Eksplwatasyon Seksyèl sou Granmoun

Detay Politik yo
Eksperyans Itilizatè yo

Detay sou politik la

JOUNAL MODIFIKASYON
Jistifikasyon Politik la
Nou rekonèt enpòtans sèvis nou yo antanke yon espas pou pale epi atire atansyon moun sou vyolans ak eksplwatasyon seksyèl. Nou panse sa se yon bagay ki enpòtan nan konstui bon jan konpreyansyon ak kominote. Nan efò pou kreye espas pou konvèsasyon sa a epi fè pwomosyon pou yon anviwònman ki san danje, nou aksepte pou sivivan yo pataje eksperyans yo, men nou efase kontni ki reprezante, menase oswa fè pwomosyon pou vyolans seksyèl, agresyon seksyèl oswa eksplwatasyon seksyèl. Nou retire kontni ki afiche, pran defans oswa kowòdone zak seksyèl ki gen ladan li pati ki pa t bay konsantman yo pou evite fasilite zak seksyèl ki pa fèt ak konsantman. Anplis, si nou konnen gen kontni ki menase oswa fè pwomosyon pou vyòl, nou kapab dezaktive kont ki fè piblikasyon an epi travay ansanm ak fòs lòd yo, nan lide pou retire kontni an.
Pou pwoteje sivivan yo, nou retire imaj ki reprezante ka kote te gen vyolans seksyèl ak imaj entim ki pataje san konsantman moun ki parèt nan imaj la (yo). Jan sa ekri nan entwodiksyon an, nou travay tou avèk ekspè nan sekirite eksteryè pou pale sou politik nou yo epi amelyore yo ak fason nou fè aplike prensip yo nan kad pwoblèm sekirite anliy yo, epi nou ka efase kontni lè nou resevwa enfòmasyon ki gen rapò ak aktivite danjere yo. Nou ekri sou teknoloji nou itilize pou pwoteje imaj entim san pa gen konsantman yo ak rechèch ki bay travay nou an enpòtans. Epitou, nou te mete resous disponib pou siyale menas ak imaj foto toutouni ki pataje san konsantman pou Meta pou kapab tout tan anpeche foto toutouni moun gaye sou entènèt la.
Nou pa otorize:
Kontni k ap reprezante, fè pwomosyon pou, oswa ridikilize atouchman seksyèl ki fèt san konsantman, tankou:
  • Imaj ki reprezante atouchman seksyèl ki fèt san konsantman (sof nan ka zèv atizay ki reprezante moun ki pa egziste vrèman, ansanm avèk yon lejann ki kondane oswa ki net)
  • Deklarasyon k ap eseye oswa menase pou pataje, ofri, oswa mande imaj ki reprezante atouchman seksyèl ki fèt san konsantman
  • Deskripsyon atouchman seksyèl ki fèt san konsantman yo, amwenske se sivivan ki pataje li oswa nan lide pou sipòte li
  • Fè pwomosyon (tankou deklarasyon ki montre aspirasyon ak kondisyon) pou, menase pou fè, oswa admèt patisipasyonnan nan atouchman seksyèl ki fèt san konsantman
  • Kontni ki ap fè blag sou sivivan oswa konsèp atouchman seksyèl ki fèt san konsantman
  • Kontni lòt konpayi yo pataje ki idantifye viktim oswa sivivan agresyon seksyèl yo lè se sivivan an ki siyale li
Kontni, aktivite oswa entèraksyon ki fè tantativ eksplwatasyon sou moun nan:
  • Fòse yon moun bay lajan, favè oswa imaj prive pandan yo ap menase li pou pibliye imaj oswa enfòmasyon prive li yo pou tout moun wè oswa konnen (chantaj seksyèl)
  • Pataj, menas, deklarasyon yon entansyon pou pataje, ofri oswa mande imaj prive san moun lan pa dakò (NCII), sa ki fè 3 kondisyon ki pi ba yo ranpli:
    • Imaj la pa kreye nan kad komèsyal epi se nan yon kontèks prive yo pwodui li.
    • Moun ki nan foto a (prèske) toutouni, angaje nan aktivite seksyèl oswa nan yon pozisyon ki gen rapò ak sèks (sa konsène foto ki kreye nimerikman oswa foto Entèlijans Atifisyèl kreye).
    • Se atravè siyal ki pi ba yo nou di genyen mank konsantman pou pataje imaj:
      • Kontèks vanjans (tankou lejann, kòmantè oswa tit paj).
      • Sous endepandan yo tankou dosye fòs lòd yo, rapò medya yo (tankou imaj ki pran lari medya yo konfime yo) oswa reprezantan yon sivivan NCII (Imaj Entim San Konsantman) yo
      • Rapò yon moun ki reprezante nan imaj la oswa ki pote menm non avèk moun ki reprezante nan imaj la.
  • Fè pwomosyon, menase pou pataje, oswa ofri pou pwodui Imaj Entim San Konsantman (NCII) oswa imaj moun k ap bo, sou aplikasyon oswa sèvis yo (san bliye Entèlijans Atifisyèl) oswa enstriksyon, menm si pa genyen okenn imaj komèsyal oswa ki pa komèsyal ki pataje nan kontni an (pafwa sa fè referans ak aplikasyon "nudify" oswa aplikasyon "AI Kissing" yo).
  • Pataje an sekrè foto ki pa nan piblisite ki mete aksan sou pati nan kò moun ki souvan asosye ak sèks (tankou tete, hanch, bouda oswa kuis), yon moun ki nan yon pozisyon ki gen rapò ak sèks oswa yon moun ki angaje nan aktivite seksyèl epi ki pataje nan lide pou chaye, seksyalize oswa bay idantite moun ki nan foto a. Foto sa souvan rele "creepshots" oswa "upskirts".
  • Pataje, menase pou pataje oswa deklare entansyon pou pataje konvèsasyon seksyèl prive kote manke genyen konsantman pou pataje ki mansyone nan nenpòt eleman ki pi ba yo:
    • Kontèks vanjans ak/oswa kontèks menas,
    • Sous endepandan yo tankou kouvèti medya oswa dosye fòs lòd yo, oswa
    • Rapò yon moun ki reprezante nan imaj la oswa ki pote menm non avèk moun ki reprezante nan imaj la
Kontni ki gen rapò ak nekwofili (atirans seksyèl pou moun mouri) oswa dezabiyaj fòse, tankou:
  • Imaj ki reprezante nekwofili oswa dezabiyaj fòse (sof nan ka zèv atizay ki reprezante moun ki pa egziste vrèman, ansanm avèk yon lejann ki kondane oswa ki net
  • Deklarasyon k ap tante pataje, ofri, mande, oswa menase pou pataje imaj nekwofili oswa dezabiyaj fòse
  • Deklarasyon ki gen deskripsyon, pledwaye, deklarasyon aspirasyon ak kondisyon sou, deklarasyon entansyon oswa mande pou reyaji pou fè, admèt patisipasyon nan, oswa fè blag sou moun ki viv nekwofilifi oswa dezabiyaj fòse
Pou kontni ki pi ba a, nou mete yon ekran kontni sansib pou moun yo konnen kontni an kapab deranje kèk nan yo:
Tèks oswa deklarasyon ki genyen yon deskripsyon moun k ap manyen lòt moun nan yon kontèks seksyèl san yo pa vle (alekri oswa vèbal) epi ki bay detay nan yon nivo kote li di plis pase sèlman site non oswa mansyone aksyon an si:
  • Se sivivan ki pataje li, oswa
  • Se yon moun patikilye ki pataje l (yon moun ki pa sivivan lan) nan objektif pou sipòte sivivan lan oswa nan objektif pou kondane aksyon an oswa nan objektif pou tout moun kapab konnen l yon fason jeneral, sa ki pral depann de kontèks oswa lejann nan.
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
Nou kapab limite vizibilite pou moun ki gen plis pase 18 lane yo epi mete yon etikèt avètisman sou kèk kontni tankou:
  • Kontni ki reprezante atouchman seksyèl ki fèt san konsantman lè:
    • Pataje pou fè sansibilizasyon (san se pa nan yon kontèks amizman oswa pou fè sansasyon),
    • Sivivan an pa kapab idantifye, epi
    • Kontni an pa gen nidite ladan
  • Kontni ki reprezante atouchman seksyèl ki fèt san konsantman nan kad fiksyon (avangou yon fim, elatriye.) lè se patnè fyab yo ki pataje l pou fè sansibilizasyon epi san se pa nan yon kontèks pou fè sansasyon
Nou kapab limite viziblite ak moun ki gen plis pase 18 lane epi mete yon etikèt avètisman nan kèk kontni ki dekri atouchman seksyèl san konsantman, lè yo pataje li pou fè sansibilizasyon epi san se pa yon divètisman oswa kontèks sansasyonèl, kote yo pa kapab idantifye viktim nan oswa sila ki toujou vivan epi kote kontni an pa gen nidite ladan l.
Mete sou politik nou genyen pou efase kontni ki menase oswa pran defans aksyon tankou vyòl oswa lòt ka kote moun ap manyen moun nan kontèks seksyèl san yo pa vle, sa ka rive nou dezaktive kont ki fè piblikasyon an.
Nou ka fè respekte kontni yon lòt moun pataje ki idantifye viktim oswa sivivan agresyon seksyèl lè se yon reprezantan ki gen otorizasyon oswa yon Patnè Fyab ki siyale l.
Eksperyans itilizatè yo
Gade kèk egzanp ki montre ak ki sa aplikasyon prensip yo sanble pou moun ki sou Facebook yo, tankou: ak ki sa sa sanble lè pou w pote yon plent pou yon bagay ou panse ki pa ta dwe sou Facebook, lè pou yo di w ou vyole Estanda Kominotè nou yo epi pou w wè yon ekran avètisman pandan yon kantite tan.
Note: Nou toujou ap amelyore, kidonk sa ou wè la a kapab yon vèsyon ki yon ti kras pa resan parapò ak sa n ap itilize kounye a.
EKSPERYANS ITILIZATÈ
Siyale
EKSPERYANS ITILIZATÈ
Kominikasyon aprè plent
EKSPERYANS ITILIZATÈ
Eksperyans kontni ki siprime
EKSPERYANS ITILIZATÈ
Ekran Avètisman
Aplikasyon prensip yo
Nou genyen menm politik yo toupatou nan mond lan, pou tout moun sou Facebook.
Ekip verifikasyon yo
Ekip global nou an ki genyen ladan li plis pase 15,000 verifikatè ki travay chak jou pou kenbe moun ki sou Facebook yo an sekirite.
Angajman pati konsène yo
Ekspè ekstèn yo, inivèsitè yo, Òganizasyon Ki pa Gen Rapò ak Gouvènman yo ak responsab politik yo ede nan etablisman Estanda Kominotè Facebook yo.
Jwenn èd nan sa ki gen pou wè ak eksplwatasyon seksyèl sou granmoun
Dekouvri ki sa ou kapab fè si ou wè yon bagay sou Facebook ki pa respekte Estanda Kominotè nou yo.
Ale nan Sant Èd nou an