Suicidio, ñande jehe jejahéi ha jekaru vai

Política rehegua Detalle

Puruharakuéra rembiasa

Dato

Política omyesakãmbáva

OÑEMOAMBUÉVA JEHECHARÃ

Ko ára

2026 Jasykõi 27

2025 Jasypo 15

2024 Jasypa 3

2024 Jasypokõi 26

2024 Jasypokõi 3

2024 Jasypo 2

2023 Jasypakõi 30

2022 Jasyrundy 29

2021 Jasypa 1

2020 Jasypo 5

2020 Jasypakõi 18

2020 Jasypateĩ 19

2020 Jasypokõi 31

2019 Jasypokõi 2

2019 Jasyrundy 27

2019 Jasyapy 21

2018 Jasyporundy 1

Política Ñemoneĩ

Rojepy’apyete tapichakuéra oiporúva umi ore app ñeñangareko rehe. Roñomongeta jepi umi experto suicidio, ñande jehe jejahéi ha jekaru vai rehe orepytyvõ haguã romomarandúvo ore política ha tembiapoukapy rehegua, ha romba’apo atyveténdi yvy tuichakuépe rome’ẽ haguã tapichakuéra oñeñandu vaívape pytyvorã.

Ndorohejáiramo jepe tapichakuérape oipotávo térã ndoipotáivo ogueromandu’a térã omotenonde suicidio, ñande jehe jejahéi térã jekaru vai, roheja tapichakuérape oñe’ẽ ko’ã mba’e rehe roipotágui ore kuave’ẽmby ha’eha peteĩ tenda ikatuhápe tapichakuéra omombe’u hembiasa, omokyre’ỹ jehesape’a ko’ã mba’ére ha oheka pytyvõ ojuehegui. Ikatu avei roheja ko contenido jehecha umi kakuaávape oguerekómava 18 ary térã hetave añoite.

Roipe’a oimeraẽ contenido omokyre’ỹva suicidio, ñande jehe jejahéi térã jekaru vai, oikehápe contenido gua’u ha’eháicha meme térã mba’e oñemoha’ãnga va’ekue, ha oimeraẽ contenido ohechaukapáva oñembyaíva, ojesareko’ỹre pe contexto rehe. Roipe’a contenido ombo’éva ñembopo’ieterei rekorã. Roipe’a avei contenido oñembohorýva umi oguerohasa asýva térã manógui ojeipe’a va’ekue rehe suicidio, ñande jehe jejahéi térã jekaru vai rehe, upéicha avei mba’e tiempo real ohechaukáva suicidio térã pe hetére ojejahéiva. Contenido oikuaaukáva suicidio, ñande jehe jejahéi térã jekaru vai recuperación ojeheja, ha katu ikatu oguereko ta’ãngakuéra omoñandu vaikuaáva (ha’eháicha peteĩ ñekytĩ) oñemoĩ peteĩ ñañandu vai jesarekorã mo’ãha kupépe ha rohejáta avei ko contenido jehecha umi kakuaávape oguerekómava 18 ary térã hetave añoite.

Tapichakuéra oikuaauka térã oheka jave suicidio, ñande jehe jejahéi térã jekaru vai contenido rehegua, romboguatáta chupekuéra atyvete local-pe ome’ẽkuaáva jeykeko ha ore Comunidad Jeykekoha aty ojepy’apýramo mba’e ombyai voíva rehe rohenóita emergencia-pe oipytyvõ haguã chupekuéra. Eikuaave haguã, eho Meta Ñeñangarekorã Rendápe.

Contenido en vivo rehegua, umi experto he’i oréve oĩramo he’íva oñeha’ãseha ojesuicida haguã peteĩ transmisión-pe, roheja va’erãha pe contenido ikatuháicha, ipukuvévo oĩgui oñe’ẽva peteĩ cámara ndive, oĩvéta oportunidad peteĩ iñangirũ térã hogaguáva ohenói haguã emergencia-pe. Ha katu, romomichĩ haguã mba’e ombyaíva ambuekuérape ohechávo ko contenido, rojokóta pe transmisión oikohápe pe amenaza-gui peteĩ ñeha’ã tee. Oje’eháicha yvatépe, taha’e ha’éva, roñe’ẽta emergencia ndive rohechakuaáramo oĩha oñembyai pya’epotáva.

Ndorohejái:

Contenido omoherakuãva, omokyre’ỹva, omohendáva térã oikuave’ẽva jehekombo’e suicidio, ñande jehe jejahéi térã jekaru vaípe guarã

Contenido ohechaukapaitéva suicidio, ñande jehe jejahéi térã jekaru vai.

Contenido ohechaukáva tapicha oguerohasa suicidio ñeha’ã térã suicidio rupive ñemano

Tapicha ra’ãngakuéra ojehupívo ñe’ẽ jekaru vai rehe ojoajúva oñondive

Contenido ojesarekóva ojechaukáva rehe costilla, ati’y kangue, muslo pa’ũ, tumby, tye ipyko’ẽva, atukupe kangue rysýi iñapysẽva, atukupe kangue, kangue ojehecháva jyva térã tetymáre térã tova yke oguejýva ojehupívo ñe’ẽ jekaru vai rehe ojoajúva oñondive.

Contenido ombo’éva ñembopo’ieterei rekorã

Contenido omoneĩva ñembopo’ieterei ojehupívo ñe’ẽ karu vai rehe ojoajúva reheve.

Contenido oguerekóva dieta restrictiva jehekombo’e ojehupívo ñe’ẽ jekaru vai rehe ojoajúva oñondive

Contenido oñembohorýva umívare suicidio, ijehe jejahéi térã jekaru vai oguerohasa térã ojeipe’a va’ekue, taha’e ha’éva maymave renondépe térã implícito ramo ojekuaáva oguerohasaha suicidio, ijehe jejahéi térã jekaru vai

Tapicha rete ñemoambue ra’ãngakuéra (techapyrã, tatuaje, piercing, escarificación, autoflagelación ha mba’e) ojehupívo suicidio térã ñande jehe jejahéi contexto-pe

Ambue contenido-pe guarã, romoĩ peteĩ jesarekorã mo’ãha ikatu haguãicha tapichakuéra ohechakuaa haguã ko contenido ikatuha hína omoñandu vai. Avei roheja pe contenido jehecha umi kakuaávape oguerekómava 18 ary térã hetave añoite:

Ta’ãnga térã ta’ãngamýi ohechaukáva peteĩ tapicha oike va’ekue eutanasia/suicidio asistido-pe peteĩ entorno médico-pe.

Contenido ohechaukáva ijehe ojahéiva rembiecharã tujáva ha'eháicha ñekytĩ oñemonguerámava térã ambue ijehe ojahéiva ra’ãngakuéra ndojechaukapáiva peteĩ contexto-pe ijehe ojahéiva, suicidio térã recuperación rehegua

Contenido ohechaukáva costilla, ati’y kangue, muslo pa’ũ, tumby, tye ipyko’ẽva, atukupe kangue rysýi iñapysẽva, atukupe kangue, kangue ojehecháva jyva térã tetymáre térã tova yke oguejýva peteĩ contexto-pe recuperación rehegua

Ko’ã contenido-pe guarã, rome’ẽ recurso tapichakuérape ha roheja pe contenido jehecha umi kakuaávape oguerekómava 18 ary térã hetave añoite:

Ohaíva térã oñe’ẽva oguerohasaha suicidio, ijehe ojahéiva térã jekaru vai.

Mba’e oje’éva térã referencia ojapóva nahesakãiva ikatúva oñe’ẽ suicidio-gui (oikehápe méme térã ñongatuha pegua ta’ãngakuéra ohechaukáva pirevai, jejopy, ohecháva mano mba’e jejopýgui oipe’áva ramo, téra cultura popular contenido ojesarékóva akãngeta pytũ ha vy’a’ỹ rehe) peteĩ contexto-pe suicidio térã ijehe ojahéiva rehegua.

Ko’ã contenido-pe guarã, roheja pe contenido jehecha umi kakuaávape oguerekómava 18 ary térã hetave añoite

Oñembohory hese térã ndohechakuaái suicidio, ñande jehe jejahéi térã jekaru vai he’iseha

Moñe’ẽrã oguerekóva mba’e omombe’úva suicidio mba’e omyesakãmbáva reheve ohasapáva mba’e ojehu va’ekue jeherógui térã mba’e upégui oiko

Omoneĩva ñembopo’ieterei

Ko’ã Comunidad Mbojojahakuérape guarã, roikotevẽ maranduve térã contexto ojehekome’ẽ haguã tembiapoukapy rupive:

Ikatu roipe’a suicidio rehegua kuatiañe’ẽ roñemoañetéramo oikohague suicidio térã suicidio ñeha’ã. Roñeha’ã rohechakuaa haguã suicidio rehegua kuatiañe’ẽ heta factor roiporúvo, oikehápe, ha katu ápe ndopái:

Ogagua térã ñangarekoha legal jejerure,

Momaranduha, tahachi térã ambue fuente ñemombe’u (techapyrã, tetã remimoĩmby, ONG), térã Suicidio rehegua Contenido Kuatiahai Contacto-rã térã Instagram Kuatiahai Contacto-rã.

Rohechakuaa umi señal okaháre upe plataforma omoneĩva suicidio, ijehe jejahéi téra karu vai apañuái,téra peso jeguejy ojekuaaitereíva peteĩ puruhára rehe’ae, ojehecha haguã upe contenido específico oikuaaukáva ha’e Meta Plataforma-pe ikatukuaa hína peteĩ riesgo ambue tapichápe guarã.