Vyolans ak Ensitasyon

Detay sou Politik yo
Eksperyans Itilizatè yo
Done

Detay sou politik la

JOUNAL MODIFIKASYON
Jistifikasyon Politik la
Objektif nou se pou prevwa chans pou gen vyolans ki pa fèt anliy ki gen rapò ak kontni sou platfòm nou yo. Menm si nou konprann moun yo souvan eksprime degoutans oswa dezakò yo pandan y ap menase oswa mande pou gen vyolans yon fason ki pa serye, nou retire pawòl ki ankouraje oswa fasilite vyolans oswa menas serye sou sekirite Piblik oswa pèsonèl. Sa gen ladan diskou vyolan ki vize yon moun oswa yon gwoup moun sou baz karakteristik yo pwoteje oswa sou estati imigre yo. Nou retire kontni, dezaktive kont yo, epi nou kapab travay ak fòs delòd yo lè nou kwè gen yon risk reyèl danje fizik oswa yon menas dirèk kont sekirite piblik la. Epitou, nou konsidere lang ak kontèks la pou nou kapab distenge deklarasyon ki fèt pa okasyon oswa deklarasyon sansibilizasyon pou kontni ki konstitiye yon menas kredib pou sekirite piblik oswa pèsonèl. Pou detèmine si yon menas kredib, nou ka konsidere enfòmasyon anplis tankou vizibilite piblik yon moun ak risk pou sekirite fizik li tou.
Nan kèk ka, nou wè menas vyolans aspirasyonèl oswa kondisyonèl, ki gen ladan ekspresyon espwa yo pral komèt yon, k ap dirije kont teworis ak lòt aktè vyolan yo (egzanp, "Teworis yo merite pou yo touye yo," "Mwen espere y ap touye teworis yo") . Nou konsidere yo pa kredib, san prèv espesifik kontrè a.
Nou Retire:
Nou retire menas vyolans kont divès kalite sib. Menas vyolans yo se deklarasyon oswa imaj ki reprezante yon entansyon, anvi oswa ankouraje vyolans kont yon sib, epi menas yo kapab eksprime nan diferan kalite deklarasyon tankou deklarasyon entansyon, mande pou fè yon bagay, defann, ekspresyon lajwa, deklarasyon konkrè oswa deklarasyon kondisyonèl.
Nou pa entèdi menas lè li pataje nan yon kontèks pou kondane oswa fè sansibilizasyon, lè gen menas ki mwens danjere ki fèt nan yon kontèks jwèt espò ki gen kontank, oswa kèk menas kont aktivis ki vyolan yo, tankou gwoup teworis.
Pwoteksyon inivèsèl pou tout moun
Tout moun gen pwoteksyon kont menas sa yo:
  • Menas vyolans ki ka pwovoke lanmò (oswa lòt fòm vyolans ki grav anpil)
  • Menas vyolans ki ka pwovoke blesi grav (vyolans ki grav nan vivo mwayen). Nou retire menas sa yo kont pèsonaj piblik yo ak gwoup ki pa baze sou karakteristik pwoteje yo lè yo kredib, epi nou retire yo kont nenpòt lòt sib (tankou gwoup ki baze sou karakteristik pwoteje) san gade kredibilite yo.
  • Avwe vyolans grav oswa ki grav nan nivo mwayen (otè a oswa yon asosye fè sou fòm ekri oswa vèbal, oswa li reprezante vizyèlman), eksepte lè yo pataje nan yon kontèks redanmsyon, oto-defans, espò kontak grav nan nivo mwayen oswa mwens), oswa lè moun ki la pou fè respekte lalwa yo, militè oswa pèsonèl sekirite leta yo fè sa
  • Menas oswa deskripsyon kidnaping oswa anlèvman, sof si li klè se yon viktim oswa fanmi yo ki pataje kontni an kòm yon siplikasyon pou mande èd, oswa ki pataje l pou enfòmasyon, kondanasyon oswa pou rezon sansibilizasyon.
Plis pwoteksyon pou Granmou Prive, Tout Timoun yo, moun ki plis vilnerab yo ak moun oswa gwoup selon karakteristik pwoteje yo a:
Anplis pwoteksyon inivèsèl pou tout moun, tout granmoun prive yo (lè se yon ki siyale l), timoun ak moun oswa gwoup yo sible yo akoz karakteristik pwoteje yo a, gen pwoteksyon kont menas vyolans ki pa twò grav.
Lòt Vyolans
Anplis tout pwoteksyon ki mansyone pi wo yo, nou retire sa yo:
  • Kontni k ap mande, ofri, oswa admèt pou ofri sèvis ki gen gwo vyolans (pa egzanp, tiyè pwofesyonèl, mèsenè, asasen, mitilasyon pati jenital fi) oswa fè defansè moun k ap itilize sèvis sa yo
  • Enstriksyon sou fabrikasyon oswa itilizasyon zam kote yo montre aklè objektif la se pou blese moun grav oswa touye moun, oswa imaj ki montre oswa fè similasyon rezilta final la, sof si nan kontèks kote kontni an pa gen rapò ak vyolans tankou se fòmasyon pou defans lejitim (pa egzanp fòmasyon pou konba, karate) ak fòmasyon militè
  • Enstriksyon sou fason pou fè oswa itilize eksplozif, sof nan yon kontèks ki di kontni sa fèt pou itilize yon fason ki pa vyolan tankou pou divètisman (pa egzanp, fedatifis ak jwèt videyo komèsyal, lapèch)
  • Menas pou pran zam oswa pou pote zam nan yon kote oswa antre ak fòs nan yon kote (ki gen ladan men pa limite a kote pou adore, etablisman edikasyon, biwo vòt oswa kote yo itilize pou konte vòt oswa administre yon eleksyon), oswa kote ki gen siy tanporè pou montre gen gwo risk vyolans.
  • Menas vyolans ki gen rapò ak vòt, enskripsyon elektè, oswa administrasyon oswa rezilta yon eleksyon, menm si pa gen okenn sib.
  • Fè lwanj vyolans ki baze sou sèks ki swa vyolans patnè entim oswa vyolans ki baze sou lonè
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
Nou Retire:
  • Menas kont ofisye ki la pou fè respekte lalwa yo oswa fonksyonè elektoral yo, san gade sou estati pèsonalite piblik yo oswa sou kredibilite menas la.
  • Deklarasyon ki pa klè kote metòd vyolans lan pa vrèman parèt, men menas la kache oswa pa devwale, menm jan konbinezon ni siyal menas ak siyal kontèks ki nan lis anba montre sa a.
    • Menas: se yon deklarasyon ki pa devwale ki se youn nan bagay sa yo:
      • Pataje nan yon kontèks pou fè vanjans (pa egzanp, ekspresyon dezi ou genyen pou fè yon moun yon bagay ki mal nan lide pou bay repons ak yon plent oswa menas ki ka reyèl, imajine, oswa prevwa)
      • Referans ak ensidan vyolans istorik oswa fiktif (pa egzanp, kontni ki menase lòt moun pandan li ap fè referans ak ensidan vyolans istorik ki te komèt atravè istwa oswa nan yon kontèks fiktif)
      • Aji tankou yon apèl pou aksyon k ap menase moun (pa egzanp, kontni ki ap envite oswa ankouraje lòt moun pou fè aksyon ki kapab lakòz domaj oswa patisipe nan reyalize zak sa yo)
      • Endike konesans oswa pataje enfòmasyon sansib ki kapab ekspoze lòt moun ak domaj (pa egzanp, kontni ki fè konnen oswa enplike enfòmasyon pèsonèl ki kapab fè yon menas vyolans vin pi kredib. Tankou fè konnen yon fason enplisit ou konn adrès kote li rete, lokal kote li ap travay oswa etidye a, trajè li fè chak jou oswa kote li ye aktyèlman)
    • Kontèks
      • Kontèks lokal oswa ekspètiz nan kesyon an konfime deklarasyon an kapab lakòz gen yon vyolans ki fèt.
      • Sib kontni an oswa yon reprezantan otorize siyale kontni an ba nou.
      • Sib la se yon timoun.
  • Menas endirèk pou pote zam nan yon kote, ki gen ladan men pa limite a kote pou adore, etablisman edikasyon, biwo vòt oswa kote yo itilize pou konte vòt oswa administre yon eleksyon (oswa ankouraje lòt moun fè menm bagay la) oswa kote ki gen siy tanporè ki fè konnen gen risk vyolans pou vyolans lan ogmante.
  • Reklamasyon oswa sipozisyon sou koripsyon, iregilarite oswa patipri ki gen rapò ak eleksyon lè yo konbine avèk yon siyal ki montre kontni an menase vyolans (pa egzanp, menas pou pran oswa pote yon zam, deskripsyon vizyèl yon zam, referans a mete dife volontèman, vòl, vandalis), tankou:
    • Sible youn oswa plizyè moun
    • Sible yon kote espesifik (eta oswa yon kote pi piti)
    • Lè sib la pa klè
  • Referans a rasanbleman oswa evènman ki gen rapò ak eleksyon lè yo asosye avèk yon siyal ki montre kontni an reprezante yon menas vyolans (pa egzanp, menas pou pran oswa pote yon zam, deskripsyon vizyèl yon zam, referans sou mete dife volontèman, vòl, vandalis).
  • Menas vyolans kote gravite a wo oswa mwayen nan defans pwòp tèt ou oswa defans yon lòt moun lè kritè ki anba yo ranpli.
    • Kont yon moun (eksepte moun ki ka idantifye apati non yo oswa figi yo, moun ki sible akoz karakteristik pwoteje yo, epi timoun yo)
    • Nan kontèks vvyolasyon domisil la oswa vyolans entèpèsonèl ki pwopòsyonèl ak vyolans yo reponn li an epi ki reprezante yon menas imedya
    • Enpak potansyèl sou vwa gen laviktwa sou risk vyolans iminan an
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Done
Gade dènye Rapò sou Aplikasyon Estanda Kominotè yo
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn èd nan sa ki gen pou wè ak vyolans ak pwovokasyon
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an