Spam

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Dili namo tugotan ang content nga gihimo aron ilaron, masaypan og sabot, o paulanan og impormasyon ang mga user aron artipisyal nga mapadaghan ang motan-aw. Makuhaan niini nga content ang katakos sa mga tawo nga tinuod nga makiglambigit sa among mga platform ug posibleng mameligro ang seguridad, kalig-on, ug paggamit sa among mga serbisyo. Naningkamot pod ming likayan ang abusadong mga pamaagi, sama sa pagpakatag og makailad nga mga link aron mailad ang mga user gamit ang makalibog nga functionality o code, o masundog ang kasaligang domain.
Dakog kita ang online spam. Kinahanglang kanunayng mag-usab-usab ang among mga palisiya aron makaapas ni sa nagkadaghang spam trend ug mga pamaagi. Aron masuklan ang spam, naningkamot mi aron maglisod ang mga tighimo ug tig-apod-apod niini diha sa among mga platform, pinaagi sa pagprotektar sa kanindot ug katinuod sa atong komunidad.
Dili namo tugotan ang:
  • Pagsige og post, share, pagpakiglambigit sa content o paghimog mga account, Grupo, Page, Event o uban pang asset, manumano man o awtomatiko.
    • Butangan tingali namog mga limitasyon ang mga account nga dili kaayo nagahimo niini kon naay ubang ilhanan sa Spam (pananglitan, pag-post sa mao ra nga content) o mga sinyales sa pagkadili-matinud-anon.
  • Pagsulay o malamposong pagbaligya, pagpalit, o pagpakigbaylo og mga platform asset, sama sa mga account, grupo, page, ug uban pa.
  • Pagsulay o malamposong pagbaligya, pagpalit, o pagpakigbaylo og mga pribilehiyo sa site, sama sa mga papel sa admin o moderator, o pagtugot nga mag-post sa espesipikong mga space.
  • Pagsulay o malamposong pagbaligya, pagpalit, o pagpakigbaylo og content para sa usa ka butang nga nagkantidad og kuwarta, gawas sa klarong gipaila diha sa Branded Content, simala sa among. Palisiya sa Branded Content.
  • Pagsulay o malamposong pagbaligya, pagpalit, o pagpakigbaylo og mga pagpakiglambigit, sama sa mga like, share, view, follow, click, paggamit og espesipikong mga hashtag, ug uban pa. Apil ini ang:
    • Pagtanyag og mga ipanghatag (sama sa, pagtanyag sa uban og kahigayonan nga modaog) nga kuwarta o nagkantidad og kuwarta para sa pagpakiglambigit. (pananglitan, “Kadtong mo-like sa akong page makadaog og $500”)
    • Pagtanyag nga mohatag og bisan unsa nga nagkantidad og kuwarta para sa pagpakiglambigit. (pananglitan, “Kon i-like nimo akong page, hatagan ti kag iPhone!”)
  • Pagpangayo o pagpangangkon nga kinahanglang makiglambigit ang mga user sa content (pananglitan, pag-like, pag-share) ayha sila maka-view o makapakiglambigit sa gisaad nga content.
  • Pag-share og makailad nga mga URL, domain, o application apil ang:
    • Cloaking: Ang cloaking mao ang bisan unsang pagsulay i-bypass ang among mga palisiya sa content pinaagi sa tinuyong pagpresentar og laing content nga wala sa platform, sama sa mga URL o mga application, diha sa among mga integrity system kon itandi sa kon unsay makita sa mga user.
    • Makailad nga mga Link: Content nga naay link nga nagsaad og usa ka klase sa content pero lahi kaayo ang ihatag nga content. Puwede apil ani ang content diha sa gisaad nga app o software.
    • Makailad nga adtoan sa mga link: Mga website nga nagkinahanglan og aksiyon (pananglitan, captcha, pagtan-aw og ad, i-click diri) aron makita ang gidahom nga content nga adtoan pero mausab ang domain name sa URL pagkahuman sa gipangayong aksiyon, o awtomatikong dad-on ang mga user ngadto sa lahi kaayong domain bisag walay gihimong aksiyon ang user.
    • Like/share-gating: Pagpangayo sa mga user nga makiglambigit (sama sa pag-like, pag-share, pag-follow, o ubang pang klase sa pangpublikong pagpakiglambigit) aron ma-access ang espesipiko ug eksklusibong content.
    • Makailad nga function sa platform - Pagsundog sa mga feature o functio nsa among mga serbisyo, sama sa pagsundog sa fundraising, in-line poll, play button, o Like button diin wala naglungtad ang function o dili motrabaho sumala sa gidahom, aron makaadto ang user sa usa ka link.
    • Makailad nga function sa landing page: Mga website nga naay makailad nga user interface, nga moresulta og pag-generate og walay tuyoa nga traffic (pananglitan, mga pop-up/under, clickjacking, ug uban pa). Apil ani ang mga taktika nga sama sa trapping, diin mogawas ang wala kinahanglanang mga pop-up dihang mosulay ang user og biya sa landing page.
    • Pagsundog sa landing page o domain - Usa ka landing page, URL, o external website o domain nga wala sa platform ug nagpakaaron-ingong iladong brand o serbisyo pinaagi sa paggamit sa ngalan, domain o content nga naay mga typo, sayop nga spelling o uban pang pagsundog sa iladong mga website, domain o brand gamit ang landing page nga parehas sa uban ug kasaligang site.
    • Uban pang makailad nga paggamit sa mga URL o link nga parehas kaayo sa naa sa ibabaw.
  • Bisan pa sa naa sa ibabaw, dili namo idili ang:
    • Pag-promote sa mga brand sa mga produkto sa laing brand nga wala gipasiugda sa third party
    • Pagbalhin sa mga responsibilidad sa admin o pag-moderate sa usa ka page o grupo ngadto sa laing user base sa ilang interes sa page o grupo, imbes para sa pagpakigbaylo og butang nga naay kantidad.
    • Pag-post o pag-share og klarong giila nga Branded Content.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa spam
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang