Comunidad Mbojojahakuéra
Ñepyrũmby
Ko’ã mbojojaha oñemopyenda tapichakuéra remiandu ha umi experto ñemoñe’ẽ rehe tembikuaápe ha’eháicha tecnología, ñeñangareko opavavépe guarã ha tapichakuéra derecho. Romoañete haguã maymave ñe’ẽ ojehechakuaaha, roñeñangarekoite rojapóvo mbojojaha ogueroikéva jehecha he jerovia opaichagua, tuichaitépe tapichakuéra ha comunidad ikatúva ojehechagi térã oñemboyke mba’e.
Ára ha ára, tapichakuéra oiporu Facebook, Instagram, Messenger ha Threads ohupívo hembiasa, oñombohovái iñangirũ ha hogaguándi ha omopu’ã haguã comunidad-kuéra. Ore kuave’ẽmby rupi hetaiterei tapichakuéra ikatu oñeñanduka sãso’ỹre tetãnguéra ha tekohakuéra rupi ha hetaite ñe’ẽme.
Meta ohechakuaa mba’e tuichaha hína Facebook, Instagram, Messenger ha Threads-pe oikóvo chugui tapichakuéra oñeñanduhápe ipu’akáva ramo ojeikuaauka haguã, ha añetehápe romba’apo okápe romombyta jeporu vai ore kuave’ẽmbýgui. Upévare roguerojera mbojojaha ohekome’ẽva mba’e ikatúva ha ndaikatúiva oĩ ko’ã kuave’ẽmbýpe.
Eikuaamíkena inglés Estados Unidos pegua Comunidad Mbojojahakuéra versión oikuaauka política aty oñembopyahuvéva ha ojeiporu va’erã kuatia tee tenondeguáva ramo.
Ore compromiso ñe’ẽ ndive
Ore Comunidad Mbojojahakuéra ohupytyséva hína omopu’ãvo tenda oñeñanduka haguã ha ome’ẽvo tapichakuérape iñe’ẽrã. Meta oipota tapichakuéra oñemongeta sãso’ỹme mba’e ohecharamóva hikuái rehegua, taha’e ha’éva temiandu ojehaíva, ta’ãnga, purahéi térã ambue mba’e artístico rupive, oĩramo jepe naipy’apeteĩriva térã oñemoĩva hese. Sapy’ánte, roheja toĩ contenido—ambueháicha opyrũmo’ã ore mbojojahakuérare—oĩramo mba’e marandu myasãirã ha opavavépe guarã mba’e tuicháva. Kóva rojapo rombojovake rirénte mba’e opavavépe guarã mba’e tuicháva oñemoĩvo mba’e ombyaikuaáva rehe, ha rojesareko tapichakuéra derecho yvy ape ári mbojojahakuéra rombojovake haguã upéicha. Ambueháicha, ikatu roipe’a contenido iñe’ẽ ambiguo térã implícito oĩ jave hetave contexto orembohapéva hekópe rohechakuaa haguã pe contenido opyrũha ore mbojojahakuéra rehe.
Ore compromiso ñeñanduka ndive mba’e tenondevegua hína, ha katu rohechakuaa internet omoheñoiha oportunidad ipyahúva ha ituicháva ojeiporu vai haguã. Upévare, romombyky jave ñeñanduka, rojapo rohapykuehóvo peteĩ térã hetave ko’ã tekorãgui:
AÑETEKUE
Romoañetese contenido tapichakuéra ohecháva iñañeteha. Roguerovia añetetekue omoheñói tekoha iporãvéva marandu jehupirã, ha upévare ndroipotái tapichakuéra oiporu ore kuave’ẽmby ojechauka avy mávapa hikuái térã mba’épa ojapo.
ÑANGAREKOKORÃ
Romba’apo rojapóvo Facebook, Instagram, Messenger ha Threads-gui tenda oñeñangarekohápe. Roipe’a contenido ikatúva oipytyvõ toiko haguã mba’e ombyaíva tapichakuéra rete ñeñangarekorã. Contenido he’íva oporombyaikuaaha ikatu omongyhyje, omboyke térã omokirirĩ ambuévape ha ndojehejái ore kuave’ẽmbýpe.
ÑEIME ÑEMIRÃ
Romba’apo roñangarekóvo ñeime ñemirã ha marandu personal rehe. Ñeime ñemirã oporomosãso oiko haguã tapichakuéragui oikoiteháicha, oiporavo haguã mba’éichapa ha araka’épa ojeikuaauka ore kuave’ẽmbýpe ha ojoaju haguã hasy’ỹve.
TEKOKATU
Roguerovia opavave tapichakuéra peteĩchanteha tekokatu avei iderechokuéra ñemomba’épe. Roha’arõ tapichakuéra omomorã ambuéva rekokatu ha ndojopýi ni omboapo’i ambuévape.
Comunidad Mbojojahakuéra
Ore Comunidad Mbojojahakuéra ojeguereko opavavépe, yvy tuichakue, ha opaichagua contenido-pe guarã, ápe oike avei contenido IA rupive ojejapóva.
Peteĩ teĩ umi Comunidad Mbojojaha oñepyrũ peteĩ “Política Ñemoneĩ” reheve ohechaukáva jehupytyrã pe política oguerekóva, upe rire oĩ línea política ojeiporavóva omombe’úva:
Contenido ndojehejáiva; ha
Contenido oikotevẽva maranduve téra contexto ojehekome’ẽ haguã tembiapoukapy rupive, contenido ojehejáva peteĩ jesarekorã mo’ãha reheve térã contenido ojehejáva ojekuaa haguã umi kakuaáva oguerekóva térã ohasámavape 18 ary añoite.