Sayop nga Impormasyon

Mga Detalye sa Palisiya
Mga Kasinatian sa User

Mga detalye sa palisiya

BAG-OHA ANG LOG
Policy Rationale
Ang Sayop nga Impormasyon lahi kay sa ubang klase sa pagpahayag sa kaugalingon nga gihisgotan diha sa atong Mga Tamdanan sa Komunidad kay walay laing paagi sa pagbaton og kompletong listahan kon unsay gidili. Pananglitan, klarong gihisgotan sa among mga palisiya ang gidili nga content bahin sa graphic nga pagkabayolente o binuhatan nga naay pagdumot, ug masundan gani ni bisan sa mga tawo nga supak sa maong mga palisiya. Pero kon bahin sa sayop nga impormasyon, dili namo mahatag sama niana nga palisiya. Nagsigeg kausab ang kalibotan, ug ang tinuod karon, lagmit dili na tinuod sa sunod higayon. Lainlain pod ang lebel sa sayop nga impormasyon sa mga tawo diha sa ilang palibot, ug nagtuo tingali sila nga husto ang usa ka butang bisag sayop ni. Dili makahatag og mapuslanong giya ang palisiya nga igo lang nagdili sa “sayop nga impormasyon” ngadto sa mga tawo nga naggamit sa among mga serbisyo ug dili ni mapatuman, kay wala mi kompletong access sa impormasyon.
Naghatag hinuon ang mga among mga palisiya og lainlaing kategorya sa sayop nga impormasyon ug nagsulay sa paghatag og klarong giya kon unsay himoon dihang makita namo ang maong paagi sa pagpahayag. Para sa kada kategorya, gipakita sa among mga aksiyon ang paningkamot nga balansehon ang among mga prinsipyo sa pagpahayag, safety, dignidad, pagkatinuod, ug pagkapribado.
Tangtangon namo ang sayop nga impormasyon kon posible ning makaamot sa kapeligrohan sa pisikal nga kadaot. Tangtangon pod namo ang content nga posibleng makababag sa pagpatuman sa mga proseso sa politika. Aron mailhan kon unsay mga timaan sa sayop nga impormasyon niini nga mga kategorya, nakig-partner mi sa mga eksperto nga nahibalo sa pagsusi kon tinuod ba ang content ug kon posible ning direktang makaamot sa kapeligrohan sa kadaot. Pananglitan, apil ani ang pagpakig-partner sa mga organisayon sa mga katungod sa tawo nga naglihok sa usa ka nasod aron masusi kon tinuod ba ang mikatag nga mga estorya bahin sa sibil nga mga problema.
Para sa tanang sayop nga impormasyon, tumong namo nga makuhaan ni o makahimog palibot nga nagpasiugda og positibong panag-estoryahanay. Nahibalo mi nga sagad gamiton sa mga tawo ang sayop nga impormasyon sa paagi nga dili ra makadaot, sama pananglitan sa sobrang pagpasiugda sa usa ka punto (“Kini nga team ang kinabatian og rekord sa tanang sport!”) o aron magpakatawa (“Nakadaog akong bana og Husband of the Year.”) Ipaambit pod tingali nila ang ilang kasinatian gamit ang mga estorya nga naay sayop nga impormasyon. Sa pipila ka kaso, magpaambit ang mga tawo og personal kaayo nga mga opinyon nga giisip sa uban nga sayop o impormasyon nga para nila tinuod pero giisip sa uban nga dili kompleto o posibleng masaypan.
Kay giila namo nga komon kaayo ni, nagpokus mi sa paghatag sa mga user og mapuslanong impormasyon dihang naay content nga posibleng masaypan o makalibog. Ingong kabahin sa maong paningkamot, nakig-partner mi sa gawas sa United States sa mga third-party nga mga organisasyon nga tigsusi sa kamatuoran aron rebyohon ug i-rete ang katinuod sa kadaghanan sa pinaka-viral nga content sa among mga platform (tan-awa dinhi ug dinhi kon unsay amonzg ginahimo sa United States). Sugod sa United States, ang programa nga Note sa Komunidad nagtugot sa mga tawo sa pagdugang og konteksto sa mga post sa Facebook, Instagram ug Thread nga posibleng masaypan og sabot o makalibog (tan-awa dinhi). Naghatag pod mig mga kakuhaan aron modako ang kahibalo bahin sa media ug sa digital literacy aron mahibalo ang mga tawo kon unsay basahon, saligan, ug i-share. Gamit ang among AI-disclosure tool, kinahanglang maghatag og impormasyon ang mga tawo ihang mag-post sila og organic nga content nga naay tinuod tan-awon o paminawon nga video o audio nga digital nga gihimo o giusab, ug posible ming maghatag og penalty kon dili nila ni himoon. Pwede pod ming magdugang og label sa usa ka partikular nga content nga digital nga gihimo o giusab nga magpadako sa kapeligrohan nga masaypan sa mga tawo ang usa ka butang nga importante sa publiko.
Ug, idili namo ang content ug binuhatan sa ubang aspeto nga sagad konektado sa pagpakatag og sayop nga impormasyon. Pananglitan, gidili sa among mga Tamdanan sa Komunidad ang peke nga account, pagpangilad, ug giplano nga dili tinuod nga pamatasan.
Kay mag-usab-usab man ang kahimtang online ug offline, padayon namong usbon kini nga mga palisiya. Ang mga account nga balikbalik nga mag-share og sayop nga impormasyon nga gilista sa ubos pwedeng dili kaayo makita, malimitahan ang ilang katakos sa pag-advertise, o matangtang sa among platform, gawas pa sa pagtangtang sa ilang content base niini nga palisiya. Ang dugang impormasyon kon unsay mahitabo dihang tangtangon sa Meta ang content makita dinhi.
Mga Giya
Among tangtangon nga sayop nga impormasyon:
Tangtangon namo ang mosunod nga mga klase sa sayop nga impormasyon:
I. Pisikal nga Kadaot o Pagkabayolente
Tangtangon namo ang sayop nga impormasyon o dili mapamatud-an nga mga tabitabi nga giila sa among mga ekspertong partners nga posibleng direktang makaabot sa kapeligrohan sa pagkabayolente o pisila nga kadaot ngadto sa mga tawo. Among gihulagway ang sayop nga impormasyon ingong content nga naay pangangkon nga giilang sayop sa usa ka kasaligang third party. Among gihulagway ang dili mapamatud-ang tabitabi ingong pangangkon nga giila sa ekspertong mga partners nga gikan sa lisod o imposibleng masuta nga source, diin walay kasaligang mga tinubdan, diin dili klarong mapamatud-ang sayop ang pangangkon, o diin ang pangankon sobra ra ka makapakurat o ka katingad-anan aron tuohan.
Nahibalo mi nga usahay ang sayop nga impormasyon nga impormasyon nga morag wala ray bili posibleng makaamot sa kapeligrohan sa offline nga kadaot sa pipila ka konteksto, apil ang mga hulga sa pagkabayolente nga pwedeng ikonektar sa mas dakong kapeligrohan sa kamatayon, grabeng pagkaangol, o uban pang pisikal nga kadaot. Makigtinabangay mi sa tibuok kalibotang network sa mga non-governmental organization (NGO), mga organisasyon nga wala nagpaganansiya, humanitarian nga mga organisasyon, ug internasyonal nga mga organisasyon nga eksperto niini nga mga lokal nga dynamics.
Sa mga nasod nga nakasinatig dakong hulga sa pagkabayolente sa katilingban, aktibo ming nakigtinabangay sa lokal nga mga partner aron masabtan kon hain sa sayop nga mga pangangkon ang posibleng direktang makaamot sa kapeligrohan sa pisikal nga kadaot. Dayon, makigtinabangay mi aron mailhan ug matangtang ang content nga naghimo sa maong mga pangangkon diha sa among platform. Pananglitan, base sa pagpangonsulta sa lokal nga mga eksperto, tangtangon tingali namo ang wala sa konteksto nga media nga sayop nga nag-angkon sa pagpakita og mga buhat sa pagkabayolente, mga biktima o tighimog mga pagkabayolente, hinagiban, o military hardware.
II. Makadaot nga Sayop nga Impormasyon
Among konsultahon ang nangunang mga organisasyon sa panglawas aron ilhon ang mga sayop nga impormasyon bahin sa panglawas nga posibleng makaamot sa kadaot sa panglawas ug safety sa publiko. Apil sa mosunod ang makadaot nga sayop nga impormasyon sa panglawas nga among tangtangon:
  • Sayop nga impormasyon bahin sa mga bakuna. Tangtangon namo ang sayop nga impormasyon bahin sa mga bakuna dihang mohinapos ang publikong mga awtoridad sa panglawas nga sayop ang impormasyon ug posibleng makaamot sa pagbalibad sa pagpabakuna. Apil ani ang:
    • Bakuna ang hinungdan sa autism (Pananglitan: “Ang daghang bakuna ang hinungdan kon nganong daghan kaayog bata nga autistic karon.”)
    • Bakuna ang hinungdan sa Sudden Infant Death Syndrome (Pananglitan: “Kahibalo ba kag unsay hinungdan sa SIDS?”
    • Bakuna ang hinungdan sa sakit nga mao untay angay niining protektahan, o maoy rason kon nganong dakog posibilidad nga masakit nga hinuon ang nagpabakuna sa sakit nga suklan unta sa bakuna (Pananglitan: “Ang bakuna may rason nga masakit na gyod hinuon ka kay naa man nay sagol nga strain sa sakit. Pagbantay!”)
    • Makamatay, makahilo, makadaot, o delikado ang mga bakuna o ang mga sagol niini (Pananglitan: “Puwede man kang magpabakuna, kon gusto nimong hiloan imong lawas.”)
    • Mas maayo ang natural nga pagka-immune kay sa pagka-immune nga tungod sa bakuna (Pananglitan: “Mas maayo pang masakit kay sa magpabakuna.”)
    • Delikado nga sunodsunod ang imong pagpabakuna, bisag rekomendado ni sa doktor (Pananglitan: “Ayawg idugang ang daghang bakuna, delikado na - bahalag unsay iingon sa imong doktor!”)
    • Dili epektibo ang mga bakuna aron malikayan ang sakit nga ilang giprotektahan kuno. Pero, para sa mga bakuna sa COVID-19, trangkaso, ug malaria, dili namo tangtangon ang mga pangangkon nga dili epektibo ang maong mga bakuna aron malikayan nga mataptan sa maong mga virus. (Pananglitan: Tangtangon – “Dili makatabang ang bakuna sa polio aron malikayan nga ma-polio ka”; Tangtangon – “Wala may mahimo ang mga bakuna aron dili ka masakit”; Tugotan – “Dili makapugong ang bakuna nga mataptan kag COVID-19, mao nga kinahanglang gihapon kang mopalayo sa mga tawo ug mag-mask kon naa kay kauban.”)
    • Dili makamatay ang tipdas (nagkinahanglang og dugang impormasyon ug/o konteksto) (Pananglitan: “Ayawg kabalaka kon matipdas ka, di man na makamatay.”)
    • Parehas ra ka epektibo ang Vitamin C ug ang mga bakuna aron malikayan ang mga sakit nga maoy rason kon nganong gihimo ang mga bakuna.
  • Sayop nga impormasyon bahin sa panglawas panahon sa mga publikong emergency sa panglawas. Tangtangon namo ang impormasyon panahon sa mga publikong emergency sa panglawas dihang mohinapos ang mga awtoridad sa publikong awtoridad sa panglawas nga sayop ang impormasyon ug posibleng makaamot sa hulga sa pisikal nga kadaot, apil ang pag-amot sa hulga nga posibleng mataptan o mokatag ang makadaot nga sakit o balibaran ang bakuna nga para sa maong sakit. Among ilhon ang mga publikong emergency sa panglawas sa tabang sa mga awtoridad sa panglawas sa tibuok kalibotan ug sa lokal.
  • Pag-promote o pagpasiugda sa makadaot nga mga milagrosong tambal para sa mga problema sa panglawas. Apil ani ang mga tambal nga ang rekomendadong gamitan, sa konteksto sa panglawas, posibleng makaamot sa kapeligrohan sa seryosong pagkaangol o kamatayon, ug ang tambal dili gyod para sa pagtambal sa panglawas (pananglitan: bleach, disinfectant, black salve, caustic soda).
III. Pagpanghilabot sa Pagboto o Sensus
Sa pagpaningkamot nga i-promote ang pagkakasaligan sa eleksyon ug sensus, tangtangon namo ang sayop nga impormasyon nga posibleng makaamot sa kapeligrohan sa pagpanghilabot sa katakos sa mga tawo nga moapil niini nga mga proseso. Apil ani ang mosunod:
  • Sayop nga impormasyon bain sa mga petsa, lokasyon, oras, ug mga pamaagi sa pagbotar, pagparehistro, o pag-apil sa sensus.
  • Sayop nga impormasyon bahin sa kon kinsay makabotar, mga kwalipikasyon sa pagbotar, kon maihap ba ang boto, ug kon unsang impormasyona o mga materyal ang kinahanglang ihatag aron makabotar.
  • Sayop nga impormasyon bahin sa kon modagan pa ang usa ka kandidato o dili.
  • Sayop nga impormasyon bahin sa kon kinsay makaapil sa sensus ug kon unsang impormasyon o mga materyal ang kinahanglang ihatag aron makaapil.
  • Sayop nga impormasyon bahin sa kalambigitan sa gobyerno diha sa sensus, apil ang bahin sa kon ang impormasyon ba sa sensus sa usa ka indibidwal ipaambit ngadto sa uban (dili pangsensus) nga ahensya sa gobyerno, kon nahiangay.
  • Sayop o wala makompirmar nga mga pangangkon nga ang U.S. Immigration and Customs Enforcement (ICE) maoy usa ka lokasyon sa pagbotar.
  • Klarong sayop nga mga pangangkon nga mataptan ang mga tawo og COVID-19 (o uban pang makatakod nga sakit) kon moapil sila sa proseso sa pagbotar.
  • Sayop nga mga pangangkon bahin sa kasamtangang kahimtang sa lokasyon nga botaranan sa U.S. nga maoy rason kon nganong imposibleng makabotar, sumala sa gikompirmar sa awtoridad sa eleksiyon.
Naa mi dugang palisiya para sa mga panawagan sa pagkabayolente, pagpasiugda og ilegal nga pagpakigbahin, ug panawagan para sa organisadong pagpanghilabot sa mga eleksiyon, nga girepresentahan sa ubang seksiyon sa among mga Tamdanan sa Komunidad.
Para sa mosunod nga content, magbutang mig label nga maghatag og impormasyon:
Gimanipula nga Media
Puwedeng i-edit ang media sa daghang paagi. Sa daghang kahimtang, wala ray epekto kini nga mga kausaban, sama sa gi-crop o gipamubo nga content para nindot ning tan-awon o gidugangan og musika. Sa ubang kahimtang, dili klaro ang pagmanipula ug puwedeng makailad.
  • Content nga Digital nga Gihimo o Giusab nga Posibleng Makailad. Para sa content nga wala misupak sa among mga Tamdanan sa Komunidad, magbutang tingali mig label nga maghatag og impormasyon sa atubangan sa content – o dili dawaton ang content nga gisumite ingon nga advertisement – dihang ang content maoy litrato o video nga morag tinuod tan-awon, o morag tinuod ang audio, pero digital diay nga gihimo o giusab ug makahimog dakong kapeligrohan nga mailad ug grabeng maapektohan ang publiko.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa sayop nga impormasyon
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang