Vyolasyon Vi Prive

Detay Politik yo
Eksperyans Itilizatè yo

Detay sou politik la

JOUNAL MODIFIKASYON
Jistifikasyon Politik la
Sèvis nou yo vize pwoteje konfidansyalite ak enfòmasyon pèsonèl itilizatè nou yo. Nou travay di pou pwoteje idantite ak enfòmasyon pèsonèl ou epi nou p ap otorize moun pibliye kèk kalite enfòmasyon pèsonèl oswa konfidansyèl sou tèt yo oswa sou lòt moun. Epitou nou bay moun yo mwayen pou siyale imaj moun kwè ki vyole dwa sou konfidansyalite yo.
Nou retire kontni ki pataje, ofri, oswa mande enfòmasyon pèsonèl ki ka idantifye yon moun oswa lòt enfòmasyon prive ki kapab lakòz yon domaj fizik oswa finansyè, li gen ladan li enfòmasyon finansyè, rezidansyèl, ak medikal, ansanm ak enfòmasyon prive moun jwenn nan men sous ki ilegal. Nou rekonèt enfòmasyon prive yo ka vin disponib yon fason piblik atravè repòtaj jounal, dokiman jidisyè, kominike laprès, oswa lòt sous. Lè sa rive, nou ka otorize moun lan pibliye enfòmasyon yo.
Nou genyen lòt restriksyon pou kontni ki peye yo. Byenke nou otorize piblisite ki bay yon eksperyans itilizatè pozitif pandan nou konsantre sou detay pwodui oswa sèvis yo, nou retire anons ki eksplwate difikilte pèsonèl itilizatè yo, ki parèt fè karakterizasyon negatif oswa ki pa egzak sou yo, oswa ki enplike yon konesans enfòmasyon pèsonèl sansib. Pou plis enfòmasyon sou règ konfidansyalite nou yo konsènan kontni ki peye, gade Estanda Piblisite nou an nan Vyolasyon Konfidansyalite ak Atribi Pèsonèl.
Nou pa otorize:
Kontni ki pataje oswa ki ap mande enfòmasyon prive, swa sou Facebook oswa atravè lyen ekstèn, jan sa eksplike pi ba a:
Enfòmasyon ki Kapab idantifye yon moun (Personally identifiable information, PII)
  • Kontni ki pataje Enfòmasyon ki kapab Idantifye yon Moun (enfòmasyon ki sèlman idantifye yon moun) moun ki fè piblikasyon an oswa lòt moun. Sa gen ladan:
    • Nimewo idantifikasyon nasyonal tankou nimewo sekirite sosyal (Social Security Number, SSN), nimewo paspò oswa nimewo idantifikasyon inik pou moun ki peye taks (individual Taxpayer Identification Number, ITIN).
    • Idyantifyan Gouvènman pou fòslòd yo, militè oswa sekirite pèsonèl.
    • Dosye oswa dokiman ofisyèl ki gen enfòmasyon sou eta sivil tankou (maryaj, nesans, lanmò, non ki chanje, dokiman rekonesans sèks).
    • Imigrasyon ak dokiman sou estati travay tankou kat rezidans, pèmi travay oswa viza
  • Kontni k ap mande enfòmasyon ki kapab idantifye yon lòt moun
Enfòmasyon Kontak Pèsonèl
  • Pataj kontni ki gen enfòmasyon kontak pèsonèl lòt moun, sof lè se moun nan ki fè li parèt piblik oswa lè li pataje oswa mande pou fè pwomosyon pou rezon lacharite, fasilite rechèch moun, bèt ki disparèt, oswa pwopriyetè objè ki disparèt, oswa kontake yon biznis oswa founisè sèvis (sof si yo fè konnen yo te pataje enfòmasyon kontak pèsonèl moun ki konsène a san konsantman li).
Enfòmasyon sou lojman
  • Kontni k ap pataje adrès lojman prive lòt moun tankou non batiman oswa lokalizasyon sou yon kat jewografi ki idantifye adrès la (menm si se nan yon lyen ekstèn lokalizasyon an ye), sof nan kontèks sa yo:
    • lè li pataje pou fè pwomosyon pou sipote moun ki nan bezwen, pèmèt yo jwenn moun, bèt oswa pwopriyetè yon objè ki pèdi, oswa pou kontakte yon antrepriz oswa founisè sèvis
    • lè lojman an se yon lojman ofisyèl oswa anbasad yo mete disponib pou yon wo fonksyonè
  • Kontni k ap pataje kèk nan adrès lojman prive lòt moun (sof si lojman an se yon lojman ofisyèl oswa anbasad yo mete disponib pou yon wo fonksyonè):
    • Lè li pataje nan kontèks kote y ap òganize manifestasyon oswa siveye yon rezidan ak anplasman lojman an ki idantifye gras ak youn nan eleman sa yo:
      • Lari
      • Vil oswa katye (sèlman pou vil ki gen mwens pase 50,000 rezidan yo)
      • Kòd postal
      • Pin GPS oswa pin ki nan yon kat jewografi ki nan youn nan eleman sa yo (menm si pin yo nan yon lyen ki andeyò platfòm nan)
    • Imaj ki montre espas deyò yon lojman si tout kondisyon sa yo aplike:
    • Lojman an se yon kay ki gen yon sèl fanmi, oswa non nimewo/konstriksyon inite lojman an yo idantifye nan imaj oswa lejann lan.
    • Yo idantifye anplasman lojman an gras ak nenpòt nan eleman sa yo:
      • Lari
      • Vil oswa katye (sèlman pou vil ki gen mwens pase 50,000 rezidan yo)
      • Kòd postal
      • Pin GPS oswa pin ki nan yon kat jewografi ki nan youn nan eleman sa yo (menm si pin yo nan yon lyen ki andeyò platfòm nan)
    • Kontni an idantifye rezidan an (yo).
    • Swa rezidan an pa dakò pou yo ekspoze rezidans prive li a, oswa gen yon kontèks kote y ap òganize manifestasyon kont rezidan an.
    • Yo p ap pataje foto lojman an paske y ap fè yon repòtaj sou lojman an (sof si y ap pataje l nan kontèks kote y ap òganize manifestasyon kont rezidan an)
  • Kontni k ap mande enfòmasyon sou lojman prive lòt moun (sof si lojman an se yon lojman ofisyèl oswa anbasad yo mete disponib pou yon wo fonksyonè)
  • Kontni k ap mande lokalizasyon kay ki sekirize yo oswa pataje enfòmasyon sou kay ki sekirize yo pandan l ap pataje nenpòt nan enfòmasyon ki anba a (sof si kay sekirize a ap fè pwomosyon enfòmasyon sou etablisman li an)
    • Adrès aktyèl ou (Sonje: Se "Bwat Postal sèlman" nou aksepte)
    • Imaj kay ki sekirize a
    • Vil oswa vwazinaj ki idantifyab pou kay sekirize a
    • Enfòmasyon ki montre idantite rezidan ki abite nan kay sekirize yo
Enfòmasyon medikal
  • Kontni k ap pataje oswa mande enfòmasyon medikal, sikolojik, byometrik, oswa jenetik/ereditè sou lòt moun (tankou lè yo afiche vizyèlman oswa pataje atravè odyo oswa videyo), kote sa klè enfòmasyon sa yo soti nan dosye medikal oswa lòt dokiman ofisyèl.
Enfòmasyon finansyè
  • Kontni k ap pataje oswa mande enfòmasyon finansyè pèsonèl moun ki fè piblikasyon oswa lot moun, sa nou defini tankou enfòmasyon finansyè yon moun tankou:
    • Dosye oswa deklarasyon finansye ki pa piblik.
    • Nimewo kont labank avèk kòd sekirite oswa kòd pin.
    • Enfòmasyon sou metòd peman nimerik avèk detay pou konekte, sekirite oswa kòd pin.
    • Enfòmasyon sou kat kredi oswa kat debi avèk dat validite oswa kòd pin oswa kòd sekirite.
  • Kontni k ap pataje oswa mande enfòmasyon finansye yon antrepriz oswa òganizasyon ki pa piblik tankou enfòmasyon sou finans yon antrepriz oswa òganizasyon, sof lè se òganizasyon an ki pataje li ak pwòp volonte li (tankou pataj ki te fèt deja pandan yo te konsève tèks orijinal la) oswa lè yo pataje l nan kad yon enfòmasyon ki obligatwa pou piblik la (pa egzanp jan mache finansye oswa ajans reglemantè yo mande l la), tankou:
    • Dosye oswa deklarasyon finansye ki pa piblik
    • Nimewo kont labank avèk kòd sekirite oswa kòd pin.
    • Enfòmasyon sou metòd pèman nimerik avèk detay sou fason pou konekte, kòd sekirite oswa kòd pin yo.
Enfòmasyon yo jwenn nan sous yo pirate
  • Kontni otè a revandike oswa konfime soti nan yon sous ki pirate, kit moun ki konsène a se yon figi piblik oswa yon endividi prive.
Nou kapab retire kontni ki vini annaprè yo la tou:
  • Yon foto oswa videyo yo siyale kote moun ki sou imaj la se:
    • Yon minè ki gen mwens pase 13 lane, epi minè oswa paran oswa responsab legal siyale kontni a.
    • Yon minè ki gen ant 13 ak 18 lane, epi se minè a ki te siyale kontni an.
    • Yon adilt, lè se adilt lan ki te siyale kontni an pandan li p ap viv Etazini epi lwa ki aplikab yo ka bay dwa pou retire yo.
    • Nenpòt moun ki gen yon enkapasite epi ki pa kapab siyale kontni an poukont li.
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
  • Reprezantasyon Moun ak Etablisman Medikal, nou dekri antanke kontni ki pataje yon moun ki nan yon etablisman medikal oswa moun prive oswa yon minè k ap rantre oswa soti nan yon etablisman medikal, epi yo siyale li gras ak:
    • Moun ki nan imaj la
    • Yon reprezantan moun ki nan imaj la
    • Etablisman medikal k ap pran swen moun ki parèt nan imaj la, oswa
    • Etablisman medikal ki anplwaye moun ki parèt nan imaj la
  • Materyèl sous ki pretann revele enfòmasyon ki pa piblik ki gen rapò ak yon eleksyon yo pataje nan kad yon operasyon enfliyans gouvènman etranje.
    • Nou efase rapò sou yon fuit konsa antite medya leta kontwole fè nan peyi ki dèyè fuit la.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn èd nan sa ki gen pou wè ak vyolasyon vi prive
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an