Òganizasyon ak Moun ki Danjere yo

Detay sou Politik yo
Eksperyans Itilizatè yo
Done

Detay sou politik la

JOUNAL MODIFIKASYON
Jistifikasyon Politik la
Nan efò pou prevwa ak anpeche domaj nan monn reyèl la, nou pa otorize òganizasyon oswa endividi ki pwoklame yon misyon vyolan oswa ki angaje nan vyolans pou gen yon prezans sou platfòm nou an. Nou evalye antite sa yo sou baz konpòtman yo gen alafwa lè yo sou entènèt la ak lè yo pa sou entènèt, men sa ki pi enpòtan, se lyen yo genyen ak vyolans. Nan kad politik sa a, nou deziyen moun, òganizasyon ak rezo moun. Deziyasyon sa yo divize an de (2) nivo ki endike nivo aplikasyon kontni an, avèk Nivo 1 ki ap antrene aplikasyon ki pi pwolonje paske nou panse antite sa yo gen lyen ki pi dirèk avèk domaj ki pa fèt anliy.
Nivo 1 konsantre sou antite ki angaje nan gwo domaj ki pa fèt anliy - tankou òganize oswa ankouraje vyolans kont sivil, pandan yo denigre moun oswa ankouraje yon fason repete domaj kont moun ki baze sou karakterisik pwoteje, oswa ki angaje nan operasyon kriminèl sistematik. Nivo 1 an gen ladan l, òganizasyon rayisab, òganizasyon kriminèl, li gen ladan l òganizasyon Gouvènman Etazini a Espesyalman Deziyen kòm Trafikan Nakotik (Specially Designated Narcotics Trafficking Kingpins, SDNTK); ak òganizasyon teyoris, li gen ladan l antite ak moun Gouvènman Etazini an deziyen kòm Òganizasyon Teyoris Etranje (Foreign Terrorist Organizations, FTO) oswa Teyoris Mondyal Espesyalman Deziyen (Specially Designated Global Terrorists, SDGT). Nou retire Laglwa, Sipò, ak Reprezantasyon antite ki nan Nivo 1 yo ansanm ak moun k ap dirije yo a, fondatè yo, oswa manm enpòtan yo ansanm ak referans ki pa klè ki gen rapò avèk antite sa yo.
Anplis, nou pa otorize kontni ki ap fè elòj, sipòte, oswa reprezante evènman Meta deziyen kòm vyolasyon evènman vyolan - li gen ladan l atak teyoris, evènman rayisab, vyolans ki lakòz plizyè viktim oswa tantativ vyolans sou plizyè viktim, asasina an seri, oswa krim ki chita sou rayisman. Ni nou pa otorize (1) Elòj, Sipò, oswa Reprezantasyon otè atak sa yo; (2) kontni moun ki fè atak sa yo jenere; oswa (3) imaj antite konsène ki reprezante moman atak sa yo sou viktim ki vizib. Epitou, nou retire kontni ki fè Elòj, Sipòte oswa Reprezante lide ki fè pwomosyon pou rayisman, tankou nazi ak siperyorite ras blan an. Nou retire referans ki pa klè ki gen rapò ak aktivite oswa lide sa yo.
Nivo 2 li gen ladan Aktè Vyolan Non-Etatik yo ki fè vyolans avèk zam kont aktè Etatik oswa militè yo men yo pa sible popilasyon sivil la selon pwòp volonte yo. Li gen ladan l tou Antite ki mande pou fè vyolans oswa k ap prepare pou fè vyolans, men jiskaprezan yo pako fè vyolans. Sa yo se tou se antite ki souvan pa respekte règleman nou genyen sou Diskou Rayisman oswa endividi ak Òganizasyon Danjere yo sou oswa andeyò platfòm nan. Nou retire Elòj, Sipò Materyèl ak Reprezantasyon antite sa yo, lidè yo, ak manm enpòtan yo.
Nou konnen sa kapab rive itilizatè yo pataje kontni ki fè referans ak òganizasyon epi endividi ki danjere yo nan kad diskou sosyal ak politik. Sa gen ladan kontni ki siyale, pale san patipri oswa ki kondane òganizasyon ak endividi danjere yo oswa aktivite y ap mennen yo.
Repòtaj jounal yo gen ladan enfòmasyon ki pataje pou sansibilize evènman lokal ak mondyal yo ki enplike òganizasyon ak endividi yo deziyen kòm danjere.
  • Egzanp “Nouvèl ki fenk tonbe: Al-Shabab fè konnen se li menm ki otè atak ki fèt nan peyi Somali a”
  • Egzanp “Kwonoloji ak analiz ekspè yo: Kòman fiziyad ki te fèt nan Makèt Buffalo a te dewoule epi kisa otè zak la di nan tribinal la”
Yon diskisyon san patipri gen ladan deklarasyon ki chita sou prèv, kòmantè, kesyon, ak lòt enfòmasyon ki pa eksprime jijman pozitif sou òganizasyon oswa endividi yo deziyen kòm danjere ak konpòtman yo.
  • Egzanp “Al Qaeda reprezante mwens menas pase ISIS akòz mank lidèchip ak finansman”
  • Egzanp “Anders Breivik se youn nan egzanp ki montre kòman pwosesis radikalizasyon an kapab difisil”
Kondanasyon gen ladan dezapwobasyon, degou, rejè, kritik, mokri, ak lòt ekspresyon negatif sou òganizasyon oswa endividi yo deziyen kòm danjere ak konpòtman yo.
  • Egzanp "Krim Salvador Ramos la degoute mwen. Pawòl jij la vrèman rive sou mwen. Tribinal la pa ta dwe pran okenn pitye pou li”
  • Egzanp "Pa gen moun k ap janm bliye krim Hitler yo. Sa yo se te kèk pami moman ki pi trajik nan listwa”
Politik nou yo fèt pou pèmèt gen plas pou tip diskisyon sa yo pandan n ap limite nan menm moman an risk pou gen chans gen domaj ki pa fèt anliy. Kidonk, nou egzije pou moun yo di aklè ki entansyon yo lè yo kreye oswa pataje yon kontni konsa. Si entansyon itilizatè a kreye konfizyon oswa pa klè, nou retire kontni an otomatikman.
Daprè lwa entènasyonal sou dwa moun, politik nou yo otorize diskisyon konsènan dwa moun pou endividi oswa manm yo deziyen kòm antite danjere, sof si kontni an gen ladan li lòt elòj, sipò, oswa reprezantasyon antite yo deziyen yo oswa lòt vyolasyon politik, tankou ensitasyon pou vyolans.
Tanpri gade Politik Antrepriz lan Sou Dwa Moun pou jwenn plis enfòmasyon sou angajman nou pran pou dwa moun ki rekoni nan entènasyonal la.
Nou Retire:
Nou retire Elòj, Sipò ak Reprezantasyon plizyè òganizasyon ak moun ki danjere yo. Konsèp sa yo aplike pou òganizasyon yo, aktivite yo, ak manm yo. Konsèp sa yo pa anpeche ou defann rezilta politik patikilye yo yon fason pasifik.
Nou defini Elòj, tankou youn nan eleman anba yo:
  • Rann lejitim oswa defann zak vyolan oswa rayisab yon antite deziyen nan afime zak sa yo gen yon jistifikasyon moral, politik, lojik, oswa lòt jistifikasyon ki fè yo akseptab oswa rezonab.
    • Pa egzanp "Hitler pa t fè anyen ki mal."
  • Karakterize oswa selebre vyolans oswa rayisman yon antite deziyen kòm yon reyalizasyon oswa akonplisman;
    • Egzanp “Hizbul Mujahideen genyen laviktwa pou yon Kashmir ki lib epi ki endepandan”
  • Yon deklarasyon pou vin manm oswa yon deklarasyon ki di ou ta renmen yon antite deziyen oswa otè yon aktivite vyolan.
    • Egzanp “Mwen swete mwen ka rantre nan ISIS epi fè pati Khilafah a”
Nou retire Elòj antite yo nan Nivo 1 ak Nivo 2 yo ansanm ak evènman ki deziyen yo.
Pou nivo 1 an ak evènman ki deziyen yo, sa kapab rive nou retire referans ki pa klè yo oswa ki san kontèks yo si itilizatè a pa t byen endike entansyon li. Sa gen ladan atitid ki pa klè, referans pozitif oswa san lejann ki pa fè elòj pou vyolans ak rayisman antite ki deziyen an.
Nou defini Sipò, tankou youn nan eleman anba yo:
  • Sipò Materyèl
    • Tout aksyon ki amelyore estati finansye antite ki deziyen an – li gen ladan l, voye lajan nan yon antite oswa apati yon antite ki deziyen;
      • Pa egzanp, “Fè yon don nan KKK!”
    • Nenpòt aksyon ki bay yon antite oswa yon antite ki deziyen èd materyèl;
      • Pa egzanp, “Si ou vle voye koli pou swen bay Katèl Sinaloa, itilize adrès sa a :”
    • Anplwaye moun nan non yon antite oswa evènman ki deziyen;
      • Pa egzanp, “Si ou vle goumen pou Caliphate, Voye yon mesaj pou mwen”
  • Lòt Sipò
    • Kanalize enfòmasyon oswa resous, tankou kominikasyon ofisyèl, nan non yon antite oswa evènman ki deziyen
      • Pa egzanp, Site dirèkteman yon antite ki deziyen san lejann ki kondane, diskite yon fason ki san patipri, oswa ki fè pati de yon repòtaj.
    • Lanse yon apèl aksyon nan non yon antite oswa nan non yon evènman ki deziyen;
      • Pa egzanp "Kontakte Seksyon Atomwaffen lan – (XXX) XXX-XXXX"
Nou retire tout Sipò ki nan Nivo 1 an ak Sipò Materyèl ki nan Nivo 2 a.
Nou defini Reprezantasyon, tankou youn nan eleman anba yo:
  • Deklare ou se yon manm yon antite deziyen, oswa ou se yon antite deziyen;
    • Pa egzanp, “Mwen se yon gwo dragon nan KKK.”
  • Kreye yon Paj, Pwofil, Evènman, oswa lòt antite sou Facebook, ki se oswa ki pretann se pwopriyete yon Antite ki Deziyen oswa ki ap fonksyone sou non l, oswa ki se oswa ki pretann se yon evènman ki deziyen.
    • Pa egzanp, Yon Paj ki rele “Pati Nazi Ameriken.”
Nou retire Reprezantasyon ki nan Nivo 1 an ak 2 a pou Òganizasyon ki Deziyen ak evènman deziyen yo.
Kalite ak Nivo Òganizasyon Ki Danjere yo
Nivo 1: Teworis, òganizasyon rayisab, aktivite kriminèl a gran echèl, tantativ vyolans sou plizyè viktim, vyolans ki lakòz plizyè viktim, asasina an seri, ak vyolasyon evènman vyolan
Nou pa otorize moun oswa òganizasyon ki enplike nan krim òganize, ki gen ladan l sa Gouvènman Etazini an deziyen espesyalman kòm trafikan nakotik (Specially Designated Narcotics Trafficking Kingpins, SSDNTK); rayisman; oswa teworis, li gen ladan l antite Gouvènman Etazini a deziyen kòm Òganizasyon Teworis Etranje (Foreign Terrorist Organizations, FTO) oswa Teworis Mondyal yo Deziyen Espesyalman (Specially Designated Global Terrorists, SDGT), pou yo prezan sou platfòm nan. Nou pa otorize lòt moun pou reprezante antite sa yo nonplis. Nou pa otorize dirijan oswa manm enpòtan nan òganizasyon sa yo pou yo prezan sou platfòm nan, ni pou yo itilize senbòl ki reprezante yo sou platfòm nan, oswa kontni k ap fè elòj pou yo oswa pou aksyon yo, ki gen ladan l referans avèk yo ki pa klè. Anplis, nou retire tout sipò pou moun ak òganizasyon sa yo.
Nou pa otorize kontni k ap fè elòj, sipò oswa reprezante evènman Meta deziyen kòm atak teyoris, evènman rayisab, vyolans ki lakòz plizyè viktim oswa tantativ vyolans sou plizyè viktim, plizyè asasina, ak vyolasyon evènman vyolan. Ni nou pa otorize (1) kontni ki fè elòj, sipòte oswa reprezante otè atak sa yo; (2) kontni moun ki fè atak sa yo jenere; oswa (3) imaj antite konsène ki reprezante moman atak sa yo sou viktim ki vizib yo.
Epitou, nou pa otorize Elòj, Sipò oswa Reprezantasyon ideyoloji rayisman ki deziyen yo, tankou referans avèk yo ki pa klè.
Nou defini òganizasyon ak endividi teworis tankou yon aktè ki pa etatik ki:
  • Angaje nan ak vyolans ak pwòp entansyon w oswa planifye l, defann li, oswa bay sipò sibtansyèl.
  • Ki lakòz oswa fè tantativ lanmò, blesi, oswa domaj ki grav sou sivil yo, oswa nenpòt lòt moun ki p ap patisipe direkteman nan pwoblèm ki genyen nan yon sitiyasyon ki gen konfli ak zam, epi/oswa gwo domaj materyèl ki gen rapò ak lanmò, blesi grav, oswa gwo domaj sou sivil yo.
  • Nan objektif pou fòse, entimide epi/oswa enfliyanse yon popilasyon sivil, gouvènman, oswa òganizasyon entènasyonal
  • Nan objektif pou reyalize yon objektif politik, relijye, oswa ideyolojik.
Antite Rayisman, yo defini l antanke òganizasyon oswa moun ki ap anseye ak ankouraje rayisman kont lòt moun selon karakteristik pwoteje yo genyen. Aktivite antite sa ap fè yo genyen omwen kèk nan konpòtman sa yo kòm karakteristik:
  • Vyolans, yon retorik menas, oswa kalite asèlman ki danjere ki ap sible moun selon karakteristik pwoteje yo genyen.
  • Yon repetisyon ka diskou rayisab.
  • Reprezantasyon Ideyoloji Rayisman oswa lòt Antite Rayisman, ak/oswa
  • Ankourajman oswa Sipò pou lòt Antite Rayisman oswa Lide Rayisab yo.
Nou defini Òganizasyon Kriminèl, tankou yon asosyasyon ki gen twa (3) oswa plizyè moun ki:
  • ini sou yon non, koulè, jès ki fèt ak men oswa endis yo rekonèt; epi
  • ki angaje oswa ki menase pou angaje l nan aktivite kriminèl tankou omisid, trafik dwòg, oswa kidnaping.
Vyolans sou Plizyè Viktim oswa Asasina an Seri sou Plizyè Viktim
  • Nou konsidere yon evènman tankou vyolans ki lakòz plizyè viktim oswa tantativ vyolans sou plizyè viktim si li lakòz gen twa (3) oswa plis viktim nan yon sèl ensidan, ki defini kòm desè oswa blesi grav. Nenpòt moun ki te fè yon atak konsa nou konsidere l kòm moun ki fè oswa moun ki fè tantativ vyolans sou plizyè viktim.
  • Nou konsidere kòm asasen an seri nenpòt moun ki fè yon krim sou de (2) oswa plis moun pandan plizyè ensidan oswa nan plizyè kote.
Ideyoloji Rayisab
  • Menm si deziyasyon pou òganizasyon ak moun konsantre sou konpòtman, nou rekonèt gen kèk ideyoloji ak kwayans ki yon fason fondamantal makonnen ak vyolans oswa ak tantativ pou òganize moun nan alantou apèl pou vyolans oswa esklizyon lòt moun sou baz karakteristik pwoteje yo an. Nan ka sa yo, nou deziyen ideyoloji a li menm epi nou retire kontni ki ap sipòte ideyoloji sa a sou platfòm nou an. Ideyoloji sa yo gen ladan l:
    • Nazis
    • Sipremasi Blan
    • Nasyonalis Blan
    • Separatis Blan
  • Nou retire elòj ki fèt aklè, Sipò, ak Reprezantasyon ideyoloji sa yo, epi nou retire moun ak òganizasyon ki dakò mache ak youn (1) oswa plizyè nan ideyoloji rayisab sa yo.
Nivo 2: Aktè Vyolan ki pa nan Leta ak Antite ki pouse moun fè Vyolans
Òganizasyon ak moun Meta deziyen kòm Aktè Ki Pa nan Leta Ki Vyolan oswa Antite ki Ap Ensite Vyolans pa otorize pou yo prezan sou platfòm nou yo, oswa yo pa otorize pou gen lòt moun ki prezan nan non yo. Kòm kominote sa yo aktif nan fè vyolans kont aktè etatik yo oswa militè nan konfli ak zam (Aktè Vyolan Ki Pa Nan Lame) oswa ap prepare kondisyon pou fè vyolans (Antite ki Nan Fè Vyolans), nou pa otorize sipò materyèl pou antite sa yo. Epitou, n ap retire elòj pou antite sa yo.
Nou defini Aktè Vyolan Ki Pa Nan Leta, kòm nenpòt aktènon-etatik yo ki:
  • Rantre nan fè yon pakèt zak vyolans avèk pwòp volonte w epi byen planifye ki sible gouvènman an, lame oswa lòt gwoup ame ki patisipe dirèkteman nan yon batay nan ka yon konfli ak zam epi ki pa sible aklè ni ak pwòp volonte yo popilasyon sivil la gras ak gwo zak vyolans; AK/OSWA
  • Pa bay kominote yo aksè ak enfrastrikti ki enpòtan oswa resous natirèl yo; AK/OSWA
  • Rantre nan fè yon pakèt zak ki gen pou misyon pou andomaje enfrastrikti san sa pa lakoz moun mouri, blese byen grav oswa atake lavi popilasyon sivil la.
Nou defini Antite ki Rantre Nan Fè Vyolans tankou eleman ki anba a:
Yon Antite Ki Rantre Nan Fè Vyolans (Jeneral) se yon aktè non-etatik ki:
  • Gen kòm objektif fikse oswa fonksyon prevwa pou li bay, atravè vyolans, yon fonksyon aplikasyon lwa gouvènmantal ki pa otorize (tankou, lapolis, militè, imigrasyon) nan plas gouvènman an li menm, oswa anplis gouvènman an li menm; oswa pou destabilize yon fonksyon aplikasyon lwa gouvènmantal la atravè vyolans;
  • Te angaje l nan yon demach enpòtan pou atenn objektif sa a sou platfòm Meta yo; epi
  • Te patisipe nan plizyè zak menas oswa ankourajman vyolans ki grav anpil (sou entènèt oswa pa sou entènèt);
Yon Antite ki Entèdi pou Rayisman se yon aktè non-etatik ki:
  • Enplike nan konpòtman oswa retorik rayisab ki souvan repete, men ki pa atenn nivo ki nan antite Nivo 1 an paske yo pa t angaje yo nan aksyon vyolan oswa yo pa t defann vyolans lan yon fason ki aklè, oswa paske yo pa gen ase koneksyon ak òganizasyon oswa moun nou te deziyen anvan yo.
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
  • Nan kèk ka, nou ap otorize kontni ki ka vyole Estanda Kominot è yo yon lòt jan lè nou detèmine kontni a satirik. Nou ap otorize kontni an sèlman si eleman ki fè vyolasyon nan kontni an vin satirik oswa li atribiye ak yon bagay oswa yon lòt moun nan objektif pou fawouche oswa kritike yo.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Done
Gade dènye Rapò sou Aplikasyon Estanda Kominotè yo
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn èd nan sa ki gen pou wè ak moun ak òganizasyon danjere
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an