Suisid, Oto-agresyon ak Twoub Alimantasyon

Detay sou Politik yo
Eksperyans Itilizatè yo
Done

Detay sou politik la

JOUNAL MODIFIKASYON
Jistifikasyon Politik la
Nou vrèman bay tout nou menm pou moun k ap itilize aplikasyon nou yo toujou rete an sekirite. Nou pale regilyèman avèk ekspè ki espesyalize nan zafè suisid, oto-agresyon pou ede nou elabore politik nou yo ak fason nou fè aplike yo epi nou travay avèk òganizasyon toupatou nan mond lan pou nou ede moun ki nan sitiyasyon detrès.
Byenke nou pa otorize moun selebre oswa fè pwomosyon pou suisid ak oto-agresyon, menm si se ak entansyon an oswa se san entansyon an, nou otorize moun pale sou sijè sa yo paske nou vle sèvis nou yo se yon espas kote moun kapab pataje eksperyans yo, sansibilize lòt moun sou pwoblèm sa yo, epi chèche sipò nan men youn lòt. Nou kapab limite kapasite pou wè kontni sa ki se kontni pou adilt ki gen 18 lane oswa plis yo:
Nou retire kontni ki ankouraje moun touye tèt yo oswa blese pwòp tèt yo, sa ki gen ladan l kontni ki pa reyèl tankou meme yo oswa ilistrasyon ak nenpòt kontni ki chokan kote moun ap blese pwòp tèt yo, kèlkeswa kontèks la. Nou elimine kontni ki genyen ladan li enstriksyon pou konpòtman pèt pwa ekstrèm Epitou, nou retire kontni ki moke moun ki viktim oswa sivivan suisid yo, oto-agresyon yo oswa pwoblèm alimantasyon epi tou nou fè menm bagay la pou reprezantasyon an tan reyèl suisid oswa oto-agresyon. Nou mete yon ekran ki gen kontni sansib devan kontni nou apwouve ki gen pou wè ak rekiperasyon apre tantativ suisid oswa oto-agresyon, men ki kapab genyen imaj ki vrèman deranje moun, (tankou yon sikatris ki geri) epi nou pral limite kapasite pou wè kontni sa ki se kontni pou adilt ki gen 18 lane oswa plis yo
Lè moun pibliye oswa ap chèche kontni ki gen pou wè ak suisid oswa oto-agresyon, nou pral transfere moun sa yo bay òganizasyon lokal ki kapab bay sipò. Epi si ekip Operasyon Kominotè nou an ta santi gen yon danje imedya, n ap kontakte sèvis ijans lokal la pou fè yo jwenn èd. Pou w jwenn plis enfòmasyon, ale sou Sant Sekirite Meta a.
Nan sa ki gen pou wè ak kontni an dirèk, ekspè yo te fè nou konnen si yon moun ap di li gen entansyon touye tèt li nan yon videyo an dirèk, nou ta dwe kite kontni an ap pase pandan valè tan nou kapab, paske plis tan yon moun pase devan yon kamera se plis chans yon zanmi oswa yon fanmi genyen pou li rele sèvis ijans yo. Sepandan, pou minimize risk pou kontni sa a fè enpak sou lòt moun ki wè li, n ap kanpe difizyon andirèk la nan moman menm kote menas la chanje pou l tounen yon tantitiv. Jan nou di sa pi wo a, nan nenpòt sitiyasyon, nou pral kontakte sèvis ijans yo si nou idantifye yon moun ki gen risk pou li fè tèt li mal.
Nou pa otorize:
  • Kontni ki fè pwomosyon, ankouraje, kowòdone oswa bay enstriksyon pou suisid, oto-agresyon oswa twoub alimantasyon.
  • Kontni ki dekri imaj grafik suisid, oto-agresyon oswa twoub alimantasyon
  • Kontni ki reprezante yon moun ki angaje nan yon tantativ suisid oswa ki angaje nan yon lanmò atravè yon suisid
  • Imaj moun lè yo pataje yo ansanm ak tèm ki asosye ak twoub alimantasyon
  • Kontni ki mete aksan sou yon reprezantasyon kòt, klavikil, espas nan mitan kuis, ranch, vant ki rantre oswa kolòn vètebral oswa omoplat ki sòti nan po, zo ki vizib nan bra osw ajanm oswa jou moun ki pa gen chè lè yo pataje l ansanm avèk tèm ki lye ak twoub alimantasyon
  • Kontni ki genyen ladan li enstriksyon pou konpòtman pèt pwa ekstrèm
  • Kontni ki admèt konpòtman pèdi pwa lè yo pataje li ansanm avèk tèm ki asosye avèk twoub alimantasyon
  • Kontni ki genyen ladan yo enstriksyon ki enpòtan pou rejim alimantè restriktif lè yo pataje li ansanm avèk tèm ki asosye avèk twoub alimantasyon
  • Kontni ki pase nan betiz viktim oswa sivivan suisid, viktim oto-agresyon oswa twoub alimantè menm si se moun yo rekonèt piblikman oswa ki te fè konnen yo fè oswa yo te fè eksperyans suisid oswa oto-agresyon an
  • Imaj ki reprezante modifikasyon ki fèt nan kò a (tankou tatou, pèse, sikatrizasyon, bat pwòp tèt ou avèk fwèt, elatriye.) lè li pataje nan yon kontèks suisid oswa oto-agresyon
Pou kontni ki pi ba a, nou mete yon ekran avètisman pou moun kapab konnen kontni an kapab deranje yo: Epitou, nou limite kapasite pou wè kontni an pou adilt yo, ki gen 18 lane oswa plis:
  • Foto ak videyo ki reprezante yon moun ki angaje tèt li nan pwosesis etanazi/suisid asiste nan yon kontèks medikal.
  • Kontni ki reprezante ansyen sitiyasyon kote moun te fè oto-agresyon tankou sikatris kote ki te koupe oswa lòt imaj ki pa demontre moun nan te fè tèt yo mal nan yon kontèks oto-agresyon, suisid oswa gerizon.
  • Kontni ki reprezante kòt, klavikil, espas nan mitan kuis, ranch, vant ki rantre oswa kolòn vètebral oswa omoplat ki sòti nan po, zo ki vizib nan bra oswa janm oswa jou moun ki pa gen chè nan yon kontèks rekiperasyon (gerizon)
Pou kontni sa a, nou ofri moun yo resous epi nou limite kapasite pou wè kontni an pou granmoun yo, moun ki gen 18 lane yo oswa plis:
  • Admisyon alekri oswa vèbal suisid, oto-agresyon oswa twoub alimantasyon.
  • Deklarasyon oswa referans vag, ki potansyèlman santre sou suisid (tankou mim oswa imaj sou atitid tris ak depresyon, ki prezante lanmò kòm yon mwayen pou chape kite vi sa a, oswa kontni ki soti nan kilti popilè ki mete aksan sou move panse ak depresyon) nan yon kontèks suisid oswa oto-agresyon.
Pou kontni sa a, nou limite kapasite pou wè kontni an pou granmoun yo, moun ki gen 18 lane yo oswa plis:
  • Pase nan betiz oswa nye konsèp suisid, oto-agresyon oswa twoub alimantasyon yo
  • Naratif ki gen yon deskripsyon suisid ak detay ki ale pi lwen pase nonmen oswa mansyone aksyon an oswa konsekans yo.
  • Admèt konpòtman pèt pwa ekstrèm
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
  • Nou kapab efase nòt suisid yo lè nou gen konfimasyon se yon ka suisid oswa tantativ suisid. Nou eseye idantifye nòt suisid yo lè nou itilize plizyè faktè tankou men ki pa limite ak:
    • Demann fanmi oswa reprezantasyon legal yo,
    • Rapò medya yo, rapò fòs lòd yo oswa rapò lòt sous endepandan (pa egzanp, ajans gouvènman yo, ONG yo), oswa Fòm Kontak pou Kontni Suisidè oswa Fòm Kontak Instagram.
    • Nou ka pran an kont siyal ki pa sou platfòm nan ki montre yon itilizatè ki admèt oswa ankouraje suisid, oto-agresyon, twoub alimantasyon oswa konpòtman pèt pwa ekstrèm pou evalye si kontni espesifik li pibliye sou platfòm Meta yo ta ka prezante yon risk pou lòt moun.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Done
Gade dènye Rapò sou Aplikasyon Estanda Kominotè yo
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn sipò pou suisid, oto-agresyon ak pwoblèm alimantè
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an