Pisikal nga Pag-atake ug Pagpanghagit

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Tumong namong likayan ang posibleng offline nga kasamok nga konektado tingali sa content sa among mga platform. Bisag nakasabot mi nga sagad ipahayag sa mga tawo ang ilang kawalay pagtahod o kawalay pag-uyon pinaagig pagpanghadlok o pagpangitag samok sa dili seryosong mga paagi, among tangtangon ang mga pulong nga nagpakita o makapaaghat sa kasamok ug morag tinuod nga mga panghadlok para sa safety sa publiko o sa personal. Apil ani ang bayolenteng mga sinultihan nga para sa usa ka tawo o grupo sa mga tawo tungod sa ilang protektadong (mga) kinaiyahan o istado sa imigrasyon. Among tangtangon ang content, i-disable ang mga account ug makigtinabangay sa tigpatuman sa balaod kon para namo naay tinuod nga hulga sa pisikal nga kadaot o direktang hulga sa safety sa publiko. Konsiderahon pod namo ang mga pulong ug konteksto aron maila ang kalainan sa dili seryoso o angayng aksiyonan nga mga pahayag gikan sa content nga nagpakita nga kini maoy hulga sa safety sa publiko o sa personal nga safety. Aron mailhan kon tinuod ba ang hulga, konsiderahon pod namo ang dugang impormasyon parehas sa kon unsa ka sagad makita sa publiko ang usa ka tawo ug ang kapeligrohan sa ilang pisikal nga safety.
Sa pipila ka kahimtang, makakita mig mga hulga sa kasamok nga nanghinaot og kadaot o kondisyonal nga kadaot, apil ang mga ekspresyon sa panghinaot nga naay mahitabong kasamok nga direkta sa mga terorista ug uban pang tighimog kasamok (pananglitan, “Angayng patyon ang mga terorista,” “Mapatay pa unta nila ang mga terorista”). Giila namo nga dili ni seryoso, gawas kon naay klarong ebidensiya nga nagpakita nga seryoso ni.
Tangtangon Namo ang:
Tangtangon namo ang mga hulga sa pagkabayolente batok sa lainlaing target. Ang mga hulga sa pagkabayolente maoy mga pahayag o visual nga nagpakitag intensiyon, kagustohan, o panawagan para sa pagkabayolente batok sa usa ka target, ug mga hulga nga pwedeng ipahayag sa lainlaing klase sa pahayag sama sa mga pahayag sa kagustohan, panawagan para aksyonan, adbokasiya, pahayag sa paglaom, mga pahayag sa kagustohan ug kondisyonal nga mga pahayag.
Dili namo idili ang mga hulga dihang gi-share ni para sa konteksto sa paghatag og impormasyon o pagsaway, dihang gihimo ang dili ra kaayo grabeng mga hulga sa konteksto sa pisikal nga sport, o partikular nga mga hulga bahin sa bayolenteng mga aktor, sama sa teroristang mga grupo.
Katibuk-ang mga proteksiyon para sa tanan:
Protektado ang tanan batok sa mosunod nga mga hulga:
  • Mga hulga sa pagkabayolente nga pwedeng moresultag kamatayon (o uban pang klase sa grabeng pagkabayolente)
  • Mga hulga sa pagkabayolente nga pwedeng moresultag kamatayon (o uban pang klase sa dili kaayo grabeng pagkabayolente) Tangtangon namo ang maong mga hulga batok sa iladong mga tawo ug grupo nga dili base sa protektadong kinaiyahan kon mapamatud-an, ug tangtangon namo kini batok kang bisan kinsang target (apil ang mga grupo nga base sa protektadong kinaiyahan) bisan pag dili ni mapamatud-an
  • Pag-angkon sa grabe o dili kaayo grabeng pagkabayolente (gisulat man o gisulti, o visual nga gipakita sa naghimo nini o sa associate), gawas kon gi-share base sa konteksto sa pagtubos, pagdepensa sa kaugalingon, o pisikal nga sports (dili kaayo grabe o mas ubos pa), o dihang gihimo sa tigpatuman sa balaod, militar o sa security personnel sa estado
  • Mga hulga o pagpakita sa pagpangidnap, gawas kon klaro nga gi-share ang content sa biktima o sa pamilya niini ingon nga pagpangayog tabang, o gi-share para sa impormasyon, para sawayon o para maghatag og katibuk-ang impormasyon
Dugang proteksiyon para sa Pribadong mga Adulto, Tanang Bata, delikadong mga tawo ug mga tawo o grupo base sa ilang protektadong kinaiyahan:
Gawas pa sa katibuk-ang mga proteksiyon para sa tanan, ang tanang pribadong mga adulto (dihang personal nga gireport), mga bata ug mga tawo o grupo nga gi-target tungod sa ilang (mga) protektadong kinaiyahan protektado gikan sa mga hulga sa dili grabeng pagkabayolente.
Uban pang Pagkabayolente
Gawas pa sa tanang proteksiyon nga gilista sa ibabaw, tangtangon namo ang mosunod:
  • Content nga nangayo, nagtanyag, o nag-angkon sa pagtanyag og grabeng pagkabayolente (pananglitan, mga hitman, pribadong mga sundalo, assassin, pagtangtang sa kinatawo sa babaye) o nagpasiugda sa paggamit niini nga mga serbisyo
  • Mga instruksiyon kon unsaon paghimo o paggamit og mga hinagiban diin klarong gisulti ang tumong nga pasakitan pag-ayo o patyon ang mga tawo, o hulagway nga nagpakita o nagpa-imagine sa resulta, gawas kon ang konteksto sa content maoy para sa dili bayolente nga katuyoan sama sa pagtudlo kon unsaon pagdepensa sa kaugalingon (pananglitan, training sa pagpakig-away, martial art) ug training sa military
  • Mga instruksiyon kon unsaon paghimo o paggamit og mga paboto, gawas kon ang konteksto sa content maoy para sa dili bayolente nga katuyoan sama sa paggamit niini para sa kalingawan (pananglitan, mga firework ug komersyal nga mga video game, pagpangisda)
  • Mga hulga sa pagbaton og armas o pagdala og armas sa usa ka lokasyon o posibleng pinugos nga sudlon ang usa ka lokasyon (apil, pero dili limitado sa mga simbahan, eskuwelahan, botaranan o mga lokasyon nga gigamit sa pag-ihap sa mga boto o diin gipahigayon ang eleksiyon), o mga lokasyon diin naay temporaryong mga signal sa mas dakong kapeligrohan sa pagkabayolente.
  • Mga hulga sa pagkabayolente nga konektado sa pagbotar, pagparehistro sa botante, o ang pagpahigayon o resulta sa eleksiyon, bisan pag walay target.
  • Pagdayed sa pagkabayolente tungod sa gender nga gikan tingali sa karelasyon o tungod sa dignidad
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
Tangtangon Namo ang:
  • Mga hulga batok sa mga opisyal nga tigpatuman sa balaod o mga opisyal sa eleksiyon, ilado man sila o dili o bisag dili mapamatud-an nga tinuod ang hulga.
  • Gi-code nga mga pahayag diin wala klarong giplano ang pamaagi sa pagkabayolente, pero gitabonan o dili direkta ang hulga, sumala sa gibati sa kombinasyon sa signal sa hulga ug sa konteksto gikan sa lista sa ubos.
    • Hulga: gi-code nga pahayag nga usa sa mosunod:
      • Gi-share sa konteksto sa panimalos (pananglitan, mga pahayag sa tinguha nga mahimong bayolente batok sa uban ingonng panimalos o sa hulga nga tingali tinuod, giplano o gidahom)
      • Mga paghisgot sa historikal o fictional nga mga insidente sa pagkabayolente (pananglitan, content nga naghulga sa uban pinaagi sa paghisgota sa iladong historikal nga mga hitabo sa pagkabayolente nga gihimo sa katibuk-ang setting sa kasaysayan o sa fictional)
      • Mga buhat ingong hulga nga panawagan sa pahimog aksiyon (pananglitan, content nga nagdapit o nag-awhag sa uban nga maghimong bayolente o moapil sa paghimog pagkabayolente)
      • Nagpakita nga nahibalo bahin sa o nag-share og sensitibong impormasyon nga pwedeng mabuhatan ang uban og pagkabayolente (pananglitan, content nga nagtimaan o dili direktang nagpahibalo og personal nga impormasyon nga makapahimo sa pagkabayolente nga mas tinuod paminawon. Apil ani ang dili direktang pagsulti nga nahibalo ka sa address sa tawo, kon asa sila nagtrabaho o nag-eskuwela, inadlawng ruta kon asa siya manakayan o kasamtangang lokasyon)
    • Konteksto
      • Gipamatud-an sa lokal nga konteksto o pagkaeksperto nga ang gidudahang pahayag pwedeng moresultag pagkabayolente.
      • Gi-report kanamo sa target sa content o sa awtorisadong representate ang content.
      • Bata ang target.
  • Dili direktang mga hulga nga magdala og armas sa mga lokasyon, parehas pero dili limitado sa mga simbahan,eskuwelahan, botaranan o mga lokasyon nga gigamit sa pag-ihap sa mga boto o diin gipahigayon ang eleksiyon (o pag-awhag sa uban nga mao pod ni himoon), o mga lokasyon diin naay temporaryong mga signal sa mas dakong kapeligrohan sa pagkabayolente.
  • Mga pangangkon o espekulasyon bahin sa korapsiyon nga konektado sa eleksiyon, mga butang nga dili normal, o pagpihig nga inubanan sa signal nga ang content naghulga og pagkabayolente (pananglitan, mga hulga nga magbaton o magdala og armas, visual nga pagpakita sa usa ka armas, paghisgot bahin sa pagpanunog, pagpangawat, bandalismo), apil ang:
    • Pag-target sa (mga) indibidwal
    • Pag-target sa usa ka espesipikong lokasyon (estado o mas gamay pa)
    • Diin wala direktang hisgoti ang target
  • Mga paghisgot bahin sa mga panagkatigom o hitabo nga konektado sa eleksiyon nga inubanan sa signal nga ang content naghulga og pagkabayolente (pananglitan, mga hulga nga magbaton o magdala og armas, visual nga pagpakita sa usa ka armas, paghisgot bahin sa pagpanunog, pagpangawat, bandalismo).
  • Mga hulga nga grabe o dili kaayo grabe nga pagkabayolente aron depensahan ang kaugalingon o ubang tawo dihang naa ang tanang kinahanglanon nga naa sa ubos.
    • Batok sa usa ka tawo (gawas sa mga tawo nga mailhan gamit ang ngalan o nawong, mga tawong gi-target tungod sa ilang mga protektadong kinaiyahan, ug mga bata)
    • Sa konteksto sa pagsulod sa panimalay o interpersonal nga pagkabayolente nga usa ka kasamtangang hulga ug katumbas sa lebel sa pagkabayolente
    • Mas dako ang posibleng epekto sa kagawasan sa pagpahayag kay sa kapeligrohan sa nagsingabot nga kasamok
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa pisikal nga pag-atake ug pagpanghagit
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang