Jistifikasyon Politik la
Nou limite reprezantasyon nidite oswa aktivite seksyèl paske, gen kèk moun nan kominote nou an ki kapab sansib ak kalite kontni sa a, sitou akoz orijin kiltirèl oswa laj yo.
Nou konprann moun kapab pataje kò ki toutouni pou divès rezon, tankou yon fòm pwotestasyon, pou sansibilize pou yon kòz, oswa pou rezon edikatif oswa medikal. Lè entansyon an klè epi apwopriye, nou bay otorizasyon pou kontni an. Pa egzanp, pandan nou mete restriksyon sou kèk imaj tete fi ki gen ladan l pwent tete, nou otorize lòt imaj, ki gen ladan yo sa ki reprezante aksyon pwotestasyon, fi ki angaje nan yon fason ki aktif nan bay tete ak foto sikatris apre yon mastektomi (ki genyen yon ekran avètisman sansib ki vin ak li ak restriksyon ki baze sou laj ). Nou aksepte zèv atistik reyèl ki demontre nidite tankou foto penti, eskilti, elatriye (kèk fwa ki gen yon ekran avètisman sansib ak restriksyon selon laj ki tou mache ak yo). Nou retire imaj ki gen karaktè seksyèl yo pa defo, pou anpeche pataj kontni moun pa dakò oswa ki sible minè yo.
Selon politik sa a, nou retire foto ak videyo ki reyèl ki montre nidite ak aktivite seksyèl, imaj ki fèt gras ak entèlijans atifisyèl (Artificial Intelligence, AI) oswa òdinatè, ansanm ak imaj nimerik, kit yo gen aspè "foto ki reyalis" (sa vle di, si yo sanble ak yon moun reyèl). Jan sa mansyone pi wo a, nou fè yon eksepsyon patikilye pou atizay mond reyèl la ak yon pòsyon kontni medikal, edikatif ak sa ki pou sansibilizasyon, epi sa yo detaye nan politik la.
Nou pa aksepte kontni sa ki pi ba yo pou okenn itilizatè:
Nidite Granmoun
Imaj granmoun toutouni (fotoreyalis/dijital), si li reprezante:
Pati jenital yo byen klè (menm si pati jenital yo plen ak pwèl pibyen oswa menm si yo se yon doublaj dijital)
Tou dèyè ki vizib ak imaj rapwoche pati dèyè yon moun
Pwent tete fi ki vizib, sof nan yon kontèks alètman, oswa nan kad yon zak pwotestasyon
Videyo fotoreyalis/dijital ki konsantre sou fant janm, tete, dèyè, po bouch ki anrejistre san moun ki nan videyo a pa konnen
Sonje gen kèk restriksyon kote nou kapab aksepte reprezantasyon nidite adilt nan kontèks espesyal siplemantè, tankou kontèks medikal oswa sante. Yo pale sou sa an detay nan seksyon anba a.
Aktivite Seksyèl Granmoun
Imaj fotoreyalis/dijital ki montre aktivite seksyèl granmoun, ki gen ladan l:
Aktivite ak estimilasyon seksyèl ki afiche aklè:
Relasyon seksyèl oswa sèks oral ki afiche byen klè, kote bouch oswa pati jenital yon moun ap antre nan pati jenital oswa twou dèyè yon lòt moun oswa pati jenital ki plase sou oswa ki foure anndan yon jwèt seksyèl, kote omwen gen pati jenital oswa twou dèyè yon moun ki vizib
Estimilasyon pati jenital oswa twou dèyè yon moun ki afiche aklè, ki se sitiyasyon kote gen estimilasyon, oswa li gen ladan l jwèt sèksyèl ki rantre nan pati jenital oswa nan twou dèyè yon moun, kote kontak avèk pati jenital oswa twou dèyè a vizib dirèkteman
Aktivite ak estimilasyon seksyèl ki pa afiche aklè
Relasyon seksyèl oswa sèks oral ki pa afiche aklè, ki se sitiyasyon kote bouch oswa pati jenital yon moun antre oswa an kontak ak pati jenital oswa twou dèyè yon lòt moun, lè pati jenital epi/oswa aktivite a oswa kontak la pa vizib dirèkteman
Estimilasyon pati jenital oswa twou dèyè yon moun ki pa afiche aklè, ki se sitiyasyon kote gen estimilasyon, oswa pozisyon jwèt seksyèl ki pi wo a oswa li gen ladan l jwèt sèksyèl ki rantre nan pati jenital oswa nan twou dèyè yon moun, oswa pati jenital ki plase sou oswa ki foure anndan yon jwèt seksyèl, kote pati jenital oswa twou dèyè a, estimilasyon, pozisyon epi/oswa jan li rantre a pa vizib dirèkteman
Aktivite seksyèl potansyèl, jan sa endike nan pozisyon ki sijere gen yon kontak ki pral fèt ant men, bouch oswa pati jenital yon moun ak pati jenital oswa twou dèyè yon lòt moun.
Lòt aktivite ak estimilasyon seksyèl:
Ereksyon
Prezans pwodui ki se rezilta aktivite seksyèl
Jwèt seksyèl yo mete sou bouch la oswa yo foure anndan l.
Estimilasyon pwent tete yon moun ki vizib
Peze pwent tete yon fi, li defini tankou yon mouvman kote yo kenbe li avèk dwèt yo ki pliye epi ki montre alafwa yon mak ak yon chanjman aklè nan fòm tete a. Nou otorize pou yo peze pwent tete nan kontèks lè y ap bay tete.
Imaj fotoreyalis/dijital oswa zèv atistik reyèl ki reprezante fetich ki montre sa ki pi ba yo:
Aksyon ki gen chans pou mennen ak lanmò yon moun oswa yon bèt
Rache manm moun
Kanibalis
Twalèt, pipi, krache, larim, san règ oswa vomi
Konpòtman bèt
Ensès
BDSM (esklavaj ak disiplin, dominasyon ak soumisyon, sadis ak mazochis) sèlman lè endikatè seksyèl yo prezan tou
Imaj fotoreyalis yon aktivite oswa yon estimilasyon seksyèl ki aklè nan yon kontèks medikal oswa sanitè
Odyo pwolonje sou aktivite seksyèl
Sonje gen kèk restriksyon kote nou kapab aksepte reprezantasyon aktivite seksyèl nan kontèks espesyal siplemantè, tankou kontèks medikal oswa sante. Yo pale sou sa an detay nan seksyon anba a.
Pou kontni ki pi ba a, nou limite kapasite pou wè kontni kote se sèl granmoun ki gen plis pase 18 lane yo ki kapab gen aksè avè l, epi nou mete yon ekran avètisman pou moun yo konnen kontni an kapab sansib:
Imaj dijital oswa zèv atistik reyèl ki reprezante aktivite oswa estimilasyon seksyèl ki klè nan yon kontèks medikal oswa sante
Imaj fotoreyalis/dijital ak zèv atistik reyèl ki reprezante aktivite oswa estimilasyon ki pa aklè, oswa lòt nan yon kontèks medikal oswa sante
Imaj fotoreyalis/nimerik ak zèv atizay nan mond reyèl pou pati jenital ki vizib, twou dèyè ki vizib, bouda ki afiche nan premye plan ki vizib oswa tete fanm ki vizib nan kad yon operasyon pou konfime idantite seksyèl
Zèv atistik reyalis ki montre pati jenital vizib (tankou pati jenital ki gen yon doublaj dijital oswa yon bagay ki bouche l, epi pati jenital ki kache anba pwèl pibyen sèlman), twou dèyè ki vizib, imaj rapwoche dèyè moun ki vizib oswa pwent tete fi ki vizib, kote nidite se objektif prensipal imaj la epi li fèt pa nan yon kontèks medikal oswa sante.
Imaj fotoreyalis/dijital pati jenital ki vizib (tankou pati jenital ki kouvri ak yon doublaj dijital oswa yon bagay ki bouche l ak pati jenital ki kache anba pwèl pibyen), imaj rapwoche sou dèyè yon moun ki vizib, twou dèyè ki vizib oswa tete fanm ki vizib, lè yo pataje nan kontèks grangou, jenosid, krim lagè, oswa krim kont limanite
Pou kontni sa a, nou limite kapasite pou wè kontni an pou granmoun yo, moun ki gen 18 lane yo oswa plis:
Imaj fotoreyalis/dijital ki montre moun ki prèske toutouni tankou nidite kote se sèlman yon doublaj dijital ki kache l oswa yon objè opak ak kèk ka kote se rad ki transparan ki kache nidite a.
Imaj fotoreyalis/dijital moun kote fant janm, po dèyè yo oswa tete fanm se pwen santral imaj la
Imaj fotoreyalis/dijital ak zèv atistik reyèl ki reprezante aktivite oswa estimilasyon aklè, ki pa aklè (oswa ki kache) oswa lòt lè fòm kò yo oswa kontou yo vizib
Zèv atistik reyèl, kote
Imaj yo montre aktivite oswa estimilasyon seksyèl ki pa aklè, ki aklè oswa lòt bagay, sof lè yo pibliye yo nan kontèks medikal oswa sante
Imaj ki reprezante konpòtman bèt sof si li pataje nan yon kontèks net oswa pou kondane, epi moun oswa bèt ki reprezante yo pa reyèl.
Imaj fiktif fotoreyalis ki rekonèt la reprezante lòt aktivite seksyèl oswa estimilasyon ki pa klè oswa lòt
Imaj fotoreyalis/dijital ak zèv atistik ki reprezante:
Aktivite ki baze sou sèks tankou moun k ap bo epi lang yo ak dans seksyèl oswa ewotik
Moun k ap simile aktivite seksyèl
Jès ki reprezante mastibasyon, sèks oral, oswa relasyons seksyèl
Logo, foto ekran oswa sekans videyo sit entènèt pònografik ki selèb
Kontni ki gen odyo aktivite seksyèl ladan yo
Pou kontni sa yo, nou mete yon etikèt pou moun kapab konnen kontni an se yon kontni ki ka sansib:
Imaj fotoreyalis/dijital ak zèv atistik ki reprezante:
Pati jenital ki vizib (tankou pati jenital ki gen yon doublaj dijital oswa yon bagay ki bouche li ak pati jenital ki kouvri anba pwèl pibyen), imaj rapwoche po dèyè moun ki vizib, twou dèyè ki vizib, lè li pataje nan yon kontèks medikal oswa sante. Sa kapab gen ladan l, pa egzanp:
Akouchman ak moman apre akouchman yo
Egzamen ou fè poukont ou pou kansè oswa lòt maladi
Pwent tete fanm ki vizib, lè li pataje nan yon kontèks medikal oswa sante (tankou mastektomi oswa tatou moun ki siviv nan kansè)
Pou Estanda Kominotè sa yo, nou bezwen enfòmasyon ak/oswa kontèks anplis pou aplike yo:
Nan kèk ka, n ap otorize kontni pou moun ki gen 18 lane pou pi piti ak tout yon etikèt kote kontni sa yo kapab vyole Estanda Kominot
è yo yon lòt jan lè nou detèmine kontni a satirik.
Nou ap otorize kontni an sèlman si eleman ki fè vyolasyon nan kontni an vin satirik (komik) oswa li atribiye ak yon bagay oswa yon lòt moun nan objektif pou fawouche oswa kritike yo.