Չափահասների սեռական շահագործում

Քաղաքականության մանրամասները
Օգտատիրոջ գործառնություններ

Քաղաքականության մանրամասները

ՓՈՓՈԽՈՒԹՅՈՒՆՆԵՐԻ ՄԱՏՅԱՆ
Քաղաքականության հիմնավորում
Մենք գիտակցում ենք մեր ծառայությունների կարևորությունը՝ որպես սեռական բռնության և շահագործման երևույթները քննարկելու և դրանց վրա ուշադրություն հրավիրելու վայր։ Մենք կարծում ենք, որ սա ընդհանուր փոխըմբռնման և համայնքի կառուցման կարևոր մասն է: Այսպիսի խոսակցության համար տարածք ստեղծելու և անվտանգ միջավայր ապահովելու նպատակով մենք տուժածներին թույլ ենք տալիս կիսվել իրենց փորձով, բայց մենք հեռացնում ենք սեռական բռնություն, սեռական ոտնձգություն կամ սեռական շահագործում պատկերող, դրանց սպառնացող կամ դրանք խթանող կոնտենտը: Մենք նաև հեռացնում ենք այն կոնտենտը, որը ցուցադրում, պաշտպանում կամ համակարգում է սեռական գործողություններ իրենց համաձայնությունը չտված կողմերի հետ՝ չնպաստելու առանց համաձայնության սեռական գործողություններին: Ավելին, եթե մենք իմանանք բռնաբարությանը սպառնացող կամ դրան աջակցող որևէ կոնտենտի մասին, մենք կարող ենք ոչ միայն հեռացնել կոնտենտը, այլև անջատել հրապարակման հաշիվը և համագործակցել իրավապահ մարմինների հետ:
Տուժածներին պաշտպանելու համար մենք հեռացնում ենք այն նկարները, որոնք պատկերում են սեռական բռնության դեպքեր և սեռական բնույթի տեսարաններ, որոնք հրապարակվել են առանց պատկերված անձի (անձանց) համաձայնության: Ինչպես նշվեց ներածության մեջ, մենք նաև աշխատում ենք անվտանգության արտաքին փորձագետների հետ՝ առցանց անվտանգության խնդիրների շուրջ մեր քաղաքականությունները և դրանց կիրարկումը քննարկելու և բարելավելու համար, և մենք կարող ենք հեռացնել կոնտենտը, երբ մենք ստանում ենք տեղեկություններ, որ կոնտենտը կապված է վնասակար գործունեության հետ: Մենք գրել ենք տեխնոլոգիաների մասին, որոնք օգտագործում ենք՝ առանց համաձայնության արված սեռական բնույթի նկարներից մարդկանց պաշտպանելու համար և հետազոտության մասին, որն ընկած է մեր աշխատանքի հիմքում: Մենք նաև ռեսուրսներ ենք հավաքել՝ հաղորդելու Meta-ի թույլտվության բացակայության դեպքում սպառնալիքների և ինտիմ նկարների մասին՝ մարդկանց ինտիմ նկարների առցանց տարածումn ակտիվորեն կանխարգելելու համար:
Մենք թույլ չենք տալիս.
Կոնտենտ, որը պատկերում է, աջակցում կամ ծաղրում է առանց համաձայնության սեռական հպումը, ներառյալ՝
  • Նկարներ, որոնք պատկերում են առանց համաձայնության սեռական հպում (բացառությամբ իրական աշխարհի արվեստի, որտեղ պատկերված են ոչ իրական մարդիկ, դատապարտող կամ չեզոք ենթագրով)
  • Հայտարարություններ, որոնք փորձում են կամ սպառնում են կիսվել, առաջարկում են կամ պահանջում են նկարներ, որոնք պատկերում են առանց համաձայնության սեռական հպումներ
  • Առանց համաձայնության սեռական հպման նկարագրություններ, բացառությամբ այն դեպքերի, երբ հրապարակվում է տուժողի կողմից կամ ի աջակցություն նրա
  • Պաշտպանություն (ներառյալ՝ նկրտումային և պայմանական հայտարարությունները)՝ կապված առանց համաձայնության սեռական հպում կատարելու սպառնալիքների կամ մասնակցության ընդունման հետ
  • Կոնտենտ, որը ծաղրում է տուժողներին կամ առանց համաձայնության սեռական բնույթի հպումների հայեցակարգը
  • Երրորդ կողմի կողմից հրապարակված կոնտենտ, որը բացահայտում է սեռական ոտնձգությունից տուժողների ինքնությունը, երբ այդ մասին հաղորդում է տուժողը
Կոնտենտ, գործողություններ կամ փոխազդեցություններ, որոնք փորձում են մարդկանց շահագործել հետևյալ կերպ՝
  • Փողի, ծառայությունների կամ սեռական բնույթի նկարների շորթում մարդկանցից՝ սպառնալով բացահայտել նրանց սեռական բնույթի նկարները կամ սեռական բնույթի տեղեկությունները (սեռական բնույթի շանտաժ)
  • Առանց համաձայնության արված ինտիմ բնույթի նկարների (ԱՀԻՆ) հրապարակում, հրապարակման սպառնում, հրապարակման մտադրության հայտնում, առաջարկ կամ խնդրանք, որոնք համապատասխանում են հետևյալ երեք պայմաններին՝
    • Նկարները ոչ կոմերցիոն են և արված են որևէ մասնավոր հաստատությունում:
    • Նկարում պատկերված անձը (գրեթե) մերկ է, զբաղվում է սեռական բնույթի գործողություններով կամ գտնվում է սեռական գործողություններ առաջարկվող դիրքում (սա ներառում է թվայնորեն ստեղծված կամ ԱԲ-ի կողմից ստեղծված նկարները):
    • Նկարները հրապարակելու համաձայնության բացակայությունը հաստատվում է հետևյալ ազդանշաններից որևէ մեկի առկայությամբ՝
      • Վրեժխնդիր ենթատեքստ (ինչպես օրինակ՝ ենթագիր, մեկնաբանություններ կամ էջի վերնագիր)։
      • Անկախ աղբյուրներ, ինչպիսիք են իրավապահ մարմինների գրառումները, ԶԼՄ-ների հաղորդումները (օրինակ՝ լրատվամիջոցների կողմից հաստատված նկարների արտահոսքը) կամ ԱՀԻՆ-ից տուժողի ներկայացուցիչները
      • Հաղորդում նկարում պատկերված անձից կամ նկարում պատկերված անձի նույն անունն ունեցող անձից:
  • Խթանում է, սպառնում է կիսվել կամ առաջարկում է անել ԱՀԻՆ կամ համբույրի նկարներ հավելվածների կամ ծառայությունների (ներառյալ ԱԲ) կամ հրահանգների միջոցով, նույնիսկ եթե կոնտենտում չկան (գրեթե) մերկ կոմերցիոն կամ ոչ կոմերցիոն նկարներ (երբեմն անվանում են «մերկացնելու» կամ «ԱԲ ​​​​համբույրի» հավելվածներ):
  • Գաղտնի կերպով նկարահանված ոչ կոմերցիոն նկարների հրապարակումը, որոնք կենտրոնացած են անձի մարմնի սովորաբար սեռականացված մասերի (օրինակ՝ կրծքեր, աճուկ, հետույք կամ ազդրեր), սեռական ենթատեքստ ունեցող անձի կամ սեռական գործունեությամբ զբաղվող անձի վրա, և որոնք հրապարակվում են նկարում պատկերված անձին ծաղրելու, սեռականացնելու կամ ինքնությունը բացահայտելու մտադրությամբ։ Այս նկարները սովորաբար հայտնի են որպես «գաղտնի նկարներ» կամ «հագուստի տակից արված լուսանկարներ»։
  • Հրապարակում է, սպառնում է հրապարակել կամ հայտնում է մասնավոր սեռական բնույթի խոսակցություններով կիսվելու մտադրության մասին, որտեղ կիսվելու համաձայնության բացակայությունը նշվում է հետևյալով՝
    • Վրեժխնդիր ենթատեքստ և/կամ սպառնացող ենթատեքստ,
    • Անկախ աղբյուրներ, ինչպիսիք են լրատվամիջոցներով լուսաբանումը կամ իրավապահ մարմինների գրառումները, կամ
    • Հաղորդում նկարում պատկերված անձից կամ նկարում պատկերված անձի նույն անունն ունեցող անձից
Նեկրոֆիլիայի կամ հարկադիր մերկացման հետ կապված կոնտենտ, ներառյալ՝
  • Նկարներ, որոնք պատկերում են նեկրոֆիլիա կամ հարկադիր մերկացում (բացառությամբ իրական աշխարհի արվեստի, որտեղ պատկերված են ոչ իրական մարդիկ, դատապարտող կամ չեզոք ենթագրով
  • Հայտարարություններ, որոնք փորձում են կիսվել, առաջարկել, խնդրել կամ սպառնում են կիսվել նեկրոֆիլիայի կամ հարկադիր մերկացման նկարներով
  • Հայտարարություններ, որոնք պարունակում են նկարագրություններ, պաշտպանություն, ձգտում կամ պայմանական հայտարարություններ, մտադրության մասին հայտարարություններ կամ գործողության կոչեր, նեկրոֆիլիայի կամ հարկադիր մերկացման տուժողների մասնակցության կամ ծաղրի ընդունում
Հետևյալ կոնտենտի դեպքում մենք նախազգուշացնող էկրան ենք ներառում, որպեսզի մարդիկ տեղյակ լինեն, որ որոշ դեպքերում կոնտենտը կարող է անհանգստացնող լինել՝
Պնդումներ և հայտարարություններ, որոնք պարունակում են առանց համաձայնության սեռական բնույթի հպումների նկարագրություն (գրավոր կամ բանավոր), որը ներառում է մանրամասներ՝ բացի արարքի զուտ անվանումից կամ գործողության հիշատակումից, եթե՝
  • Հրապարակվել է տուժողի կողմից, կամ
  • Հրապարակվել է որևէ երրորդ կողմի կողմից (բացի տուժողից)՝ ի պաշտպանություն տուժողի կամ արարքը դատապարտելու կամ ընդհանուր իրազեկության համար՝ կախված ենթատեքստից/ենթագրից։
Համայնքի հետևյալ ստանդարտների կիրառման համար մենք պահանջում ենք լրացուցիչ տեղեկություններ և/կամ ենթատեքստ՝
Մենք կարող ենք սահմանափակել տեսանելիությունը 18 տարեկանից բարձր մարդկանց համար և նախազգուշացնող պիտակ ներառել որոշակի կոնտենտի վրա ներառյալ՝
  • Կոնտենտ, որը պատկերում է առանց համաձայնության սեռական բնույթի հպում, երբ՝
    • Հրապարակվել է իրազեկությունը բարձրացնելու համար (առանց զվարճանքի կամ սենսացիոն ենթատեքստի),
    • Տուժողը նույնականացված չէ, և
    • Կոնտենտը չի ներառում մերկություն
  • Կոնտենտ, որը պատկերում է հորինված առանց համաձայնության սեռական հպում (ֆիլմերի թրեյլերներ և այլն), երբ հրապարակվում է վստահելի գործընկերների կողմից՝ իրազեկությունը բարձրացնելու համար, և առանց սենսացիոն ենթատեքստի է
Մենք կարող ենք սահմանափակել տեսանելիությունը 18 տարեկանից բարձր մարդկանց համար և զգուշացնող պիտակ ներառել որոշակի կոնտենտի վրա, որը պատկերում է առանց համաձայնության սեռական հպումներ, երբ այն հրապարակվում է իրազեկությունը բարձրացնելու նպատակով և առանց զվարճանքի կամ սենսացիոն համատեքստի, որտեղ զոհը կամ տուժողը չի նույնականացվում, և որտեղ կոնտենտը չի ներառում մերկություն:
Ի լրումն մեր լայնածավալ քաղաքականության, որն ուղղված է հեռացնելու կոնտենտը, որը սպառնում է կամ պաշտպանում է բռնաբարությունը կամ առանց համաձայնության սեռական բնույթի այլ հպումները՝ մենք կարող ենք նաև անջատել հրապարակող հաշիվը:
Մենք կարող ենք նաև միջոցներ ձեռնարկել այն կոնտենտի նկատմամբ, որը հրապարակվել է որևէ երրորդ կողմի կողմից, որը բացահայտում է սեռական ոտնձգությունից տուժածներին, երբ այդ մասին հաղորդում է որևէ լիազորված ներկայացուցիչ կամ վստահելի գործընկեր:
Օգտատիրոջ գործառնություններ
Տեսեք որոշ օրինակներ, թե ինչ տեսք ունի ստանդարտների կիրառումը Facebook-ի մարդկանց համար, օրինակ՝ ինչ տեսք ունի, երբ հաղորդում եք մի բանի մասին, որը, ըստ Ձեզ, չպետք է լինի Facebook-ում, երբ Ձեզ ասում են, որ Դուք խախտել եք մեր Համայնքի ստանդարտները և երբ տեսնում եք նախազգուշացնող էկրան որոշակի կոնտենտի համար։
Նշում. Մենք միշտ կատարելագործում ենք մեր ծառայությունները, ուստի այն, ինչ Դուք տեսնում եք այստեղ, կարող է մի փոքր հնացած լինել՝ համեմատած այն ամենի հետ, ինչ մենք ներկայումս օգտագործում ենք:
ՕԳՏԱՏԻՐՈՋ ԳՈՐԾԱՌՆՈՒԹՅՈՒՆ
Հաղորդում
ՕԳՏԱՏԻՐՈՋ ԳՈՐԾԱՌՈՒԹՅՈՒՆ
Հաղորդմանը հաջորդող հաղորդակցություն
ՕԳՏԱՏԻՐՈՋ ԳՈՐԾԱՌՈՒԹՅՈՒՆ
Հեռացման գործողություններ
ՕԳՏԱՏԻՐՈՋ ԳՈՐԾԱՌՈՒԹՅՈՒՆ
Նախազգուշացնող էկրաններ
Ստանդարտների կիրառում
Մեր քաղաքականությունը նույնն է ամբողջ աշխարհում բոլորի համար Facebook-ում:
Ստուգող թիմեր
Ավելի քան 15000 ստուգողներից բաղկացած մեր համաշխարհային թիմն ամեն օր աշխատում է Facebook-ում մարդկանց անվտանգ պահելու համար:
Շահագրգիռ կողմերի ներգրավվածությունը
Արտաքին փորձագետները, գիտնականները, ՀԿ-ները և քաղաքականություն մշակողները օգնում են տեղեկացնել Facebook-ի Համայնքի ստանդարտների մասին:
Ստացեք օգնություն չափահասների սեռական շահագործման վերաբերյալ
Իմացեք, թե ինչ կարող եք անել, եթե Facebook-ում տեսնեք ինչ-որ բան, որը հակասում է մեր Համայնքի ստանդարտներին:
Այցելեք մեր Օգնության կենտրոն