Demann Seksyèl ki konsène Granmoun ak Langaj Sansib nan yon kad Seksyèl

Detay Politik yo
Eksperyans Itilizatè yo

Detay sou politik la

JOUNAL MODIFIKASYON
Jistifikasyon Politik la
Jan sa mansyone nan politik sou Eksplwatasyon Seksyèl Granmoun nan, moun yo itilize sèvis nou yo pou diskite ak atire atansyon sou vyolans ak eksplwatasyon seksyèl. Nou rekonèt enpòtans diskisyon sa a epi nou otorize l. Nou otorize diskisyon sou defans dwa travayè sèks yo ak règlemantasyon travay sèks la tou. Sepandan, nou mete limit lè gen kontni ki fasilite rankont seksyèl oswa sèvis komèsyal seksyèl ant granmoun oswa lè kontni an mande oswa ofri kontni pònografik oswa seksyèl. Nou fè sa pou evite fasilite tranzaksyon ki ka enplike trafik, presyon, ak zak seksyèl san konsantman.
Epitou, nou entèdi langaj seksyèl ki klè ki ka mennen ak demann seksyèl paske kèk odyans atravè kominote mondyal nou an ka sansib ak kalite kontni sa a, epi li ka deranje kapasite pou moun yo konekte avèk zanmi ak kominote an nan yon sans pi laj.
Nou pa otorize:
Kontni ki ofri, mande oswa bay metòd kontak pou pwostitisyon, ki defini kòm kwa ou mande oswa ou ofri tèt ou aktivite seksyèl pou lajan oswa nenpòt bagay ki gen valè lè yo:
  • Ofri oswa mande aktivite seksyèl (pa egzanp sèvis eskot, masaj seksyèl/ewotik, tchat/konvèsasyon seksyèl, sèvis fetich/dominasyon)
  • Itilize tèm lari pou pwostitisyon ansanm avèk demann oswa òf disponiblite, pri, oswa nenpòt siyal tranzaksyon lajan oswa yon bagay ki gen valè, kote, oswa kontak enfòmasyon
  • Angaje nan solisitasyon seksyèl ak tout yon pri oswa nenpòt siyal tranzaksyon lajan oswa yon bagay ki gen valè.
  • Reprezante oswa mansyone rankont (aktivite) seksyèl oswa patnè seksyèl avèk yon pri oswa nenpòt siy tranzaksyon monetè oswa an espès.
  • Anplwaye oswa ofri lòt moun pou yo travay nan aktivite seksyèl komèsyal se yon bagay ki pini nan Politik sou Eksplwatasyon Moun nan.
Kontni ki angaje nan demann seksyèl pandan l ap ofri, mande oswa bay metòd kontak pou rankont (aktivite) seksyèl tankou:
  • Relasyon seksyèl oswa estimilasyon seksyèl
  • Sèks oral
  • Fetich seksyèl
  • Tchat oswa konvèsasyon seksyèl
  • Masaj seksyèl oswa ewotik
  • Dans ewotik oswa striptiz (dezabiye yon fason seksyèl)
  • Pataje imaj moun toutouni (tankou foto,videyo sèks)
Kontni ki mande, ofri oswa bay metòd kontak pou jwenn materyèl pònografik, oswa ki gen non itilizatè oswa lyen ki ka dirije nan sit entènèt pònografik.
Yon langaj seksyèl eksplisit ki itilize detay eksplisit oswa chokan konsènan:
  • Sèks moun,
  • Eta eksitasyon seksyèl (pa egzanp lè w mouye oswa gen ereksyon)
  • Rankont (aktivite) Seksyèl
  • Sa ki mansyone pi wo yo pa konte kontni ki pataje nan yon kontèks imou, komik, jouman ki gen rapò ak sèks
Nou otorize kontni règleman sa a pale sou li a nan yon kontèks pou kondane, edike, sansibilize oswa siyale. Epi tou, nou pa entèdi moun diskite sou pratik seksyèl selon règleman nou an. Sepandan, dapre règleman Sante ak Byennèt la, yo kapab limite aktivite sa yo sèlman pou granmoun ki gen plis pase 18 lane yo, nan lide pou fasilite eksperyans ki apwopriye pou laj minè yo.
Pou kontni sa a, nou limite kapasite pou wè kontni an pou granmoun yo, moun ki gen 18 lane yo oswa plis:
  • Kontnni ki diskite sou pratik seksyèl oswa eksperyans seksyèl.
  • Kontni ki itilize non itilizatè, lyen oswa logo Sit Abònman pou Granmoun
  • Langaj seksyèl ki klè nan kontèks komik oswa satirik, tankou metafò seksyèl
  • Langaj seksyèl ki pwovokatè epi ki refere ak rankont (aktivite) seksyèl
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
  • Nan kèk ka, nou ap otorize kontni ki ka vyole Estanda Kominot è yo yon lòt jan lè nou detèmine kontni a satirik. Nou ap otorize kontni an sèlman si eleman ki fè vyolasyon nan kontni an vin satirik oswa li atribiye ak yon bagay oswa yon lòt moun nan objektif pou fawouche oswa kritike yo.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn sipò konsènan asèlman seksyèl granmoun ak langaj sansib nan yon kad seksyèl
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an