ուրիշի ատելության խոսք՝ տվյալ խոսքը դատապարտելու կամ դրա մասին հաղորդելու նպատակով: Այլ դեպքերում խոսքը, ներառյալ՝ հայհոյանքները, որոնք այլ կերպ կարող են խախտել մեր ստանդարտները, օգտագործվում են որպես ինքնահղում կամ որպես իրավունքների և հնարավորությունների ընդլայնման միջոց։ Մենք թույլ ենք տալիս այս տեսակի ելույթը, որտեղ խոսողի մտադրությունը պարզ է: Եթե մտադրությունն անհասկանալի է, մենք կարող ենք հեռացնել կոնտենտը։
Մարդիկ երբեմն օգտագործում են որևէ սեռի կամ գենդերի բացառիկ լեզու, երբ քննարկում են մուտքը սեռով կամ գենդերով սահմանափակող տարածքներ, ինչպես օրինակ մուտքը լոգարաններ, հատուկ դպրոցներ, հատուկ զինվորական հաստատություններ, իրավապահ մարմիններ կամ դասավանդող դերեր, ինչպես նաև առողջապահական կամ աջակցող խմբեր: Այլ ժամանակներում նրանք կոչ են անում բացառել կամ վիրավորական արտահայտություններ են օգտագործում քաղաքական կամ կրոնական թեմաների քննարկման համատեքստում, օրինակ՝ տրանսգենդերների իրավունքների, ներգաղթի կամ միասեռականության մասին խոսելիս: Վերջապես, երբեմն մարդիկ հայհոյանք են արտահայտում հակառակ սեռի նկատմամբ սիրելիից բաժանման համատեքստում: Մեր քաղաքականությունները նախագծված են այնպես, որ հնարավորություն ընձեռվի այս տեսակի խոսքի համար:
Մի՛ հրապարակեք՝
Մակարդակ 1
Կոնտենտ, որը թիրախավորում է որևէ անձի կամ մարդկանց խմբի (բացառությամբ այն խմբերի, որոնք նկարագրվում են, որ կատարել են բռնի հանցագործություններ կամ սեռական բնույթի հանցագործություններ, կամ որոնք ներկայացնում են խմբի կեսից պակաս մասը)՝ իրենց վերոհիշյալ պաշտպանված առանձնահատկության (առանձնահատկությունների) կամ ներգաղթային կարգավիճակի հիման վրա գրավոր կամ պատկերավոր ձևով՝
  • Նվաստացուցիչ խոսք կենդանիների, պաթոգենների կամ այլ ենթամարդկային կյանքի ձևերի համեմատության կամ ընդհանրացման տեսքով, ներառյալ.
    • Թրթուրներ (ներառյալ, բայց չսահմանափակվելով՝ ուտիճներ, մորեխներ)
    • Կենդանիներ՝ ընդհանուր կամ կենդանիների հատուկ տեսակներ, որոնք մշակութային առումով ընկալվում են որպես ստորադաս (ներառյալ, բայց չսահմանափակվելով հետևյալով՝ սև մարդիկ և կապիկներ կամ կապիկների նման արարածներ, Հրեաներ և առնետներ, Մուսուլմաններ և խոզեր, Մեքսիկացիներ և ճիճուներ)
    • Բակտերիաներ, վիրուսներ կամ միկրոբներ
    • Ենթամարդկայնություն (ներառյալ, բայց չսահմանափակվելով հետևյալով՝ վայրենիներ, սատանաներ, հրեշներ)
  • Լուրջ անբարոյականության և հանցավորության մեղադրանքներ.
    • Սեռական գիշատիչներ և մանկապիղծներ (ներառյալ, բայց չսահմանափակվելով հետևյալով՝ մուսուլմաններ, ովքեր սեքսով են զբաղվում այծերի կամ խոզերի հետ)
    • Բռնի հանցագործներ (ներառյալ, բայց չսահմանափակվելով ահաբեկիչներով, մարդասպաններով)
  • Կոչեր և հույսեր հետևյալ վնասների համար (լուրջ կամ հատուկ սպառնալիքները և բռնության կոչերն ընդգրկված են Բռնության և հրահրման մեր քաղաքականության մեջ).
    • Հիվանդություն ձեռք բերելը
    • Բնական աղետի փորձառություն
    • Ինքնավնասում կամ ինքնասպանություն
    • Մահ՝ առանց նշելու հանցագործին կամ ձևը
    • Դժբախտ պատահարներ և այլ ֆիզիկական վնասներ, որոնք չեն առաջացել որևէ մեղավոր կողմից, կամ որոնք առաջացել են՝ որպես բնական աղետ
  • Վնասակար կարծրատիպեր, որոնք պատմականորեն կապված են ահաբեկման կամ բռնության հետ, օրինակ՝ Blackface, Հոլոքոստի ժխտում, պնդում է, որ հրեա ժողովուրդը վերահսկում է ֆինանսական, քաղաքական կամ լրատվական հաստատությունները, և հիշատակումներ Դալիթներին՝ որպես ստոր բանվորների, կամ սևամորթներին գյուղատնտեսական տեխնիկայի հետ համեմատելը:
  • Ատելության հողի վրա կատարվող հանցագործությունների հայեցակարգի, դեպքերի կամ զոհերի ծաղրումը, նույնիսկ եթե ոևէ իրական անձ պատկերված չէ նկարում։
  • Մարդկանց ծաղրելը որևէ հիվանդություն ունենալու կամ ձեռք բերելու համար:
  • Կոնտենտ, որը նկարագրում կամ բացասաբար է հասցեագրում մարդկանց: Հայհոյանքները սահմանվում են որպես բառեր, որոնք ի սկզբանե ստեղծում են բացառման և ահաբեկման մթնոլորտ մարդկանց դեմ՝ պաշտպանված որևէ խմբի պատկանելիության որևէ առանձնահատկության հիման վրա, հաճախ այն պատճառով, որ այս բառերը կապված են պատմական խտրականության, ճնշումների և բռնության հետ:
Մակարդակ 2
Կոնտենտ, որը թիրախավորում է որևէ անձի կամ մարդկանց խմբի՝ հիմնվելով նրանց պաշտպանված առանձնահատկության (առանձնահատկությունների) վրա (գրավոր կամ պատկերավոր ձևով)՝
  • Բացառման կամ տարանջատման կոչեր կամ աջակցություն կամ բացառելու կամ տարանջատելու մտադրության մասին հայտարարություններ, որոնք սահմանվում են որպես.
    • Ընդհանուր բացառում, որը նշանակում է ընդհանուր բացառման կամ տարանջատման կոչ անել, ինչպես օրինակ՝ «X-ը չի թույլատրվում»:
    • Քաղաքական բացառում, որը նշանակում է քաղաքական մասնակցության իրավունքի մերժում կամ բանտարկության կամ քաղաքական իրավունքների ժխտման համար վիճաբանություն:
    • Տնտեսական բացառում, որը նշանակում է տնտեսական իրավունքների հասանելիության ժխտում և աշխատաշուկայում մասնակցության սահմանափակում: Մենք թույլ ենք տալիս կոնտենտ, որը հիմնավորում է զինվորական, իրավապահ մարմինների և ուսուցչական աշխատանքների գենդերային սահմանափակումները: Մենք նաև թույլ ենք տալիս նույն կոնտենտը՝ հիմնված սեռական կողմնորոշման վրա, երբ կոնտենտը հիմնված է կրոնական համոզմունքների վրա:
    • Սոցիալական բացառում, ինչը նշանակում է այնպիսի բաներ, ինչպիսիք են տարածքների (ֆիզիկական և առցանց) և սոցիալական ծառայությունների հասանելիության մերժումը, բացառությամբ սեռի կամ գենդերի վրա հիմնված բացառումներից այն տարածքներից, որոնք սովորաբար սահմանափակվում են սեռով կամ գենեցերով, ինչպիսիք են զուգարանները, սպորտաձևերը և սպորտային լիգաները, առողջության և աջակցության խմբերը, և հատուկ դպրոցները։
  • Վիրավորանքներ, այդ թվում՝
    • Բնավորություն, ներառյալ, բայց չսահմանափակվելով վախկոտության, անազնվության, տարրական հանցագործության և սեռական անառակության կամ այլ սեռական անբարոյականության մասին պնդումներով:
    • Հոգեկան բնութագրերը, ներառյալ, բայց չսահմանափակվելով հիմարության, ինտելեկտուալ կարողությունների և հոգեկան հիվանդության մասին պնդումներով, ինչպես նաև ՊԱ խմբերի միջև չհիմնավորված համեմատություններ՝ հիմնված բնածին ինտելեկտուալ կարողությունների վրա: Մենք թույլ ենք տալիս մտավոր հիվանդության կամ աննորմալության մասին պնդումները, երբ հիմնված են գենդերի կամ սեռական կողմնորոշման վրա, հաշվի առնելով տրանսգենդերիզմի և համասեռամոլության մասին քաղաքական և կրոնական դիսկուրսը և «տարօրինակ» բառերի սովորական ոչ լուրջ օգտագործումը:
    • Այլ ոլորտներ, ներառյալ, բայց չսահմանափակվելով անարժեքության, անօգուտության, այլանդակության, կեղտոտության մասին պնդումներով:
  • Արտահայտություններ, որոնք հուշում են, որ թիրախն առաջացնում է տհաճություն, ներառյալ, բայց չսահմանափակվելով հետևյալով՝ «ցանկանում եմ փսխել»:
  • Թիրախավորված հայհոյանք, բացառությամբ որոշակի սեռին ուղղված հայհոյանքների զույգերի բաժանման համատեքստում, որը սահմանվում է որպես՝
    • «fuck»-ի թիրախավորված օգտագործումը կամ «fuck»-ի տարբերակումները վիրավորելու մտադրությամբ, ինչպես օրինակ՝ «fuck [Պաշտպանված առանձնահատկությամբ] որևէ անձի»:
    • Սեռական բնույթի գործողություններին կամ սեռական օրգանների, հետանցքի, կղանքի կամ մեզի հետ շփմանը վերաբերող տերմիններ կամ արտահայտություններ, ներառյալ, բայց չսահմանափակվելով հետևյալով՝ ծծիր առնանդամս, համբուրիր հետույքս, կղանք կեր:
Համայնքի հետևյալ ստանդարտների կիրառման համար մենք պահանջում ենք լրացուցիչ տեղեկություններ և/կամ ենթատեքստ՝
Մի՛ հրապարակեք՝
  • Կոնտենտ, որը բացահայտորեն տրամադրում է կամ առաջարկում է տրամադրել ապրանքներ կամ ծառայություններ, որոնք նպատակ ունեն փոխել մարդկանց սեռական կողմնորոշումը կամ գենդերային ինքնությունը:
  • Կոնտենտ, որը հարձակվում է պաշտպանված առանձնահատկությունների հետ կապված հասկացությունների, ինստիտուտների, գաղափարների, գործելակերպերի կամ համոզմունքների վրա, որոնք, ամենայն հավանականությամբ, կարող են նպաստել այդ պաշտպանված առանձնահատկության հետ կապված մարդկանց նկատմամբ անմիջական ֆիզիկական վնասին, ահաբեկմանը կամ խտրականությանը: Meta-ն ուսումնասիրում է մի շարք նշաններ՝ պարզելու, թե արդյոք կոնտենտի մեջ վնասի վտանգ կա: Դրանք ներառում են, բայց չեն սահմանափակվում հետևյալով՝ կոնտենտ, որը կարող է հրահրել մոտալուտ բռնություն կամ ահաբեկում, արդյոք առկա է մեծ լարվածություն ունեցող ժամանակահատված, ինչպիսիք են ընտրությունները կամ շարունակվող հակամարտությունները, և արդյոք կա որևէ թիրախավորված պաշտպանված խմբի նկատմամբ բռնության վերջերս գրանցված դեպք: Որոշ դեպքերում մենք կարող ենք նաև հաշվի առնել, թե արդյոք խոսնակը հասարակական գործիչ է, կամ արդյոք կառավարական պաշտոն է զբաղեցնում:
Որոշ դեպքերում մենք թույլ կտանք կոնտենտը, որն այլ կերպ կարող է խախտել Համայնքի ստանդարտները, երբ պարզվի, որ կոնտենտը երգիծական է: Կոնտենտը թույլատրվում է միայն այն դեպքում, եթե կոնտենտի խախտող տարրերը ներառված են ծաղրի նպատակով կամ վերագրվում են որևէ բանի կամ որևէ մեկին՝ վերջիններիս ծաղրելու կամ քննադատելու համար։
Նշում. եթե Դուք Եվրոպական միության օգտատեր եք և տեսնում եք կոնտենտ, որը, Ձեր կարծիքով, խախտում է ատելության խոսքի մասին օրենքները Ձեր երկրում, կարող եք իրավական հեռացման հայտ ներկայացնել Facebook-ում կամ Instagram-ում:
Օգտատիրոջ գործառնություններ
Տեսեք որոշ օրինակներ, թե ինչ տեսք ունի ստանդարտների կիրառումը Facebook-ի մարդկանց համար, օրինակ՝ ինչ տեսք ունի, երբ հաղորդում եք մի բանի մասին, որը, ըստ Ձեզ, չպետք է լինի Facebook-ում, երբ Ձեզ ասում են, որ Դուք խախտել եք մեր Համայնքի ստանդարտները և երբ տեսնում եք նախազգուշացնող էկրան որոշակի կոնտենտի համար։
Նշում. Մենք միշտ կատարելագործում ենք մեր ծառայությունները, ուստի այն, ինչ Դուք տեսնում եք այստեղ, կարող է մի փոքր հնացած լինել՝ համեմատած այն ամենի հետ, ինչ մենք ներկայումս օգտագործում ենք:
ՕԳՏԱՏԻՐՈՋ ԳՈՐԾԱՌՆՈՒԹՅՈՒՆ
Հաղորդում
ՕԳՏԱՏԻՐՈՋ ԳՈՐԾԱՌՈՒԹՅՈՒՆ
Հաղորդմանը հաջորդող հաղորդակցություն
ՕԳՏԱՏԻՐՈՋ ԳՈՐԾԱՌՈՒԹՅՈՒՆ
Հեռացման գործողություններ
ՕԳՏԱՏԻՐՈՋ ԳՈՐԾԱՌՈՒԹՅՈՒՆ
Նախազգուշացնող էկրաններ
Տվյալներ
Դիտել Համայնքի ստանդարտների կիրառման վերջին հաշվետվությունը
Ստանդարտների կիրառում
Մեր քաղաքականությունը նույնն է ամբողջ աշխարհում բոլորի համար Facebook-ում:
Ստուգող թիմեր
Ավելի քան 15000 ստուգողներից բաղկացած մեր համաշխարհային թիմն ամեն օր աշխատում է Facebook-ում մարդկանց անվտանգ պահելու համար:
Շահագրգիռ կողմերի ներգրավվածությունը
Արտաքին փորձագետները, գիտնականները, ՀԿ-ները և քաղաքականություն մշակողները օգնում են տեղեկացնել Facebook-ի Համայնքի ստանդարտների մասին:
Ստացեք օգնություն ատելությամբ լցված վարքագծի հետ կապված
Իմացեք, թե ինչ կարող եք անել, եթե Facebook-ում տեսնեք ինչ-որ բան, որը հակասում է մեր Համայնքի ստանդարտներին:
Այցելեք մեր Օգնության կենտրոն