Pagpakamatay, Pagpasakit sa Kaugalingon, ug mga Problema sa Pagkaon

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Importante kaayo namo ang safety sa mga tawo nga naggamit sa among mga app. Regular namong ginakonsulta ang mga eksperto sa pagpakamatay, pagpasakit sa kaugalingon, ug mga problema sa kaon aron magiyahan ang among mga palisiya ug pagpatuman, ug makigtinabangay mi sa mga organisasyon sa tibuok kalibotan aron matabangan ang mga tawo nga nakaatubang og grabeng kalisdanan.
Bisag dili namo tugotan ang mga tawo nga tinuyo o dili tinuyo nga apresiyahon o ipaisugda ang pagpakamatay, pagpasakit sa kaugalingon o mga problema sa kaon, tugotan namo ang mga tawo nga hisgotan ni nga mga topiko kay gusto namong ang among mga serbisyo mahimong usa ka dapit diin mapaambit sa mga tawo ang ilang mga kasinatian, makahatag silag impormasyon bahin niini nga mga isyu, ug makapangitag suporta gikan sa usag usa. Kini nga content posibleng makita lang sa mga adulto nga 18 anyos pataas.
Tangtangon namo ang bisan unsang content nga nagdasig og pagpakamatay, pagpasakit sa kaugalingon, o problema sa kaon, apil ang hinimo-himo nga content sama sa mga meme o drawing, ug bisan unsang content bahin sa pagpasakit sa kaugalingon nga makapatugaw, bisag unsa pay konteksto. Tangtangon namo ang content nga naay mga instruksiyon para sa dili normal nga pagpaniwang. Tangtangon pod namo ang content nga nagyagayaga sa mga biktima o naluwas gikan sa pagpakamatay, pagpasakit sa kaugalingon, o mga problema sa kaon, apil ang pagpakita sa kasamtangang pagpakamatay o pagpasakit sa kaugalingon. Butangan og sensitivity screen ang content bahin sa pagpaayo gikan sa pagpakamatay, pagpasakit sa kaugalingon, o mga problema sa kaon nga gitugotan, pero naa tingali makapatugaw nga mga hulagway (parehas sa naayo na nga uwat) ug mga 18 anyos pataas lang ang makakita ani.
Dihang ang mga tawo mag-post o mag-search og content nga konektado sa pagpakamatay, pagpasakit sa kaugalingon o mga problema sa kaon, tultolan namo sila sa lokal nga mga organisasyon nga naghatag og suporta ug kon ang among team sa mga Operasyon sa Komunidad nabalaka bahin sa posibleng nagkaduol nga kadaot, kontakon namo ang lokal nga mga serbisyo sa emergency aron padad-an silag tabang. Para sa dugang impormasyon, bisitaha ang Sentro sa Safety sa Meta.
Kon bahin sa live content, giingnan mi sa mga eksperto nga kon naay moingon nga gusto silang mosulay sa pagpakamatay diha sa livestream, kinahanglan namong pasagdan ang maong content kutob sa mahimo kay kon mas dugay siyang mag-estorya atubangan sa camera, mas modako ang kahigayonan nga makapanawag og mga serbisyo sa emergency ang iyang mga higala ug pamilya.Pero, aron makuhaan ang kapeligrohan nga negatibong maapektohan ang uban tungod sa pagtan-aw niini nga content, among hunongon ang livestream sa punto nga iya nang himoon ang iyang gihulga. Parehas sa gihisgotan sa itaas, sa bisan unsa mang kahimtang, kontakon namo ang mga serbisyo sa emergency kon mailhan namo nga nagkaduol ang kapeligrohan nga pasakitan sa usa ka tawo ang iyang kaugalingon.
Dili namo tugotan ang:
  • Content nga nagpsiugda, nag-awhag, nagplano, o naghatag og instruksyon sa pagpakamatay, pagpasakit sa kaugalingon, o mga problema sa pagkaon
  • Content nga nagpakita sa hulagway sa pagpakamatay, pagpasakit sa kaugalingon o problema sa pagkaon
  • Content nga nagpakita sa usa ka tawo samtang nagsulay sa pagpakamatay o namatay kay nagpakamatay
  • Hulagway sa mga tawo nga dihang dungan nga i-share sa mga termino nga konektado sa mga problema sa pagkaon
  • Content nga nagpokus sa pagpakita og mga gusok, collar bone, gintang sa paa, bat-ang, hupyak nga tiyan, makita na nga mga dugokan, scapula, makita nga mga bukog sa kamot o tiil o hupyak nga aping dihang gi-share nga konektado sa mga problema sa pagkaon
  • Content nga naay mga instruksyon para sa kinaiya sa grabeng pagpaniwang
  • Content nga nag-angkon sa kinaiya sa grabeng pagpaniwang dihang gi-share nga konektado sa mga problema sa pagkaon
  • Content nga naay mga instruksyon para sa limitadong pagkaon dihang i-share nga konektado sa mga problema sa pagkaon
  • Content nga nagyagayaga sa mga biktima o naluwas gikan sa pagpakamatay, pagpasakit sa kaugalingon o mga problema sa pagkaon nga publikong nailhan o nagpasabot nga makasinati o nakasinati og pagpakamatay, pagpasakit sa kaugalingon o mga problema sa pagkaon
  • Hulagway nga nagpakita sa pag-usab sa lawas (pananglitan, tattoo, piercing, pagtangtang sa uwat, pagbunal sa kaugalingon, uban pa) dihang gi-share sa konteksto sa pagpakamatay o pagpasakit sa kaugalingon
Para sa mosunod nga content, gibutang namo ang warning screen aron mahibalo ang mga tawo nga naa tingali negatibong epekto sa uban ang content: Makita lang ang content sa mga adulto nga 18 anyos pataas:
  • Mga litrato o video nga nagpakita sa usa ka tawo nga naghimog euthanasia/intensiyonal nga pagtabang sa usa ka tawo nga magpakamatay sa medikal nga setting
  • Content nga nagpakitag kanhing mga hitabo sa pagpasakit sa kaugalingon sama sa naayo nang mga samad o uban pang dili grabe nga hulagway sa konteksto sa pagpasakit sa kaugalingon sa pagpasakit sa kaugalingon, pagpakamatay o pagkaayo
  • Content nga nagpakita sa mga gusok, collar bones, gintang sa paa, bat-ang, hupyak nga tiyan, makita na nga mga dugokan, scapula, makita nga mga bukog sa kamot o tiil o hupyak nga aping sa konteksto sa pagkaayo
Para sa mosunod nga content, hatagan namog mga tinubdan niadtong mga adulto nga nag-edad og 18 anyos pataas lang ang tugotan namong makakita:
  • Gisulat o verbal nga pag-angkon sa pagpakamatay, pagpasakit sa kaugalingon o mga problema sa pagkaon
  • Dili klaro ug posibleng mga pahayag sa pagpakamatay o mga paghisgot (apil ang mga meme o stock imagery bahin sa depresyon tungod sa makaguol nga mood, nga nagpresentar sa kamatayon aron makaikyas, o content gikan sa komon nga kultura nga nagpasiugda sa ngitngit ug makaguol pag-ayo nga mga hunahuna) sa konteksto sa pagpakamatay o pagpasakit sa kaugalingon.
Para sa mosunod nga content, mga 18 anyos pataas lang ang tugotan namong makakita:
  • Pagyagayaga o pagbalewala sa konsepto sa pagpakamatay, pagpasakit sa kaugalingon o mga problema sa pagkaon
  • Mga estorya nga naay paghulagway sa pagpakamatay nga naay mga detalye nga labaw pa sa basta pagngalan o paghisgot lang sa hitabo o sa resulta
  • Pag-angkon sa kinaiya sa grabeng pagpaniwang
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
  • Tangtangon tingali namo ang mga suicide note dihang makompirmar namo ang pagsulay sa pagpakamatay. Sulayan namo ang pag-ila sa mga suicide note gamit ang lainlaing butang, apil ang, pero dili limitado sa:
    • Mga hangyo sa pamilya o legal nga mga representante,
    • Mga report gikan sa media, tigpatuman sa balaod, o uban pang tinubdan sa third party (pananglitan, mga ahensiya sa gobyerno, NGO), o ang Suicidal Content Contact Form o Instagram Contact Form.
    • Hatagan tingali namog pagtagad ang mga wala sa-platform nga mga sinyales sa pag-angkon o pagpasiugda sa pagpakamatay, pagpasakit sa kaugalingon, mga problema sa pagkaon o mga kinaiya sa grabeng pagpaniwang gikan sa usa ka user aron susihon kon posible bang makadaot sa uban ang content nga iyang gi-post sa mga platform sa Meta.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa pagpakamatay, pagpasakit sa kaugalingon, ug mga problema sa pagkaon
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang