Konpòtman Rayisab

Detay sou Politik yo
Eksperyans Itilizatè yo
Done

Detay sou politik la

JOUNAL MODIFIKASYON
Jistifikasyon Politik la
Nou panse moun itilize vwa yo epi konekte pi fasil lè yo pa santi yo atake sou baz kiyès yo ye. Se poutèt sa a nou pa dakò konpòtman rayisab sou Facebook, Instagram oswa Threads.
Nou defini konpòtman rayisab tankou yon atak dirèk ki fèt kont moun — nan plas konsèp oswa enstitisyon— sou baz sa nou rele karakteristik pwoteje: ras, etnisite, orijin nasyonal, andikap, afilyasyon relijye, klas sosyal, oryantasyon seksyèl, sèks, idantite seksyèl ak maladi grav. Anplis, nou konsidere laj tankou yon karakteristik pwoteje lè yo fè referans avèk li avèk yon lòt karakteristik pwoteje. Nou pwoteje refijye, migran, imigran ak moun ki ap chèche azil kont atak ki pi vyolan yo tou (Nivo 1 anba a), menm si nou otorize kòmantè ak kritik sou politik imigrasyon yo tou. Nan menm moman an, nou bay kèk pwoteksyon pou karakteristik ki pa pwoteje yo tankou metye, lè yo fè referans avèk yo avèk yon karakteristik pwoteje. Pafwa, nou baze sou yon diferans lokal, nou konsidere kèk mo oswa fraz kòm ranplasan yo itilize souvan pou karakteristik pwoteje.
Nou siprime diskou ki desann valè moun, akizasyon sou imoralite grav oswa kriminèl ak jouman. Nou retire tou estereyotip nuizib, nou defini yo tankou konparezon ki ap diminye moun epi ki te itilize atravè listwa pou atake, entimide, oswa mete yon gwoup espesifik sou kote, epi ki souvan gen lyen ak vyolans ki pa fèt sou entènèt. Pou fini, nou retire jouman grav, ekspresyon mepri oswa ki degoutan, malediksyon ak apèl pou eksklizyon oswa segregasyon, lè nou vize moun ki baze sou karakteristik pwoteje yo. Nou separe diskou sa a an de (2) degre sansibilite, ki dekri pi ba a.
Nou rekonèt, pafwa moun yo pataje kontni ki gen jouman oswa diskou yon lòt moun pou kondane diskou a oswa pou siyale li. Nan lòt ka yo, diskou tankou jouman, ki ta kapab vyole règleman nou yo yon lòt jan pou fè referans ak pwòp tèt ou oswa yon fason pou bay ankourajman. Nou pèmèt kalite diskou sa a kote entansyon oratè a klè. Nan ka kote entansyon an pa klè, nou kapab retire kontni an.
Pafwa moun yo itilize langaj ki pa gen sèks lè y ap diskite sou aksè ak espas ki souvan limite pa sèks, tankou aksè nan twalèt, lekòl espesifik, militè espesifik, lapolis, oswa ansèyman ak sante oswa gwoup sipò. Lòt fwa yo, yo fè apèl ak eksklizyon oswa itilize langaj ki la pou joure nan yon kontèks pou diskite sou sijè politik oswa relijye sou dwa transjan, imigrasyon, oswa omoseksyalite. Pou fini, pafwa moun yo bay malediksyon pou yon sèks nan ka relasyon ki kraze. Règleman nou yo fèt pou otorize salon pou kalite diskou sa yo.
Pa pibliye:
\Nivo 1
Kontni k ap sible yon moun oswa yon gwoup moun (eksepte gwoup yo dekri kòm gwoup ki te fè krim vyolan oswa seksyèl, oswa ki reprezante mwens pase mwatye yon gwoup) sou baz karekteristik pwoteje ki site anwo a oswa estati imigrasyon alekri oswa sou fòm vizyèl avèk:
  • Diskou ki desann valè moun sou fòm konparezon oswa jeneralizasyon apwopo bèt, ajan patojèn, oswa lòt fòm vi ki enferyè ak moun, tankou:
    • Bèt nuizib (tankou men li pa limite ak: ravèt, krikèt)
    • Bèt an jeneral oswa yon kalite bèt espesifik yo wè kiltirèlman tankou yo ki enferyè (tankou men li pa limite ak: Moun nwa ak senj oswa kreyati ki sanble ak senj; Juif yo ak rat yo; Mizilman yo ak kochon; Meksiken yo ak vètè yo)
    • Bakteri, viris, oswa mikwòb
    • Pratik ki enferyè ak moun (tankou men li pa limite ak: sovaj, dyab, mons)
  • Akizasyon sou imoralite ak krim grav:
    • Predatè seksyèl ak pedofil (tankou men li pa limite ak: Moun ki mizilman k ap fè bagay avèk kabrit oswa kochon)
    • Kriminèl vyolan (tankou men li pa limite ak: teworis, asasen)
  • Apèl ak Espwa pou dega sa yo(menas grav oswa espesifik ak apèl pou vyolans yo adrese anba politik Vyolans ak Pwovokasyon nou an):
    • Atrape yon Maladi
    • Fè fas ak yon katastwòf natirèl
    • blese pwòp tèt ou oswa suisid
    • Lanmò san pa gen yon otè oswa metòd
    • Aksidan oswa lòt domaj fizik gras ak yon otè oswa divinite
  • Estereyotip danjere ki lye istorikman ak entimidasyon oswa vyolans, tankou Blackface (pentire vizaj an nwa); Demanti olokos la; fè deklarasyon ki di jwif yo gen kontwòl finansye, politik, oswa enstitisyon medya yo; epi fè referans ak Dalit yo kòm travayè ki pa enpòtan; epi konpare moun nwa ak ekipman agrikòl.
  • Fè blag ak yon konsèp, evènman oswa viktim krim layèn menm si pa gen okenn moun reyèl ki reprezante sou yon imaj.
  • Pase moun nan betiz paske li fè yon maladi oswa li gen yon maladi.
  • Kontni ki dekri oswa ki vize moun yon fason negatif ak jouman. Nou defini jouman antanke mo ki kreye natirèlman yon anviwònman eksklizyon ak entimidasyon kont moun sou baz yon karakteristik pwoteje, souvan paske mo sa yo gen pou wè ak diskriminasyon istorik, opresyon ak vyolans.
Nivo 2
Kontni ki sible yon moun oswa yon gwoup moun sou baz karakteristik pwoteje yo (alekri oswa sou fòm vizyèl) ak:
  • Apèl oswa sipò pou eksklizyon oswa segregasyon oswa deklarasyon entansyon pou ekskli oswa separe, defini kòm:
    • Eksklizyon jeneral, ki vle di mande pou eksklizyon jeneral oswa segregasyon, tankou "Yo pa otorize X!"
    • entèdiksyon politik, ki vle di refize aksè ak dwa ekonomik ak limite patisipasyon nan mache travay la.
    • Esklizyon ekonomik, sa ki vle di refize aksè ak dwa ekonomik epi limite patisipasyon sou mache travay la. Nou pèmèt kontni ki defann limit ki baze sou sèks pou moun ki nan militè, lapolis, ak travay ransèyman. Nou pèmèt menm kontni an ki baze sou oryantasyon seksyèl, lè kontni an baze sou kwyans relijwe yo.
    • Entèdiksyon sosyal, ki vle di bagay tankou refize aksè nan espas (fizik ak oswa sou entènèt) ak sèvis sosyal, eksepte pou sèks oswa entèdiksyon ki baze sou sèks nan espas ki souvan limite pa sèks, tankou twalèt, espò ak lig espò, sante ak gwoup sipò ak lekòl espesifik.
  • Jouman, tankou sa ki konsène yo:
    • Karaktè, ki gen ladan men pa limite ak akizasyon sou lachte, malonèt, kriminèl debaz, ak libèinaj seksyèl oswa lòt imoralite seksyèl.
    • Karakteristik mantal, ki gen ladan men pa limite ak kratinay, kapasite entèlektyèl, ak maladi mantal, ak konparezon ki pa sipòte ant gwoup PC sou baz kapasite intèlektyèl natirèl. Nou pèmèt akizasyon maladi mantal oswa anòmal lè yo baze sou sèks oswa oryantasyon seksyèl, bay diskou politik ak relijye sou transjan ak omoseksyalite ak itilizasyon komen ki pa grav tankou mo "etranj."
    • Lòt domèn, ki gen ladan men pa limite ak akizasyon ki pa vo ayen, ki pa itil, ki lèd, sal.
  • Ekspresyon ki sijere se sib la ki lakòz maladi, tankou men li pa limite ak: "fèm vomi."
  • Jouman ki sible, eksepte kèk jouman ki baze sou sèks nan kontèks kote gen yon relasyon lanmoure ki kraze, nou defini sa tankou:
    • Itilizasyon sible "fuck" oswa varyasyon "fuck" avèk entansyon pou joure, tankou "Fuck [karakteristik pwoteje]!"
    • Tèm oswa fraz k ap mande pou gen yon angajman nan aktivite seksyèl, oswa kontak avèk ògàn jenital yo, twou dèyè, twalèt oswa pipi, li gen ladan l men li pa limite ak: souse koulout mwen, bo dèyè m, manje twalèt.
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
Pa pibliye:
  • Kontni k ap ofri oswa bay yon fason ki aklè pwodui oswa sèvis ki gen objektif pou chanje oryantasyon seksyèl oswa idantite seksyèl moun.
  • Kontni k ap atake konsèp, enstitisyon, lide, pratik, oswa kwayans ki asosye avèk karakteristik pwoteje, epi ki gen chans pou kontribiye nan yon gwo domaj fizik, entimidasyon oswa diskriminasyon kont moun ki asosye avèk karakteristik pwoteje sa yo. Meta egzamine yon seri siy pou detèmine si gen yon menas pou nui moun nan kontni an. W ap jwenn ladan yo bagay tankou, men ki pa limite ak: kontni ki kapab ankouraje vyolans oswa entimidasyon; yon peryòd kote gen tansyon k ap ogmante tankou yon eleksyon oswa konfli k ap kontinye, epi si gen antesedan vyolans sa pa gen twò lontan kont gwoup pwoteje ki vize a. Nan kèk ka, nou kapab konsidere si moun k ap pale a se yon pèsonaj piblik oswa li nan yon pozisyon otorite.
Nan kèk ka, nou ap otorize kontni ki ka vyole Estanda Kominot è yo yon lòt jan lè nou detèmine kontni a satirik. Nou ap otorize kontni an sèlman si eleman ki fè vyolasyon nan kontni an vin satirik oswa li atribiye ak yon bagay oswa yon lòt moun nan objektif pou fawouche oswa kritike yo.
Nòt: si ou se yon itilizatè Inyon Ewopeyen, epi w ap wè kontni ou kwè ki vyole lwa diskou rayisab nan peyi ou, ou ka soumèt yon demann legal pou siprime l bay Facebook oswa Instagram.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Done
Gade dènye Rapò sou Aplikasyon Estanda Kominotè yo
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn èd pou konpòtman rayisab
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an