Kontni Endezirab

Detay sou Politik yo
Eksperyans Itilizatè yo
Done

Detay sou politik la

JOUNAL MODIFIKASYON
Jistifikasyon Politik la
Nou pa otorize kontni ki fèt pou twonpe moun, pou bay fo enfòmasyon oswa pou afekte itilizatè yo pou ogmante vizibilite a atifisyèlman. Kontni sa a nui kapasite moun yo pou yo angaje yo nan yon fason ki otantik sou platfòm nou yo epi sa kapab menase sekirite, estabilite ak itilizasyon sèvis nou yo. Nou chèche tou pou n anpeche taktik abizif, tankou difizyon lyen ki twonpe moun pou atire itilizatè ki san mefyans yo gras ak fonksyonalite oswa yon kòd ki twonpe moun, oswa ki fè tèt li pase pou yon domèn moun fè konfyans.
Kontni endezirab anliy se yon domèn ki jenere anpil lajan Politik ak deteksyon nou yo dwe ap chanje chak tan pou kapab evolye avèk tandans kontni endezirab ak taktik k ap mennen yo. Nan mezi n ap pran pou konbat kontni endezirab yo, nou konte jwenn yon ekilib ant ogmante pri yo pou kreyatè ak distribitè yo sou platfòm nou an, epi pwoteje aktivite orijinal ak dinamik kominote nou an.
Nou pa otorize:
  • Piblikasyon, pataj, angajman avèk kontni oswa kreye kont, Gwoup, Paj, Evènman oswa lòt resous, menm si se manyèlman oswa otomatikman nan yon frekans ki wo anpil.
    • Sa kapab rive nou mete restriksyon sou kont k ap aji nan yon frekans ki pi ba depi lòt endikatè kontni endezirab (tankou ap plede pibliye menm kontni an) yo oswa pa gen siyal orijinalite ladan yo.
  • Ap eseye oswa rive vann, achte oswa echanje aktif tankou kont, gwoup, paj, elatriye.
  • Ap eseye oswa rive vann, achte oswa echanje privilèj tankou wòl administratè oswa moderatè oswa otorizasyon pou pibliye yon kote espesifik.
  • Ap eseye oswa rive vann, achte oswa echanje kontni pou yon bagay ki gen menm valè ak lajan, sof si li idantifye aklè atanke Kontni Mak, jan sa defini nan Règleman sou Kontni a Mak nou an.
  • Ap eseye oswa rive vann, achte oswa echanje angajman tankou renmen, pataj, vizyònman, kantite moun k ap suiv, klik, itilizasyon achtag espesifik, elatriye. Sa gen ladan:
    • Ofri lajan likid (tankou bay lòt moun yon chans pou genyen) oswa yon bagay ki gen menm valè ak lajan kòm kado nan yon echanj angajman. (Tankou "Nenpòt moun ki renmen paj mwen an ap kapab genyen $500 dola ameriken")
    • Ofri pou bay nenpòt bagay ki gen menm valè ak lajan nan yon echanj angajman. (Tankou "Si w renmen paj mwen an, M ap ba ou yon iPhone!")
  • Egzije oswa fè konnen itilizatè yo dwe angaje ak kontni an (tankou, renmen, pataje) anvan yo kapab wè oswa entèraji avèk kontni ou pwomèt la.
  • Pataje URLs, domèn oswa aplikasyon ki kapab twonpe moun tankou:
    • Cloaking: Cloaking se yon tantativ pou kontounen règleman kontni nou yo lè ou prezante entansyonèlman yon kontni diferan andeyò platfòm nan, tankou URL oswa aplikasyon, nan sistèm entegrite nou yo pa rapò ak sa yo montre itilizatè yo.
    • Lyen pou Twonpe Moun: Kontni an gen yon lyen ki pwomèt yon kalite kontni men li bay yon lòt bagay ki diferan. Sa kapab konsène kontni yon aplikasyon oswa lojisyèl ou te pwomèt.
    • Konpòtman pou redirije moun ki baze sou manti: Sit entènèt ki egzije yon aksyon (pa egzanp captcha, gade piblisite a, klike la) nan objektif pou afiche kontni ki nan paj destinasyon an, epi non domèn ki nan URL la chanje aprè ou fin fè aksyon yo mande w la oswa redirije itilizatè yo otomatikman nan domèn ki diferan san itilizatè a pa fè okenn aksyon.
    • Like/share-gating: Egzije itilizatè yo angaje yo (sou fòm renmen, pataj, abònman oswa nenpòt lòt fòm angajman piblik) pou jwenn aksè a kontni espesifik, esklizif.
    • Karakteristik platfòm pou twonpe moun - Imite karakteristik oswa fonksyonalite sèvis nou yo, tankou imite kanpay finansman, sondaj anliy, bouton lekti oswa bouton Renmen an kote karakteristik sa a pa egziste oswa ki pa fonksyone jan nou te vle l la, yon fason pou fè itilizatè a suiv yon lyen.
    • Karakteristik paj destinasyon pou twonpe moun: Sit entènèt ki gen yon entefas itilizatè pou twonpe moun ki lakoz gen trafik k ap jenere ki pa ta dwe jenere (tankou fenèt ki ouvri anlè/anba, teknik malveyan pou fè moun klike). Sa konsène taktik tankou pyèj kote gen fenèt ki ouvri anlè ki parèt lè yon moun eseye kite paj destinasyon an.
    • Imitasyon paj destinasyon oswa domèn - Yon paj destinasyon ki pa sou platfòm nan, URL, oswa yon sit entènèt oswa yon domèn ekstèn ki pretann li se yon mak oswa yon sèvis ki gen bon repitasyon, pandaan l ap itilize yon non, yon domèn oswa kontni ki gen fot de frap, fot òtograf oswa lòt mwayen pou imite sit entènèt moun byen konnen, domèn oswa mak lè l sèvi avèk yon paj destinasyon ki sanble ak yon lòt sit yo fè konfyans.
    • Lòt itilizasyon URLs oswa lyen ki prèske sanble ak sa ki mansyone pi wo yo.
  • Malgre sa ki mansyone anvan yo, nou pa entèdi:
    • Pwomosyon ki afiche ki pa lakoz yon peman pou yon lòt antite
    • Transfere responsabilite administratè oswa moderatè pou yon paj oswa gwoup bay yon lòt itilizatè ki baze sou enterè li genyen nan paj oswa gwoup la pase se pou echanj yon bagay ki gen valè.
    • Pibliye oswa pataje Kontni a Mak ki byen idantifye.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Done
Gade dènye Rapò sou Aplikasyon Estanda Kominotè yo
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn èd nan sa ki gen pou wè ak kontni endezirab
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an